 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : പാണക്കാട് സയ്യിദ്‌ മുഹമ്മദലി ശിഹാബ് തങ്ങള്‍ ഓര്‍മ്മയായിട്ട് രണ്ടു വര്‍ഷം തികയുന്ന വേളയില്‍ അബുദാബി ഇന്ത്യന്‍ ഇസ്ലാമിക്‌ സെന്റര് അനുസ്മരണ സമ്മേളനം നടത്തുന്നു.
ജൂലായ് 29 വെള്ളിയാഴ്ച വൈകീട്ട് 7.30 ന് ഇസ്ലാമിക്‌ സെന്‍ററില്‍ നടക്കുന്ന പ്രാര്‍ത്ഥനാ സദസ്സിലും അനുസ്മരണ സമ്മേളന ത്തിലും മത – രാഷ്ട്രീയ – സാംസ്കാരിക രംഗത്തെ പ്രമുഖര്‍ പങ്കെടുക്കും.
- pma
വായിക്കുക: കെ.എം.സി.സി., കേരള രാഷ്ട്രീയ നേതാക്കള്‍, ചരമം
അബുദാബി: സംഗീതാ സ്വാദകരുടെ മനം കുളിരണിയിച്ച് തൊണ്ണൂറു കളിലെ പ്രണയ ഗാനങ്ങള്‍ അരങ്ങേറി. യുവ കലാ സാഹിതി അബുദാബി യുടെ പി. ഭാസ്‌കരന്‍ സ്മാരക മ്യൂസിക് ക്ലബ് സംഘടിപ്പിച്ച ‘തൊണ്ണൂറുകളിലെ പ്രണയ ഗാനങ്ങള്‍’ എന്ന സംഗീത പരിപാടി, കത്തി നില്‍ക്കുന്ന വേനലിലെ കുളിര്‍ മഴയായി മാറി.
എം. ജി. രാധാകൃഷ്ണന്‍, രവീന്ദ്രന്‍ മാസ്റ്റര്‍, ഗിരീഷ് പുത്തഞ്ചേരി എന്നിവര്‍ക്കുള്ള സമര്‍പ്പണം കൂടി യായിരുന്നു പ്രണയ ഗാനങ്ങള്‍. പാര്‍വ്വതി ചന്ദ്ര മോഹന്‍, ദിവ്യ വിമല്‍, സുഹാന സുബൈര്‍, യൂനുസ്ബാവ, ലിഥിന്‍, ജിജേഷ്, റോണി, റസാക്ക്, സെബാസ്റ്റ്യന്‍ എന്നിവരാണ് ഗാനങ്ങള്‍ ആലപിച്ചത്.
ആരോ വിരല്‍മീട്ടി, എത്രയോ ജന്മമായ്, പിന്നെയും പിന്നെയും ആരോ കിനാവിന്‍റെ, വരുവാനില്ലാരും, രാജ ഹംസമേ, നിലാവിന്‍റെ നീലഭസ്മ കുറിയണിഞ്ഞവളെ… തുടങ്ങി എക്കാലത്തെയും മികച്ച പ്രണയ ഗാന ങ്ങള്‍ പിറന്ന തൊണ്ണൂറുകളിലെ ഗാന രചനകളില്‍ ഭൂരിഭാഗവും യശശ്ശരീരനായ ഗിരീഷ് പുത്തഞ്ചേരി യുടെ തൂലിക യില്‍ നിന്ന് പിറന്നതായിരുന്നു.
ജോഷി ഒഡേസ, കെ. പി. എ. സി. സജു, എം. സുനീര്‍, പി. എ. സുബൈര്‍, സുനില്‍ ബാഹുലേയന്‍, രാജേന്ദ്രന്‍ മുടാക്കല്‍, സലിം എന്നിവര്‍ പിന്നണിയില്‍ പ്രവര്‍ത്തിച്ചു.
കെ. എസ്. സി. പ്രസിഡന്‍റ് കെ. ബി. മുരളി ഉദ്ഘാടനം ചെയ്തു. ഇ. ആര്‍. ജോഷി അദ്ധ്യക്ഷത വഹിച്ചു. പി. ചന്ദ്രശേഖരന്‍ സ്വാഗതവും അബൂബക്കര്‍ ചാവക്കാട് നന്ദിയും പറഞ്ഞു.
- pma
വായിക്കുക: യുവകലാസാഹിതി, സംഗീതം
അബുദാബി : വേനല്‍ അവധിക്ക് നാട്ടില്‍ പോകാത്ത കുട്ടികള്‍ക്കായി കേരള സോഷ്യല്‍ സെന്റര് അങ്കണ ത്തില്‍ ‘വേനല്‍ത്തുമ്പികള്‍’ എന്ന പേരില്‍ സംഘടിപ്പിച്ചു വരുന്ന വേനലവധി ക്യാമ്പില്‍ നാട്ടില്‍ നിന്നുള്ള സാഹിത്യ നായകരുടെ സന്ദര്‍ശനം കുട്ടികള്‍ക്ക് ആവേശം പകര്‍ന്നു.
കവികളായ എന്‍. പ്രഭാവര്‍മ്മ, പ്രൊഫ. ഏറ്റുമാനൂര്‍ സോമ ദാസന്‍, കഥാകൃത്ത് അംബികാ സുതന്‍ മാങ്ങാട് എന്നിവരാണ് ക്യാമ്പ് സന്ദര്‍ശിച്ചത്. അവര്‍ പറഞ്ഞു കൊടുത്ത കഥകളും ഉപദേശ ങ്ങളും വേനല്‍ തുമ്പി കള്‍ ഏറെ താത്പര്യ പൂര്‍വ്വമാണ് സ്വീകരിച്ചത്.
ശാസ്ത്ര കൗതുക ലോകത്ത് നൂതന പരീക്ഷണ ങ്ങളിലൂടെ ശ്രദ്ധേയനായ നജീം കെ. സുല്‍ത്താന്‍, കുട്ടി കളുടെ തിയേറ്റര്‍ സംഘാടകന്‍, നാടക പ്രവര്‍ത്തകന്‍ എന്നീ നിലകളില്‍ ഏറെ ശ്രദ്ധേയനായ നിര്‍മല്‍ കുമാര്‍ എന്നി വരാണ് കുട്ടികളുടെ അഭിരുചികള്‍ക്ക് അനുസരിച്ച് ക്ലാസുകള്‍ എടുക്കുന്നത്.
ജൂലായ് 29 വെള്ളിയാഴ്ച നടക്കുന്ന പൊതു സമ്മേളനവും കുട്ടികളുടെ കലാ പരിപാടി കളോടും കൂടി ഈ വര്‍ഷത്തെ ക്യാമ്പിന് സമാപനമാവും.
– അയച്ചു തന്നത് : സഫറുള്ള പാലപ്പെട്ടി.
- pma
വായിക്കുക: കുട്ടികള്‍, കേരള സാംസ്കാരിക വ്യക്തിത്വം, കേരള സോഷ്യല്‍ സെന്റര്
അബുദാബി : കേരള വനം വകുപ്പ്‌ മന്ത്രി കെ. ബി. ഗണേഷ്‌ കുമാറിന് അബുദാബി മലയാളി സമാജം സ്വീകരണം നല്‍കുന്നു. ജൂലായ് 29 വെള്ളിയാഴ്ച വൈകുന്നേരം 8 മണിക്ക് മുസ്സഫ എമിറേറ്റ്‌സ് ഫ്യൂച്ചര്‍ ഇന്‍റര്‍നാഷണല്‍ സ്‌കൂളിലാണ് പരിപാടി.
സമാജം സമ്മര്‍ ക്യാമ്പ് ‘വേനല്‍ക്കൂടാരം’ സമാപന സമ്മേളനം മന്ത്രി ഉദ്ഘാടനം ചെയ്യും. സമാപന സമ്മേളന ത്തോട് അനുബന്ധിച്ച് വേനല്‍ക്കൂടാര ത്തില്‍ പങ്കെടുത്ത കുട്ടികളുടെ വിവിധ കലാപരിപാടി കള്‍ ഉണ്ടായിരിക്കും. വിശദ വിവരങ്ങള്‍ക്ക് സമാജം ഓഫീസുമായി ബന്ധപ്പെടുക : 02 55 37 600
- pma
വായിക്കുക: കേരള രാഷ്ട്രീയ നേതാക്കള്‍, മലയാളി സമാജം
ദുബായ് : ഭാവനാ ആര്‍ട്‌സ് സൊസൈറ്റി, മിഡ്‌സീ ഷിപ്പിംഗ് കമ്പനിയും സംയുക്തമായി റോയല്‍ പാലസ് ഹോട്ടലില്‍ കഥയരങ്ങ് സംഘടിപ്പിച്ചു.
‘ഭാവന കഥയരങ്ങ്- 2011 എന്ന പേരില്‍ നടന്ന പരിപാടി യില്‍ ഒന്നാം സമ്മാനം നേടിയ രാജു ഇരിങ്ങല്‍ രചിച്ച ‘നിരപരാധി എന്ന അശ്ലീല കഥ’ ഭാവന കലാ വിഭാഗം സെക്രട്ടറി ഷാനവാസ് ചാവക്കാട് അവതരി പ്പിച്ചു. രാജു വിനുള്ള അവാര്‍ഡ്‌ ഷാനവാസ് ഏറ്റുവാങ്ങി.
രണ്ടാം സമ്മാനം നേടിയ സി. പി. അനില്‍ കുമാറിന്‍റെ ‘വൈഖരി’, മൂന്നാം സമ്മാനം കിട്ടിയ സോണിയ റഫീക്കിന്‍റെ ‘കാലാന്തരങ്ങള്‍’ എന്നിവ കഥാകൃത്തുക്കള്‍ തന്നെ അവതരിപ്പിച്ചു.
ജോസ്‌ ആന്റണി കുരീപ്പുഴ, തോമസ്‌ ചെറിയാന്‍, അജിത്‌ കുമാര്‍ എന്നിവര്‍ സമ്മാനാര്‍ഹമായ കഥകള്‍ വിലയിരുത്തി സംസാരിച്ചു. സാംസ്കാരിക രംഗത്തെ പ്രമുഖര്‍ അവാര്‍ഡുകള്‍ വിതരണം ചെയ്തു. താജ്മഹലിന് ഓര്‍മ്മ ക്കുറിപ്പ്, രാവണ പുത്രി എന്നീ കവിതകള്‍ ശിവപ്രസാദ്, വിപുല്‍ കുമാര്‍ എന്നിവര്‍ ആലപിച്ചു.
കെ. ത്രിനാഥ് അദ്ധ്യക്ഷത വഹിച്ചു. സുലൈമാന്‍ തണ്ടിലം സ്വാഗതവും ഖാലിദ് തൊയക്കാവ് നന്ദിയും പറഞ്ഞു.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
