അമല പോളും സംവിധായകന്‍ വിജയും വിവാഹിതരായി

June 14th, 2014

amala-paul-vijay-wedding-epathram

ചെന്നൈ: വിവാദങ്ങള്‍ക്കൊടുവില്‍ പ്രമുഖ തെന്നിന്ത്യന്‍ നായിക അമല പോളും സംവിധായകന്‍ എ. എല്‍. വിജയും ചെന്നൈയില്‍ വിവാഹിതരായി. ഹിന്ദു ആചാര പ്രകാരം എം. ആര്‍. സി. സെണ്ടാരില്‍ വച്ചായിരുന്നു വിവാഹം. പ്രമുഖ ഡിസൈനര്‍ സബാഷി മുഖര്‍ജി ഡിസൈന്‍ ചെയ്ത കാഞ്ചീപുരം പട്ടുടുത്തായിരുന്നു അമല വിവാഹ വേദിയില്‍ എത്തിയത്. മണി രത്നം, ബാല, പ്രിയദര്‍ശന്‍, ഭാര്യ ലിസി, നടന്മാരായ വിക്രം, ജെയം രവി, ജി. വി. പ്രകാശ്, അബ്ബാസ് തുടങ്ങി ചലച്ചിത്ര രംഗത്തെ പ്രമുഖര്‍ ചടങ്ങില്‍ പങ്കെടുത്തു. പണമായി ലഭിക്കുന്ന സമ്മാനങ്ങള്‍ എല്ലാം വിഭിന്ന ശേഷിയുള്ളവരുടെ ക്ഷേമത്തിനായി പ്രവര്‍ത്തിക്കുന്ന ചെന്നൈ ആസ്ഥാനമായുള്ള എബിലിറ്റി ഫൌണ്ടേഷനു സംഭാവനയായി നല്‍കുമെന്ന് നവ ദമ്പതികള്‍ പ്രഖ്യാപിച്ചു.

ക്രിസ്ത്യന്‍ മത വിശ്വാസിയായ അമല പോളും ഹിന്ദു മത വിശ്വാസിയായ വിജയുമായി ആലുവ സെന്റ് പോള്‍ പള്ളിയില്‍ വിവാഹ നിശ്ചയം നടന്നതായുള്ള വാര്‍ത്തകളുമായി ബന്ധപ്പെട്ട് വലിയ വിവാദം ഉണ്ടായിരുന്നു. സഭാ വിശ്വാസികള്‍ ഇതിനെ ചോദ്യം ചെയ്ത് രംഗത്തെത്തിയിരുന്നു. എന്നാല്‍ പള്ളിയില്‍ വച്ച് നടന്നത് കത്തോലിക്ക വിശ്വാസ പ്രകാരം ഉള്ള വിവാഹ നിശ്ചയമല്ലെന്നും ദാമ്പത്യ ജീവിതത്തിലേക്ക് കടക്കും മുമ്പുള്ള പ്രാ‍ര്‍ഥനയായിരുന്നു എന്നും ഉള്ള വിശദീകരണവുമായി അമലയുടെ പിതാവ് പോള്‍ രംഗത്തെത്തി. മാധ്യമ വാര്‍ത്തകള്‍ തെറ്റിദ്ധാരണ സൃഷ്ടിച്ചതാണെന്നും അദ്ദേഹം വ്യക്തമാക്കി.

- എസ്. കുമാര്‍

വായിക്കുക: , ,

അഭിപ്രായം എഴുതുക »

മീരാ ജാസ്മിന്‍ വിവാഹിതയായി

February 10th, 2014

meera-jasmine-wedding-anil-john

കൊച്ചി: പ്രശസ്ത ചലച്ചിത്ര താരം മീരാ ജാസ്മിന്‍ വിവാഹിതയായി. ദുബായില്‍ ഐ. ടി. ഉദ്യോഗസ്ഥനായ തിരുവനന്തപുരം സ്വദേശി അനില്‍ ജോണ്‍ ആണ് വരന്‍. രജിസ്ടര്‍ വിവാഹമായിരുന്നു. ഞായറാഴ്ച മീരയുടെ വസതിയില്‍ വച്ച് സബ് രജിസ്ട്രാ‍ര്‍ ഓഫീസര്‍ എത്തിയാണ് വിവാഹം രജിസ്ടർ ചെയ്തത്. വിവാഹ ചടങ്ങുകള്‍ 12നു തിരുവനന്തപുരം പാളയം എൽ. എം. എസ്. പള്ളിയില്‍ വച്ച് നടക്കും.

എ. കെ. ലോഹിതദാസ് സംവിധാനം ചെയ്ത സൂത്രധാരന്‍ എന്ന ചിത്രത്തിലൂടെ മലയാള സിനിമയില്‍ എത്തിയ മീര പിന്നീട് മികച്ച അഭിനേത്രിയായി പേരെടുത്തു. നിരവധി പുരസ്കാരങ്ങളും മീരയെ തേടിയെത്തി. യുവ നിരയ്ക്കൊപ്പം മോഹന്‍ലാല്‍ മമ്മൂട്ടി തുടങ്ങിയ മെഗാസ്റ്റാറുകള്‍ക്കൊപ്പവും അഭിനയിച്ചിട്ടുണ്ട്.

മാണ്ഡലിന്‍ വിദഗ്ദനായ രാജേഷുമായി ഉണ്ടായിരുന്ന ബന്ധം വേണ്ടെന്ന് വച്ചതായി നേരത്തെ മീര വ്യക്തമാക്കിയിരുന്നു. മാട്രിമോണിയല്‍ സൈറ്റിലൂടെയാണ് അനില്‍ ജോണുമായുള്ള വിവാഹാലോചനകള്‍ നടന്നത്. കുറച്ച് കാലമായി സിനിമയില്‍ നിന്നും വിട്ടു നിന്ന മീര അടുത്തിടെ ജയറാം നായകനായ ചിത്രത്തിലൂടെ മടങ്ങി വരവ് നടത്തിയിരുന്നു. വിവാഹ ശേഷം തുടര്‍ന്നും സിനിമയില്‍ അഭിനയിക്കുമോ എന്ന് വ്യക്തമല്ല.

- എസ്. കുമാര്‍

വായിക്കുക: ,

അഭിപ്രായം എഴുതുക »

ഫഹദ് ഫാസിലും നസ്രിയയും വിവാഹിതരാകുന്നു

January 20th, 2014

fahad-fazil-nazriya-epathram

പ്രശസ്ത സംവിധായകന്‍ ഫാസിലിന്റെ മകനും ന്യൂ ജനറേഷന്‍ ഹീറോയുമായ ഫഹദ് ഫാസിലും യുവ നടി നസ്രിയ നസീമും തമ്മില്‍ വിവാഹിതരാകുന്നു. ഇരുവരുടേയും വീട്ടുകാര്‍ തമ്മില്‍ ആലോചിച്ചാണ് വിവാഹം ഉറപ്പിച്ചത്. സംവിധായകന്‍ ഫാസിലാണ് ഇക്കാര്യം മാധ്യമങ്ങളോട് വ്യക്തമാക്കിയത്. നസ്രിയയും തന്റെ ഫേസ്ബുക്ക് പേജിലൂടെ വിവാഹിതയാകാന്‍ പോകുന്ന വാര്‍ത്ത പുറത്ത് വിട്ടു. അഞ്ജലി മേനോന്‍ സംവിധാനം ചെയ്യുന്ന ചിത്രത്തില്‍ ഇരുവരും ഇപ്പോള്‍ അഭിനയിച്ചു വരികയാണ്. എല്‍ ഫോര്‍ ലൌ എന്ന് പേരിട്ടിരിക്കുന്ന ചിത്രത്തില്‍ ഫഹദിന്റെ ഭാര്യയായാണ് നസ്രിയ അഭിനയിക്കുന്നത്.

ധാരാളം ആരാധകരുള്ള ഇരുവരുടേയും വിവാഹ നിശ്ചയം കഴിഞ്ഞ വാര്‍ത്ത ഓണ്‍ലൈനില്‍ ചൂടേറിയ ചര്‍ച്ചയായിട്ടുണ്ട്. ആശംസകള്‍ക്കൊപ്പം ഞെട്ടലും “നിരാശയും” അറിയിച്ചവരും ഉണ്ട്. ഫാസില്‍ നേരിട്ട് മാധ്യമങ്ങളിലൂടെ പ്രഖ്യാപിച്ചതാണെങ്കില്‍ പോലും വിശ്വസിക്കാന്‍ കൂട്ടാക്കാത്ത ചിലരുമുണ്ട്. ഇത് അഞ്ജലി മേനോന്റെ ചിത്രത്തിന്റെ പ്രചരണത്തിനായുള്ള തന്ത്രമാണെന്ന് അവര്‍ പറയുന്നു.

ഫാസില്‍ സംവിധാനം ചെയ്ത കയ്യെത്തും ദൂരത്ത് എന്ന ചിത്രത്തിലൂടെയാണ് ഫഹദ് സിനിമയില്‍ അരങ്ങേറ്റം കുറിച്ചതെങ്കിലും ചിത്രം വന്‍ പരാജയാ‍മായിരുന്നു. പിന്നീട് കുറച്ച് വര്‍ഷങ്ങളുടെ ഇടവേളയ്ക്ക് ശേഷം കേരള കഫേ എന്ന ചിത്രത്തിലൂടെ തിരിച്ചെത്തിയ ഫഹദ്, ചാപ്പാ കുരിശ് എന്ന ചിത്രത്തിലൂടെ യുവാക്കളുടെ ഹരമായി. ഫഹദ് നായകനായി വിനീത് ശ്രീനിവാസന്‍, രമ്യ നമ്പീശന്‍ എന്നിവര്‍ അഭിനയിച്ച ചാപ്പാ കുരിശ് എന്ന ചിത്രം വന്‍ വിജയമായിരുന്നു. ചിത്രത്തില്‍ രമ്യയും ഫഹദും നടത്തുന്ന ലിപ് ലോക് കിസ്സ് ഏറെ വിവാദം ഉയര്‍ത്തിയിരുന്നു. ചാപ്പാ കുരിശ്, ഡയമണ്ട് നെക്ലസ്, അന്നയും റസൂലും, 22 ഫീമെയില്‍ കോട്ടയം, ആമേന്‍ തുടങ്ങിയ ചിത്രങ്ങളിലെ മികച്ച അഭിനയത്തിലൂടെ ഫഹദ് ന്യൂ ജനറേഷന്‍ സൂപ്പര്‍ സ്റ്റാറായി മാറി. അകം, 22 ഫീമെയില്‍ കോട്ടയം, ആമേന്‍ എന്നീ ചിത്രങ്ങളിലെ അഭിനയത്തിനു നിരവധി അംഗീകാരങ്ങളും ഫഹദിനെ തേടിയെത്തി.

ബാല താരമായി സിനിമയില്‍ എത്തിയ നസ്രിയ പിന്നീട് അവതാരികയായും ശ്രദ്ധിക്കപ്പെട്ടു. തുടര്‍ന്ന് സിനിമയില്‍ നായികയായി അഭിനയം തുടര്‍ന്നു. തമിഴില്‍ ആണ് കൂടുതല്‍ പ്രശസ്തയായത്. അടുത്തിടെ ഒരു തമിഴ് ചിത്രത്തില്‍ തന്റേതെന്ന പേരില്‍ മറ്റൊരു നടിയുടെ ഭാഗങ്ങള്‍ പ്രദര്‍ശിപ്പിച്ചതിനെതിരെ നസ്രിയ നടത്തിയ പ്രതികരണം വിവാദമായിരുന്നു. സോഷ്യല്‍ നെറ്റ് വര്‍ക്കുകളില്‍ ഏറ്റവും കൂടുതല്‍ ആരാധകര്‍ ഉള്ള മലയാള നടി കൂടെയാണ് നസ്രിയ.

- എസ്. കുമാര്‍

വായിക്കുക: , , ,

അഭിപ്രായം എഴുതുക »

മഞ്ജു വാര്യര്‍ ഓണ്‍ലൈന്‍

June 8th, 2013

manjuwarrier website-epathram

പ്രശസ്ത നടിയും നര്‍ത്തകിയുമായ മഞ്ജു വാര്യരുടെ വെബ്സൈറ്റ് നിലവില്‍ വന്നു. http://manjuwarrier.com/ എന്ന വെബ്സൈറ്റില്‍ മഞ്ചു എന്ന നടിയുടേയും നര്‍ത്തകിയുടേയും വിശേഷങ്ങളും ചിത്രങ്ങളും ഉള്‍ക്കൊള്ളിച്ചിരിക്കുന്നു. മഞ്ചു വാര്യര്‍ ദി ആക്ട്രസ്, മഞ്ചു വാര്യര്‍ ദി ഡാന്‍സര്‍ എന്നിങ്ങനെ രണ്ടു ഭാഗങ്ങളിലായിട്ടാണ് ഇത് ക്രമീകരിച്ചിരിക്കുന്നത്.

മഞ്ചുവിന്റെ നൃത്ത രംഗങ്ങളും, സിനിമാ രംഗങ്ങളും കൂടാതെ അഭിനയിച്ച ചിത്രങ്ങള്‍, ലഭിച്ച അവാര്‍ഡുകള്‍ തുടങ്ങി ജീവിതത്തിലെ മറ്റു പ്രധാന രംഗങ്ങളും ഉള്‍പ്പെടുന്ന വീഡിയോകളും ഫോട്ടോകളും വിവരങ്ങളും ഉള്‍പ്പെടുത്തി മനോഹരമായിട്ടാണ് വെബ്സൈറ്റ് ഡിസൈന്‍ ചെയ്തിരിക്കുന്നത്. നടന്‍ ദിലീപുമായുള്ള വിവാഹ ശേഷം അഭിനയത്തിന്റേയും നൃത്തത്തിന്റേയും ലോകത്തു നിന്നും മാറി നിന്ന മഞ്ചു അടുത്തയിടെ ആണ് ഗുരുവായൂരില്‍ നൃത്തം അവതരിപ്പിച്ചത്. ഇതോടെ മഞ്ചു സിനിമയിലേക്ക് തിരിച്ചു വരുന്നതായ വാര്‍ത്തകള്‍ക്ക് ബലം വച്ചു. എന്നാല്‍ അതേ കുറിച്ച് അവര്‍ വ്യക്തമായ ഒരു അഭിപ്രായം ഇനിയും പറഞ്ഞിട്ടില്ലെങ്കിലും അഭിനയത്തിന്റേയും നൃത്തത്തിന്റേയും ലോകത്തേക്ക് അധികം വൈകാതെ മഞ്ജു തിരിച്ചു വരുമെന്നാണ് സൂചന.

നടന്‍ ദിലീപുമായുള്ള ദാമ്പത്യത്തില്‍ വിള്ളല്‍ വീണതായും റിപ്പോര്‍ട്ടുകള്‍ ഉണ്ട്. മഞ്ജു ഗുരുവായൂരില്‍ നൃത്തം അവതരിപ്പിച്ചപ്പോള്‍ ദിലീപിന്റെ അസാന്നിദ്ധ്യം ശ്രദ്ധിക്കപ്പെട്ടിരുന്നു. അടുത്തയിടെ ദിലീപ് പുതിയ ബിസിനസ്സ് സംരംഭം ആരംഭിച്ചപ്പോള്‍ അവിടെ മഞ്ചുവിന്റെ സാന്നിദ്ധ്യം ഉണ്ടാ‍യിരുന്നുമില്ല. ദിലീപും മകളും വിദേശ പര്യടനം നടത്തിയപ്പോള്‍ ഒപ്പം മഞ്ചുവും ഉണ്ടായിരുന്നില്ല.

- എസ്. കുമാര്‍

വായിക്കുക: , ,

അഭിപ്രായം എഴുതുക »

നിഷാല്‍ ചന്ദ്ര വിവാഹിതനായി

May 13th, 2013

പ്രശസ്തനടി കാവ്യാമാധവന്റെ മുന്‍ ഭര്‍ത്താവ് നിഷാല്‍ ചന്ദ്ര വിവാഹിതനായി. ബുധനൂര്‍ എണ്ണക്കാട് തെക്കേമഠത്തില്‍ സുരേന്ദ്രനാഥ സ്വാമിയുടേയും അനില എസ് നാഥിന്റേയും മകള്‍ രമ്യ എസ്.നാഥാണ് വധു. വധൂഗൃഹത്തില്‍ വച്ചായിരുന്നു വിവാഹ ചടങ്ങുകള്‍. തിരുവനന്തപുരം കുമാരപുരം ജ്യോതിയില്‍ ചന്ദ്രമോഹന്റേയും മണിയുടേയും മകനാണ് നിഷാല്‍ ചന്ദ്ര. കുവറ്റിലാണ് അദ്ദേഹം ജോലി ചെയ്യുന്നത്.

ആറുമാസം തികയും മുന്പേ കാവ്യയും നിഷാലും തമ്മിലുള്ള ദാമ്പത്യം പ്രതിസന്ധിയിലായിരുന്നു. പരസ്പരം ഒത്തു പോകാനാകാത്ത സാഹചര്യത്തിലായിരുന്നു കാവ്യാമാധവനുമായുള്ള വിവാഹ ബന്ധം വേര്‍പെടുത്തിയത്. നിഷാലിനും കുടുമ്പത്തിനുമെതിരെ കാവ്യ ഗുരുതരമായ ആരോപണങ്ങള്‍ ഉന്നയിച്ചിരുന്നു. വിവാഹമോചിതയായ ശേഷം കാവ്യ വീണ്ടും സിനിമയിലേക്ക് സജീവമായി തിരിച്ചു വന്നു.

- എസ്. കുമാര്‍

വായിക്കുക: , , ,

അഭിപ്രായം എഴുതുക »

4 of 10« First...345...10...Last »

« Previous Page« Previous « ഐറ്റം ഡാന്‍സുമായി ഭാമ
Next »Next Page » ചലച്ചിത്ര താരങ്ങളായ വിനു മോഹനും വിദ്യയും വിവാഹിതനായി »



ജോണ്‍ എബ്രഹാം സ്മാരക ഹ്രസ...
രജനികാന്ത് ചിത്രത്തിൽ മഞ്...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...
എവിടെ ജോണ്‍?...
ജോസ് പ്രകാശിന് ജെ. സി ഡാ...
നടന്‍ ജഗതിശ്രീകുമാറിനു കാ...
ബാരി മികച്ച ചിത്രം; വിദ്യ...
ജോണ്‍ അബ്രഹാം പ്രത്യേക പു...
പത്മശ്രീ ഭരത് ഡോക്ടര്‍ സര...
പ്രണയം : മലയാളിയുടെ ലൈംഗി...
ബ്ലെസിയുടെ ‘പ്രണയം’ കോപ്...
കോളിളക്കം വീണ്ടും വരുന്നു...
എം. ജി. ശ്രീകുമാറും പാട്ട...
പ്രാഞ്ചിയേട്ടന്‍റെ ഒന്നാം...
ആദാമിന്റെ മകന്‍ അബുവിനു വ...
നടി ശ്വേതാ മേനോന്‍ വിവാഹി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine