“ചായങ്ങള്‍” വെള്ളിയാഴ്ച

June 10th, 2010

bishop-moore-college-alumniദുബായ്‌ : മാവേലിക്കര ബിഷപ്‌ മൂര്‍ കോളേജ്‌ അലുംനായ് അസോസിയേഷന്റെ ദശ വാര്‍ഷിക ത്തോടനുബന്ധിച്ച് “ചായങ്ങള്‍” എന്ന പേരില്‍ സ്റ്റേജ് ഷോ സംഘടിപ്പിക്കുന്നു. ജൂണ്‍ 11 വെള്ളിയാഴ്ച വൈകീട്ട് 5:30 നു ഖിസൈസ്‌ മില്ലേനിയം ഹൈസ്ക്കൂള്‍ ഓഡിറ്റോറിയത്തിലാണ് “ചായങ്ങള്‍” നടക്കുന്നത്. പ്രശസ്ത ഗായകരായ സുദീപ്‌ കുമാര്‍, സിസിലി, അനൂപ്‌, അനുപമ എന്നിവര്‍ ഗാന സന്ധ്യയ്ക്കും, മനോജ്‌ ഗിന്നസ്‌, പ്രശാന്ത്‌ എന്നിവര്‍ ഹാസ്യ വിരുന്നിനും നേതൃത്വം നല്‍കും.

പ്രസിഡണ്ട് മോന്‍സി ജോണിന്റെ അദ്ധ്യക്ഷതയില്‍ കോളേജ്‌ പ്രിന്‍സിപ്പലും പ്രമുഖ പരിസ്ഥിതി പ്രവര്‍ത്തകനുമായ ഡോ. മാത്യു കോശി പുന്നയ്ക്കാട് സമ്മേളനം ഉദ്ഘാടനം ചെയ്യും. പൂര്‍വ വിദ്യാര്‍ത്ഥിയും മാവേലിക്കര എം. എല്‍. എ. യുമായ എം. മുരളി, മുന്‍ വൈസ്‌ പ്രിന്‍സിപ്പല്‍ പ്രൊഫ. വി. സി. ജോണ്‍ എന്നിവര്‍ മുഖ്യാതിഥികള്‍ ആയിരിക്കും. “ചായങ്ങള്‍” എന്ന സ്മരണികയുടെ പ്രകാശനവും നടക്കും.

bishop-moore-college

കണ്‍ട്രി ക്ലബ്‌ ബി. എം. സി. ട്രോഫിക്ക് വേണ്ടി നടത്തിയ ട്വന്റി – ട്വന്റി ക്രിക്കറ്റ്‌ ടൂര്‍ണ്ണമെന്റിലെ വിജയികള്‍ക്കുള്ള പുരസ്കാരങ്ങള്‍ ചടങ്ങില്‍ വിതരണം ചെയ്യുമെന്ന് പ്രോഗ്രാം കമ്മിറ്റി കണ്‍വീനര്‍ പോള്‍ ജോര്‍ജ്‌ പൂവത്തേരില്‍, കോര്‍ഡിനേറ്റര്‍ കാര്‍ത്തികേയന്‍ നായര്‍ എന്നിവര്‍ അറിയിച്ചു. കൂടുതല്‍ വിവരങ്ങള്‍ക്ക് 050 5457397 എന്ന നമ്പറില്‍ ബന്ധപ്പെടുക.

- ജെ.എസ്.

വായിക്കുക: ,

അഭിപ്രായം എഴുതുക »

പൊന്‍ഫെസ്റ്റ് 2010

June 10th, 2010

mes-ponnani-college-alumniദുബായ്‌ : പൊന്നാനി എം. ഇ. എസ്. കോളേജ് അലുംമിനി  യു. എ. ഇ. ചാപ്റ്ററിന്റെ  ആഭിമുഖ്യത്തില്‍ ജൂണ്‍ പതിനെട്ട് വെള്ളിയാഴ്ച മൂന്നു മണി മുതല്‍  ദുബായ്  ഗുസൈസിലുള്ള അല്‍ ഹസന്‍ ഓഡിറ്റോറിയത്തില്‍ (പഴയ സായദ് യൂനിവേഴ്സിറ്റി ക്യാമ്പസ്‌) വെച്ച്  വിവിധ കലാ – കായിക പരിപാടികളോടെ വാര്‍ഷിക ആഘോഷ പരിപാടികള്‍ (പൊന്‍ ഫെസ്റ്റ് 2010) സംഘടിപ്പിക്കുന്നു.

വൈകുന്നേരം 3 മണി മുതല്‍ ആരംഭിക്കുന്ന  ഈ ഒത്തു ചേരലില്‍ കുട്ടികള്‍ക്കു വേണ്ടി ചിത്രരചനാ മത്സരവും ക്വിസ് പ്രൊഗ്രാമും ഉണ്ടായിരിക്കും. കൂടാതെ ഗാനമേളയും വിവിധ തരം കലാപരിപാടികളും ഉണ്ടായിരിക്കും.

പൊന്നാനി എം. ഇ. എസ്. കോളേജ് മലയാളം ഡിപ്പാര്‍ട്ട്മെന്റ് മേധാവിയും, പൊന്നാനി മുനിസിപ്പല്‍ ചെയര്‍മാനുമായ പ്രോഫസര്‍ എം. എം. നാരായണന്‍ പൊന്‍ഫെസ്റ്റ് 2010 ന്റെ ഉല്‍ഘാടനം  നിര്‍വഹിക്കുന്നതായിരിക്കും.

യു. എ. ഇ. യിലുള്ള  എല്ലാ എം. ഇ. എസ്. പൊന്നാനി കോളേജ് പൂര്‍വ്വ വിദ്യാര്‍ത്ഥികളും ഈ സ്നേഹ സംഗമത്തില്‍ പങ്കെടുക്കാന്‍  3 മണിക്കു തന്നെ എത്തിച്ചേരണമെന്ന് ഭാരവാഹികള്‍ അഭ്യര്‍ഥിച്ചു.

കൂടുതല്‍ വിവരങ്ങള്‍ക്ക് വിളിക്കുക :  ഇക്ബാല്‍ മൂസ്സ (പ്രസിഡണ്ട്) – 050 4562123, അബുബക്കര്‍ – 050 6501945, അക്ബര്‍ പാറമ്മല്‍ – 050 6771750, ഗിരീഷ്‌ മേനോന്‍ – 050 3492088, സലിം ബാബു – 050 7745684.

- ജെ.എസ്.

വായിക്കുക: , ,

അഭിപ്രായം എഴുതുക »

ശരത് ചന്ദ്രന്‍ അനുസ്മരണവും ഡോക്യുമെന്ററി പ്രദര്‍ശനവും

June 10th, 2010

c-sarathchandranറിയാദ്: മറ്റൊരാളുടെ ജീവന്‍ രക്ഷിക്കാനുള്ള ശ്രമത്തിനിടെ ട്രെയിനില്‍ നിന്ന് വീണു മരിച്ച പ്രശസ്ത പരിസ്ഥിതി മനുഷ്യാവകാശ പ്രവര്‍ത്തകനും ഡോക്യുമെന്ററി സംവിധായകനുമായ സി. ശരത് ചന്ദ്രന്റെ അനുസ്മരണാര്‍ഥം റിയാദ് ഇന്ത്യന്‍ മീഡിയ ഫോറം (റിംഫ്) ‘ശരത്കാല ഓര്‍മ്മകള്‍’ എന്ന പേരില്‍ ഡോക്യുമെന്ററി പ്രദര്‍ശനവും ആശയ സംവാദവും സംഘടിപ്പിക്കുന്നു. ഈ മാസം 16ന് റിയാദില്‍ സംഘടിപ്പിക്കുന്ന പരിപാടിയില്‍ പരിസ്ഥിതിയെ കുറിച്ച് അദ്ദേഹം തയ്യാറാക്കിയിട്ടുള്ള ഡോക്യുമെന്ററി ഫിലിമുകളില്‍ നിന്ന് തെരഞ്ഞെടുത്ത മൂന്നെണ്ണം പ്രദര്‍ശിപ്പിക്കും.

ഡോക്യുമെന്ററികളെ അടിസ്ഥാന പ്പെടുത്തിയുള്ള തുറന്ന സംവാദവും നടക്കും. കൂടാതെ ബ്രിട്ടീഷ് കൌണ്‍സില്‍ ഉദ്യോഗസ്ഥന്‍ എന്ന നിലയില്‍ റിയാദില്‍ 10 വര്‍ഷത്തോളം പ്രവാസ ജീവിതം നയിച്ചിട്ടുള്ള ശരത് ചന്ദ്രനെ കുറിച്ച് അദ്ദേഹത്തിന്റെ റിയാദിലെ സുഹൃത്തുക്കളും ആസ്വാദകരും ഓര്‍മ്മകള്‍ പങ്കു വെയ്ക്കും.

പ്ലാച്ചിമട, ചാലിയാര്‍, ചാലക്കുടി മുതല്‍ ഭൂവനേശ്വറിലെ പോസ്കോ വിരുദ്ധ സമരം വരെ പാരിസ്ഥിതിക മനുഷ്യാവകാശ വിഷയങ്ങളില്‍ ഒരു ആക്ടിവിസ്റ്റ് എന്ന നിലയിലും ഡോക്യുമെന്ററി സംവിധായകനെന്ന നിലയിലും മുന്‍നിര പ്രവര്‍ത്തകനായി സജീവമായി നിലയുറപ്പിച്ചിരുന്ന ശരത് തികഞ്ഞ മനുഷ്യ സ്നേഹിയും മനുഷ്യാവകാശ പ്രവര്‍ത്തകനുമായിരുന്നു.

പ്ലാച്ചിമട സമരത്തെ കുറിച്ചുള്ള ‘ഒരു സ്വപ്നവും ആയിരം ദിവസവും’, ‘ചാലിയാര്‍ അന്തിമ പോരാട്ടം’, സേവ് വെസ്റ്റേണ്‍ ഘട്ട്സ് മാര്‍ച്ച്, വയനാട്ടിലെ ആദിവാസി ശിശുക്കളെ കുറിച്ചുള്ള ‘കനവ്’, സൈലന്റ് വാലിയെ കുറിച്ചുള്ള ‘ഒണ്‍ലി ഒണ്‍ ആക്സ്വേ’, ജോണ്‍ എബ്രഹാമിനെ കുറിച്ചുള്ള ‘യുവേഴ്സ് ട്രൂലി ജോണ്‍’, ചെങ്ങറ ഭൂ സമരം വിഷയമായ ‘ഭൂമിക്ക് വേണ്ടി മരിക്കുക’, മുത്തങ്ങ സമരത്തെ ആസ്പദമാക്കിയ ‘എവിക്റ്റഡ് ഫ്രം ജസ്റ്റീസ്’ തുടങ്ങി നിരവധി ഡോക്യുമെന്ററികളിലൂടെ രാജ്യാന്തര പ്രശസ്തിയിലേക്കുയര്‍ന്ന ശരത് ചന്ദ്രന്‍ പ്രവാസികളെ കുറിച്ചുള്ളതടക്കം നിരവധി ഡോക്യുമെന്ററി സംരംഭങ്ങള്‍ പാതി വഴിയിലാക്കിയാണ് രണ്ട് മാസം മുമ്പ് വിധിക്ക് കീഴടങ്ങിയത്.

തൃശൂരില്‍ നിന്ന് എറണാകുള ത്തേയ്ക്കുള്ള യാത്രയ്ക്കിടെ, കൊടകരക്ക് സമീപം ട്രെയിനില്‍ നിന്ന് മറ്റൊരാളോടൊപ്പം വീണു മരിക്കുകയായിരുന്നു. കേരളത്തിലെ പ്രശസ്തമായ വീഡിയോ ഫിലിം ഫെസ്റ്റിവലായ ‘വിബ്ജിയോര്‍’ന്റെ സ്ഥാപകരില്‍ ഒരാളും, മുന്‍ നിര പ്രവര്‍ത്തകനുമായിരുന്നു. ശരത്തിന്റെ പേരില്‍ മികച്ച പാരിസ്ഥിതിക ലേഖനങ്ങള്‍ക്കും റിപ്പോര്‍ട്ടുകള്‍ക്കും ദൃശ്യ മാധ്യമ റിപ്പോര്‍ട്ടിംഗിനും റിയാദ് മീഡിയ ഫോറം ഏര്‍പ്പെടുത്തുന്ന പുരസ്കാരം സംബന്ധിച്ച പ്രഖ്യാപനം ഈ പരിപാടിയില്‍ നടക്കും. മുന്‍ കൂട്ടി പേര്‍ രജിസ്റ്റര്‍ ചെയ്യുന്നവര്‍ക്കാണ് പരിപാടിയില്‍ പ്രവേശനം. രജിസ്ട്രേഷനും കൂടുതല്‍ വിവരങ്ങള്‍ക്കും നജിം കൊച്ചുകലുങ്ക് (0568467926), ഷഖീബ് കൊളക്കാടന്‍ (0502859984) എന്നിവരുമായി ബന്ധപ്പെടണമെന്ന് റിംഫ് ഭാരവാഹികള്‍ അറിയിച്ചു.

- ജെ.എസ്.

വായിക്കുക: ,

അഭിപ്രായം എഴുതുക »

ക്യാന്‍സര്‍ രോഗികള്‍ക്ക്‌ ആശ്വാസമായി പരുമല മെഡിക്കല്‍ മിഷന്‍

June 9th, 2010

cancer-careഅബുദാബി : കേരളത്തിലെ മത സാമൂഹിക സാംസ്കാരിക വിദ്യാഭ്യാസ ആതുര സേവന രംഗത്ത് വലിയ മുന്നേറ്റം നടത്തിയ മലങ്കര ഓര്‍ത്തോഡോക്സ് സഭ ആരോഗ്യ രംഗത്ത് പുതിയ ഒരു കാല്‍വെയ്പ് കൂടി നടത്തുന്നു. പരുമല സെന്‍റ്. ഗ്രിഗോറിയോസ് മെഡിക്കല്‍ മിഷന്‍ ആശുപത്രി യോടനുബന്ധിച്ച് ലോകോത്തര നിലവാരമുള്ള ക്യാന്‍സര്‍ ആശു​പത്രി സ്ഥാപിച്ചു കൊണ്ടാണ് ഇത് എന്ന് പരുമല സെന്‍റ്. ഗ്രിഗോറിയോസ് മെഡിക്കല്‍ മിഷന്‍ ആശു​പത്രി ചീഫ് എക്‌സിക്യൂട്ടീവ് ഓഫീസര്‍ ഫാദര്‍. അലക്‌സാണ്ടര്‍ കൂടാരത്തില്‍ അബുദാബിയില്‍ പറഞ്ഞു. ചികില്‍സാ കേന്ദ്രത്തിന്‍റെ പ്രൊമോഷനു വേണ്ടി ഇവിടെ എത്തിയ അദ്ദേഹം, സെന്‍റ്. ജോര്‍ജ് കത്തീഡ്രലില്‍ നടത്തിയ വാര്‍ത്താ സമ്മേളനത്തില്‍ പദ്ധതിയെ ക്കുറിച്ച് വിശദീകരിച്ചു.

ക്യാന്‍സറും അനുബന്ധ രോഗങ്ങളും കൊണ്ടുള്ള കഷ്ടതയോടൊപ്പം  താങ്ങാനാവാത്ത ചികില്‍സാ ചെലവുകളും കൂടിയാവുമ്പോള്‍ രോഗികളും ബന്ധുക്കളും ദുരിതത്തി ലാഴുന്നു. ഇതു കൊണ്ട് ഉണ്ടാകുന്ന സാമൂഹികമായ പ്രതിസന്ധി തിരിച്ചറിഞ്ഞ്, സാധാരണക്കാരന്  പ്രാപ്യമാവും വിധം ക്യാന്‍സര്‍ ചികിത്സയെ ജനകീയ വല്കരിക്കാനാണ്  ഈ സ്ഥാപനത്തിലൂടെ ലക്ഷ്യമിടുന്നത്.

3.5 ലക്ഷം ചതുരശ്ര അടിയില്‍ എട്ടു നിലകളിലായി  പണിയുന്ന ക്യാന്‍സര്‍ സെന്‍ററിന് 100 കോടി ചെലവ് പ്രതീക്ഷിക്കുന്നു.  സ്വദേശത്തെയും വിദേശത്തെയും പ്രമുഖ ക്യാന്‍സര്‍ ചികിത്സാ കേന്ദ്രങ്ങളുമായി ഈ സ്ഥാപനത്തിന് ബന്ധമുണ്ടാവും. ലോകത്തെ വിവിധ ഭാഗങ്ങളില്‍ നിന്നുള്ള സുമനസ്സു കളുടെ നിര്‍ലോഭമായ സഹകരണം  പ്രവര്‍ത്തനങ്ങള്‍ക്ക് കരുത്ത് പകരുന്നുണ്ട്.

ജാതി മത ഭേതമന്യേ സാധാരണക്കാര്‍ക്കും പാവപ്പെട്ടവര്‍ക്കും  സൗജന്യ ചികിത്സയും പദ്ധതിയുടെ ഭാഗമായുണ്ട്.

parumala-medical-mission

ഇടത്തു നിന്നും: സെക്രട്ടറി എ.ജെ. ജോയിക്കുട്ടി, ഫാദര്‍. അലക്‌സാണ്ടര്‍ കൂടാരത്തില്‍, ഫാദര്‍. ജോണ്‍സണ്‍ ഡാനിയേല്‍, ട്രസ്റ്റി ഇട്ടിപ്പണിക്കര്‍

ചിത്രങ്ങള്‍: ജാക്സണ്‍ (ജോയ്‌ സ്റ്റുഡിയോ)

പരുമല ക്യാന്‍സര്‍ കണ്‍ട്രോള്‍ പ്രോജക്ടിന്‍റെ ഭാഗമായി മോപ്‌സ് – മാര്‍ ഒസ്താത്തിയോസ് പാലിയേറ്റീവ് സര്‍വ്വീസ്  എന്ന പേരില്‍ ത്രിതല സാന്ത്വന പരിചരണ പദ്ധതി നടത്തി വരുന്നു. പത്തനംതിട്ട, ആലപ്പുഴ ജില്ലകളിലെ എട്ടു പഞ്ചായത്തു കളിലെ സാന്ത്വന ചികിത്സാ സേവനം ആവശ്യമായ രോഗികളെ, അവരുടെ വീടുകളില്‍ എത്തി സൗജന്യ മരുന്നും ചികിത്സാ നിര്‍ദേശങ്ങളും മാനസിക പിന്തുണ യും നല്‍കുന്ന ഈ പദ്ധതി മാര്‍ ഒസ്ത്താത്തിയോസ് ഷെയറിംഗ് ട്രസ്റ്റുമായി സഹകരിച്ചാണ് നടത്തുന്നത്.

സെന്‍റ്. ഗ്രിഗോറിയോസ് മെഡിക്കല്‍ മിഷന്‍ അഞ്ചു കോടി രൂപ മുതല്‍ മുടക്കി പണി കഴിപ്പിച്ച പുതിയ കെട്ടിട സമുച്ചയത്തിന്‍റെ ഔദ്യോഗിക ഉദ്ഘാടനം ജൂലായ്‌ മാസത്തില്‍ പരുമലയില്‍ നടക്കും.  ന്യൂറോ മെഡിസിന്‍, ന്യൂറോ സര്‍ജറി, ന്യൂറോ സൈക്കോളജി, ന്യൂറോ റീഹാബിലിറ്റേഷന്‍, ട്രോമ കെയര്‍, തുടങ്ങിയ വിഭാഗങ്ങളും  ഇവിടെ പ്രവര്‍ത്തിക്കുന്നു.

വാര്‍ത്താ സമ്മേളനത്തില്‍  സെന്‍റ്. ജോര്‍ജ് കത്തീഡ്രല്‍ വികാരി ഫാദര്‍ ജോണ്‍സണ്‍ ഡാനിയേല്‍, ട്രസ്റ്റി ഇട്ടി പ്പണിക്കര്‍, കത്തീഡ്രല്‍ സെക്രട്ടറി എ. ജെ.  ജോയിക്കുട്ടി എന്നിവരും സംബന്ധിച്ചു.

വിശദ വിവര ങ്ങള്‍ക്കായി www.sghospital.org  എന്ന വെബ്‌സൈറ്റ് സന്ദര്‍ശിക്കു കയോ 050 27 21 878, 050 44 39 567 എന്നീ നമ്പരുകളില്‍ ബന്ധപ്പെടുകയോ ചെയ്യാം.

- കറസ്പോണ്ടന്‍റ്

വായിക്കുക: ,

അഭിപ്രായം എഴുതുക »

യാത്രയയപ്പ്‌ നല്‍കി

June 9th, 2010

muhammed-hashim-deshabhimaniറിയാദ്‌: നാട്ടിലേക്ക്‌ സ്ഥലം മാറി പോകുന്ന ദേശാഭിമാനി റിയാദ്‌ ലേഖകന്‍ മുഹമ്മദ്‌ ഹാഷിമിന്‌ റിയാദ്‌ ഇന്ത്യന്‍ മീഡിയ ഫോറം (റിംഫ്‌) യാത്രയയപ്പ്‌ നല്‍കി. പ്രസിഡണ്ട് കെ. യു. ഇഖ്ബാല്‍ അധ്യക്ഷത വഹിച്ചു. മുഖ്യാതിഥിയായ പ്രമുഖ യുവ ഗായകന്‍ അന്‍സാര്‍ കൊച്ചിന്‍ ആശംസാ ഗാനം ആലപിച്ചു. നാസര്‍ കാരക്കുന്ന്‌, നരേന്ദ്രന്‍ ചെറുകാട്‌, ബഷീര്‍ പാങ്ങോട്‌, നാസര്‍ കാരന്തൂര്‍, ഐ. സമീല്‍, നജിം സൈനുദ്ദീന്‍‍, ജലീല്‍ ആലപ്പുഴ, അക്ബര്‍ വേങ്ങാട്ട്‌ തുടങ്ങിയവര്‍ ആശംസ നേര്‍ന്നു. സംഘടനയുടെ ഉപഹാരം പ്രസിഡണ്ട് മുഹമ്മദ്‌ ഹാഷിമിന്‌ കൈമാറി. ശഖീബ്‌ കൊളക്കാടന്‍ സ്വാഗതവും മുഹമ്മദ്‌ ഹാഷിം നന്ദിയും പറഞ്ഞു.

riyadh-indian-media-forum

നാട്ടിലേക്ക്‌ സ്ഥലം മാറി പോകുന്ന പത്രപ്രവര്‍ത്തകന്‍ മുഹമ്മദ്‌ ഹാഷിമിന്‌ റിയാദ്‌ ഇന്ത്യന്‍ മീഡിയ ഫോറം ഉപഹാരം പ്രസിഡണ്ട് കെ. യു. ഇഖ്ബാല്‍ സമ്മാനിക്കുന്നു

- ജെ.എസ്.

വായിക്കുക: ,

അഭിപ്രായം എഴുതുക »


« Previous Page« Previous « ‘ക്യാപിറ്റല്‍ ഗേറ്റ്’ പിസാ ഗോപുര ത്തെ പിന്നിലാക്കി ഗിന്നസ്‌ ബുക്കിലേക്ക്
Next »Next Page » ക്യാന്‍സര്‍ രോഗികള്‍ക്ക്‌ ആശ്വാസമായി പരുമല മെഡിക്കല്‍ മിഷന്‍ »



  • യു. എ. ഇ. യിൽ പൊതു മാപ്പ്​ ​​
  • അബുദാബി ബസ്സ് സര്‍വ്വീസ് : ഓരോ റൂട്ടിലും 15 മിനിറ്റു കൂടുമ്പോള്‍ ബസ്സു കള്‍
  • ഏഴ് എക്സ് ചേഞ്ചു കളിലൂടെ യുള്ള പണം ഇട പാടു കള്‍ യു. എ. ഇ. നിരോധിച്ചു
  • വിരാട് കോഹ്‌ലി ‘റെമിറ്റ് ടു ഇൻഡ്യ’ യുടെ ബ്രാൻഡ് അംബാസിഡർ
  • സംഗീത പ്രതിഭ കളുടെ ഒത്തു ചേരല്‍ : ‘സരിഗമ രാഗം’ പ്രേക്ഷക ശ്രദ്ധ നേടി മുന്നേറുന്നു
  • മലയാളി സമാജം ഈദ് ആഘോഷം ശനിയാഴ്ച
  • ഖത്തർ – ബ്ലാങ്ങാട് മഹല്ല് അസോസ്സി യേഷൻ ഇഫ്താർ സംഗമം
  • പെരുന്നാൾ അവധി പ്രഖ്യാപിച്ചു
  • ‘ഇസ്തിമാരാരിയ’ : ഡോ. ബി. ആർ. ഷെട്ടി അഭിനയിച്ച സിനിമ യുമായി മലയാളി യുവാവ്
  • വീണ്ടും ഉപ യോഗി ക്കാവുന്ന ഷോപ്പിംഗ് ബാഗു കളു മായി ലുലു
  • വൈ. എം. സി. എ. പ്രവർത്തനോദ്​ഘാടനം
  • ജൂൺ 15 മുതൽ തൊഴിലാളി കൾക്ക് ഉച്ച വിശ്രമം
  • ജിമ്മി ജോർജ്ജ് സ്മാരക വോളി ബോൾ തുടക്കമായി
  • വാറ്റ് ഇനി യു. എ. ഇ. എക്സ് ചേഞ്ച് വഴിയും അടക്കാം
  • കുട്ടികളെ യു. എ. ഇ. യിലേക്ക് അയക്കു മ്പോള്‍ സാക്ഷ്യ പത്രം നിർബ്ബന്ധം
  • നിപ്പ : 1.75 കോടി രൂപയുടെ സുരക്ഷാ ഉപകരണ ങ്ങള്‍ വി. പി. എസ്. ഗ്രൂപ്പ് എത്തിച്ചു
  • നിപ്പ വൈറസ് : യാത്ര ക്കാരെ നിരീക്ഷി ക്കുവാന്‍ നിര്‍ദ്ദേശം
  • ജിമ്മി ജോർജ്ജ്​ സ്മാരക വോളി ബോള്‍ എമിറേറ്റ്സ് ഹെറിറ്റേജ് ക്ലബ്ബിൽ
  • വൈ. ​എം. ​സി. ​എ. ഭാ​ര​ വാ​ഹി​ക​ളെ തെ​ര​ഞ്ഞെ​ടു​ത്തു
  • സി. ബി. എസ്. ഇ : റുവൈസ് ഏഷ്യൻ ഇന്‍റർ നാഷണൽ സ്കൂളിന് മിന്നുന്ന വിജയം



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine