07 August 2009
പ്രശസ്ത നടന്‍ മുരളി അന്തരിച്ചു നാടക സിനിമാ നടനും കേരള സംഗീത നാടക അക്കാദമി ചെയര്‍മാനും ആയ മുരളി ഇന്നലെ (വ്യാഴാഴ്ച) വൈകീട്ട് അന്തരിച്ചു. 55 വയസായിരുന്നു. ദക്ഷിണാഫ്രിക്കന്‍ സന്ദര്‍ശനം കഴിഞ്ഞു മടങ്ങിയ അദ്ദേഹത്തെ ചൊവ്വാഴ്ച വൈകീട്ട് നെഞ്ച് വേദന അനുഭവപ്പെട്ടതിനെ തുടര്‍ന്ന് തിരുവനന്തപുരം പി. ആര്‍. എസ്. ആശുപത്രിയില്‍ പ്രവേശിപ്പിച്ചിരുന്നു. അദ്ദേഹത്തിന് ന്യൂമോണിയ ബാധയെ തുടര്‍ന്ന് കടുത്ത പനിയും ഉണ്ടായിരുന്നതായി അടുത്ത സുഹൃത്തുക്കള്‍ അറിയിച്ചു. തീവ്ര പരിചരണ വിഭാഗത്തില്‍ ചികിത്സയില്‍ കഴിഞ്ഞ അദ്ദേഹം ഇന്നലെ രാത്രി 08:30 യോടെ അന്ത്യശ്വാസം വലിച്ചു. പത്ത് വര്‍ഷത്തോളമായി പ്രമേഹ രോഗത്തിന് ചികിത്സയില്‍ ആയിരുന്നു അദ്ദേഹം. ഇന്ന് വൈകീട്ട് അരുവിക്കരയില്‍ പൂര്‍ണ ഔദ്യോഗിക ബഹുമതികളോടെ സംസ്കാരം നടക്കും. ഭാര്യ ഷൈലജ, മകള്‍ കാര്‍ത്തിക. നാലു തവണ മികച്ച നടനുള്ള സംസ്ഥാന പുരസ്കാരവും ഒരു തവണ മികച്ച സഹ നടനുള്ള സംസ്ഥാന പുരസ്കാരവും മുരളിക്ക് ലഭിച്ചിട്ടുണ്ട്. ഇതിനു പുറമെ ഫിലിം ക്രിട്ടിക്സ് പുരസ്കാരം, ഫിലിം ഫെയര്‍ പുരസ്കാരം എന്നിങ്ങനെ ഒട്ടനവധി ബഹുമതികളും അദ്ദേഹത്തെ തേടി എത്തിയിട്ടുണ്ട്. മുരളിയുടെ വിയോഗത്തില്‍ മുഖ്യമന്ത്രി വി. എസ്. അച്യുതാനന്ദന്‍ അനുശോചനം രേഖപ്പെടുത്തി. പുരോഗമന പ്രസ്ഥാനങ്ങളുമായുള്ള ഒരു നിര്‍ണ്ണായക കണ്ണിയായിരുന്നു അദ്ദേഹം എന്ന് മുഖ്യമന്ത്രി അഭിപ്രായപ്പെട്ടു. മുരളിയുടെ മരണം എന്നെന്നും മലയാള സിനിമക്ക് തീരാ നഷ്ടം ആയിരിക്കും എന്ന് കെ. പി. സി. സി. പ്രസിഡണ്ട് രമേഷ് ചെന്നിത്തല അറിയിച്ചു. Malayalam actor Murali Passes away Labels: murali
- e പത്രം
|
 |
 |
 |
 |
 |
 |
 |
 |
 |
 |
 |
 |
 |
 |
ഈ പേജ് പങ്ക് വെയ്ക്കാം
ആര്‍ക്കൈവ്സ് |
വാര്‍ത്തകള്‍ പ്രധാന വാര്‍ത്തകള്‍
|
കലാ സാഹിത്യം ലേഖനങ്ങള്‍
മഞ്ഞ (മാഗസിന്‍) |
കോളംസ്
പ്രയറി ബീറ്റ്സ്
പച്ച (പരിസ്ഥിതി) |
മറ്റ് പംക്തികള്‍ ചരമം |
2 Comments:
അഭിനയക്കരുത്തിന്റെ പുലിജന്മത്തിനു പ്രണാമം.
മനസ്സിൽ നിറയുന്നത്‌ അപ്പുമേസ്തിരിയോ,കൊച്ചുരാമനോ,കാരിഗുരുക്കളോ,ടി.കെയോ അല്ല മറിച്ച്‌ ബഹ്‌റൈൻ മലയാളിസമാജത്തിൽ കാഴ്ചക്കാർക്ക്‌ മുമ്പിൽ അഭിനയത്തിന്റെ അപാരസാധ്യതകളെ വെളിവാക്കിക്കൊണ്ട്‌ നിറഞ്ഞാടിയ ലങ്കാലക്ഷ്മിയിലെ രാവണനെ.ശ്രീജിതനായ രാവണൻ!!
കാലം പ്രതിഭകളെ ഒന്നൊന്നായി കവർണ്ണെടുക്കുന്നത്‌ നിസ്സഹായരായിനോക്കിനിൽക്കുന്ന കലാസ്നേഹികൾക്ക്‌ മറ്റൊരു കനത്ത നഷ്ടം കൂടെ, ഭരത്‌ മുരളി.അരങ്ങിലും അഭ്രപാളിയിലും, പുരുഷ സൗന്ദര്യത്തിന്റെ മാസ്മരിക പ്രകടനം കാഴ്ചവച്ച താരജാഡകൾക്കും തിളക്കങ്ങൾക്കും എന്നും അന്യമായ രീതിയിൽ ഒരു യദാർത്ഥകലാകാരനായി ജീവിച്ച ആ മനുഷ്യൻ.ഒരു കമ്യൂണിസ്റ്റ്‌.
ഒടുവിൽ ജീവിതത്തിന്റെയും അഭിനയത്തിന്റേയും ചമയവും ചായക്കൂട്ടും അഴിച്ചുവച്ച്‌ അപ്രതീക്ഷിതമായ ഒരു നിമിഷത്തിൽ കടന്നുപോയ അഭിനയക്കരുത്തിന്റെ പുലിജന്മത്തിനു പ്രണാമം.
Sad indeed.
Murali was a unique personality among the actors. He was a real actor in the unreal film world.No ego, no artificiality of the king stars.Simple, realistic, moving with the mass, workers, laymen, he was never a star in the ivory tower.
When I went to Trivandrum long back to meet my friend Byju of AG's Office, Muralai was his roommate.
He was an original man.
I remember a Kavya Sandhya of Kalapeetam Ernakulam. He presented a 'cholkazhcha' of Katammanitta's ' oru pashukkuttiyute maranam'.
His death is a loss to the Malayalam Film World, Kairali Channel, and to his loving people.
My condolence to the family.
azeezks@gmail.com
Post a Comment
Links to this post:
Create a Link
« ആദ്യ പേജിലേക്ക്