തിരുവനന്തപുരം : ഇന്ത്യന്‍ സിനിമ യിലെ അദ്ഭുതമായി മാറിയ ‘മൈ ഡിയര്‍ കുട്ടിച്ചാത്തന്’ എന്ന ആദ്യ ത്രിഡി സിനിമ വീണ്ടും തിയ്യേറ്ററുകളില്‍ എത്തുന്നു. ഇപ്രാവശ്യം ഡിജിറ്റല്‍ ഫോര്‍മാറ്റില്‍ ആണ് കാണികളെ വിസ്മയിപ്പിക്കാന്‍ കുട്ടിച്ചാത്തനും കൂട്ടുകാരും എത്തുന്നത്.
മാസ്റ്റര്‍ മുകേഷ്‌, അരവിന്ദ്‌(കുട്ടിച്ചാത്തന്), സോണിയ
ദേശീയ അവാര്ഡ് ജേതാക്കളായ ബാല താരങ്ങള്‍ അരവിന്ദ്‌, സോണിയ, എന്നിവരും സുരേഷ്, മുകേഷ്‌ എന്നീ ബാല താരങ്ങളും കൊട്ടാരക്കര ശ്രീധരന്‍ നായര്‍, ആലുംമ്മൂടന്‍, ദിലീപ്‌ താഹില്‍ തുടങ്ങിയവരും പ്രധാന വേഷങ്ങള്‍ ചെയ്യുന്നു. ജഗദീഷ്‌, സൈനുദ്ദീന്‍, രാജന്‍ പി. ദേവ് എന്നിവരുടെ ആദ്യകാല ചിത്രം കൂടിയാണ് കുട്ടിച്ചാത്തന്.
1984 ലാണ് 3ഡി യില്‍ ‘മൈഡിയര്‍ കുട്ടിച്ചാത്തന്’ ആദ്യം പ്രദര്‍ശനത്തിന് എത്തിയത്. പ്രേക്ഷകര്‍ ഇരു കൈകളും നീട്ടി ചിത്രത്തെ സ്വീകരിച്ചു. പിന്നീട് 1997 ല്‍ ഡി. ടി. എസ്. സൗണ്ട് ട്രാക്ക്‌ ശബ്ദ വിന്യാസം മലയാളിക്ക് നല്‍കി കുട്ടിച്ചാത്തന് വീണ്ടും ചരിത്രം എഴുതി.
രണ്ടാം വരവില്‍ ജഗതി ശ്രീകുമാര്‍, കലാഭവന്‍ മണി എന്നീ താരങ്ങളുടെ രംഗങ്ങളും പുതിയ ഗാനങ്ങളും അടക്കം പുതിയ കൂട്ടിച്ചേര്‍ക്കലു കളോടെ ആയിരുന്നു പ്രദര്‍ശിപ്പിച്ചത്.
പ്രകാശ്‌ രാജ് പുതിയ പതിപ്പില്‍
പ്രകാശ്‌രാജ്, രംഗീല ഫെയിം ഊര്‍മ്മിള മധോന്‍കര്‍ തുടങ്ങിയ വരെ ഉള്‍പ്പെടുത്തി മുന്‍ പതിപ്പി നേക്കാള്‍ 25 മിനിട്ട് ദൈര്‍ഘ്യം കൂടുതലുള്ള മൂന്നാം പതിപ്പ്‌ ഓണത്തിന് കേരള ത്തില്‍ റിലീസ് ചെയ്യുമെന്ന് നിര്മ്മാതാവ് നവോദയ അപ്പച്ചന്‍ അറിയിച്ചു.
മലയാള ത്തില്‍ റിലീസ് ചെയ്തതിന് ശേഷം മുന്‍പ് ചെയ്തിരുന്ന പോലെ മറ്റു ഭാഷകളി ലേയ്ക്കും മൊഴിമാറ്റി പ്രദര്‍ശിപ്പിക്കും.
രഘുനാഥ് പലേരി തിരക്കഥ എഴുതിയ കുട്ടിച്ചാത്തന് സംഗീതം നല്‍കിയത് ഇളയരാജാ. ഗാനരചന : ബിച്ചു തിരുമല. എഡിറ്റിംഗ് : ടി. ആര്‍. ശേഖര്‍. ക്യാമറ : ആശോക്‌ കുമാര്‍. സംവിധാനം ജിജോ. യൂണിവേഴ്‌സല്‍ മൂവി മേക്കേഴ്‌സ് റിലീസ് ചെയ്യുന്നു.
