സാള്‍ട്ട് ആന്‍ഡ്‌ പെപ്പെര്‍ എന്തു വ്യത്യസ്തത

August 21st, 2011

salt-n-pepper-epathram

സാള്‍ട്ട് ആന്‍ഡ്‌ പെപ്പെര്‍ എന്ന ചിത്രം ഇറങ്ങിയപ്പോള്‍ വാ തോരാതെ പുകഴ്ത്തിയവരൊന്നും എന്താണ് ചിത്രത്തിലെ വ്യത്യസ്തത എന്ന് പറയുന്നില്ല. ഫേസ്ബുക്ക് വഴി മലയാള സിനിമയുടെ പുതിയ കാലമെന്ന് പാടി നടക്കാനും ഒപ്പം അതിനെ പരമാവധി വികസിപ്പിക്കാനും ശ്രമിക്കുന്നതിനിടയില്‍ ഇവരൊക്കെ ഏറെ വ്യത്യസ്തമായ എന്ത് പ്രമേയമാണ് ചിത്രം കൊണ്ടുവന്നിരിക്കുന്നത് പറയാന്‍ മറന്നു . ഏറെ പഴകി പുളിഞ്ഞ ഒരു സാധാരണ പ്രണയ കഥയെ എന്തിനാണ് വെറുതെ ഇങ്ങനെ പാടി പുകഴ്ത്തുന്നത് എന്ന് മനസിലാകുന്നില്ല. ചിത്രത്തിലെ നായകന്‍ കാളിദാസ് എന്ന ലാല്‍ അവതരിപ്പിച്ച കഥാപാത്രം പുരാവസ്തുഗവേഷണ വകുപ്പില്‍ ജോലിചെയ്യുന്ന ഉദ്യോഗസ്ഥനാണ്. ഒപ്പം അസ്സല്‍ ഭക്ഷണ പ്രിയനും. ചിത്രത്തിന്റെ ആദ്യം തന്നെ ഒരു ആദിവാസി മൂപ്പനെ തട്ടി കൊണ്ടുവരുന്നതാണ്. പക്ഷെ എന്തിനായിരുന്നു ആ തട്ടി കൊണ്ടുവരല്‍. വെറുതെ അയാള്‍ അവിടെ കിടക്കുന്നു. സിനിമയില്‍ അതുമായി ഒരു ബന്ധവും കാണിക്കുന്നില്ല. മാത്രമല്ല അദ്ദേഹത്തിന്റെ ജോലി സംബന്ധിയായ ഷോട്ടുകളൊക്കെ മുഴച്ചു നില്‍ക്കുന്നു. അങ്ങിനെ പല കാര്യങ്ങളും പരസ്പരം ബന്ധപ്പെടാതെ കിടക്കുന്നു. ഒരു ദോശ ഉണ്ടാക്കിയ കഥ ഇത്രമാത്രം വ്യത്യസ്തമാണോ? ശരിയാണെങ്കില്‍ മലയാള സിനിമ പിറകോട്ട് തന്നെ എന്ന് പറയാം. പ്രമേയത്തിലും അവതരണത്തിലും പുതുമയൊന്നും അവകാശപ്പെടാനില്ലാത്ത ഈ ചിത്രം മലയാള സിനിമയുടെ പുതു തരംഗം എന്ന് ഒരു മടിയുമില്ലാതെ ചിലര്‍ വിളിച്ചു പറയുന്നു. ചിലര്‍ക്ക് മമ്മുട്ടിയും മോഹന്‍ലാലും ഇല്ലാതായാല്‍ അത് വ്യത്യസ്തമാണ്, പുതു മുഖങ്ങളെ വെച്ച് പടം ചെയ്‌താല്‍ അതും വ്യത്യസ്തം തന്നെ… മലയാള സിനിമ നേരിടുന്ന പ്രതിഭാ ദാരിദ്ര്യത്തെ നമ്മള്‍ ഇത്തരം സൂത്രത്തിലൂടെ മാറ്റിമറിക്കാം എന്നാണു കരുതുന്നത് അബദ്ധമാണ്. കലാമൂല്യമുള്ള സിനിമകള്‍ നമുക്ക് അന്യമാകുന്നു എന്ന സത്യം ഇനിയെങ്കിലും നാം തിരിച്ചറിയണം. അതിനിടയില്‍ ഇത്തരം ചിത്രങ്ങളെ വെറുതെ പാടി പുകഴ്ത്തല്‍ കൂടിയാകുമ്പോള്‍ മലയാള സിനിമ രക്ഷപ്പെടുകയല്ല കൂടുതല്‍ താഴ്ചയിലേക്ക് പതിക്കുകയാണ് ചെയ്യുക. ഈ ചിത്രത്തില്‍ അവസാനം ഒരു പാട്ട് കൊടുത്തിടുണ്ട്. എന്തിനായിരുന്നു? ആ … ആര്‍ക്കറിയാം… ഇങ്ങനെ ആര്‍ക്കുമറിയാത്ത വ്യത്യസ്തത….. അത് തന്നെയാണ് സാള്‍ട്ട് ആന്‍ഡ്‌ പേപ്പെര്‍ നല്‍കുന്ന ഉത്തരവും. നല്ലതിനെ മാത്രം നമുക്ക് നല്ലതെന്നു പറഞ്ഞാല്‍ പോരെ… മാര്‍ക്കെറ്റിംഗ് തന്ത്രത്തില്‍ കുരുങ്ങി ചിലരെങ്കിലും ഇത്തരം ചിത്രങ്ങളെ മലയാള സിനിമയുടെ പുതിയ മുഖമെന്ന് പറയുന്നു…. കൂളായി തന്നെ. മലയാള സിനിമയുടെ ഭാവി ഇത്തരത്തില്‍ ഹൈജാക്ക് ചെയ്യപ്പെടുമോ?

- എസ്. കുമാര്‍

വായിക്കുക: , ,

12 അഭിപ്രായങ്ങള്‍ »

പ്രിഥ്വിയ്ക്കൊപ്പം ആസിഫും വിനീതും

August 21st, 2011

indian-rupee-epathram

രഞ്ജിത്തിന്റെ ഇന്ത്യന്‍ റുപീയില്‍ പ്രിഥ്വിയ്ക്കൊപ്പം അസിഫ് അലിയും വിനീത് ശ്രീനിവാസനും ഒന്നിക്കുന്നു. പണമുണ്ടാക്കാനായി എന്തും ചെയ്യുന്ന യുവത്വത്തിന്‍റെ കഥയാണ് ഇന്ത്യന്‍ റുപ്പീയില്‍ രഞ്ജിത് പറയുന്നത്. ആ നിലയ്ക്ക് പ്രാഞ്ചിയേട്ടന്റെ ഒന്നാം ഭാഗമായി ചിത്രത്തിനെ രഞ്ജിത്ത് വിശേഷിപ്പിക്കുന്നുമുണ്ട്.

റീമ കല്ലിങ്കലാണ് നായിക. തിലകന്‍, ബിജു മേനോന്‍, ജഗതി ശ്രീകുമാര്‍, മല്ലിക സുകുമാരന്‍, ബാബുരാജ്, ലാലു അലക്സ് എന്നിവര്‍ പ്രധാന വേഷങ്ങളിലെത്തുന്നു. ഓഗസ്റ്റ് സിനിമയുടെ ബാനറില്‍ പൃഥ്വിരാജ്, സന്തോഷ് ശിവന്‍, ഷാജി നടേശന്‍ എന്നിവര്‍ ചേര്‍ന്നാണ് ഇന്ത്യന്‍ റുപ്പീ നിര്‍മ്മിക്കുന്നത്

- ലിജി അരുണ്‍

വായിക്കുക: ,

അഭിപ്രായം എഴുതുക »

‘സാള്‍ട്ട് ആന്റ് പെപ്പര്‍’ ഹിന്ദിയിലേക്ക് റീമേക്ക് ചെയ്യുന്നു

August 16th, 2011

Salt-Pepper-malayalam-movie-epathram

മലയാളത്തില്‍ സമീപകാലത്തെ മെഗാഹിറ്റായ സോള്‍ട്ട് ആന്‍റ് പെപ്പര്‍ എന്ന ചിത്രം ഹിന്ദിയിലേക്ക് റീമേക്ക് ചെയ്യുന്നു. മലയാളത്തില്‍ പുറത്തിറങ്ങിയ ഒട്ടുമിക്ക സൂപ്പര്‍ഹിറ്റുകളും ബോളിവുഡിലെത്തിച്ച സംവിധായകന്‍ പ്രിയദര്‍ശനാണ് ഈ ചിത്രവും റീമേക്ക് ചെയ്യാന്‍ ഒരുങ്ങുന്നത് . ജൂലൈ എട്ടിന് റിലീസായ സോള്‍ട്ട് ആന്‍റ് പെപ്പര്‍ ഇതിനകം കോടികളുടെ ലാഭമാണ് നേടിയിരിക്കുന്നത്. ലാല്‍, ശ്വേത മേനോന്‍, മൈഥിലി, ബാബുരാജ്, ആസിഫ് അലി എന്നിവരാണ് പ്രധാന അഭിനേതാക്കള്‍ . മലയാളത്തില്‍ ഒരു പരീക്ഷണ ചിത്രമായി ഇറക്കിയ ‘സാള്‍ട്ട് ആന്റ് പെപ്പര്‍ പ്രതീക്ഷിച്ചതിലും അധികം വിജയമാണ് നേടിയത്‌. ആഷിക് അബുവാണ് ചിത്രത്തിന്റെ സംവിധായകന്‍ നവാഗതരായ ശ്യാം പുഷ്‌കരന്‍, ദിലീഷ് നായര്‍ എന്നിവരാണ് തിരക്കഥ രചിച്ചത്. മണിച്ചിത്രത്താഴ്, താളവട്ടം, കഥപറയുമ്പോള്‍ തുടങ്ങിയ പ്രിയദര്‍ശന്‍ ബോളിവുഡിലെത്തിച്ച പ്രിയദര്‍ശനാണ് ഈ ചിത്രം ഹിന്ദിയിലെത്തിക്കുന്നത്. ഇതുസംബന്ധിച്ച പ്രാഥമിക ചര്‍ച്ചകള്‍ പൂര്‍ത്തിയായി. ഹിന്ദിയിലേക്ക് മാത്രമല്ല, തമിഴിലേക്കും തെലുങ്കിലേക്കും കന്നഡയിലേക്കും സോള്‍ട്ട് ആന്റ് പെപ്പര്‍ റീമേക്ക് ചെയ്യുകയാണ്. ഇതിന്റെ ചര്‍ച്ചകളും പുരോഗമിക്കുന്നു.

-

വായിക്കുക: , ,

അഭിപ്രായം എഴുതുക »

കമലിന് സംവിധാന കലയില്‍ രജത ജൂബിലി

August 14th, 2011

kamal-epathram

മലയാളത്തിന്റെ പ്രിയ സംവിധായകന്‍ കമലിന് രജത ജൂബിലി ‘മിഴിനീര്‍ പൂവുകളി’ല്‍തുടങ്ങി ‘സ്വപ്ന സഞ്ചാരി’യിലെത്തിയ കമലിന് സംവിധാനകലയില്‍ രജത ജൂബിലിയുടെ നിറവിലാണ്. ഇതിനിടയില്‍ ഒട്ടേറെ നല്ല സിനിമകള്‍ ഇദ്ദേഹം മലയാളത്തിനു സമ്മാനിച്ചു. കമലിന്റെ 42-ാമത്തെ സിനിമയായ ‘സ്വപ്ന സഞ്ചാരി’
രജത ജൂബിലി ചിത്രമാണ്. ഈ ചിത്രത്തിനു വേണ്ടി 20 വര്‍ഷങ്ങള്‍ക്കു ശേഷമാണ് ജന്മനാടായ കൊടുങ്ങല്ലൂരില്‍ കമല്‍ സെറ്റൊരുക്കുന്നത്. കൊടുങ്ങല്ലൂരിലെ ഏറ്റവും പഴക്കം ചെന്ന ശില്പി തിയ്യറ്ററിന് മുന്നിലെ സെറ്റില്‍ നില്‍ക്കുമ്പോള്‍ കമല്‍ വികാര നിര്‍ഭരനായിരുന്നു. സ്വപ്നസഞ്ചാരിയില്‍ ജയറാമും സംവൃത സുനിലുമാണ് പ്രധാന കഥാപാത്രങ്ങളെ അവതരിപ്പിക്കുന്നത്. പന്ത്രണ്ടുവര്‍ഷങ്ങള്‍ക്ക് ശേഷമാണ് ജയറാം കമല്‍ ചിത്രങ്ങളില്‍ മടങ്ങിയെത്തുന്നത്.

-

വായിക്കുക: ,

അഭിപ്രായം എഴുതുക »

ഓര്‍മ്മ മാത്രം : ഒരു പ്രവാസി സംരംഭം

July 29th, 2011

ormma-mathram-ePathram
അബുദാബി : പ്രവാസ ലോകത്തെ ചലച്ചിത്ര നിര്‍മ്മാതാവ്‌ രാജന്‍ തളിപ്പറമ്പ്‌ (ദോഹ രാജന്‍) ഹൊറൈസണ്‍ എന്‍റര്‍ ടെയിന്‍ മെന്‍റി ന്‍റെ ബാനറില്‍ നിര്‍മ്മിച്ച് മധു കൈതപ്രം സംവിധാനം ചെയ്ത ‘ഓര്‍മ്മ മാത്രം’ ജൂലായ്‌ 29 ന് തിയ്യേറ്ററുകളില്‍ എത്തുന്നു.

ദേശീയ അവാര്‍ഡ്‌ നേടിയ ഏകാന്തം, സംസ്ഥാന പുരസ്കാരം നേടിയ മധ്യവേനല്‍ എന്നീ ചിത്ര ങ്ങള്‍ക്ക് ശേഷം മധു കൈതപ്രം ഒരുക്കുന്ന ഈ ചിത്രത്തില്‍ ദിലീപ്‌, പ്രിയങ്കാ നായര്‍, മാസ്റ്റര്‍ സിദ്ധാര്‍ത്ഥന്‍, ധന്യാ മേരി വര്‍ഗ്ഗീസ്‌ എന്നിവര്‍ പ്രധാന വേഷങ്ങള്‍ ചെയ്യുന്നു.

vtv-damodaran-in-ormma-mathram-ePathram

ദിലീപ്‌, വി. ടി. വി. ദാമോദരന്‍. ചിത്രം : 'ഓര്‍മ്മ മാത്രം'

അബുദാബി യിലെ കലാ സാംസ്കാരിക രംഗത്തെ പ്രമുഖരായ വി. ടി. വി. ദാമോദരന്‍, തോമസ്‌ വര്‍ഗ്ഗീസ്‌ ( ഐ. എസ്. സി. മുന്‍ പ്രസിഡന്‍റ്) എന്നിവരും ഈ ചിത്രത്തില്‍ ശ്രദ്ധേയ വേഷങ്ങള്‍ ചെയ്യുന്നുണ്ട്.

കൂടാതെ നെടുമുടി വേണു, ജഗതി ശ്രീകുമാര്‍, സലീംകുമാര്‍, ലാലു അലക്‌സ്, ചാലി പാല, ജോയ്, ജയരാജ് വാര്യര്‍, കെ. സി. കൃഷ്ണന്‍, സതി, മിനി അരുണ്‍ എന്നിവരും വേഷമിടുന്നു.

madhu-kaithapram-cv-balakrishnan-ePathram

സംവിധായകന്‍ മധു കൈതപ്രം, തിരക്കഥാകൃത്ത് സി. വി. ബാലകൃഷ്ണന്‍

കഥ : ഡോക്ടര്‍. റഹീം കടവത്ത്‌, തിരക്കഥ സംഭാഷണം : സി. വി. ബാല കൃഷ്ണന്‍. കൈതപ്രം ദാമോദരന്‍ നമ്പൂതിരി യുടെ വരികള്‍ക്ക് ഈണം പകരുന്നത് കൈതപ്രം വിശ്വനാഥനാണ്. ഛായാഗ്രഹണം എം. ജെ. രാധാകൃഷ്ണന്‍. വിനോദ് ഷൊര്‍ണൂര്‍ പ്രൊഡക്ഷന്‍ കണ്‍ട്രോളര്‍.

52 കേന്ദ്രങ്ങളില്‍ റിലീസ്‌ ചെയ്യുന്ന ‘ഓര്‍മ്മ മാത്രം’ വൈകാതെ ഗള്‍ഫിലെ തിയ്യേറ്ററു കളിലും എത്തും.

-പി. എം. അബ്ദുല്‍ റഹിമാന്‍.

- pma

വായിക്കുക: ,

അഭിപ്രായം എഴുതുക »

34 of 38« First...1020...333435...Last »

« Previous Page« Previous « തമിഴ്‌ നടന്‍ രവിചന്ദ്രന്‍ അന്തരിച്ചു
Next »Next Page » അരക്കള്ളന്‍ മുക്കാല്‍ക്കള്ളന്‍ »



ജോണ്‍ എബ്രഹാം സ്മാരക ഹ്രസ...
രജനികാന്ത് ചിത്രത്തിൽ മഞ്...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...
എവിടെ ജോണ്‍?...
ജോസ് പ്രകാശിന് ജെ. സി ഡാ...
നടന്‍ ജഗതിശ്രീകുമാറിനു കാ...
ബാരി മികച്ച ചിത്രം; വിദ്യ...
ജോണ്‍ അബ്രഹാം പ്രത്യേക പു...
പത്മശ്രീ ഭരത് ഡോക്ടര്‍ സര...
പ്രണയം : മലയാളിയുടെ ലൈംഗി...
ബ്ലെസിയുടെ ‘പ്രണയം’ കോപ്...
കോളിളക്കം വീണ്ടും വരുന്നു...
എം. ജി. ശ്രീകുമാറും പാട്ട...
പ്രാഞ്ചിയേട്ടന്‍റെ ഒന്നാം...
ആദാമിന്റെ മകന്‍ അബുവിനു വ...
നടി ശ്വേതാ മേനോന്‍ വിവാഹി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine