പ്രാഞ്ചിയേട്ടനില്‍ പ്രിയാമണി

July 25th, 2010

priyamani-pranchiyettan-epathramമമ്മൂട്ടിയെ നായകനാക്കി രഞ്ജിത്ത് സംവിധാനം ചെയ്യുന്ന പ്രാഞ്ചിയേട്ടന്‍ ആന്റ് സണ്‍സ് എന്ന ചിത്രത്തില്‍ നടി പ്രിയാമണി അഭിനയിക്കുന്നു. തൃശ്ശൂര്‍ അരിയങ്ങാടിയിലെ കച്ചവടക്കാരനായ പ്രാഞ്ചിയേട്ട നായിട്ടാണ് മമ്മൂട്ടി ഈ ചിത്രത്തില്‍ എത്തുന്നത്. ഒരു ഇന്റീരിയര്‍ ഡിസൈനറുടെ വേഷമാണ് പ്രാഞ്ചിയേട്ടനില്‍ പ്രിയാമണി അവതരിപ്പിക്കുന്നത്. പ്രിയാമണിക്ക് പുറമെ ഖുശ്ബുവും ഈ ചിത്രത്തില്‍ അഭിനയിക്കുന്നുണ്ട്.

തെന്നിന്ത്യയില്‍ ഏറെ തിരക്കുള്ള നടിയായ പ്രിയാമണി രഞ്ജിത്ത് തിരക്കഥ എഴുതി സംവിധാനം ചെയ്ത “തിരക്കഥ” എന്ന ചിത്രത്തിലെ മാളവിക എന്ന കഥാപാത്രത്തെ അവതരിപ്പിച്ച് ഏറെ ശ്രദ്ധ നേടിയിരുന്നു. തിരക്കഥയിലെ അഭിനയത്തിനു നിരവധി അവാര്‍ഡുകളും ധാരാളം നിരൂപക പ്രശംസയും പ്രിയാമണിയെ തേടിയെത്തി. അടുത്തയിടെ മണിരത്നം സംവിധാനം ചെയ്ത് വിക്രം, പൃഥ്വിരാജ്, ഐശ്വര്യാ റായ് എന്നിവര്‍ അഭിനയിച്ച രാവണനിലും പ്രിയാമണിക്ക് ശ്രദ്ധേയമായ ഭാഗം ഉണ്ടായിരുന്നു.

priyamani-epathram

ചിത്രത്തില്‍ ക്ലിക്ക്‌ ചെയ്‌താല്‍ കൂടുതല്‍ ചിത്രങ്ങള്‍ കാണാം

- എസ്. കുമാര്‍

വായിക്കുക: ,

അഭിപ്രായം എഴുതുക »

രഞ്ജിത ആത്മാര്‍ഥതയും വിനയവും ഉള്ള ഭക്ത: നിത്യാനന്ദ

July 23rd, 2010

ranjitha-devotee-epathramആത്മാര്‍ത്ഥതയും വിനയവും നിറഞ്ഞ ഭക്തയായിരുന്നു നടി രഞ്ജിതയെന്ന് വിവാദ സ്വാമി നിത്യാനന്ദ. തങ്ങളെ പറ്റിയുള്ള അപവാദം രഞ്ജിതയ്ക്കും കുടുംബത്തിനും മാത്രമല്ല തന്റെ ഭക്തര്‍ക്കും ഏറെ വേദന ഉണ്ടാക്കിയെന്നും, അതേ പറ്റിയാണ് താന്‍ ചിന്തിച്ചതെന്നും നിത്യാനന്ദ പറഞ്ഞു. യൂട്യൂബില്‍ പ്രത്യക്ഷപ്പെട്ട പ്രഭാഷണത്തിലാണ് നിത്യാനന്ദയുടെ ഈ പുതിയ വെളിപ്പെടുത്തലുകള്‍. രഞ്ജിതയ്ക്ക് ഉണ്ടായ അപമാനത്തില്‍ വേദന പ്രകടിപ്പിച്ച നിത്യാനന്ദന്‍ അവര്‍ക്ക് തന്റെ പ്രാര്‍ഥനയും അനുഗ്രഹവും എന്നും ഉണ്ടാകും എന്നും കൂട്ടിച്ചേര്‍ത്തു.

നടി രഞ്ജിതയും നിത്യാനന്ദനും ഉള്‍പ്പെട്ട വിവാദ വീഡിയോ ചിത്രങ്ങള്‍ പുറത്തു വന്നതിനു ശേഷം ആദ്യമായാണ് സ്വാമി രഞ്ജിതയെ പറ്റി പരസ്യമായി സംസാരിക്കുന്നത്.

നിത്യാനന്ദനും രണ്ജിതയും ഒത്തുള്ള അശ്ലീല ടേപ്പുകള്‍ കഴിഞ്ഞ ഏപ്രില്‍ മാസത്തിലാണ് ഒരു ടി.വി ചാനല്‍ പുറത്തു വിട്ടത്. ഇതേ തുടര്‍ന്ന് ഒളിവില്‍ പോയ നിത്യാനന്ദയെ പോലീസ് ഹിമാചല്‍ പ്രദേശില്‍ നിന്നും പിടികൂടുകയും ചെയ്തിരുന്നു. ജുഡീഷ്യല്‍ കസ്റ്റഡിയില്‍ ആയിരുന്ന ഇയാള്‍ മാനഭംഗം ഉള്‍പ്പെടെ വിവിധ കേസുകളില്‍ വിചാരണ നേരിടുകയാണിപ്പോള്‍.

തന്റെ സ്വകാര്യ രംഗങ്ങള്‍ അടങ്ങുന്ന വീഡിയോ തങ്ങളുടെ വെബ് സൈറ്റില്‍ പ്രദര്‍ശിപ്പിക്കുക വഴി യൂട്യൂബും ഗൂഗിളും തന്റെ പേരിനു കളങ്കം ചാര്‍ത്തി എന്ന് ആരോപിച്ചു നടി രഞ്ജിത കോടതിയെ സമീപിക്കും എന്ന് പ്രഖ്യാപിച്ചിരുന്നു.

- എസ്. കുമാര്‍

വായിക്കുക: ,

അഭിപ്രായം എഴുതുക »

എത്സമ്മ എന്ന ആണ്‍കുട്ടി

July 20th, 2010

elsamma-ann-epathramഎം. ടി. വാസുദേവന്‍ നായരുടെ തിരക്കഥയില്‍ ഒരുക്കിയ നീലത്താമരയ്ക്കു ശേഷം ലാല്‍ ജോസ് ഒരുക്കുന്ന ചിത്രമാണ് എത്സമ്മ എന്ന ആണ്‍കുട്ടി. കുഞ്ചാക്കോ ബോബന്‍ നായകനായി അഭിനയിക്കുന്ന ചിത്രത്തില്‍ ആന്‍ എന്ന പുതുമുഖ നായികയാണ് എത്സമ്മ എന്ന ടൈറ്റില്‍ റോളില്‍ എത്തുന്നത്. ജനാര്‍ദ്ദനന്‍, വിജയ രാഘവന്‍, ജഗതി ശ്രീകുമാര്‍, മണിയന്‍ പിള്ള രാജു, സുരാജ് വെഞ്ഞാറമൂട്, മണിക്കുട്ടന്‍, കെ. പി. എ. സി. ലളിത തുടങ്ങിയവരും ഈ ചിത്രത്തില്‍ അഭിനയിക്കുന്നു.

elsamma-enna-aankutty-ann-epathram

ആന്‍

നടന്‍ അഗസ്റ്റിന്റെ മകളാണ് നായികയായ ആന്‍. കാവ്യ മാധവന്‍ (ചന്ദ്രനുദിക്കുന്ന ദിക്കില്‍)‍, ജ്യോതിര്‍മയി (മീശ മാധവന്‍), ടെസ്സ (പട്ടാളം), സംവൃത സുനില്‍ (രസികന്‍), മീര നന്ദന്‍ (മുല്ല), മുക്ത (അച്ഛന്‍ ഉറങ്ങാത്ത വീട്), അര്‍ച്ചന കവി (നീലത്താമര) എന്നിങ്ങനെ നിരവധി പുതുമുഖങ്ങളെ മലയാള സിനിമയ്ക്ക് പരിചയപ്പെടുത്തിയ ലാല്‍ ജോസ്‌ ഇതാദ്യമായാണ് സിനിമാ വ്യവസായവുമായി ബന്ധമുള്ള ഒരു പുതുമുഖത്തെ കണ്ടെത്തുന്നത് എന്ന പ്രത്യേകതയും ഈ സിനിമയ്ക്കുണ്ട്.

സിന്ധു രാജ് ആണ് തിരക്കഥ ഒരുക്കുന്നത്. നിര്‍മ്മാണം രണ്‍ജിത്, രജപുത്ര ഫിലിംസ്. റഫീഖ് അഹമ്മദ് എഴുതിയ വരികള്‍ക്ക് രാജാമണിയാണ് സംഗീതം ഒരുക്കി യിരിക്കുന്നത്. വിജയ് യേശുദാസ്, ശ്വേത, ദേവാനന്ദ്, റിമി ടോമി തുടങ്ങിയവരാണ് ഗാനങ്ങള്‍ ആലപിച്ചിരിക്കുന്നത്.

- എസ്. കുമാര്‍

വായിക്കുക: , ,

അഭിപ്രായം എഴുതുക »

കാവ്യാ മാധവന്‍ പ്രിയനന്ദന്‍ ചിത്രത്തില്‍

July 19th, 2010

kavya-madhavan-epathramഅബുദാബി : കാവ്യാ മാധവനെ നായിക യാക്കി പ്രിയ നന്ദനന്‍ സംവിധാനം ചെയ്യുന്ന ചിത്രമാണ് ‘ഭക്ത ജനങ്ങളുടെ ശ്രദ്ധക്ക്’. നിരവധി സിനിമ കളിലും സീരിയലു കളിലും അഭിനയിച്ച് ശ്രദ്ധേയനായ ഇര്‍ഷാദ് ആണ് ഇതിലെ  നായകന്‍.  ആനുകാലിക  പ്രശ്നങ്ങള്‍ പ്രമേയ മാക്കി  കഥ എഴുതി യിരിക്കുന്നത്  രഞ്ജിത്ത്. ഹാസ്യ രസ പ്രധാനമായ ഈ സിനിമക്ക്‌  തിരക്കഥ, സംഭാഷണം തയ്യാറാക്കിയത് പി. മനോജ്.
മധ്യവേനല്‍ എന്ന ചിത്രത്തിന് ശേഷം സര്‍ഫ്‌നെറ്റ് മൂവീസിന്‍റെ ബാനറില്‍ അബുദാബി യിലെ  ജഹാംഗീര്‍ ഷംസ് നിര്‍മ്മിക്കുന്ന ‘ഭക്ത ജനങ്ങളുടെ ശ്രദ്ധയ്ക്ക്’  പാലക്കാടും പരിസര ങ്ങളിലുമായി അടുത്ത മാസം ചിത്രീകരണം  ആരംഭിക്കുന്നു.  ലാല്‍,  ജഗതി ശ്രീകുമാര്‍, ശ്രീരാമന്‍, സാദിഖ്, ലാല് അലക്സ്‌, സുരാജ് വെഞ്ഞാറമൂട്, ബിജു ക്കുട്ടന്‍,  ഇന്ദ്രന്‍സ്, നിഷാന്ത് സാഗര്‍, കല്‍പ്പന, ഷാജു എന്നിവരാണ് മറ്റു താരങ്ങള്‍.  ഛായാഗ്രഹണം: ഷാജി, കലാ സംവിധാനം: സാലു കെ. ജോര്‍ജ്, ചമയം: പട്ടണം ഷാ.  കവി മുല്ലനേഴി, റഫീഖ് അഹമ്മദ്,  ജയകുമാര്‍ ചെങ്ങമനാട് എന്നിവരുടെ ഗാനങ്ങള്‍ക്ക് നടേഷ് ശങ്കര്‍ സംഗീതം നല്‍കുന്നു.

- pma

വായിക്കുക: , ,

അഭിപ്രായം എഴുതുക »

അമ്മ എന്നെ വിലക്കിയിട്ടില്ല : റോമ

July 10th, 2010

roma-speaking-epathramദുബായ്‌ : സ്റ്റെയ്ജ് ഷോകളില്‍ പങ്കെടുക്കുന്നതില്‍ നിന്നും താര സംഘടനയായ അമ്മ തന്നെ വിലക്കിയിട്ടില്ല എന്ന് ചലച്ചിത്ര താരം റോമ വെളിപ്പെടുത്തി. ദുബായില്‍ നടക്കാനിരിക്കുന്ന സ്റ്റാര്‍ വാര്‍സ് എന്ന സ്റ്റേജ് പ്രോഗ്രാമിന്റെ വിശദാംശങ്ങള്‍ അറിയിക്കാന്‍ ദുബായില്‍ നടന്ന പത്ര സമ്മേളനത്തില്‍ മാധ്യമ പ്രവര്‍ത്തകരുടെ ചോദ്യങ്ങള്‍ക്ക്‌ മറുപടി പറയുകയായിരുന്നു റോമ. തന്നെ പോലുള്ള സിനിമാ പ്രവര്‍ത്തകര്‍ക്ക്‌ സ്റ്റേജ് ഷോകളില്‍ പങ്കെടുക്കാന്‍ എന്തെങ്കിലും തരത്തിലുള്ള വിലക്കുകള്‍ അമ്മ ഏര്‍പ്പെടുത്തിയതായി തനിക്കറിയില്ല എന്നും റോമ അറിയിച്ചു.

എന്നാല്‍ സൂപ്പര്‍ താരങ്ങള്‍ക്ക് ഇത് പോലുള്ള സ്റ്റേജ് ഷോകളില്‍ പ്രകടനം കാഴ്ച വെയ്ക്കുന്നതിന് വിലക്കുണ്ട് എന്ന് ഇതേ സ്റ്റേജ് ഷോയുടെ സംവിധായകനായ കോമഡി താരം നാദിര്‍ഷ അറിയിച്ചു. സൂപ്പര്‍ താരങ്ങള്‍ ഇത്തരം പ്രോഗ്രാമുകള്‍ ഉദ്ഘാടനം ചെയ്യുകയോ ഇവയില്‍ കേവലം പ്രത്യക്ഷപ്പെടുകയോ ചെയ്യുന്നതില്‍ കുഴപ്പമില്ല. എന്നാല്‍ ഇത്തരം പരിപാടികള്‍ ടെലിവിഷനില്‍ പുന:സംപ്രേഷണം ചെയ്യുന്നത് അമ്മയുടെ നിര്‍ദ്ദേശത്തിനു വിരുദ്ധമാവും. സൂപ്പര്‍ താരങ്ങളുടെ ടെലിവിഷനിലെ അമിതമായ സാന്നിദ്ധ്യം അവരുടെ സിനിമകളിലെ സാന്നിദ്ധ്യത്തിന്റെ മാറ്റ് കുറയ്ക്കും എന്നതാണ് ഇത്തരമൊരു വിളക്കിന്റെ അടിസ്ഥാനമെന്നും നാദിര്‍ഷ വിശദീകരിച്ചു.

- ജെ.എസ്.

വായിക്കുക: , , ,

1 അഭിപ്രായം »

47 of 48« First...1020...464748

« Previous Page« Previous « പ്രകോപനപരമായ പ്രസംഗം : വിജയശാന്തി അറസ്റ്റില്‍
Next »Next Page » കാവ്യാ മാധവന്‍ പ്രിയനന്ദന്‍ ചിത്രത്തില്‍ »



ജോണ്‍ എബ്രഹാം സ്മാരക ഹ്രസ...
രജനികാന്ത് ചിത്രത്തിൽ മഞ്...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...
എവിടെ ജോണ്‍?...
ജോസ് പ്രകാശിന് ജെ. സി ഡാ...
നടന്‍ ജഗതിശ്രീകുമാറിനു കാ...
ബാരി മികച്ച ചിത്രം; വിദ്യ...
ജോണ്‍ അബ്രഹാം പ്രത്യേക പു...
പത്മശ്രീ ഭരത് ഡോക്ടര്‍ സര...
പ്രണയം : മലയാളിയുടെ ലൈംഗി...
ബ്ലെസിയുടെ ‘പ്രണയം’ കോപ്...
കോളിളക്കം വീണ്ടും വരുന്നു...
എം. ജി. ശ്രീകുമാറും പാട്ട...
പ്രാഞ്ചിയേട്ടന്‍റെ ഒന്നാം...
ആദാമിന്റെ മകന്‍ അബുവിനു വ...
നടി ശ്വേതാ മേനോന്‍ വിവാഹി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine