സൃഷ്ടാവിന്റെ മഹത്വം ബോദ്ധ്യമായ വര്ഷം

August 30th, 2011

maulavi-abdussalam-mongam-epathram

ദുബൈ: അല്ലാഹു അക്ബര്‍ എന്ന മുദ്രാവാക്യത്തിന്റെ മഹത്വം കൂടുതല്‍ ഉയരങ്ങള്‍ താണ്ടിയ കാലയളവായിരുന്നു കഴിഞ്ഞ വര്‍ഷക്കാലമെന്ന്‌ പ്രമുഖ വാഗ്മിയും ദുബൈ അല്‍മനാര്‍ ഖുര്‍ആന്‍ സ്റ്റഡി സെന്റര്‍ ഡയറക്ടറുമായ മൗലവി അബ്ദുസ്സലാം മോങ്ങം പറഞ്ഞു. അല്‍മനാര്‍ അങ്കണത്തിലെ ഈദ്‌ നമസ്കാരത്തിന്‌ നേതൃത്വം നല്‍കിയതിനു ശേഷം ഖുത്വബ നിര്‍വഹിച്ച്‌ സംസാരിക്കുകയായിരുന്നു അദ്ദേഹം.

സ്രഷ്ടാവിന്റെ മഹത്വവും മനുഷ്യന്റെ നിസ്സാരതയും ബോധ്യമായ പ്രകൃതി ദൃഷ്ടാന്തങ്ങള്‍ നിരവധി നമ്മുടെ മുമ്പിലവതരിച്ചു. ജപ്പാനിലെ സുനാമിയുടെ മുമ്പില്‍ നിസ്സഹായനായി നോക്കി നില്‍ക്കാനേ മനുഷ്യനു കഴിഞ്ഞുള്ളൂ. ഏറിയ ബുദ്ധിയും സമയവും അദ്ധ്വാനവും പണവും ചിലവഴിച്ച്‌ തന്റെ സുഖ സൗഖ്യങ്ങള്‍ക്കായി മനുഷ്യന്‍ നിര്‍മ്മിച്ചെടുത്ത യന്ത്രങ്ങളും രമ്യഹര്‍മ്യങ്ങളും രാക്ഷസ രൂപം പൂണ്ട ചുഴികളില്‍ കുട്ടികളുടെ കളിപ്പാട്ടം പോലെ കറങ്ങിത്തിരിഞ്ഞു. നാടു മുഴുവന്‍ നക്കിത്തുടച്ചു.

al-manar-eid-gaah-qutbah-epathram

ആരാണ്‌ നന്ദിയുള്ളവര്‍ ആരാണ്‌ നന്ദി കെട്ടവര്‍ എന്നറിയാനായി സ്രഷ്ടാവ്‌ നമ്മെ പരീക്ഷണത്തിന്‌ വിധേയമാക്കുകയാണ്‌. ആ പരീക്ഷണത്തില്‍ നാം വിജയിച്ചില്ലെങ്കില്‍ പിന്നെ വീണ്ടും നാം നഷ്ടകാരികളിലുള്‍പ്പെടും. സ്വന്തം ചെറുപ്പവും സ്രഷ്ടാവിന്റെ വലിപ്പവും മനസ്സിലായി താഴ്മയുള്ള ദാസന്മാരായില്ലെങ്കില്‍ നഷ്ടം മനുഷ്യന്റേതു തന്നെ. പരീക്ഷണങ്ങള്‍ അവസാനിക്കുന്നില്ല. ഭൗതിക സുഖ സൗകര്യങ്ങളില്‍ ലോകത്തു തന്നെ ഉന്നത അദ്വിതീയമായ സ്ഥാനമലങ്കരിക്കുന്ന അമേരിക്ക ഇന്ന്‌ നാം ഈ പെരുന്നാള്‍ ആഘോഷിക്കുമ്പോള്‍ ഐറീന്‍ കൊടുങ്കാറ്റിന്‌ മുന്നില്‍ മുട്ടു വിറച്ചു നില്‍ക്കുന്നു. അദ്ദേഹം പറഞ്ഞു.

ഖുര്‍ആന്‍ പറഞ്ഞുവല്ലോ, “അപ്പോള്‍ ഏതൊരാളുടെ ഹൃദയത്തിന്‌ ഇസ്ലാം സ്വീകരിക്കാന്‍ അല്ലാഹു വിശാലത നല്‍കുകയും അങ്ങനെ അവന്‍ തന്റെ രക്ഷിതാവിങ്കല്‍ നിന്നുള്ള പ്രകാശത്തിലായിരിക്കുകയും ചെയ്തുവോ (അവന്‍ ഹൃദയം കടുത്തു പോയവനെ പോലെയാണോ?) എന്നാല്‍ അല്ലാഹുവിന്റെ സ്മരണയില്‍ നിന്ന്‌ അകന്ന്‌ ഹൃദയങ്ങള്‍ കടുത്തു പോയവര്‍ക്കാകുന്നു നാശം. അത്തരക്കാര്‍ വ്യക്തമായ ദുര്‍മാര്‍ഗത്തിലത്രെ.”(അസ്സുമര്‍:22)

കാപട്യത്തിന്റെ ലാഞ്ഛനയില്ലാതെ തികഞ്ഞ ഇഖ്ലാസോടു കൂടി സ്രഷ്ടാവിലേക്ക്‌ മടങ്ങേണ്ട ആവശ്യകതയിലേക്കാണ്‌ സംഭവ വികാസങ്ങള്‍ വിരല്‍ ചൂണ്ടുന്നത്‌. അതിനായി നാം നമ്മുടെ മുന്‍ഗണനാ പട്ടികയില്‍ മാറ്റം വരുത്തേണ്ടതുണ്ട്‌. ജീവിതത്തെ മുച്ചൂടും മാറ്റി മറിക്കേണ്ടതുണ്ട്‌. അതല്ലെങ്കില്‍ തിരിച്ചു കയറ്റം അസാദ്ധ്യമായ പതനത്തിലേക്ക്‌ നാം നമ്മെത്തന്നെ വലിച്ചെറിയുന്നതിന്‌ സമാനമായിരിക്കുമത്‌.

അനുഗൃഹീത റമദാനില്‍ നാം കര്‍മങ്ങള്‍ ചെയ്തത്‌ തികഞ്ഞ പ്രതിഫലേച്ഛയില്ലാതെയും കളങ്കമൊഴിഞ്ഞ മനസ്സോടെയുമാണെങ്കില്‍ നാം ധന്യരായി. ആ ധന്യത ചോര്‍ന്നു പോകാത്ത വിധത്തില്‍ നാം നമ്മുടെ മുന്‍ഗണനാ പട്ടിക മാറ്റി എഴുതേണ്ടതുണ്ട്‌.

ഈദിന്‌ രണ്ടു വശങ്ങളുണ്ട്‌. ഒന്ന്‌ ദൈവീകം മറ്റേത്‌ മാനുഷികം. ഇസ്ലാമിലെ ആഘോഷം സ്രഷ്ടാവിനെ മറന്ന്‌ കൂത്താടാനുള്ള അവസരമല്ല. ആഘോഷിക്കാം, പക്ഷേ വിധി വിലക്കുകള്‍ക്ക്‌ വിധേയമായി. ഇബാദത്തുകളില്‍ നിന്ന്‌ മുക്തമാകാനുള്ള അവസരവുമല്ല ഈദ്‌. അതിരും എതിരുമില്ലാത്ത ആഘോഷങ്ങള്‍ക്ക്‌ ഇസ്ലാമില്‍ ഒരു സ്ഥാനവുമില്ല.

രണ്ടാമത്തേത്‌ മാനുഷികം. അതാകട്ടെ തന്റെ സഹജീവികളോട്‌ മുസ്ലിം എങ്ങനെ വര്‍ത്തിക്കണം എന്നുള്ളതിന്റെ നിര്‍ദേശങ്ങളാണ്‌. കുടുംബത്തോടൊപ്പം ആഹ്ലാദത്തോടെ പെരുന്നാള്‍ ആഘോഷിക്കുമ്പോള്‍ രോഗത്താലോ സാമൂഹ്യ സാഹചര്യങ്ങളാലോ ആഘോഷിക്കേണ്ടതു പോലെ പെരുന്നാള്‍ ആഘോഷിക്കാനാവാത്ത ഹതഭാഗ്യരോട്‌ കൂടെ നാമുണ്ടാകണം.

കഴിഞ്ഞ ഒരു വര്‍ഷത്തിനുള്ളില്‍ ലോകത്തെമ്പാടും നിരവധി മാറ്റങ്ങളുണ്ടായി; വിശിഷ്യ, ഇസ്ലാമിക ലോകത്ത്‌. ഒരു വര്‍ഷത്തിനു മുമ്പുള്ള ഇസ്ലാമിക ലോകമല്ല ഇന്നുള്ളത്‌. ഇസ്ലാമിക ലോകത്ത്‌ വന്നു കൊണ്ടിരിക്കുന്ന മാറ്റങ്ങള്‍ നന്മക്കായിരിക്കണമെന്ന്‌ നമുക്ക്‌ അല്ലാഹുവിനോട്‌ പ്രാര്‍ഥിക്കാം. നല്ല നാളെകളായിരിക്കട്ടെ മുസ്ലിം ലോകത്തിനു വേണ്ടി വിധി കാത്തു വെച്ചിരിക്കുന്നതെന്ന്‌ നമുക്ക്‌ പ്രത്യാശിക്കാം, അദ്ദേഹം പറഞ്ഞു.

രാജ്യത്തിന്റെ വിവിധ ഭാഗങ്ങളില്‍ നിന്നായി ആയിരങ്ങള്‍ ഈദ്‌ പ്രാര്‍ഥനകളില്‍ പങ്കെടുത്തു.

(അയച്ചു തന്നത് : ആരിഫ്‌ സൈന്‍)

- ജെ.എസ്.

വായിക്കുക:

1 അഭിപ്രായം »

അഹലന്‍ റമളാന്‍ – ലൈവ് പ്രോഗ്രാം

August 30th, 2011

ahlan-ramdan-epathram

ദോഹ : ഈണം ദോഹയുടെ പിന്തുണയോടെ ഫ്രെയിം വണ്‍ മീഡിയ അവതരിപ്പിക്കുന്ന നാസിര്‍ അല്‍ ഹജ്റിസ് “അഹലന്‍ റമളാന്‍ – ലൈവ് പ്രോഗ്രാം” സെപ്തംബര്‍ 3ന് ഖത്തറിലെ ഐ. സി. സി. അശോക ഹാളില്‍ (അബൂഹമൂര്‍) രാത്രി 7:30ന് നടത്തപ്പെടുന്നു. ഈ പുണ്യമായ റമളാന്‍ മാസത്തില്‍ കൈരളി പീപ്പിള്‍ ടി. വി. യില്‍ 8 എപ്പിസോഡുകള്‍ അവതരിപ്പിച്ച “അഹലന്‍ റമളാന്‍” എന്ന പ്രോഗ്രാമിന്റെ ഒരു ലൈവ് പ്രോഗ്രാം ആണ് ഖത്തറിലെ സംഗീത പ്രേമികള്‍ക്കായി കൈരളി ടി. വി. ഒരുക്കിയിരിക്കുന്നത്. ഈണം ദോഹയുടെ പ്രശസ്ത ഗായകര്‍ക്കൊപ്പം റിയാസ്, ആഷിക് മാഹി, ഹമീദ് എന്നീ ഗായകരും ഈ സംഗീത വിരുന്നില്‍ പങ്കു ചേരുന്നു. ഒപ്പനയും, കോല്‍ക്കളിയും, സിനിമാറ്റിക് ഡാന്‍സും എല്ലാം ഒത്തു ചേര്‍ന്ന ഈ പരിപാടിയിലേക്ക് പ്രവേശനം സൌജന്യമാണ്.

(അയച്ചു തന്നത് : കെ. വി. അബ്ദുല്‍ അസീസ്‌ – ചാവക്കാട് – ദോഹ – ഖത്തര്‍)

-

വായിക്കുക:

അഭിപ്രായം എഴുതുക »

കെ.എം.സി.സി ഹാളില്‍ ഇഫ്താര്‍ സംഗമം

August 29th, 2011

shj kmcc iftar-epathram

ഷാര്‍ജ : കെ.എം.സി.സി ഷാര്‍ജ കോഴിക്കോട്‌ ജില്ലാ കമ്മിറ്റി കെ.എം.സി.സി ഹാളില്‍ ഇഫ്താര്‍ സംഗമം സംഘടിപ്പിച്ചു. സംഗമത്തോടനുബന്ധിച്ച് നടന്ന ചടങ്ങില്‍ ആക്ടിംഗ് പ്രസിഡന്റ്‌ ടി.ഹാഷിം അദ്ധ്യക്ഷത വഹിച്ചു. ശുഐബ് തങ്ങള്‍ പ്രഭാഷണം നടത്തി. ഓര്ഗ.സെക്രട്ടറി നിസാര്‍ വെള്ളികുളങ്ങര സ്വാഗതം പറഞ്ഞു. സൂപ്പി തിരുവള്ളൂര്‍, ഇബ്രാഹിം നടുവണ്ണൂര്‍, മുസ്തഫ പൂക്കാട്, സുബൈര്‍ തിരുവങ്ങൂര്‍, സി.കെ കുഞ്ഞബ്ദുള്ള, അഷ്‌റഫ്‌ അത്തോളി, സുബൈര്‍ വള്ളിക്കാട് എന്നിവര്‍ സംഗമത്തിന് നേതൃത്വം നല്‍കി.

- ലിജി അരുണ്‍

വായിക്കുക: , , ,

1 അഭിപ്രായം »

ഈദ്‌ മല്‍ഹാര്‍ കെ. എസ്. സി. യില്‍

August 25th, 2011

eid-malhar-eid-programme-in-ksc-ePathram
അബുദാബി : ചെറിയ പെരുന്നാള്‍ ആഘോഷ ത്തിന്‍റെ ഭാഗമായി ഫാന്‍റസി അവതരി പ്പിക്കുന്ന ‘ഈദ്‌ മല്‍ഹാര്‍’ നൃത്ത സംഗീത നിശ മൂന്നാം പെരുന്നാള്‍ ദിനത്തില്‍ രാത്രി 8 മണിക്ക്‌ കേരളാ സോഷ്യല്‍ സെന്‍റര്‍ അങ്കണത്തില്‍ നടക്കും.

കണ്ണൂര്‍ ശരീഫ്‌, രഹന, പൂര്‍ണ്ണശ്രീ, പ്രസീദ എന്നീ പ്രശസ്ത ഗായകര്‍ക്കൊപ്പം പ്രശസ്ത ചലച്ചിത്ര താരങ്ങളും നര്‍ത്തകി മാരുമായ ശാരിക, ആനു ജോസഫ്‌ എന്നിവരും പൊട്ടിച്ചിരി യുടെ മാലപ്പടക്ക ത്തിന് തിരി കൊളുത്തുന്ന മിമിക്രി താരങ്ങളും ചടുല താളങ്ങളുമായി നര്‍ത്തകരും പങ്കെടുക്കുന്നു.

മാപ്പിളപ്പാട്ട്, നാടന്‍ പാട്ടുകള്‍, ചലച്ചിത്ര ഗാനങ്ങള്‍ തുടങ്ങിയ ജനപ്രിയ ഗാനങ്ങള്‍ ഉള്‍പ്പെടുത്തി യുള്ള ഗാനമേള, കോമഡി ഷോ, നൃത്ത നൃത്യങ്ങള്‍ എന്നിവ ഈദ്‌ മല്‍ഹാര്‍ ആകര്‍ഷകമായ സ്റ്റേജ് ഷോ ആക്കി മാറ്റാനുള്ള തയ്യാറെടുപ്പിലാണ് സംഘാടകര്‍.

പരിപാടി യിലേക്കുള്ള പ്രവേശനം പാസ്സുമൂലം നിയന്ത്രിക്കും. വിവരങ്ങള്‍ക്ക് വിളിക്കുക : അബ്ദുല്‍ ഗഫൂര്‍ 050 81 66 868

- pma

വായിക്കുക:

അഭിപ്രായം എഴുതുക »

സമാജത്തില്‍ മാപ്പിളപ്പാട്ട് മല്‍സരം

August 25th, 2011

samajam-mappilappatu-competition-ePathram
അബുദാബി : ഈദുല്‍ ഫിത്വര്‍ ആഘോഷ ങ്ങളുടെ ഭാഗമായി അബുദാബി മലയാളി സമാജം സംഘടി പ്പിക്കുന്ന മാപ്പിളപ്പാട്ട് ആലാപന മല്‍സരം സെപ്റ്റംബര്‍ 2 വെള്ളിയാഴ്ച നടത്തുന്നു.

ഏറ്റവും മികച്ച ഗായക നെയും ഗായിക യേയും കണ്ടെത്തു ന്നതിനായി സമാജം കലാ വിഭാഗം നടത്തുന്ന ഈ മല്‍സര ത്തില്‍ 15 വയസ്സിനു മുകളില്‍ ഉള്ള സ്ത്രീ – പുരുഷന്മാര്‍ക്ക്‌ പങ്കെടുക്കാം. താല്പര്യമുള്ളവര്‍ ആഗസ്റ്റ്‌ 31 നു മുന്‍പേ പേര് രജിസ്റ്റര്‍ ചെയ്യണം.

notice-mappilappatu-competition-ePathram

അപേക്ഷാ ഫോറം ലഭിക്കുവാനും വിശദ വിവരങ്ങള്‍ അറിയാനുമായി കലാ വിഭാഗം സിക്രട്ടറി ബഷീറിന് വിളിക്കുക. 050 – 27 37 406, 02 – 55 37 600

- pma

വായിക്കുക: ,

അഭിപ്രായം എഴുതുക »


« Previous Page« Previous « മാസ പ്പിറവി നിരീക്ഷണ സമിതി 29 ന് യോഗം ചേരും
Next »Next Page » ഈദ്‌ മല്‍ഹാര്‍ കെ. എസ്. സി. യില്‍ »



  • ജിമ്മി ജോർജ്ജ് വോളി : ലൈഫ് ടൈം അച്ചീവ് മെന്റ് അവാർഡ് മാണി സി. കാപ്പന്
  • ജിമ്മി ജോർജ്ജ് സ്മാരക റമദാൻ വോളി : മാർച്ച് 27 ന് അബുദാബിയിൽ തുടക്കം
  • ദുബായ് സർക്കാരിന് പുതിയ ലോഗോ
  • ഇഖ്‌വ ഇഫ്‌താർ സംഗമം സംഘടിപ്പിച്ചു
  • ശൈഖ് മുഹമ്മദ് ബിൻ സായിദ് സമൂഹ ഇഫ്താറിൽ : വീഡിയോ വൈറൽ
  • മൂന്നാമത് ഇ. കെ. നായനാര്‍ സ്മാരക ഫുട് ബോൾ ടൂർണ്ണ മെന്റിന് വർണ്ണാഭമായ തുടക്കം
  • ഗാസയിലെ പരിക്കേറ്റവർക്ക് 2 ദശ ലക്ഷം ദിര്‍ഹത്തിൻ്റെ മെഡിക്കൽ സഹായം എത്തിച്ച് ബുര്‍ജീല്‍ ഹോൾഡിംഗ്സ്
  • ഇ. കെ. നായനാര്‍ സ്മാരക ഫുട് ബോൾ ടൂർണ്ണ മെൻ്റ് മാർച്ച് 16, 17 തിയ്യതികളിൽ
  • അൽ ഐൻ മലയാളി സമാജം പുതിയ കമ്മിറ്റി
  • ജിമ്മി ജോർജ്ജ് മെമ്മോറിയൽ വോളി ബോൾ ടൂർണ്ണ മെൻ്റ് മാർച്ച് 27 മുതൽ
  • മികച്ച നേട്ടം കൈവരിച്ച് ബുര്‍ജീല്‍ ഹോൾഡിംഗ്സ്
  • ബാ​പ്സ് ഹി​ന്ദു മ​ന്ദി​റി​ലേ​ക്ക് പു​തി​യ ബസ്സ് (203) സർവ്വീസ്
  • റമളാൻ ഹദിയ : ബ്രോഷർ പ്രകാശനം ചെയ്തു
  • അൽ ഐൻ ഓര്‍ത്തഡോക്‌സ് പള്ളിയില്‍ ഓർമ്മപ്പെരുന്നാളും പൊതു സമ്മേളനവും
  • വ്യക്തി കേന്ദ്രീകൃതമായ ചികിത്സയിലൂടെ അർബുദത്തെ നേരിടുന്നതിൽ വൻ മുന്നേറ്റം ഉണ്ടാക്കുവാൻ കഴിയും : പ്രൊഫ. ജെയിംസ് ആലിസൺ
  • സായിദ് എയർ പോർട്ടിൽ ആരോഗ്യ സേവനങ്ങൾക്കായി ബുർജീലിനെ തെരഞ്ഞെടുത്തു
  • മലപ്പുറം ജില്ലാ കെ. എം. സി. സി. യുടെ TASKCON പ്രഖ്യാപനം
  • ഫുഡ്‌ ഫെസ്റ്റ് സീസൺ-2 : വിജയികൾക്ക് സമ്മാനങ്ങൾ വിതരണം ചെയ്തു
  • ഗൂഗിള്‍ ക്രോം ഉപയോക്താക്കള്‍ക്ക് മുന്നറിയിപ്പ്
  • ഖുർആൻ പാരായണ മത്സരം



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine