മാമുക്കോയ വിട വാങ്ങി

April 26th, 2023

actor-mamukkoya-passes-away-ePathram
പ്രശസ്ത നടൻ മാമുക്കോയ അന്തരിച്ചു. ഇന്ന് ഉച്ചയോടെ ആയിരുന്നു അന്ത്യം. ഹൃദയാഘാതത്തെ തുടർന്ന് കോഴിക്കോട്ടെ സ്വകാര്യ ആശുപത്രിയിൽ ചികിത്സ യിൽ ആയിരുന്നു. ഏപ്രിൽ 24 ന് മലപ്പുറം വണ്ടൂരിലെ സെവൻസ് ടൂർണമെന്‍റ് ഉദ്ഘാടനത്തിന് എത്തിയ മാമുക്കോയക്ക് തളര്‍ച്ച അനുഭവപ്പെടുകയും ആശുപത്രിയില്‍ പ്രവേശിപ്പിക്കുകയും ചെയ്തു. ഹൃദയാഘാതത്തോടൊപ്പം തലച്ചോറില്‍ ഉണ്ടായ രക്ത സ്രാവമാണ് മരണ കാരണം എന്നാണ് റിപ്പോര്‍ട്ടുകള്‍. തീവ്ര പരിചരണ വിഭാഗത്തിലായിരുന്നു അദ്ദേഹം.

കോഴിക്കോട് സ്വദേശിയായ മാമുക്കോയ വിദ്യാർത്ഥി ആയിരിക്കുമ്പോൾ തന്നെ നാടക പ്രവർത്തകന്‍ ആയിരുന്നു. നാടക രംഗത്തു നിന്നുമാണ് സിനിമയിൽ എത്തിയത്.

പ്രശസ്ത നാടക – സിനിമാ പ്രവർത്തകരായ കെ. ടി. മുഹമ്മദ്, വാസു പ്രദീപ്, ബി. മുഹമ്മദ് (കവി മാഷ്), എ. കെ. പുതിയങ്ങാടി, കെ. ടി. കുഞ്ഞ്, ചെമ്മങ്ങാട് റഹ്‌മാൻ തുടങ്ങിയവരുടെ നാടകങ്ങളിൽ ശ്രദ്ധേയമായ വേഷങ്ങൾ ചെയ്തു.

നിലമ്പൂർ ബാലൻ സംവിധാനം ചെയ്ത അന്യരുടെ ഭൂമി (1979) എന്ന സിനിമയിലൂടെയാണ് ചലച്ചിത്ര രംഗത്ത് എത്തിയത്. തുടർന്ന്, കലാ സംവിധായകന്‍ കൂടിയായ എസ്. കൊന്നനാട്ട് സംവിധാനം ചെയ്ത സുറുമയിട്ട കണ്ണുകള്‍ (1982) എന്ന ചിത്രത്തില്‍ അഭിനയിച്ചു. ബേപ്പൂർ സുൽത്താൻ വൈക്കം മുഹമ്മദ് ബഷീറിൻ്റെ ശുപാർശയിലാണ് ഈ സിനിമയിൽ വേഷം ചെയ്യാൻ കഴിഞ്ഞത് എന്ന് അദ്ദേഹം പറഞ്ഞിട്ടുണ്ട്.

pma-rahiman-with-mamukkoya-thudarum-tele-film-ePathram

സിബി മലയില്‍ സംവിധാനം ചെയ്ത ദൂരെ ദൂരെ ഒരു കൂടു കൂട്ടാം എന്ന ചിത്രത്തിലെ അറബി മുന്‍ഷിയുടെ വേഷം ഏറെ ശ്രദ്ധിക്കപ്പെട്ടു. തുടർന്ന് ലഭിച്ചതെല്ലാം കോമഡി നിറഞ്ഞ കഥാപാത്രങ്ങൾ ആയിരുന്നു. സത്യൻ അന്തിക്കാടിൻ്റെ നാടോടിക്കാറ്റ്, സിദ്ധീഖ് ലാലിൻ്റെ ആദ്യ സിനിമ റാംജി റാവ് സ്പീക്കിംഗ്, മഴവില്‍ക്കാവടി, പെരുവണ്ണാപുരത്തെ വിശേഷങ്ങള്‍, പ്രാദേശിക വാര്‍ത്ത കള്‍, കൗതുക വാര്‍ത്ത, സന്ദേശം, തലയണ മന്ത്രം, ശുഭയാത്ര, ഹിസ് ഹൈനസ് അബ്ദുള്ള, വരവേല്പ് തുടങ്ങി നിരവധി സിനിമകളിലൂടെ ഹാസ്യത്തിൻ്റെ വേറിട്ട ഒരു ശൈലി തന്നെ അദ്ദേഹം അവതരിപ്പിച്ചു.

സിനിമയിലെ ഹാസ്യാഭിനയത്തിന് സംസ്ഥാന സര്‍ക്കാര്‍ ആദ്യമായി പുരസ്‌കാരം ഏര്‍പ്പെടുത്തിയ 2008 ല്‍ ‘ഇന്നത്തെ ചിന്താ വിഷയം’ എന്ന സിനിമയിലെ പ്രകടനത്തിന് മികച്ച ഹാസ്യ നടനുള്ള അവാർഡ് ലഭിച്ചത് മാമുക്കോയക്ക് ആയിരുന്നു.

ഹാസ്യം മാത്രമല്ല ക്യാരക്ടർ റോളുകളും തനിക്ക് വഴങ്ങും എന്നും അദ്ദേഹം തെളിയിച്ചു. കമൽ സംവിധാനം ചെയ്ത ‘പെരുമഴക്കാലം’ എന്ന സിനിമയിലെ അബ്ദു എന്ന കഥാ പാത്രത്തിലൂടെ കേരള സംസ്ഥാന ചലച്ചിത്ര അവാർഡിൽ അദ്ദേഹത്തിന് പ്രത്യേക പരാമർശം ലഭിച്ചു.

actor-mamukkoya-with-shajahan-thudarum-tele-cinema-ePathram

പ്രവാസി കലാകാരൻ ഷാജഹാന്‍ ചങ്ങരംകുളം തിരക്കഥ എഴുതി സംവിധാനം ചെയ്ത് യു. എ. ഇ. യില്‍ ചിത്രീകരിച്ച ‘തുടരും…’ എന്ന ടെലി സിനിമ യിൽ ഏവരുടെയും കണ്ണ് നനയിക്കുന്ന പ്രകടനമാണ് അദ്ദേഹം കാഴ്ച വെച്ചത്.

ദേശീയ അവാര്‍ഡ് നേടിയ സുവീരന്‍റെ ബ്യാരി യിലെ പ്രകടനവും ശ്രദ്ധേയമായിരുന്നു. സുനില്‍ സംവിധാനം ചെയ്ത കോരപ്പന്‍ ദ ഗ്രേറ്റ് (2001), ഉരു (2023) എന്നീ ചിത്രങ്ങളില്‍ അദ്ദേഹം നായകനായി അഭിനയിച്ചു.

അഷ്‌റഫ് ഹംസ സംവിധാനം ചെയ്ത സുലൈഖ മന്‍സില്‍ എന്ന സിനിമയാണ് ഏറ്റവും അവസാനം റിലീസ് ചെയ്തത്.

- pma

വായിക്കുക: , , ,

1 അഭിപ്രായം »

പിന്നണി ഗായിക വാണി ജയറാം അന്തരിച്ചു

February 4th, 2023

play-back-singer-vani-jairam-ePathram
പ്രശസ്‌ത ഗായിക വാണി ജയറാം (78) അന്തരിച്ചു. ചെന്നൈയിലെ വസതിയിലായിരുന്നു അന്ത്യം. മലയാളം, തമിഴ്, ഹിന്ദി, കന്നഡ, തെലുങ്ക്, മറാത്തി, ഒഡിയ, ബംഗാളി, തുളു തുടങ്ങി 19 ഇന്ത്യൻ ഭാഷകളിൽ ഗാനങ്ങൾ ആലപിച്ച ഗായികയാണ്.

ഭക്തി ഗാനങ്ങളും സ്വകാര്യ ആൽബങ്ങളും ഉൾപ്പെടെ 10,000 ത്തില്‍ അധികം ഗാനങ്ങൾ വാണി ജയറാം ആലപിച്ചിട്ടുണ്ട്. 1971 ൽ പുറത്തുവന്ന ഗുഡ്ഡി എന്ന ഹിന്ദി സിനിമയിലെ’ബോലേ രേ പപ്പി’ ആയിരുന്നു ആദ്യ സിനിമാ ഗാനം.

സ്വപ്നം എന്ന സിനിമയിലെ ‘സൗരയൂഥത്തിൽ വിടർന്നോരു കല്യാണ സൗഗന്ധികമാണീ ഭൂമീ…’ എന്നു തുടങ്ങുന്ന ഗാനവുമായി സലിൽ ചൗധരിയാണ് വാണി ജയറാമിനെ മലയാളത്തിലേക്ക് കൊണ്ടു വരുന്നത്.

പിന്നീട് ചിത്രവർണ്ണ പുഷ്പജാലമൊരുക്കി വെച്ചൂ (അയലത്തെ സുന്ദരി), വാൽക്കണ്ണെഴുതി വനപുഷ്പം ചൂടി (പിക്നിക്), നാടൻ പാട്ടിലെ മൈന (രാഗം), ആഷാഢ മാസം ആത്മാവില്‍ മോഹം (യുദ്ധഭൂമി), നാദാപുരം പള്ളിയിലെ ചന്ദന കുടത്തിന് (തച്ചോളി അമ്പു), ഏതോ ജന്മ കൽപനയിൽ (പാളങ്ങള്‍), സീമന്തരേഖയിൽ ചന്ദനം ചാർത്തിയ (ആശീർ വാദം), തിരുവോണപ്പുലരിതൻ (തിരുവോണം), മനസ്സിൻ മടിയിലെ മാന്തളിരിൻ (മാനത്തെ വെള്ളിത്തേര്) തുടങ്ങി ഒട്ടനവധി ഹിറ്റ് ഗാനങ്ങൾ വാണി ജയറാമിന്‍റെ സ്വര മാധുരിയില്‍ മലയാള സിനിമാ സംഗീത ശാഖ ധന്യമായി.

ഒരു നീണ്ട ഇടവേളക്കു ശേഷം ‘1983’ എന്ന സിനിമ യിലെ ‘ഓലഞ്ഞാലി കുരുവി…’ എന്ന ഗാനം പാടി  വാണി ജയറാം മലയാളത്തില്‍ വീണ്ടും എത്തി. ആക്ഷൻ ഹീറോ ബിജു എന്ന സിനിമയില്‍ ‘പൂക്കൾ… പനിനീര്‍ പൂക്കള്‍, പുലിമുരുകന്‍ എന്ന സിനിമയിലെ ‘മാനത്തെ മാരിക്കുറുമ്പേ…’ തുടങ്ങിയ പാട്ടുകളും ഹിറ്റ് ചാര്‍ട്ടില്‍ ഇടം പിടിച്ചു.

പിന്നണി ഗായികക്കുള്ള ദേശീയ ചലച്ചിത്ര പുരസ്‌കാരം മൂന്ന് തവണ അവരെ തേടിയെത്തി. 1975 ൽ തമിഴ് ചിത്രമായ അപൂർവ്വ രാഗത്തിലെ ഏഴു സ്വരങ്ങളുക്കുൾ എന്ന ഗാനത്തിനും 1980 ൽ ശങ്കരാഭരണം സിനിമ യിലെ ഗാനാലാപനത്തിനും 1991ൽ സ്വാതി കിരണം സിനിമയിലെ ആലാപന ത്തിനുമാണ് ദേശീയ പുരസ്കാരം കരസ്ഥമാക്കിയത്.

തമിഴ്‌നാട്, ആന്ധ്രാ പ്രദേശ്, ഗുജറാത്ത്, ഒഡീഷ തുടങ്ങിയ സംസ്ഥാന ങ്ങളിൽ നിന്നും മികച്ച ഗായികക്കുള്ള പുരസ്‌കാര ജേതാവ് കൂടിയാണ്. പത്മഭൂഷൺ നൽകി രാജ്യം അവരെ ആദരിച്ചു. Face Book

- pma

വായിക്കുക: , , ,

അഭിപ്രായം എഴുതുക »

കെ. വിശ്വനാഥ് അന്തരിച്ചു

February 3rd, 2023

sankarabharanam-k-viswanath-ePathram
ശങ്കരാഭരണം എന്ന സിനിമയിലൂടെ ലോക പ്രശസ്തനായ സംവിധായകൻ കെ. വിശ്വനാഥ് (92) അന്തരിച്ചു. വാര്‍ദ്ധക്യ സഹജമായ അസുഖങ്ങളാല്‍ ചികിത്സയില്‍ ആയിരുന്നു. ഹൈദരാബാദിലെ വസതിയില്‍ വെച്ചായിരുന്നു അന്ത്യം. സംഗീതത്തിനും നൃത്തത്തിനും പ്രാധാന്യം നല്‍കി ഒരുക്കിയ ശങ്കരാഭരണം എന്ന സര്‍വ്വ കാല ഹിറ്റ് സിനിമക്ക് 1980 ലെ ഏറ്റവും മികച്ച ചലച്ചിത്രത്തിനുള്ള സ്വർണ്ണ കമലം പുരസ്കാരം നേടിയിരുന്നു.

മലയാളത്തില്‍ ഡബ്ബ് ചെയ്ത് റിലീസ് ചെയ്ത ശങ്കരാഭരണം ഒരു വര്‍ഷക്കാലം കേരളത്തിലെ തിയ്യേറ്ററുകളില്‍ നിറഞ്ഞോടി. ഗാനങ്ങള്‍ എല്ലാം തെലുങ്ക് തന്നെ ആയിരുന്നു എങ്കിലും മലയാളികള്‍ ഹൃദയത്തില്‍ ഏറ്റു വാങ്ങിയ ചിത്രമായിരുന്നു ശങ്കരാഭരണം. കമല്‍ ഹാസന്‍റെ അഭിനയ മികവും നൃത്ത പ്രാവീണ്യവും എടുത്തു കാട്ടിയ സാഗര സംഗമം, സ്വാതി മുത്യം അടക്കം തെലുങ്ക്, തമിഴ്, ഹിന്ദി ഭാഷകളിലായി അമ്പതിൽ പ്പരം ചിത്രങ്ങൾ സംവിധാനം ചെയ്ത അദ്ദേഹം തിരക്കഥാകൃത്തും അഭിനേതാവും ആയിരുന്നു.

ഇന്ത്യൻ സിനിമയിലെ പരമോന്നത ബഹുമതി ദാദാ സാഹേബ് ഫാൽക്കേ അവാർഡ് (2017), പദ്മശ്രീ (1992) എന്നിവ നൽകി രാജ്യം ആദരിച്ചു. അഞ്ച് ദേശീയ അവാർഡുകൾ, ആറ് സംസ്ഥാന നന്ദി അവാർഡുകൾ, പത്ത് സൗത്ത് ഇന്ത്യൻ ഫിലിം ഫെയർ അവാർഡുകൾ എന്നിവ അദ്ദേഹത്തിനും സിനിമകള്‍ക്കും ലഭിച്ചു.

- pma

വായിക്കുക: , ,

അഭിപ്രായം എഴുതുക »

രാജ്യാന്തര ചലച്ചിത്ര മേള : മനുഷ്യാവസ്ഥയെ പ്രതിഫലിപ്പിക്കുന്ന മേള എന്നു മുഖ്യമന്ത്രി

December 12th, 2022

27-th-international-film-festival-of-kerala-iffk-2022-ePathram
തിരുവനന്തപുരം : 27 -ാമത് കേരള അന്താരാഷ്ട്ര ചലച്ചിത്ര മേള (ഐ. എഫ്. എഫ്. കെ.) തിരുവനന്തപുരം നിശാ ഗന്ധി ഓഡിറ്റോറിയത്തിൽ തുടക്കമായി. ആസ്വാദനത്തിനും മനസ്സിന്‍റെ ഉല്ലാസത്തിനും ഒപ്പം ലോകത്ത് ആകമാനം ഉള്ള മനുഷ്യ അവസ്ഥകളെ പ്രതിഫലിപ്പിക്കുന്നതു കൂടിയാണ് ചലച്ചിത്ര മേള എന്ന് ഐ. എഫ്. എഫ്. കെ. സ്വിച്ച് ഓൺ ചെയ്തു മുഖ്യമന്ത്രി പിണറായി വിജയന്‍ പറഞ്ഞു.

കൊവിഡ് പരിമിതികൾ മറി കടന്ന് സിനിമകളുടേയും ആസ്വാദകരുടേയും വലിയ പങ്കാളിത്തം കൊണ്ടു ചരിത്ര പരമായ സാംസ്‌കാരിക ഉത്സവ മായി ഇത്തവണത്തെ ചലച്ചിത്ര മേള മാറുകയാണ് എന്നു ചടങ്ങിൽ അദ്ധ്യക്ഷത വഹിച്ച സാംസ്‌കാരിക വകുപ്പു മന്ത്രി വി. എൻ. വാസവൻ പറഞ്ഞു. പൊതു വിദ്യാ ഭ്യാസ- തൊഴിൽ വകുപ്പു മന്ത്രി വി. ശിവൻ കുട്ടി ഐ. എഫ്. എഫ്. കെ. ഫെസ്റ്റിവൽ ബുക്ക് പ്രകാശനം ചെയ്തു.

ഫെസ്റ്റിവൽ ഡയറക്ടറും ചലച്ചിത്ര അക്കാദമി ചെയർമാനുമായ രണ്‍ജിത്, ജൂറി ചെയർമാനും ജർമ്മൻ സംവിധായിക യുമായ വീറ്റ് ഹെൽമർ, ചലച്ചിത്ര അക്കാദമി വൈസ് ചെയർമാൻ പ്രേം കുമാർ, സെക്രട്ടറി സി. അജോയ്, മേളയുടെ ആർട്ടിസ്റ്റിക് ഡയറക്ടർ ദീപിക സുശീലൻ തുടങ്ങിയവർ പങ്കെടുത്തു.

ഉദ്ഘാടന ചടങ്ങിനു ശേഷം പുർബയൻ ചാറ്റർജിയുടെ സിതാർ കച്ചേരിയും അരങ്ങേറി. ശേഷം ഉദ്ഘാടന ചിത്രമായ ടോറി ആന്‍റ് ലോകിത പ്രദർശിപ്പിച്ചു. IFFK-2022InaugurationPRD

- pma

വായിക്കുക: , ,

അഭിപ്രായം എഴുതുക »

സിദ്ദീഖ് ലാലിനെ ഞെട്ടിച്ച മിമിക്രിക്കാരൻ

October 26th, 2022

super-hit-directors-sidheek-lal-ePathram
തൊട്ടതെല്ലാം പൊന്നാക്കിയ സംവിധായകൻ ആണ് സിദ്ദീഖ്. ലാലുമായി ചേർന്ന് സംവിധാനം ചെയ്ത ആദ്യ ചിത്രം റാംജി റാവ് സ്പീക്കിംഗ് മെഗാ ഹിറ്റ് ആയിരുന്നു. ഏതാണ്ട് ഒരു വർഷത്തോളം തിയേറ്ററിൽ പ്രദർശിപ്പിച്ച ഈ ചിത്ര ത്തിന് ശേഷവും മെഗാ ഹിറ്റുകളുടെ ഘോഷ യാത്രകള്‍ ആയിരുന്നു ഓരോ സിനിമകളും.

ഇൻ ഹരിഹർ നഗർ, ഗോഡ് ഫാദർ, വിയറ്റ്നാം കോളനി, കാബുളീ വാല, ഹിറ്റ്ലർ, ഫ്രണ്ട്സ്, ക്രോണിക് ബാച്ച്ലർ തുടങ്ങിയ ആദ്യ എട്ടു ചിത്രങ്ങളിൽ കാബുളീ വാല, ക്രോണിക് ബാച്ച്ലർ സൂപ്പർ ഹിറ്റ് ആയപ്പോൾ ബാക്കി ആറു ചിത്ര ങ്ങളും മെഗാ ഹിറ്റുകൾ ആയിരുന്നു.

1991 ൽ ഇറങ്ങിയ നാലാമത്തെ ചിത്രമായ ഗോഡ് ഫാദർ സ്ഥാപിച്ച റെക്കോർഡ്, ഇത്രയും വർഷങ്ങൾ കഴിഞ്ഞു ഇന്നും തകർക്കപ്പെടാതെ തങ്ക ലിപികളിൽ എഴുതപ്പെട്ടു കിടക്കുന്നു.

അങ്ങിനെ ഏതൊരു സംവിധായകനും കൊതിക്കുന്ന നിരവധി ഹിറ്റുകളുടെ ട്രാക് റെക്കോർഡ് ഉള്ള സിദ്ദീഖ് ഈയിടെ ഒരു പ്രമുഖ ചാനലിൽ കൂട്ടുകാരൻ  ലാലും ചേര്‍ന്നുള്ള പഴയ കാല അനുഭവ കഥകൾ  പറയുന്ന കൂട്ട ത്തില്‍  രസകരവും കൗതുക കരവുമായ ഒരു കഥ പറയുകയുണ്ടായി. ആ സംഭവ കഥയിലേക്ക് നമുക്കൊന്ന് കടക്കാം.

siddeek-lal-malayalam-film-industry-ePathram
സിദ്ദീഖും ലാലും ചേർന്ന് സിദ്ദീഖ് – ലാൽ എന്ന ബ്രാൻഡിൽ മിമിക്രി കളിച്ചു കൊണ്ടിരുന്ന കാലം. അന്ന് എറണാകുളത്തു നിന്നും അല്പം മാറിയുള്ള പൊന്നാരി മംഗലം ദേശത്താണ് സിദ്ദീഖ് ലാലിന്‍റെ സ്റ്റേജ് ഷോ. അവിടെയുള്ള ഒരു അമ്പലത്തിൽ നടക്കുന്ന ഉത്സവവുമായി ബന്ധപ്പെട്ടുള്ള പരിപാടി ആണ്. അന്ന് എറണാ കുളത്തു നിന്നും പൊന്നാരി മംഗലത്തേക്കു പോവാൻ പാലം വന്നിട്ടില്ലായിരുന്നു. അത് കൊണ്ട് തന്നെ ബോട്ടിൽ ആയിരുന്നു യാത്ര. ഉത്സവ ത്തിനോട് അനുബന്ധിച്ചുള്ള നോട്ടീസിൽ സിദ്ധീഖ് – ലാൽ അവതരിപ്പിക്കുന്ന മിമിക്രി എന്നു അച്ചടിച്ച് വന്നു.

അവർ പരിപാടി തുടങ്ങാൻ തയ്യാറെടുക്കുമ്പോൾ ആയിരുന്നു സംഘാടകരുടെ വരവ്.

അതേയ്, വേറെ രണ്ടു പേര് മിമിക്രി അവതരിപ്പിക്കാൻ വന്നിട്ടുണ്ട്. സംഘാടകർ പറഞ്ഞത് കേട്ടു സിദ്ദീക്കും ലാലും മുഖത്തോടു മുഖം നോക്കിയ ശേഷം പരിഭവത്തോടെ പറഞ്ഞു ‘നോട്ടീസില് ഞങ്ങളുടെ പരിപാടിയെ കുറിച്ച് മാത്രമേ കണ്ടുള്ളു’ സിദ്ദീഖ് ലാലുമാരുടെ ആധി കണ്ടപ്പോൾ അവർ പറഞ്ഞു:

‘കൊഴപ്പമൊന്നുമില്ലന്നേ…. അവരങ്ങനെ പ്രൊഫഷണൽസ് ഒന്നുമല്ല. ഇവിടത്തെ പരിപാടിക്കു ഞങ്ങളുടെ അതിഥികളായി വന്ന രണ്ടു കോളേജ് പിള്ളേരാ….

“ഓഹ്.. അങ്ങനെ.. ” സംഘാടകരുടെ വിശദീകരണം കേട്ടപ്പോൾ സിദ്ദീഖിനും ലാലിനും ആശ്വാസം.!

ഉടനെ വന്നു കുഴപ്പിക്കുന്ന അടുത്ത ചോദ്യം.!

അല്ലാ… അവർ നിങ്ങൾക്ക് മുന്നേ സ്റ്റേജിൽ കയറണോ അതോ നിങ്ങൾക്കു ആദ്യം കയറണോ…?

അപ്രതീക്ഷിതമായി വന്ന ഈ ചോദ്യത്തിന് മുന്നിൽ ഒരാലോചനക്കു ശേഷം സിദ്ദീഖ് ലാൽമാർ പറഞ്ഞു, അതിഥികളല്ലേ കൊഴപ്പമില്ല, അവർ കയറിക്കോട്ടെ.

അങ്ങനെ എറണാകുളത്തെ ഒരു പ്രമുഖ കോളേജിൽ പഠിക്കുന്ന ആ വിദ്യാർത്ഥികൾ പരിപാടി അവതരിപ്പിക്കാനായി സ്റ്റേജിലേക്ക് കയറി.

അന്ന് സിദ്ദീഖ് പ്രീഡിഗ്രിക്ക് പഠിക്കുകയായിരുന്നു. പരിപാടി അവതരിപ്പിക്കാൻ എത്തിയവർ സിദ്ദീഖിന്‍റെ സൂപ്പർ സീനിയേഴ്സ് ആയിരുന്നു. അതിലൊരാൾ പരിചയക്കാരനും കൂടിയായിരുന്നു.

തങ്ങളുടെ സുഹൃത്തായ കലാഭവൻ അൻസാറിന്‍റെ ജ്യേഷ്ഠൻ ഷറഫും കൂട്ടുകാരനും കൂടിയായിരുന്നു സ്റ്റേജിലേക്ക് കയറിയ ‘അതിഥി കലാകാരന്മാർ’.

ഷറഫും കൂട്ടുകാരനും സ്റ്റേജിൽ പരിപാടി തകർക്കുന്നു. ആളുകൾ ആ മിമിക്രി കണ്ടു ആർത്തു ചിരിക്കുന്നുണ്ട് . എന്നാൽ സിദ്ദീഖിനും ലാലിനും ഒട്ടും ചിരി വന്നില്ല എന്ന് മാത്രമല്ല ആളുകളുടെ ചിരി കണ്ടു ഇരുവരും ഇരുന്നു വിയർക്കാനും തുടങ്ങി.

ഇപ്പോൾ സ്റ്റേജിൽ കളിച്ചു കൊണ്ടിരിക്കുന്നവർക്കു ആദ്യം അവസരം കൊടുത്തത് അബദ്ധമായിപ്പോയി എന്നവർക്ക് തോന്നിപ്പോയി.

എന്താണവിടെ നടന്നതെന്നോ? കൂട്ടുകാരൻ കലാഭവൻ അൻസാറിന്‍റെ സഹോദരൻ ഷറഫ്, അദ്ദേഹം സിദ്ധീഖ് ലാലിന്‍റെ മിമിക്രി സ്റ്റേജ് പരിപാടി പലവട്ടം കണ്ടിട്ടുളള ആളാണ്. അതിൽ നിന്നും പറ്റാവുന്ന സാധനങ്ങൾ എല്ലാം അടിച്ചു മാറ്റിയാണ് ഇവിടെ അവർ സ്റ്റേജിൽ കയറിയിരിക്കുന്നതു തന്നെ!!!.

അതായതു സിദ്ദീക്കും ലാലും ഇപ്പോൾ സ്റ്റേജിൽ അവതരിപ്പിക്കേണ്ട എല്ലാ ഐറ്റങ്ങളും ഷറഫും കൂട്ടുകാരനും സ്റ്റേജിൽ അവതരിപ്പിച്ചു തകർക്കുകയാണ്… !!!

യുദ്ധക്കളത്തിൽ വച്ച് ആയുധം നഷ്ടപ്പെട്ട പോരാളി കളുടെ അവസ്ഥയിൽ ആയി സിദ്ദീക്കും ലാലും.

എന്ത് ചെയ്യും..? തങ്ങളെ ബുദ്ധിമുട്ടിക്കാനുള്ള യാതൊരു ദുരുദ്ദേശത്തോടെയും ആയിട്ടല്ല അൻസാറിന്‍റെ ചേട്ടൻ ഷറഫ്‌ ഇക്ക തങ്ങളുടെ ഐറ്റംസ് എടുത്തു പയറ്റുന്നത് എങ്കിലും അക്ഷരാർത്ഥത്തിൽ പണി കിട്ടിയിരിക്കുന്നത് തങ്ങൾക്കാണ് എന്നവർ മനസ്സിലാക്കി.

കൂടുതൽ ചിന്തിച്ചു നിൽക്കാനും സമയമില്ല. പെട്ടെന്ന് തന്നെ ആൾക്കൂട്ടത്തിൽ നിന്നും മാറി ആലോചന തുടങ്ങി.

ഉടനെ എന്തെങ്കിലും ചെയ്തില്ലെങ്കിൽ പണി പാളും. അവതരിപ്പിക്കാൻ കൊണ്ടു വന്ന ഐറ്റം മാറ്റാതെ ഇനി സ്റ്റേജിൽ കയറിയാൽ തങ്ങൾക്കു മുന്നേ അവതരിപ്പിച്ച മിമിക്രി യുടെ കോപ്പിയടി എന്നും പറഞ്ഞു കാണികളുടെ കൂവൽ ഉറപ്പാണ്.

പരിപാടിയിൽ വരുത്തേണ്ട മാറ്റങ്ങളെ കുറിച്ച് സിദ്ദീഖ്- ലാൽ ചർച്ച തുടങ്ങി. ആദ്യത്തെ ഐറ്റം മാറ്റി എടുത്തപ്പോൾ അവർക്കു തന്നെ കൊള്ളാം എന്ന് തോന്നി. അങ്ങനെ അടുത്ത ഐറ്റവും വേണ്ട രീതിയിൽ മാറ്റം വരുത്താൻ തീരുമാനിച്ചു.

അങ്ങനെ അങ്ങനെ അവതരിപ്പിക്കാൻ ഇരുന്ന എല്ലാ സാധനങ്ങളിലും വേണ്ട പോലെ മാറ്റം വരുത്തി ക്കഴിഞ്ഞപ്പോൾ അവർക്കു സ്റ്റേജിൽ കയറാനുള്ള ആത്മ വിശ്വാസമായി. ഷറഫും കൂട്ടുകാരനും പരിപാടി അവതരിപ്പിച്ചു കഴിഞ്ഞ പ്പോൾ കാണി കളുടെ ഭാഗത്തു നിന്നും നിറഞ്ഞ കയ്യടി ആയിരുന്നു.

ശേഷം അടുത്ത അനൗൺസ്‌മെന്‍റ് വന്നു.

“അടുത്തതായി മലയാള സിനിമയുടെ ഭാവി വാഗ്ദാനം ഉണ്ണിമേരി അവതരിപ്പിക്കുന്ന നൃത്തമാണ്.’’

actress-dancer-unnimeri-ePathram

അതെ നമുക്കെല്ലാം അറിയാവുന്ന സിനിമാ നടി ഉണ്ണി മേരി തന്നെ.! അക്കാലത്തു ഉണ്ണിമേരി ബാല താരമായി രണ്ടു സിനിമകളിൽ അഭിനയിച്ചു കഴിഞ്ഞിരുന്നു. അതി സുന്ദരി കൂടിയായ ഉണ്ണിമേരി മലയാള സിനിമ കീഴടക്കും എന്ന് അക്കാലത്തു സിനിമയുമായി ബന്ധമുള്ളവരും കലാസ്വാദകരും വിശ്വസിച്ചിരുന്നു.

ഉണ്ണി മേരിയുടെ നൃത്തത്തിന് ശേഷം സ്റ്റേജിൽ നിന്നും മറ്റൊരു അനൗൺസ്‌മെന്‍റ് :  ‘സഹൃദയരെ അടുത്തതായി സുപ്രസിദ്ധ മിമിക്രി താരങ്ങളായ സിദ്ദീഖ് ലാൽ അവതരിപ്പിക്കുന്ന മിമിക്രിയാണ്.’

കേട്ടപ്പോൾ തന്നെ സദസ്യരിൽ നിന്നും  കയ്യടി വന്നു. കാരണം സിദ്ദീഖ് – ലാൽ എറണാകുളത്തും പുറത്തും ഇതിനോടകം പ്രശസ്തരായി തുടങ്ങിയിരുന്നു.

സ്റ്റേജിൽ കയറിയപ്പോൾ പതിവില്ലാത്ത ഒരു ഭയം.! പെട്ടെന്ന് തട്ടിക്കൂട്ടിയ മാറ്റം ആണല്ലോ. ജനം ഏതു രീതിയിൽ സ്വീകരിക്കും എന്നതിനെ കുറിച്ച് ഓർക്കുമ്പോൾ..!

പരിപാടി തുടങ്ങിആദ്യ ഐറ്റം വന്നപ്പോൾ തന്നെ ജനം ആർത്തു ചിരിച്ചു. സിദ്ദീഖിനും ലാലിനും ആത്മ വിശ്വാസം വർദ്ധിച്ചു. ഇനി ഒന്നും നോക്കാനില്ല. ഒന്നിന് പിറകെ ഒന്നായി ഐറ്റംസ് വന്നപ്പോൾ കാണികൾ നിറഞ്ഞ കയ്യടികളോടെ ആർത്തു ചിരിച്ചു. ഒടുവിൽ വമ്പൻ വിജയത്തോടെ പരിപാടി സമാപിച്ചു.

സന്തോഷം നിറഞ്ഞ മനസ്സുമായി സിദ്ദീക്കും ലാലും മടക്കമായി. എറണാകുളത്തേക്കു തിരിക്കാനായി ഇരുവരും ജെട്ടിയിൽ എത്തിയപ്പോൾ ബോട്ട് കിടപ്പുണ്ട്. കയറാനായി ബോട്ടിനടുത്ത് എത്തിയപ്പോഴാണ് ബോട്ടിനു മുന്നിൽ ഒരു തർക്കം നടക്കുന്നത് ശ്രദ്ധയിൽ പെട്ടത്.

സ്റ്റേജിൽ നൃത്തം അവതരിപ്പിച്ച നർത്തകി ഉണ്ണിമേരി ബോട്ടിൽ കയറാതെ ഉടക്കി നിൽക്കുകയാണ്.

അമ്പലപ്പറമ്പിൽ ആദ്യം മിമിക്രി അവതരിപ്പിച്ച ഷറഫുക്കയും കൂട്ടുകാരനും ബോട്ടിൽ കയറി. ബോട്ടിലേക്ക് കയറാതെ ഉണ്ണിമേരി പക്ഷെ പ്രശ്നത്തിലാണ്. താൻ യാത്ര ചെയ്യുന്ന ബോട്ടിൽ വേറെ യാത്രക്കാർ ആരും ഉണ്ടാകാൻ പാടില്ല. അത് കൊണ്ട് ബോട്ടിൽ കയറി ഇരിക്കുന്നവരെ ഇറക്കണം എന്നാലേ താൻ കയറൂ എന്നാണു ഉണ്ണിമേരിയുടെ വാദം.

‘പുറത്തു നിന്നുള്ളവർ അല്ല, നമ്മുടെ പരിപാടിക്ക് വന്നവർ തന്നെയാണ് ബോട്ടിൽ ഇരിക്കുന്നത്. അവരാ മൂല യിൽ ഇരുന്നു കൊള്ളും. കുട്ടി പേടിക്കേണ്ട ’ എന്ന് സംഘാടകർ താഴ്മയായി ഉണ്ണി മേരിയോട് പറയുന്നുണ്ട്. പക്ഷെ ഉണ്ണിമേരി വാശിയിൽ തന്നെ ആണ്.

തർക്കം മനസ്സിലായ സിദ്ദീഖിനും ലാലിനും ഈ ബോട്ടിൽ തങ്ങൾക്കു പോകാൻ പറ്റില്ല എന്ന കാര്യം ബോധ്യമായി.

താൻ ഒരു താരമായി മാറിക്കഴിഞ്ഞു എന്ന തോന്നലാവാം ഉണ്ണിമേരി അങ്ങനെ പറയാൻ കാരണം. നിലവിലെ പ്രശ്‌നം തീർത്തിട്ട് നിങ്ങൾക്ക് അടുത്ത ബോട്ടിൽ പോകാം എന്ന് സംഘാടകർ സിദ്ദീഖ് ലാലിനോട് പറഞ്ഞപ്പോൾ പാവങ്ങൾ സമ്മതിച്ചു ഒരു മൂലയിൽ മാറി നിന്നു.

കമ്മിറ്റിക്കാർ ബോട്ടിൽ ചെന്ന് ഷറഫിനോടും കൂട്ടുകാരനോടും വിവരം പറഞ്ഞു.

‘നിങ്ങൾ യാത്രയിൽ ഉണ്ടെങ്കിൽ ഉണ്ണിമേരി കയറില്ല എന്നാ പറയുന്നത്. അതു കൊണ്ടു ദയവു ചെയ്തു സഹകരിക്കണം നിങ്ങൾക്കുള്ള അടുത്ത ബോട്ട് ഉടനെ എത്തും. ഒന്നിറങ്ങിത്തരണം അപേക്ഷയാണ്’.

അവരുടെ നിസ്സഹായാവസ്ഥ മനസ്സിലാക്കിയ ഷറഫ് കൂട്ടുകാരനോട് വാടാ നമുക്ക് ഇറങ്ങാം എന്ന് പറഞ്ഞു ഇറങ്ങാൻ തയ്യാറായപ്പോൾ ആണ് കൂട്ടുകാരന്‍റെ വക ട്വിസ്റ്റ് ഡയലോഗ് !!

“നീ അവിടെ ഇരി. നമ്മൾ ആദ്യം വന്നു കയറിയതാ അവർക്കു വേണമെങ്കിൽ ഇതിൽ യാത്ര ചെയ്യാം. അല്ലെങ്കിൽ അവർ അടുത്ത ബോട്ടിനു വരട്ടെ. നമ്മൾ ഇറങ്ങാനൊന്നും പോകുന്നില്ല”.

ഷറഫിന്‍റെ കൂട്ടുകാരന്‍റെ നിലപാടിൽ സംഘാടകർ കുഴഞ്ഞു. എത്ര അപേക്ഷിച്ചിട്ടും അവർ വഴങ്ങുന്നില്ല. ഇത്ര വലിയ യാത്രാ ബോട്ടിൽ നമ്മൾ കൂടി ഇരുന്നാൽ അവർക്കെന്താണ് പ്രശ്നം എന്ന ഷറഫിന്‍റെ കൂട്ടുകാരന്‍റെ ന്യായമായ ചോദ്യത്തിന് മുന്നിൽ കമ്മിറ്റിക്കാർക്ക് ഉത്തരം മുട്ടി.

അവർ നിസ്സഹായാവസ്ഥ ഉണ്ണിമേരിയെ ധരിപ്പിച്ചു. കുട്ടീ എത്ര പറഞ്ഞിട്ടും അവർ ഇറങ്ങാൻ കൂട്ടാക്കുന്നില്ല. ഒന്നുകിൽ കുട്ടിക്ക് ഈ ബോട്ടിൽ അവരോടൊപ്പം യാത്ര ചെയ്യാം. അല്ലെങ്കിൽ കുട്ടി ഇവിടെ കാത്തിരിക്കൂ, അടുത്ത ബോട്ടിൽ പോകാം.

ആ ചെറുപ്പക്കാർക്ക് മുന്നിൽ വാശി കാണിച്ചാൽ ഈ ബോട്ടിൽ തനിക്കു പോകാൻ കഴിയില്ല എന്ന് മനസ്സിലാക്കിയ ഉണ്ണിമേരി അവരോടൊപ്പം ആ ബോട്ടിൽ കയറാൻ തീരുമാനിച്ചു. സിദ്ദീഖിന്‍റെയും ലാലിന്‍റെയും കാര്യത്തിൽ മാറ്റം ഒന്നും ഉണ്ടായില്ല. അവർ പുറത്തു തന്നെ!

കാലങ്ങൾക്കു ശേഷം സിദ്ദീഖ് ലാൽ സംവിധാനം ചെയ്ത ഗോഡ് ഫാദർ എന്ന സിനിമയിൽ പഴയ നര്‍ത്തകി ഉണ്ണി മേരിയും ഒരു വേഷത്തിൽ അഭിനയിച്ചു എന്നത് ചരിത്രത്തിലെ കൗതുകം..!

ഗോഡ് ഫാദർ ലൊക്കേഷനിൽ വച്ച് സിദ്ദീഖ് ഉണ്ണി മേരിയോട് ആ പഴയ സംഭവം തമാശയായി പറഞ്ഞപ്പോൾ അയ്യോ തനിക്കതൊന്നും ഓർമ്മയിൽ ഇല്ല എന്നാണത്രെ ഉണ്ണിമേരി പറഞ്ഞത്. പ്രായത്തിന്‍റെ ചാപല്യ ത്തിൽ ചെയ്തു പോയതാവാം.

തങ്ങളുടെ പഴയകാല കഥകളിൽ ഒന്ന് തമാശ രൂപേണ സിദ്ദീഖ് പറഞ്ഞു പോയി എങ്കിലും ജീവിതത്തിൽ പകർത്തേണ്ടുന്ന വലിയൊരു പാഠം ഈ കഥയിൽ ഉണ്ടെന്നു ശ്രദ്ധിച്ചാൽ മനസ്സിലാകും…

അതാണ് ഞാൻ തുടക്കത്തിലേ കുറിച്ചിട്ടത് : നാം വളരെ ഉയരത്തിലാണ് എന്ന് തോന്നുന്ന സമയത്തു നമ്മുടെ മുന്നിൽ കാണുന്ന ചെറിയവർ എന്ന് തോന്നുന്നവരെ പുച്ഛിക്കാതിരിക്കുക. കാരണം നമ്മൾ പുച്ഛത്തോടെ കണ്ടവരെ നാളെ നമ്മളെക്കാൾ ഉയരത്തിൽ കൊണ്ടിരുത്തണം എന്ന് ദൈവം ഒരു പക്ഷെ തീരുമാനിച്ചിട്ടുണ്ടാകാം. അങ്ങനെ സംഭവിച്ചാൽ ഇന്ന് കാണിച്ച അഹങ്കാരത്തിനു നാളത്തെ പശ്ചാത്താപം പോരാതെ വന്നേക്കും.!!

ഇനി ചെറിയൊരു ട്വിസ്റ്റോടെ കഥയിലെ ക്ലൈമാക്സിലേക്ക് കടക്കാം.

കലാഭവൻ അൻസാറിന്‍റെ ചേട്ടൻ ഷറഫിനെയും കൂട്ടുകാരനെയും ഉണ്ണിമേരിയെയും ഒപ്പമുള്ളവരെയും വഹിച്ചു രാത്രി വൈകി പൊന്നാരി മംഗലത്ത് നിന്നും ബോട്ട് എറണാകുളത്തേക്കു പുറപ്പെടുമ്പോൾ സിദ്ദീക്കും ലാലും ഇരുട്ട് നിറഞ്ഞ ബോട്ടു ജെട്ടിയുടെ ഒരു മൂലയിൽ നിസ്സഹായതയോടെ നോക്കി നിൽക്കുകയായിരുന്നു.

ഏതു വലിയ വിഷമ ഘട്ടവും തമാശയിലൂടെ മാത്രം കാണാൻ ശീലിച്ച സിദ്ദീഖ് – ലാൽ, കാരണമില്ലാതെ തങ്ങൾക്കു യാത്ര നിഷേധിച്ച ആ ബോട്ട് തങ്ങളിൽ നിന്നകന്നു പോകുന്നതും ഒരു തമാശയായി കണ്ടോ എന്നറിയില്ല. പക്ഷെ ഒരു വ്യാഴ വട്ടക്കാലത്തിനു ശേഷം, ഗോഡ് ഫാദർ ഷൂട്ട് സമയത്തു അതൊരു വലിയ തമാശയായി സിദ്ദീഖ് ലാൽ ആസ്വദിച്ചിരിക്കണം. തീർച്ച!

ബോട്ട് എറണാകുളം എത്തിയപ്പോൾ ഷറഫും കൂട്ടു കാരനും ഉണ്ണി മേരിയും ബോട്ടിറങ്ങി. ഉണ്ണി മേരി അവരുടെ വീട്ടിലേക്ക് മടങ്ങി. ഷറഫും കൂട്ടുകാരനും അവരുടെ വഴിക്കും പോയി.

താമസിയാതെ സിനിമാ പണ്ഡിറ്റുകളുടെ പ്രവചനം പോലെ ഉണ്ണിമേരി സിനിമയിൽ എത്തി. അക്കാലത്തു സൂപ്പർ താരമായിരുന്ന പ്രേംനസീറിന്‍റെ കൂടെയും അഭിനയിക്കുവാൻ വരെ അവസരം ലഭിച്ചു . പല സിനിമ കളിലും നായികയായി തിളങ്ങി.

ഇതിനിടെ മറ്റൊരു പുതുമുഖ നടനും ചലച്ചിത്ര രംഗത്ത് എത്തി. ചെറു വേഷങ്ങളിലൂടെയും പ്രതി നായകന്‍ ആയും നായകന്‍ ആയും ആ നടൻ മുന്നേറി. ഇതിനിടെ എപ്പോഴോ ഉണ്ണിമേരിയുടെ നായകനുമായി അയാൾ ജൈത്ര യാത്ര തുടർന്നു. നായികാ സ്ഥാനത്ത് നിന്നും മാറി സഹ നടിയായി എങ്കിലും ഫീൽഡിൽ നില നിൽക്കാൻ ഉണ്ണി മേരി പെടാ പാട് പെടുമ്പോൾ സിനിമയിൽ തിളങ്ങാൻ അവസരം കിട്ടിയ ആ നടൻ കത്തിക്കയറുകയായിരുന്നു.

ആരായിരുന്നു ആ നടൻ ? ഉണ്ണിമേരി ബോട്ടിൽ നിന്നിറങ്ങാൻ പറഞ്ഞിട്ടും സൗകര്യമില്ല വേണമെങ്കിൽ ഇതിൽ യാത്ര ചെയ്യാം അല്ലെങ്കിൽ ഇയാൾ അടുത്ത ബോട്ടിൽ വന്നോളൂ എന്ന് നിലപാട് എടുത്ത ആ പഴയ മിമിക്രിക്കാരൻ തന്നെ!!

നായകനിൽ നിന്നും സൂപ്പർ താരമായും സൂപ്പർ നടനായും ഇന്ത്യ മുഴുവൻ എന്നല്ല ലോകം മുഴുവൻ തന്നെ അറിയുന്ന അഭിനേതാവായി മെഗാ താരമായി ആ പഴയ മിമിക്രിക്കാരൻ വൻ വൃക്ഷമായി വളർന്നു. എഴുപത്തി ഒന്നിന്‍റെ നിറവിൽ ഇന്നും മമ്മൂട്ടി എന്ന ആ പഴയ മിമിക്രിക്കാരൻ മഹാനടനായി പ്രേക്ഷകരെ വിസ്മയിപ്പിച്ചു കൊണ്ടേയിരിക്കുന്നു. അതെ, മലയാള ത്തിന്‍റെ സ്വന്തം മമ്മൂക്ക തന്നെ .!

നേരത്തേ എഴുതിയ വാചകങ്ങൾ ഒരിക്കൽ കൂടി ഒന്നു വായിക്കാം. നാം വളരെ ഉയരത്തിലാണ് എന്ന് തോന്നുന്ന സമയത്തു നമ്മുടെ മുന്നിൽ കാണുന്ന ചെറിയവർ എന്ന് തോന്നുന്നവരെ പുച്ഛിക്കാതിരിക്കുക. കാരണം നമ്മൾ പുച്ഛത്തോടെ കണ്ടവരെ നാളെ നമ്മളെക്കാൾ ഉയരത്തിൽ കൊണ്ടിരുത്തണം എന്ന് ദൈവം ഒരു പക്ഷെ തീരുമാനിച്ചിട്ടുണ്ടാകാം. അങ്ങനെ സംഭവിച്ചാൽ ഇന്ന് കാണിച്ച അഹങ്കാരത്തിനു നാളത്തെ പശ്ചാത്താപം പോരാതെ വന്നേക്കും.!!!

-തയ്യാറാക്കിയത് : ആരിഫ് പി. കെ. വി. അബുദാബി.

 

- pma

വായിക്കുക: ,

അഭിപ്രായം എഴുതുക »

4 of 170« First...345...1020...Last »

« Previous Page« Previous « നയൻ താരക്ക് ഇരട്ടക്കുട്ടികൾ
Next »Next Page » രാജ്യാന്തര ചലച്ചിത്ര മേള : മനുഷ്യാവസ്ഥയെ പ്രതിഫലിപ്പിക്കുന്ന മേള എന്നു മുഖ്യമന്ത്രി »



ജോണ്‍ എബ്രഹാം സ്മാരക ഹ്രസ...
രജനികാന്ത് ചിത്രത്തിൽ മഞ്...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...
എവിടെ ജോണ്‍?...
ജോസ് പ്രകാശിന് ജെ. സി ഡാ...
നടന്‍ ജഗതിശ്രീകുമാറിനു കാ...
ബാരി മികച്ച ചിത്രം; വിദ്യ...
ജോണ്‍ അബ്രഹാം പ്രത്യേക പു...
പത്മശ്രീ ഭരത് ഡോക്ടര്‍ സര...
പ്രണയം : മലയാളിയുടെ ലൈംഗി...
ബ്ലെസിയുടെ ‘പ്രണയം’ കോപ്...
കോളിളക്കം വീണ്ടും വരുന്നു...
എം. ജി. ശ്രീകുമാറും പാട്ട...
പ്രാഞ്ചിയേട്ടന്‍റെ ഒന്നാം...
ആദാമിന്റെ മകന്‍ അബുവിനു വ...
നടി ശ്വേതാ മേനോന്‍ വിവാഹി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine