 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : കോഴിക്കോടിന്റെ പെരുമ ഉയര്‍ത്തിയ വിഖ്യാത സംഗീത സംവിധായകന്‍ എം. എസ്. ബാബുരാജിന്റെ സ്മരണ പുതുക്കുന്നതിനും അദ്ദേഹത്തിന്റെ നിര്‍ധന കുടുംബത്തെ സഹായിക്കുന്നതിനും വേണ്ടി കോഴിക്കോട് ജില്ലാ പ്രവാസി അസോസിയേഷന്‍ ഏപ്രില്‍ അവസാന വാരം ദുബായില്‍ സംഗീത നിശ സംഘടിപ്പിക്കും. മലയാള ചലച്ചിത്ര പ്രവര്‍ത്തകര്‍ ഉള്‍പ്പെടെ പ്രമുഖ പ്രതിഭകള്‍ പങ്കെടുക്കുന്ന പരിപാടിയില്‍ വെച്ച് സംഘടനയുടെ ഔദ്യോഗിക ഉല്‍ഘാടനവും നടത്തും.
- ജെ.എസ്.
വായിക്കുക: കേരള സാംസ്കാരിക വ്യക്തിത്വം, സംഗീതം, സംഘടന
ഷാര്ജ : സി. എസ്. എസ്. കളിക്കളം ഷാര്ജ ബാഡ്മിന്റണ്‍ ടൂര്ണ്ണമെന്റ് 2011നു തുടക്കമായി. കുവൈറ്റ് റൌണ്ട് എബൌട്ടി നടുത്തുള്ള ഇന്ഡോര്‍ സ്റ്റേഡിയത്തിലാണു മത്സരങ്ങള്‍ പുരോഗമിക്കുന്നത്. മത്സരങ്ങളുടെ ഉദ്ഘാടനം കഴിഞ്ഞ ദിവസം നടന്നു. ഉദ്ഘാടന ച്ചടങ്ങില്‍ പ്രസിഡന്റ് വേണു ഗോപാല്‍ അധ്യക്ഷനായിരുന്നു.
എസ്. കെ. സി. ഗ്രൂപ്പ് പ്രതിനിധി സോമന്‍, റൊമാന വാട്ടര്‍ പ്രതിനിധി പ്രദീപ്, ലൈഫ് ലൈന്‍ ഗ്രൂപ്പ് പ്രതിനിധി ഷബീര്‍, ബിജു കാസിം, സുശാന്ത്, ഷെല്ലി, കമാല്‍ തുടങ്ങിയവര്‍ പങ്കെടുത്തു.
ചിത്രത്തില്‍ ക്ലിക്ക്‌ ചെയ്‌താല്‍ വലുതായി കാണാം
ഈ മാസം 25 വരെ മത്സരങ്ങള്‍ നീണ്ട് നില്ക്കും.
(അയച്ചു തന്നത് : കുഴൂര്‍ വില്‍സന്‍)
-
ദുബായ് : കോഴിക്കോട് ജില്ലയില്‍ നിന്നെത്തി യു. എ. ഇ. യില്‍ ജോലി ചെയ്യുന്ന പ്രവാസികളുടെ ക്ഷേമവും, കോഴിക്കോടിന്റെ വികസനവും ലക്ഷ്യമാക്കി കോഴിക്കോട് ജില്ലാ പ്രവാസി അസോസിയേഷന്‍ എന്ന പേരില്‍ ഒരു പ്രവാസി കൂട്ടായ്മയുടെ ഔദ്യോഗിക ഉദ്ഘാടനം ദുബായില്‍ നടക്കുന്നു. ഏപ്രില്‍ അവസാന വാരം നടക്കുന്ന ബാബുരാജ് സംഗീത നിശയില്‍ വെച്ചായിരിക്കും സംഘടനയുടെ ഔദ്യോഗിക ഉദ്ഘാടനം നടക്കുക.
സത്യസന്ധതയ്ക്ക് പേര് കേട്ട കോഴിക്കോട്ടെ ഓട്ടോറിക്ഷ തൊഴിലാളികളെ മാനിക്കുന്നതിന്റെ ഭാഗമായി മികച്ച സേവനം അനുഷ്ഠിക്കുന്ന ഒരു ഓട്ടോ ഡ്രൈവറെ തെരഞ്ഞെടുത്ത് ദുബായില്‍ നടക്കുന്ന ചടങ്ങില്‍ കൊണ്ട് വന്നു പുരസ്കാരം നല്‍കും.
ജില്ലയില്‍ നിന്നുമുള്ള വിവിധ പ്രാദേശിക സംഘടനകളെയും, പൂര്‍വ വിദ്യാര്‍ത്ഥി സംഘങ്ങളെയും എകൊപിപ്പിക്കുവാന്‍ കോഴിക്കോട് ജില്ലാ പ്രവാസി അസോസിയേഷന്‍ നേതൃത്വം നല്‍കുമെന്ന് പ്രസിഡന്റ് വെങ്കിട്ട് എസ്. മോഹന്‍, ജനറല്‍ സെക്രട്ടറി നിഫ്‌ഷാര്‍ കെ. പി., ട്രഷറര്‍ ബഷീര്‍ ടി. പി. എന്നിവര്‍ ദുബായില്‍ നടന്ന സംഘടനയുടെ ആദ്യ പൊതു യോഗത്തില്‍ പറഞ്ഞു.
മുഖ്യധാരയില്‍ ഇടം കിട്ടാത്ത സാധാരണ പ്രവാസികളുടെ പ്രശ്നങ്ങളില്‍ ഇടപെട്ടു പരിഹാരം കാണുകയാണ് ഇന്നത്തെ ആവശ്യം എന്ന് പൊതു യോഗത്തില്‍ മുഖ്യ പ്രഭാഷണം നടത്തിയ മാധ്യമ പ്രവര്‍ത്തകന്‍ കെ. കെ. മൊയ്തീന്‍ കോയ അഭിപ്രായപ്പെട്ടു.
സംഘടനയുമായി സഹകരിക്കുവാന്‍ താല്പര്യമുള്ളവര്‍ക്ക് 050 5146368 എന്ന നമ്പരില്‍ ബന്ധപ്പെടാവുന്നതാണ്.
- ജെ.എസ്.
അബുദാബി: ലോക വനിതാ ദിനത്തിന്റെ നൂറാം വാര്‍ഷിക ത്തോടനുബന്ധിച്ച് പ്രസക്തിയും ആര്‍ട്ടിസ്റ്റ ആര്‍ട്ട് ഗ്രൂപ്പും സംയുക്തമായി സംഘടിപ്പിച്ച ആര്‍ട്ടിസ്റ്റ്‌ ക്യാമ്പും “ചരിത്രത്തിലെ സ്ത്രീ” എന്ന വിഷയത്തെ ആസ്പദമാക്കി അബുദാബി കേരള സോഷ്യല്‍ സെന്‍ററില്‍ നടത്തിയ സെമിനാറും കവിയരങ്ങും വേറിട്ട അനുഭവമായി.
ക്യാമ്പ് രാവിലെ പത്തു മണിക്ക് ശാസ്ത്രജ്ഞയും പൊതു പ്രവര്ത്തകയുമായ പ്രൊഫ. ഡോ. ഉമാ രാമചന്ദ്രന്‍ ഉദ്ഘാടനം ചെയ്തു. കെ. എസ്. സി. പ്രസിഡന്റ് കെ. ബി. മുരളി മുഖ്യാതിഥി യായിരുന്നു. ഇ. ആര്‍. ജോഷി സംസാരിച്ചു. തുടര്‍ന്ന് “പ്രതികരിക്കുന്ന സ്ത്രീ” എന്ന വിഷയത്തില്‍ മുപ്പതോളം ചിത്രകാരന്മാര്‍ തങ്ങളുടെ സര്‍ഗ്ഗാത്മക വൈഭവത്തെ കാന്‍വാസില്‍ പകര്‍ത്തി.
ക്യാമ്പ് അദ്ധ്യക്ഷനായ റോയിച്ചന്‍ റെയില്‍ പാളത്തില്‍ പീഡിക്കപ്പെട്ട് ജീവന്‍ നഷ്ടമായ സൌമ്യയുടെ വേദന പ്രതികരിക്കുന്ന സ്ത്രീയായി കടുത്ത വര്‍ണ്ണങ്ങളില്‍ പകര്‍ത്തിയപ്പോള്‍, ശശിന്‍സ് പ്രതികരിക്കുന്ന വിവിധ മുഖങ്ങളെയാണ് നിറങ്ങളുടെ സംയോജിത നിയമങ്ങളെ വെല്ലുവിളിച്ച് വരച്ചത്. സ്ത്രീ പ്രതികരണം എന്ന ശില്‍പം ചെയ്ത ജോഷി ഒഡേസയുടെ ചിത്രം പ്രതികരിക്കുന്ന സ്ത്രീയുടെ നേര്‍ചിത്രമായിരുന്നു. രാജീവ്‌ മുളക്കുഴയുടെ ചിത്രം പ്രതികരിക്കുന്ന സ്ത്രീ തിന്മയുടെ കറുത്ത നിഴലില്‍ പിടയുമ്പോള്‍ ദു:ഖിതനായ പുരുഷ പ്രതിനിധിയെ കൂടി വെളുത്ത വര്‍ണ്ണത്തില്‍ പകര്‍ത്തി. മുരുകന്‍ തന്റെ സ്വതസിദ്ധമായ ശൈലിയില്‍ കത്തി കൊണ്ട് ത്രിമാന രൂപത്തില്‍ ക്യൂബിസത്തെ ഓര്‍മ്മിപ്പിച്ചു കൊണ്ട് വരച്ച ചിത്രം സ്ത്രീയുടെ വിവിധ ഭാവങ്ങള്‍ നിറഞ്ഞതായിരുന്നു.
ശ്രീകുമാര്‍, സാബു, ഹരീഷ് തച്ചോടി, ഷാഹുല്‍ ഹമീദ്‌, അപ്പു ആസാദ്‌ തുടങ്ങിയ മുപ്പതോളം കലാകാരന്മാര്‍ ബ്രഷുകളില്‍ വര്‍ണ്ണങ്ങള്‍ ചാലിച്ച് കെ. എസ്. സി. യുടെ അങ്കണത്തില്‍ വേറിട്ട ഒരു അനുഭവം നല്‍കി. തുടര്‍ന്ന് നടന്ന ചിത്ര പ്രദര്‍ശനം കാണാന്‍ വിവിധ രാജ്യക്കാരായ നിരവധി പേരാണ് എത്തിയത്‌. അതിനോട നുബന്ധിച്ചു നടന്ന സെമിനാറില്‍ ചരിത്രത്തിലെ സ്ത്രീ എന്ന വിഷയം അജി രാധാകൃഷണന്‍ അവതരിപ്പിച്ചു.
ജപ്പാനില്‍ നടന്ന സുനാമി ദുരന്തത്തില്‍ ദു:ഖം രേഖപ്പെടുത്തി മൌന പ്രാര്‍ത്ഥനയില്‍ തുടങ്ങിയ സെമിനാറില്‍ റൂഷ് മെഹര്‍, ജലീല്‍, കെ. എസ്. സി. വനിതാ വിഭാഗം കണ്‍വീനര്‍ പ്രീത വസന്ത്‌, ഹഫീസ്‌ മുഹമ്മദ്, മാദ്ധ്യമ പ്രവര്‍ത്തകനായ സഫറുള്ള പാലപെട്ടി, ആനന്ദ ലക്ഷ്മി, സിനിമാ പ്രവര്‍ത്തകനായ ഇസ്കന്ദര്‍ മിര്‍സ തുടങ്ങിയവര്‍ സംസാരിച്ചു. ഫൈസല്‍ ബാവ അദ്ധ്യക്ഷത വഹിച്ചു. കവി അരങ്ങിന്റെ ഉദ്ഘാടനം കവയത്രിയായ ദേവസേന നിര്‍വഹിച്ചു. അസ്മോ പുത്തന്‍ച്ചിറ, ശിവ പ്രസാദ്‌, നസീര്‍ കടിക്കാട്, ടി. എ. ശശി എന്നിവര്‍ കവിതകള്‍ അവതരിപ്പിച്ചു.
-
വായിക്കുക: കല, കേരള സോഷ്യല്‍ സെന്റര്‍, സ്ത്രീ, സ്ത്രീ വിമോചനം
സി. എസ്. എസ്. കളിക്കളം ഷാര്ജ സംഘടിപ്പിക്കുന്ന യു. എ. ഇ. ഓപ്പണ്‍ 2011 ബാഡ്മിന്റണ്‍ ടൂര്ണ്ണമെന്റ് ഇന്ന് ആരം ഭിക്കും. ഇന്ന് മുതല്‍ 25- ആം തിയതി വരെ കളിക്കളം ഇന്ഡോര്‍ ഓഡിറ്റോറി യത്തിലാണ് മത്സരങ്ങള്‍ നടക്കുക.
മെന്സ് സിംഗിള്സ്, ഡബിളസ്, വെറ്ററന്സ് സിംഗിള്സ്, ഡബിള്സ്, മിക്സഡ് ഡബിള്സ്, ബോയ്സ് എന്നീ വിഭാഗങ്ങളിലാണ് മത്സരം.
കൂടുതല്‍ വിവരങ്ങള്ക്ക് 050 638 32 13, 050 675 91 58 എന്നീ നമ്പറുകളില്‍ ബന്ധപ്പെടുക.
(അയച്ചു തന്നത് : കുഴൂര്‍ വില്‍സന്‍ )
-
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
