നടി പത്മപ്രിയ വിവാഹിതയായി

November 12th, 2014

padmapriya-epathram

മുംബൈ: പ്രശസ്ത തെന്നിന്ത്യന്‍ നടിയും നര്‍ത്തകിയുമായ പത്മപ്രിയ വിവാഹിതയായി. ഗുജറത്ത് സ്വദേശിയും ഗവേഷകനുമായ ജാസ്മിന്‍ ഷായാണ് വരന്‍. മുംബൈയില്‍ വധൂ വരന്മാരുടെ അടുത്ത ബന്ധുക്കളും സുഹൃത്തുക്കളും പങ്കെടുത്ത സ്വകാര്യ ചടങ്ങിലായിരുന്നു വിവാഹം. ഏറെ നാളത്തെ പ്രണയത്തി നൊടുവിലാണ് ഇവര്‍ വിവാഹിതരായത്. ന്യൂയോര്‍ക്കില്‍ ഗവേഷണ പഠനത്തിനിടെയാണ് ഇവര്‍ പരിചയപ്പെട്ടതും പ്രണയത്തിലായതും. ഡെല്‍ഹി ആസ്ഥാനമായുള്ള ഒരു എന്‍. ജി. ഓ. യില്‍ അസോസിയേറ്റ് ഡയറക്ടറാണ് ജാസ്മിന് ഷാ‍.

ബ്ലസ്സി സംവിധാനം ചെയ്ത കാഴ്ച എന്ന ചിത്രത്തിലൂടെ മലയാള സിനിമയില്‍ എത്തിയ പത്മപ്രിയ മമ്മൂട്ടി, സുരേഷ് ഗോപി, ജയറാം, ശ്രീനിവാസന്‍ തുടങ്ങിയവരുടെ നായികയായി അഭിനയിച്ചിട്ടുണ്ട്. അഭിനയ പ്രാധാന്യമുള്ള കഥാപാത്രങ്ങള്‍ മാത്രമല്ല തനിക്ക് ഗ്ലാമര്‍ വേഷങ്ങളും ഇണങ്ങുമെന്ന് ബാച്ചിലര്‍ പാര്‍ട്ടി എന്ന ചിത്രത്തിലെ ഐറ്റംഡാന്‍സിലൂടെ തെളിയിച്ചു. മലയാളത്തെ കൂടാതെ തമിഴ്, തെലുങ്ക്, കന്നഡ, ബംഗാളി തുടങ്ങിയ ഭാഷയിലും അഭിനയിച്ചിട്ടുണ്ട്.

- എസ്. കുമാര്‍

വായിക്കുക: ,

അഭിപ്രായം എഴുതുക »

“മൂസക്കായീന്റെ പാത്തു” ഗുരുവായൂരില്‍ വിവാഹിതയായി

October 22nd, 2014

surabhi-lakshmi-wedding-epathram

കോഴിക്കോട്: പ്രേക്ഷക ശ്രദ്ധ ഏറെ പിടിച്ചു പറ്റിയ എം.80 മൂസ എന്ന കോമഡി സീരിയലിലെ നായിക പാത്തുവിനെ അവതരിപ്പിച്ചു വരുന്ന സുരഭി ലക്ഷ്മി വിവാഹിതയായി. കോഴിക്കോട് സ്വദേശി വിപിന്‍ ആണ് വരന്‍. ഗുരുവായൂര്‍ ക്ഷേത്രത്തില്‍ വച്ചായിരുന്നു വിവാഹം. വിവാഹ ചടങ്ങില്‍ ബന്ധുക്കളും എം.80 മൂസയിലെ അണിയറ പ്രവര്‍ത്തകരും പങ്കെടുത്തു.

ബെസ്റ്റ് ആക്ടര്‍ എന്ന പ്രോഗ്രാമിലൂടെയാണ് സുരഭി ക്യാമറക്ക് മുമ്പില്‍ എത്തിയത് തുടര്‍ന്ന് നിരവധി സീരിയലുകള്‍ക്കൊപ്പം തിരക്കഥ, പകല്‍ നക്ഷത്രങ്ങള്‍, ഗുല്‍‌മോഹര്‍, അയാളും ഞാനും തമ്മില്‍, പുതിയ മുഖം, കഥ തുടര്‍ന്നു, ഏഴു സുന്ദര രാത്രികള്‍ തുടങ്ങി സിനിമകളിലും അഭിനയിച്ചു. എന്നാല്‍ വിനോദ് കോവൂര്‍ നായകനായ എം.80 മൂസ എന്ന സീരിയലില്‍ മൂസയുടെ ഭാര്യ പാത്തുവാണ് സുരഭിയെ പ്രശസ്തയാക്കിയത്. മലബാറിലെ നാട്ടിന്‍ പുറത്തെ സാധാരണക്കാരിയായ ഒരു വീട്ടമ്മയെ തന്മയത്വത്തോടെ ആണ് സുരഭി അവതരിപ്പിച്ചത്. പ്രവാസികള്‍ക്കിടയിലും ഈ കഥാപാത്രം ഏറെ പ്രശംസ പിടിച്ചു പറ്റി.

- എസ്. കുമാര്‍

വായിക്കുക: , ,

അഭിപ്രായം എഴുതുക »

ഫഹദ് ഫാസിലും നസ്രിയയും വിവാഹിതരായി

August 21st, 2014

fahad_fazil_nazriya_epathram

മലയാളം തമിഴ് സിനിമകളിലെ യുവതാരങ്ങളായ ഫഹദ് ഫാസിലും നടി നസ്രിയ നസീമും വിവാഹിതരായി. കഴക്കൂട്ടം അല്‍‌സാജ് ഹോട്ടലില്‍ നടന്ന നിക്കാഹില്‍ അടുത്ത ബന്ധുക്കളും ചലച്ചിത്ര രംഗത്തെ സുഹൃത്തുക്കളും മാത്രമാണ് പങ്കെടുത്തത്. ആരാധകരെ നിയന്ത്രിക്കുവാനായി ഹോട്ടലിലും പരിസരത്തും കനത്ത സുരക്ഷാ ക്രമീകരണങ്ങള്‍ ഒരുക്കിയിരുന്നു. ഹോട്ടല്‍ പരിസരത്ത് ആയിരങ്ങള്‍ തടിച്ചു കൂടിയിരുന്നു.

നിക്കാഹിനു മുമ്പ് മൈലാഞ്ചി കല്യാണം ബുധനാഴ്ച കോവളത്തെ ഹോട്ടലില്‍ വച്ച് നടത്തിയിരുന്നു. അഞ്ജലി മേനോന്‍ സംവിധാനം ചെയ്ത ‘ബാംഗ്ളൂര്‍ ഡെയ്സ്’ എന്ന ചിത്രത്തില്‍ ഇരുവരും അഭിനയിച്ചിരുന്നു. ചിത്രത്തിന്റെ ഷൂട്ടിങ്ങ് നടക്കുമ്പോള്‍ ആയിരുന്നു ഇരുവരുടേയും വിവാഹ നിശ്ചയം നടന്നത്. വിവാഹ വാര്‍ത്ത വെളിപ്പെടുത്തിയത് ഫാസില്‍ ആയിരുന്നു. സംവിധായകന്‍ ഫാസിലിന്റെ മകനായ ഫഹദ് മലയാളത്തില്‍ ന്യൂജനറേഷന്‍ നായകരില്‍ മുന്‍ നിരക്കാരനാണ്. മലയാളത്തിലും തമിഴിലുമായി അഭിനയിക്കുന്ന നസ്രിയയും തിരക്കുള്ള നടിയാണ്. നസ്രിയ നായികായി അഭിനയിച്ച് അടുത്തിടെ റിലീസ് ചെയ്ത ബാംഗ്ളൂര്‍ ഡേയ്സും, ഓം ശാന്തി ഓശാനയും വന്‍ വിജയമായിരുന്നു.

- എസ്. കുമാര്‍

വായിക്കുക: , , ,

അഭിപ്രായം എഴുതുക »

നടി മീരാ ജാസ്മിന്റെ വിവാഹ രജിസ്ട്രേഷന്‍ നഗരസഭ തടഞ്ഞു

August 4th, 2014

meera-jasmine-wedding-anil-john

തിരുവനന്തപുരം: പ്രശസ്ത നടി മീരാ ജാ‍സ്മിന്റെ വിവാഹ രജിസ്ട്രേഷന്‍ നഗരസഭ താല്‍ക്കാലികമായി തടഞ്ഞു. മീരയുടെ ഭര്‍ത്താവ് തിരുവനന്തപുരം നന്ദാവനം സ്വദേശി അനില്‍ ജോണ്‍ ടൈറ്റസ് നേരത്തെ മറ്റൊരു വിവാഹം കഴിച്ചിട്ടുണ്ടെന്ന വാര്‍ത്തയെ തുടര്‍ന്നാണിത്. ഇതു സംബന്ധിച്ച് കൂടുതല്‍ അന്വേഷണം നടത്തുവാന്‍ നഗര സഭ തീരുമാനിച്ചു. ഈ വര്‍ഷം ഫെബ്രുവരി 12നാണ് മീരയുടേയും അനില്‍ ജോണിന്റേയും വിവാഹം എല്‍. എം. എസ്. പള്ളിയില്‍ വച്ച് നടന്നത്. ബാംഗ്ളൂരില്‍ ഉള്ള ഒരു യുവതി ഭാര്യയാണെന്നുള്ള വാര്‍ത്തകള്‍ അനില്‍ നിഷേധിച്ചിരുന്നു. എന്നാല്‍ വിവാഹത്തിനു അനില്‍ പോലീസ് സംരക്ഷണം ആവശ്യപ്പെട്ടിരുന്നത് വാര്‍ത്തയായിരുന്നു.

മാര്യേജ് ആക്ട് പ്രകാരം രണ്ടാം വിവാഹങ്ങള്‍ക്ക് സാധുത ലഭിക്കണമെങ്കില്‍ നേരത്തെ ഉള്ള വിവാഹ ബന്ധം വേര്‍പെടുത്തിയതിന്റേയോ നേരത്തെ വിവാഹം കഴിച്ച പങ്കാളിയുടെ മരണ സര്‍ട്ടിഫിക്കേറ്റോ ഉള്‍പ്പെടെ ഉള്ള രേഖകള്‍ ഹാജരാക്കണം. നേരത്തെ അനിലിന്റേയും മീരയുടേയും വിവാഹം രജിസ്റ്റര്‍ ചെയ്തതായുള്ള വാര്‍ത്തകളെ കുറിച്ചും അന്വേഷിക്കും. ഇതുമായി ബന്ധപ്പെട്ട വാര്‍ത്തകളോട് വിദേശത്തുള്ള അനിലും മീരയും ഇനിയും പ്രതികരിച്ചിട്ടില്ല.

അന്തരിച്ച പ്രശസ്ത തിരക്കഥാകൃത്തും സംവിധാകനുമായ ലോഹിതദാസ് ആണ് മീരയെ സിനിമാ രംഗത്തേക്ക് കൊണ്ടു വന്നത്. മോഹന്‍ലാല്‍, മമ്മൂട്ടി, പൃത്ഥ്വിരാജ്, ദിലീപ് തുടങ്ങിയവര്‍ക്കൊപ്പം നായികയായി അഭിനയിച്ചിട്ടുള്ള മീര ആദ്യ ചിത്രത്തിലൂടെ തന്നെ മികച്ച അഭിനേത്രി എന്ന് പേരെടുത്തു. മലയാളത്തില്‍ കൂടാതെ അന്യ ഭാഷാ ചിത്രങ്ങളിലും മീര ശ്രദ്ധിക്കപ്പെട്ടു. അടുത്ത കുറച്ച് കാലമായി മീര സിനിമയില്‍ നിന്നും മാറി നില്‍ക്കുകയായിരുന്നു. അവസാനം അഭിനയിച്ച ചിത്രങ്ങള്‍ പലതും ബോക്സോഫീസില്‍ വന്‍ പരാജയവുമായിരുന്നു. പ്രശസ്തിക്കൊപ്പം വിവാദങ്ങളും മീരയെ പിന്തുടര്‍ന്നിരുന്നു. നേരത്തെ മറ്റൊരു കലാകാരനുമായി വിവാഹിതയാകുവാന്‍ പോകുന്നതായി വാര്‍ത്തകള്‍ വന്നിരുന്നു.

- എസ്. കുമാര്‍

വായിക്കുക: , ,

അഭിപ്രായം എഴുതുക »

അമല പോളും സംവിധായകന്‍ വിജയും വിവാഹിതരായി

June 14th, 2014

amala-paul-vijay-wedding-epathram

ചെന്നൈ: വിവാദങ്ങള്‍ക്കൊടുവില്‍ പ്രമുഖ തെന്നിന്ത്യന്‍ നായിക അമല പോളും സംവിധായകന്‍ എ. എല്‍. വിജയും ചെന്നൈയില്‍ വിവാഹിതരായി. ഹിന്ദു ആചാര പ്രകാരം എം. ആര്‍. സി. സെണ്ടാരില്‍ വച്ചായിരുന്നു വിവാഹം. പ്രമുഖ ഡിസൈനര്‍ സബാഷി മുഖര്‍ജി ഡിസൈന്‍ ചെയ്ത കാഞ്ചീപുരം പട്ടുടുത്തായിരുന്നു അമല വിവാഹ വേദിയില്‍ എത്തിയത്. മണി രത്നം, ബാല, പ്രിയദര്‍ശന്‍, ഭാര്യ ലിസി, നടന്മാരായ വിക്രം, ജെയം രവി, ജി. വി. പ്രകാശ്, അബ്ബാസ് തുടങ്ങി ചലച്ചിത്ര രംഗത്തെ പ്രമുഖര്‍ ചടങ്ങില്‍ പങ്കെടുത്തു. പണമായി ലഭിക്കുന്ന സമ്മാനങ്ങള്‍ എല്ലാം വിഭിന്ന ശേഷിയുള്ളവരുടെ ക്ഷേമത്തിനായി പ്രവര്‍ത്തിക്കുന്ന ചെന്നൈ ആസ്ഥാനമായുള്ള എബിലിറ്റി ഫൌണ്ടേഷനു സംഭാവനയായി നല്‍കുമെന്ന് നവ ദമ്പതികള്‍ പ്രഖ്യാപിച്ചു.

ക്രിസ്ത്യന്‍ മത വിശ്വാസിയായ അമല പോളും ഹിന്ദു മത വിശ്വാസിയായ വിജയുമായി ആലുവ സെന്റ് പോള്‍ പള്ളിയില്‍ വിവാഹ നിശ്ചയം നടന്നതായുള്ള വാര്‍ത്തകളുമായി ബന്ധപ്പെട്ട് വലിയ വിവാദം ഉണ്ടായിരുന്നു. സഭാ വിശ്വാസികള്‍ ഇതിനെ ചോദ്യം ചെയ്ത് രംഗത്തെത്തിയിരുന്നു. എന്നാല്‍ പള്ളിയില്‍ വച്ച് നടന്നത് കത്തോലിക്ക വിശ്വാസ പ്രകാരം ഉള്ള വിവാഹ നിശ്ചയമല്ലെന്നും ദാമ്പത്യ ജീവിതത്തിലേക്ക് കടക്കും മുമ്പുള്ള പ്രാ‍ര്‍ഥനയായിരുന്നു എന്നും ഉള്ള വിശദീകരണവുമായി അമലയുടെ പിതാവ് പോള്‍ രംഗത്തെത്തി. മാധ്യമ വാര്‍ത്തകള്‍ തെറ്റിദ്ധാരണ സൃഷ്ടിച്ചതാണെന്നും അദ്ദേഹം വ്യക്തമാക്കി.

- എസ്. കുമാര്‍

വായിക്കുക: , ,

അഭിപ്രായം എഴുതുക »

3 of 10« First...234...10...Last »

« Previous Page« Previous « എഡ്വേഡ് സ്നോഡന്റെ ജീവിതം സിനിമയാകുന്നു
Next »Next Page » സുരാജ് പിന്നണി ഗായകനാകുന്നു »



ജോണ്‍ എബ്രഹാം സ്മാരക ഹ്രസ...
രജനികാന്ത് ചിത്രത്തിൽ മഞ്...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...
എവിടെ ജോണ്‍?...
ജോസ് പ്രകാശിന് ജെ. സി ഡാ...
നടന്‍ ജഗതിശ്രീകുമാറിനു കാ...
ബാരി മികച്ച ചിത്രം; വിദ്യ...
ജോണ്‍ അബ്രഹാം പ്രത്യേക പു...
പത്മശ്രീ ഭരത് ഡോക്ടര്‍ സര...
പ്രണയം : മലയാളിയുടെ ലൈംഗി...
ബ്ലെസിയുടെ ‘പ്രണയം’ കോപ്...
കോളിളക്കം വീണ്ടും വരുന്നു...
എം. ജി. ശ്രീകുമാറും പാട്ട...
പ്രാഞ്ചിയേട്ടന്‍റെ ഒന്നാം...
ആദാമിന്റെ മകന്‍ അബുവിനു വ...
നടി ശ്വേതാ മേനോന്‍ വിവാഹി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine