 |
 |
 |
 |
 |
 |
 |
 |
 |
 |
 |
 |
 |
 |
ഷാര്‍ജ : വിവിധ മേഖല കളില്‍ മികച്ച സേവനം കാഴ്ച വെച്ച സ്ഥാപനങ്ങള്‍ക്ക്‌ നല്‍കി വരുന്ന ഷാര്‍ജ ഇക്കണോമിക്സ് എക്സലന്‍സ്‌ അവാര്‍ഡ്‌ ഷാര്‍ജ യിലെ റെസലൂഷന് ഗ്രാഫിക് സെന്‍റര്‍ അര്‍ഹരായി.
ഷാര്‍ജ ചേംബര്‍ ഓഫ് കൊമേഴ്സ്‌ ഹാളില്‍ നടക്കുന്ന ചടങ്ങില്‍ ഷാര്‍ജ കിരീടാവകാശി ശൈഖ് സുല്‍ത്താന്‍ ബിന്‍ സുല്‍ത്താന്‍ അല്‍ ഖാസിമി യില്‍ നിന്നും റസലൂഷന്‍ എം. ഡി. മുഹമ്മദ് ഇഖ്ബാല്‍ അവാര്‍ഡ്‌ ഏറ്റു വാങ്ങും.
- pma
ദുബായ് : ദല മുപ്പതാം വാര്‍ഷിക ആഘോഷത്തിന്റെ ഭാഗമായി ഇന്ത്യന്‍ കോണ്‍സുലേറ്റിന്റെ രക്ഷാ കര്‍തൃത്വത്തില്‍ നടക്കുന്ന “ദല സംഗീതോത്സവ” ത്തിന് സംഗീത വിദ്വാന്‍ കലാരത്നം കെ. ജി. ജയന്‍ (ജയ വിജയ) നേതൃത്വം നല്‍കുന്ന പത്തംഗ സംഘം എത്തും. സംഗീത വിദ്വാന്‍ യുവ കലാ ഭാരതി എം. കെ. ശങ്കരന്‍ നമ്പൂതിരി, വയലിന്‍ വിദ്വാന്‍ സംഗീത കലാ നിധി നെടുമങ്ങാട്‌ ശിവാനന്ദന്‍, സംഗീത വിദ്വാന്‍ ഹംസാനന്ദി തൃപ്പൂണിത്തുറ കെ. ആര്‍. ചന്ദ്ര മോഹന്‍, പ്രശസ്ത മൃദംഗ വിദ്വാന്‍ ചേര്‍ത്തല ദിനേശ്‌, കവിയും കര്‍ണ്ണാടക സംഗീത രചയിതാവുമായ തൃപ്പൂണിത്തുറ പൂര്‍ണ്ണത്രയീ ജയപ്രകാശ്‌, വയലിന്‍ വിദ്വാന്‍ ഇടപ്പിള്ളി ജയമോഹന്‍, മൃദംഗ വിദ്വാന്‍ ലയമണി തൃപ്പൂണിത്തുറ ബി. വിജയന്‍, സൗത്ത്‌ ഇന്ത്യയിലെ പ്രശസ്ത ഘടം വിദ്വാന്‍ തൃപ്പൂണിത്തുറ കണ്ണന്‍, പ്രശസ്ത മുഖര്‍ശംഖ് വിദ്വാന്‍ തൃപ്പൂണിത്തുറ അയ്യപ്പന്‍ തുടങ്ങിയവരാണ് സംഘത്തില്‍ ഉള്ളത്.
ജൂണ്‍ 10 വെള്ളിയാഴ്ച കാലത്ത്‌ 9 മണി മുതല്‍ രാത്രി 9 മണി വരെ ദുബായ് വിമന്‍സ്‌ കോളേജ്‌ ഓഡിറ്റോറിയത്തില്‍ ആണ് “ദല സംഗീതോത്സവം” അരങ്ങേറുന്നത്. ചെമ്പൈ സംഗീതോത്സവത്തിന്റെ മാതൃകയില്‍ ചിട്ടപ്പെടുത്തിയിട്ടുള്ള ഈ സംഗീത അര്‍ച്ചനയില്‍ യു. എ. ഇ. യിലെ കര്‍ണ്ണാടക സംഗീത വിദ്വാന്മാര്‍ക്കും വിദുഷികള്‍ക്കും സംഗീത വിദ്യാര്‍ത്ഥികള്‍ക്കും പങ്കെടുക്കാം. പങ്കെടുക്കാന്‍ താല്‍പര്യം ഉള്ളവര്‍ ജൂണ്‍ 5ന് മുന്‍പ്‌ പേര് റജിസ്റ്റര്‍ ചെയ്യേണ്ടതാണ്. റജിസ്ട്രേഷന്‍ ഫോം ലഭിക്കാന്‍ ഇവിടെ ക്ലിക്ക് ചെയ്യുക.
കൂടുതല്‍ വിവരങ്ങള്‍ക്ക് 050 5451629 എന്ന നമ്പറില്‍ ബന്ധപ്പെടാം.
(അയച്ചു തന്നത് : സജീവന്‍ കെ. വി.)
- ജെ.എസ്.
ദുബായ് : ദൃശ്യ മാധ്യമ രംഗത്ത്‌ പുതുമ യുള്ള സംരംഭങ്ങള്‍ ഒരുക്കുന്നതിന് വേണ്ടി ദുബായ് ആസ്ഥാന മായി പ്രവര്‍ത്തനം ആരംഭിച്ചിട്ടുള്ള സില്‍വര്‍ ഗ്ലോബ് ക്രിയേഷന്‍സ് ഒരുക്കുന്ന ‘മേല്‍വിലാസം’ എന്ന ടെലി സിനിമക്ക് തുടക്കം കുറിച്ചു. സില്‍വര്‍ ഗ്ലോബ് ചെയര്‍ പേഴ്സണ്‍ ഷീലാ സാമുവല്‍ നേതൃത്വം നല്‍കിയ പരിപാടി, എഴുത്തുകാരനും വാഗ്മിയുമായ ബഷീര്‍ തിക്കൊടി ഉദ്ഘാടനം ചെയ്തു.
യു. എ. ഇ. എക്സ്ചേഞ്ച് സെന്‍റര്‍ ഫുജൈറ ബ്രാഞ്ച് മാനേജര്‍ ലതാഷെട്ടി മുഖ്യാഥിതി ആയിരുന്നു. ശുഭാ നമ്പ്യാര്‍, പുന്നക്കന്‍ മുഹമ്മദാലി, നാരായണന്‍ വെളിയങ്കോട്, അബ്ദുള്ളക്കുട്ടി ചേറ്റുവ, സിയാദ് കൊടുങ്ങല്ലൂര്‍, ഇസ്മായില്‍ ഏറാമല, നിസാര്‍ കിളിമാനൂര്‍, നാസര്‍ പരദേശി, തമോഖന ചക്രവര്‍ത്തി, എസ്. പി. മഹമൂദ്, ഖാദര്‍ ഏറാമല, ലത്തീഫ്‌ പടന്ന, ഷാജഹാന്‍ തറവാട്ടില്‍ എന്നിവര്‍ ആശംസകള്‍ നേര്‍ന്നു.
മുഖ്യാഥിതി ലതാഷെട്ടി, സിനിമാ പ്രവര്‍ത്തകന്‍ ഷാജഹാന്‍ തറവാട്ടില്‍ എന്നിവര്‍ ചേര്‍ന്ന്‍ ‘മേല്‍വിലാസം’ ടെലി സിനിമ യുടെ ബ്രോഷര്‍ പ്രകാശനം നിര്‍വ്വഹിച്ചു. സിനിമ യിലെ മുഖ്യ വേഷങ്ങള്‍ ചെയ്യുന്ന നിവ്യ നിസാര്‍, ജോനിറ്റ ജോസഫ്‌, ജാന്‍സി ജോഷി, അഷ്‌റഫ്‌ പെരിഞ്ഞനം, ജയ്സണ്‍ ആലുവ, അന്‍സാര്‍ മാഹി, ഷാജി തൃശ്ശൂര്‍, മൂസാകുട്ടി എന്നിവരെയും ക്യാമറാമാന്‍ സാഹില്‍ മാഹി, സംവിധായകന്‍ അസീസ്‌ തലശ്ശേരി എന്നിവരെയും സദസ്സിനു പരിചയ പ്പെടുത്തി. പി. എം. അബ്ദുല്‍ റഹിമാന്‍ പരിപാടി യുടെ അവതാരകന്‍ ആയിരുന്നു.
മേല്‍വിലാസ ത്തിന്‍റെ തിരക്കഥാ കൃത്തും ഈ കൂട്ടായ്മ യുടെ സംഘാടക നുമായ സുബൈര്‍ വെള്ളിയോട് സ്വാഗതം പറഞ്ഞു. കലാ സംവിധായകന്‍ റഫീഖ്‌ വാണിമേല്‍ നന്ദി പറഞ്ഞു. തുടര്ന്ന് ഗാനമേളയും അരങ്ങേറി.
- pma
അബുദാബി : പ്രശസ്ത മാധ്യമ പ്രവര്‍ത്തകനും കവിയുമായ കുഴൂര്‍ വിത്സണ്‍ ചൊല്ലിയ പത്ത് കവിതകള്‍ അടങ്ങിയ ‘സുവര്‍ണ്ണഭൂമി’ ഓഡിയോ സി. ഡി. യുടെ പ്രകാശനം ജൂണ്‍ 1 ബുധനാഴ്ച വൈകീട്ട് റാസല്‍ഖൈമ ഇന്ത്യന്‍ പബ്ലിക്ക് സ്കൂളില്‍ വെച്ചു നടക്കും.
പ്രമുഖ സാമൂഹ്യ പ്രവര്‍ത്തകന്‍ സലാം പാപ്പിനിശ്ശേരി, ആറു വയസ്സുകാരി അഖിയക്ക് സുവര്‍ണ്ണഭൂമി യുടെ കോപ്പി നല്‍കി കൊണ്ടാണു പ്രകാശനം. തുടര്ന്ന് തൂലിക റാസല്‍ഖൈമ ഒരുക്കുന്ന കുട്ടികളുടെ കാവ്യസായാഹ്നം അരങ്ങേറും. രഘുനന്ദനന്‍ മാസ്റ്റര്‍ കാവ്യസായാഹ്ന ത്തിനു നേതൃത്വം നല്‍കും.
കുഴൂര്‍ വില്‍സന്‍റെ ഒമ്പത് സ്വന്തം കവിതകളും, പി. രാമന്‍റെ ‘നിശബ്ദതയ്ക്ക് ഒരു ചരമ ക്കുറിപ്പ്’ എന്ന കവിതയും ഉള്‍പ്പെട്ടിട്ടുള്ള ‘സുവര്‍ണ്ണഭൂമി’ എന്ന ആദ്യ ചൊല്‍ക്കവിതാ സമാഹാരം പുറത്തിറക്കുന്നത് സ്പീഡ് ഓഡിയോസ്‌.
സുവര്‍ണ്ണഭൂമി അടിസ്ഥാന മാക്കിയുള്ള തുടര്‍ കവിതാ സായാഹ്നങ്ങള്‍ വരും ദിവസ ങ്ങളില്‍ മറ്റു എമിറേറ്റു കളിലും അരങ്ങേറും.
കൂടുതല്‍ വിവരങ്ങള്‍ക്ക് വിളിക്കുക : 055 – 48 98 738, 050 – 86 69 835
- pma
ഷാര്‍ജ : പ്രവാസ ലോകത്തെ ശ്രദ്ധേയരായ രണ്ട് എഴുത്തു കാരുടെ പുസ്തകങ്ങള്‍ പ്രകാശനം ചെയ്യുന്നു. വെള്ളിയോടന്‍ എഴുതിയ ‘ആയ’ എന്ന കഥാ സമാഹാരവും ഷീജാ മുരളി എഴുതിയ ‘അജന്തയിലെ സുന്ദരി’ എന്ന ലേഖന സമാഹാര വുമാണ് പാം പബ്ലിക്കേഷന്‍ പുറത്തിറക്കുന്നത്.
മെയ്‌ 29 ഞായറാഴ്ച വൈകുന്നേരം 5.30 നു കോഴിക്കോട് അളകാപുരി ഹോട്ടല്‍ ഓഡിറ്റോറിയ ത്തില്‍ നടക്കുന്ന പുസ്തക പ്രകാശന ചടങ്ങില്‍ യു. കെ. കുമാരന്‍, സുബൈര്‍ മൂഴിക്കല്‍, പി. എം. രാജന്‍ ബാബു, എം. മനോഹരന്‍, അഡ്വ. മഞ്ചേരി സുന്ദര്‍ രാജ്, പുറന്തോടത്ത് ഗംഗാധരന്‍ തുടങ്ങിയവര്‍ പങ്കെടുക്കും.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
