കുവൈത്ത് സിറ്റി : കേരള അസോസിയേഷന്‍ സംഘടിപ്പിക്കുന്ന രണ്ടാമത് ‘കാമ്പിശ്ശേരി നാടകോത്സവം’ ഏപ്രില്‍ 29 ന് ഖൈത്താന്‍ ഇന്ത്യന്‍ കമ്മ്യൂണിറ്റി സ്കൂളില്‍ അരങ്ങേറും. എകാങ്ക നാടക മത്സരം, നാടക സെമിനാര്‍, നാടക പരിശീലന കളരി, നാടക ചരിത്ര പ്രദര്‍ശനം എന്നിവ നാടകോത്സവ ത്തിന്‍റെ ഭാഗമായി നടക്കും.
ഇതിനായി സാബു. എം. പീറ്റര്‍ ജനറല്‍ കണ്‍വീനറും സെമിന്‍ ആസ്മിന്‍, ഷാജി രഘുവരന്‍ എന്നിവര്‍ കണ്‍വീനര്‍ മാരായും ഉള്ള പ്രോഗ്രാം കമ്മിറ്റി രൂപികരിച്ച് പ്രവര്‍ത്തനം ആരംഭിച്ചു.
നാടക മത്സര ത്തില്‍ പങ്കെടുക്കുവാന്‍ ആഗ്രഹിക്കുന്ന സംഘങ്ങള്‍ മാര്‍ച്ച് 31നു മുമ്പായി രജിസ്റ്റര്‍ ചെയ്യേണ്ടതാണ്. വിശദ വിവരങ്ങള്‍ക്ക് 99 330 267, 66 38 30 73, 65 11 28 25 എന്നീ നമ്പറുകളില്‍ ബന്ധപ്പെടുക.
-അയച്ചു തന്നത് : യു. അബ്ദുല്‍ കലാം, കുവൈത്ത്.
അബുദാബി : യു. എ. ഇ. സര്‍ക്കാറിന്‍റെ സക്കാത്ത് ഫണ്ട് ഡയറക്ടര്‍ ബോര്ഡ് അംഗമായി പ്രമുഖ പ്രവാസി വ്യവസായി എം. എ. യൂസഫലിയെ നിയമിച്ചു. ദാനധര്‍മ്മ ങ്ങള്‍ക്കായി സര്‍ക്കാര്‍ അധീനത യിലുള്ള സ്ഥാപനമാണ് സക്കാത്ത് ഫണ്ട്.
