അബുദാബി : അങ്കമാലി എന്‍. ആര്‍. ഐ. അസോസി യേഷന്റെ ക്രിസ്മസ് പുതുവത്സര ആഘോഷം മുസ്സഫയിലെ എമിറേറ്റ്‌സ് ഫ്യുച്ചര്‍ ഇന്റര്‍നാഷണല്‍ അക്കാദമി സ്‌കൂളില്‍ 2014 ജനുവരി 3 വെള്ളിയാഴ്ച നടക്കും. രാവിലെ 10 മണിക്ക് ആരംഭിക്കുന്ന പരിപാടികള്‍ സിനിമ നടനും ക്രിക്കറ്റ് താരവുമായ രാജീവ് പിള്ള ഉദ്ഘാടനം ചെയ്യും.
പിന്നണി ഗായിക അഭിരാമി അജയ്, ടോലിന്‍ ബിസ്സിനസ് ഗ്രൂപ്പ് മാനേജിംഗ് ഡയറക്ടര്‍ ഡോ. കെ. വി. ടോലിന്‍, അങ്കമാലി ബ്ലോക്ക് പഞ്ചായത്ത് മെമ്പര്‍ അഡ്വക്കേറ്റ് ജോര്‍ജ് മൂഞ്ഞേലി, മലയാളി സമാജം പ്രസിഡന്റ് മനോജ് പുഷ്‌കര്‍, കേരള സോഷ്യല്‍ സെന്റര്‍ പ്രസിഡന്റ് എം. യു. വാസു, ഇന്ത്യ സോഷ്യല്‍ സെന്റര്‍ വൈസ് പ്രസിഡന്റ് സക്കറിയ രാജന്‍, നോര്‍ക റൂട്‌സ് ഡയറക്ടര്‍ ഇസ്മില്‍ റാവുത്തര്‍, തുടങ്ങിയവര്‍ അതിഥികളായി എത്തും.
മികച്ച വിദ്യാഭ്യാസ പ്രവര്‍ത്തകനുള്ള അങ്കമാലി എന്‍. ആര്‍. ഐ. അസോസി യേഷന്റെ പുരസ്‌കാരം, യുവ വ്യവസായിയും വിദ്യാഭ്യാസ പ്രവര്‍ത്ത കനുമായ ഡോ. കെ. വി. ടോളിന്‍ ചടങ്ങില്‍ വച്ച് ഏറ്റു വാങ്ങും.
തുടര്‍ന്ന്‍ അസോസിയേഷന്‍ അംഗങ്ങള്‍ അവതരിപ്പിക്കുന്ന വിവിധ ങ്ങളായ കലാ പരിപാടി കളും അരങ്ങിലെത്തും.
വിവരങ്ങള്‍ക്ക് : റിജു – 055 501 49 42. രൂപേഷ് – 056 156 09 39
- pma
