ഗായകന്‍ വി. ടി. മുരളിയെ ആദരിക്കുന്നു

April 22nd, 2012

singer-vt-murali-ePathram

ദുബായ് : പ്രശസ്ത പിന്നണി ഗായകന്‍ വി. ടി. മുരളിയെ ദുബായിലെ സംഗീതാസ്വാദകര്‍ ആദരിക്കുന്നു. തേന്‍ തുള്ളി എന്ന സിനിമ യിലെ ‘ഓത്തു പള്ളീലന്നു നമ്മള് പോയിരുന്ന കാലം’ എന്ന ഒരൊറ്റ ഗാന ത്തിലൂടെ മലയാള ചലച്ചിത്ര പിന്നണി ഗാന രംഗത്ത്‌ തന്റെ സ്ഥാനം ഉറപ്പിച്ച വി. ടി. മുരളി, നാടകങ്ങളിലും അനേകം പാട്ടുകള്‍ പാടിയിട്ടുണ്ട്

മെയ് 25 വെള്ളിയാഴ്ച ‘ഓത്തു പള്ളീലന്നു നമ്മള്‍’ എന്ന പേരില്‍ ദുബായില്‍ നടക്കുന്ന ചടങ്ങിലാണ് ആദരിക്കുക. അതിനായി ചേര്‍ന്ന കൂടിയാലോചനാ യോഗം ഷംസുദ്ദീന്‍ നെല്ലറ ഉദ്ഘാടനംചെയ്തു. ലത്തീഫ് പടന്ന അദ്ധ്യക്ഷത വഹിച്ചു. മംഗലത്ത് മുരളി, സമദ് പയ്യോളി, അസീസ് വടകര, എസ്. പി. മഹമൂദ്, ശുക്കൂര്‍ ഉടുമ്പന്തല, നസീര്‍, റഫീക്ക് മേമുണ്ട എന്നിവര്‍ സംസാരിച്ചു

പരിപാടിയുടെ നടത്തിപ്പിനായി കെ. കെ. മൊയ്തീന്‍ കോയ, ബഷീര്‍ തിക്കോടി, സബാ ജോസഫ്, ജ്യോതികുമാര്‍, നെല്ലറ ഷംസുദ്ദീന്‍, ഷാബു കിളിത്തട്ടില്‍ എന്നിവര്‍ രക്ഷാധികാരികളായി കമ്മിറ്റിയെയും തെരഞ്ഞെടുത്തു.

വിശദ വിവരങ്ങള്‍ക്ക് വിളിക്കുക : സുബൈര്‍ വെളിയോട് 050 25 42 162

- pma

വായിക്കുക: ,

അഭിപ്രായം എഴുതുക »

അനസ് അലിക്ക് ആര്‍ പി മെമ്മോറിയല്‍ അവാര്‍ഡ്

April 21st, 2012

anas-winner-sys-dubai-ePathram
ദുബായ് : എസ്. വൈ. എസ്. തൃശൂര്‍ ജില്ലാ ദുബായ് കമ്മിറ്റി, ജില്ല യിലെ സമന്വയ വിദ്യാഭ്യാസ രംഗത്ത് മികവ് പുലര്‍ത്തുന്ന വിദ്യാര്‍ത്ഥി കള്‍ക്കായി ഏര്‍പ്പെടുത്തിയ ആര്‍ പി അബൂബക്കര്‍ ഹാജി സ്മാരക അവാര്‍ഡിന് തൃശൂര്‍ ചാലക്കുടി സ്വദേശി അനസ് അലി അര്‍ഹനായി.

പതിനായിരം രൂപയും പ്രശസ്തി പത്രവും അടങ്ങുന്നതാണ് അവാര്‍ഡ്. തിരൂരങ്ങാടി പി എസ് എം ഒ കോളജിലെ രണ്ടാം വര്‍ഷ എം. എ. ഹിസ്റ്ററി വിദ്യാര്‍ത്ഥിയായ അനസ് മലപ്പുറം വേങ്ങര അല്‍ ഇഹ്‌സാന്‍ ദഅവ കോളജിലെ ആറാം വര്‍ഷ വിദ്യാര്‍ത്ഥി കൂടിയാണ്.

2011 ല്‍ കോഴിക്കോട് യൂണിവേഴ്‌സിറ്റി ബി. എ. ഹിസ്റ്ററി പരീക്ഷ യില്‍ ഒന്നാം റാങ്ക് നേടിയ അനസ് കഴിഞ്ഞ യൂണിവേഴ്‌സിറ്റി ഇന്റര്‍സോണ്‍ കലോത്സവ ത്തില്‍ പ്രസംഗ മത്സര ത്തില്‍ ഒന്നാം സ്ഥാനവും പ്രഥമ സുകുമാര്‍ അഴിക്കോട് പുരസ്‌കാരവും എസ്. എസ്. എഫ് സംസ്ഥാന ക്യാമ്പസ് കലോത്സവ ത്തില്‍ പ്രസംഗ മത്സര ത്തില്‍ ഒന്നാം സ്ഥാനവും നേടിയിട്ടുണ്ട്.

തൃശൂര്‍ ജില്ല യിലെ ഇസ്ലാമിക പ്രബോധന, വിദ്യാഭ്യാസ രംഗങ്ങളില്‍ നിറഞ്ഞു നിന്നിരുന്ന ആര്‍ പി അബൂബക്കര്‍ ഹാജിയുടെ പേരില്‍ കഴിഞ്ഞ അഞ്ച് വര്‍ഷങ്ങ ളായി അവാര്‍ഡ് നല്‍കി വരുന്നുണ്ട്.

ഏപ്രില്‍ 23 ന് ചാവക്കാട് നടക്കുന്ന ചടങ്ങില്‍ കാന്തപുരം എ. പി. അബൂബക്കര്‍ മുസ്ലിയാര്‍ അവാര്‍ഡ് സമ്മാനിക്കും.

- pma

വായിക്കുക: ,

അഭിപ്രായം എഴുതുക »

കേരള മാപ്പിള കലാ അക്കാദമി ദുബായ് ചാപ്റ്റര്‍

April 21st, 2012

kerala-mappila-kala-academy-logo-ePathram ദുബായ് : കേരള മാപ്പിള കലാ അക്കാദമി ദുബായ് ചാപ്റ്റര്‍ പുതിയ കമ്മിറ്റി തെരഞ്ഞെടുത്തു. പ്രസിഡന്‍റ് : നാസര്‍ പരദേശി, സെക്രട്ടറി : മുനീര്‍ പരപ്പനങ്ങാടി, ഓര്‍ഗനൈസിംഗ് സെക്രട്ടറി : നവാസ് കുഞ്ഞിപള്ളി, ട്രഷറര്‍ : യു. പി. സി. ഇബ്രാഹിം, വൈസ് പ്രസിഡണ്ടുമാര്‍ : അബ്ദുറഹിമാന്‍ പടന്ന, ഷംസുദ്ദീന്‍ ബ്രൗണ്‍സ്റ്റാര്‍. ജോയിന്റ്റ്‌ സെക്രട്ടറിമാര്‍ : അബ്ദുള്ളകുട്ടി ചേറ്റുവ, സെയ്ത്മുഹമ്മദ്, ഷംസുദ്ദീന്‍ കണ്ണൂക്കര.

- pma

വായിക്കുക: ,

അഭിപ്രായം എഴുതുക »

സൌദിയിൽ വിവാഹത്തിന് പ്രായപരിധി വരാൻ സാദ്ധ്യത

April 20th, 2012

child-crying-epathram

ജെദ്ദ : സൌദിയില്‍ പെണ്‍കുട്ടികളുടെ വിവാഹത്തിന് കുറഞ്ഞ പ്രായ പരിധി നടപ്പിലാക്കാൻ ഉദ്ദേശിക്കുന്നതായി നീതിന്യായ വകുപ്പ് കഴിഞ്ഞ ദിവസം വെളിപ്പെടുത്തി. ശൈശവ വിവാഹം വ്യാപകമായ സാമൂഹിക പ്രശ്നങ്ങൾ സൃഷ്ടിക്കുന്നതുമായി ബന്ധപ്പെട്ട് ഏറെ അന്താരാഷ്ട്ര വിമർശനങ്ങൾ ഉയർന്ന സാഹചര്യത്തിലാണ് ഈ നീക്കം.

ഇത് സംബന്ധിച്ച് മന്ത്രാലയം വ്യക്തമായ നിലപാടുകൾ സ്വീകരിച്ചു കഴിഞ്ഞതായി നീതിന്യായ വകുപ്പിന്റെ കീഴിലുള്ള വിവാഹ കാര്യ വിഭാഗം തലവൻ അറിയിച്ചു. ഇത് നിയമമാക്കാനുള്ള ശ്രമമാണ് ഇപ്പോൾ നടക്കുന്നത്. പുതിയ നിയമങ്ങൾ കൊണ്ടു വരുന്നതിൽ ഭരണകൂടത്തിന് ഉപദേശം നൽകുന്ന ഷൂറാ കൌൺസിൽ വിവാഹത്തിന് കുറഞ്ഞ പ്രായപരിധി കൊണ്ടു വരണം എന്ന് നിർദ്ദേശിച്ചതായി കഴിഞ്ഞ വർഷം വാർത്താ മാദ്ധ്യമങ്ങൾ റിപ്പോർട്ട് ചെയ്തിരുന്നു. എന്നാൽ പിന്നീട് ഇതിൽ പുരോഗതിയൊന്നും ഉണ്ടായില്ല.

പെണ്‍കുട്ടിയുടെ സമ്മതം വിവാഹത്തിന് ആവശ്യമാണെങ്കിലും പലപ്പോഴും ഇത് ആരും പരിഗണിക്കാറില്ല. മനുഷ്യാവകാശ സംഘടനകള്‍ ഈ പ്രശ്നത്തിന് ഒരു പരിഹാരം കാണണം എന്ന് ഏറെ കാലമായി ആ‍വശ്യപ്പെടുന്നുണ്ട്.

സൌദിയിലെ യാഥാസ്ഥിതികര്‍ ഇത്തരം ഒരു നീക്കത്തിന് എതിരാണെങ്കിലും സര്‍ക്കാരില്‍ നിന്നു തന്നെ ഇത്തരം ഒരു പ്രായ പരിധി കൊണ്ടു വരുന്നതിന് അനുകൂലമായ നിലപാട് പ്രകടമായ സ്ഥിതിക്ക് പുതിയ നിയമ ഭേദഗതികള്‍ ഈ കാര്യത്തില്‍ വരും എന്ന് പ്രതീക്ഷിക്കപ്പെടുന്നു.

2009ൽ 8 വയസുള്ള ഒരു പെൺകുട്ടിയെ 50 വയസുള്ള ഒരാൾ വിവാഹം ചെയ്തത് അസാധുവാക്കണം എന്ന പെൺകുട്ടിയുടെ അമ്മയുടെ ആവശ്യം കോടതി തള്ളിയത് എറെ വിവാദമായിരുന്നു. പെണ്‍കുട്ടി പ്രായപൂര്‍ത്തി ആവുന്നത് വരെ കാത്തിരിക്കണം എന്നും പ്രായപൂര്‍ത്തി ആയതിനു ശേഷമേ പെണ്‍കുട്ടിക്ക് വിവാഹ മോചനത്തിന് ഉള്ള ഹരജി കോടതിയില്‍ സമര്‍പ്പിക്കാന്‍ ഉള്ള അവകാശം ഉള്ളൂ എന്ന കാരണം പറഞ്ഞാണ് കോടതി അപേക്ഷ തള്ളിയത്.

2010ൽ 12 വയസുള്ള ഒരു പെൺകുട്ടിയ്ക്ക് 80 വയസുള്ള ഭർത്താവിൽ നിന്നും വിവാഹ മോചനം ലഭിക്കുന്നതിനായി സൌദിയിലെ മനുഷ്യാവകാശ കമ്മീഷൻ തന്നെ നിയമ സഹായം നൽകിയത് പെൺകുട്ടികളുടെ വിവാഹത്തിന് കുറഞ്ഞ പ്രായപരിധി നിശ്ചയിക്കപ്പെടാനുള്ള പ്രതീക്ഷ ഉണർത്തിയിരുന്നു.

18 വയസിന് താഴെ പ്രായം ഉള്ളവരെ കുട്ടികളായി പരിഗണിക്കുന്ന ഐക്യ രാഷ്ട്ര സഭയുടെ അന്താരാഷ്ട്ര ഉടമ്പടിയിൽ സൌദി അറേബ്യയും ഒപ്പു വെച്ചിട്ടുണ്ട്.

- ജെ.എസ്.

വായിക്കുക: , , , ,

അഭിപ്രായം എഴുതുക »

സി. ബി. എസ്. ഇ. അദ്ധ്യാപക പരിശീലനം അബുദാബിയില്‍

April 19th, 2012

cbse-logo-epathram

അബുദാബി : സെന്‍ട്രല്‍ ബോര്‍ഡ് ഓഫ് സെക്കന്‍ഡറി എജ്യുക്കേഷന്‍ (ഡല്‍ഹി) സംഘടിപ്പിക്കുന്ന മൂന്നാമത് ടീച്ചര്‍ ട്രെയിനിംഗ് പ്രോഗ്രാം അബുദാബി ഇന്ത്യാ സോഷ്യല്‍ സെന്ററില്‍ ഏപ്രില്‍ 21, 22, 23 തീയതി കളില്‍ നടക്കും. പ്രോഗ്രാമില്‍ സി. ബി. എസ്. ഇ. ചെയര്‍മാന്‍ വിനീത് ജോഷി, ട്രെയിനിംഗ് ഡയറക്ടര്‍ സാധനാ പരഷാര്‍ എന്നിവര്‍ സംബന്ധിക്കും.

അബുദാബി, ദുബായ്, ഷാര്‍ജ, ഒമാന്‍, സൗദി അറേബ്യ, ഖത്തര്‍, കുവൈത്ത് എന്നീ രാജ്യങ്ങളിലെ 120 അദ്ധ്യാപകര്‍ മൂന്ന് ദിവസത്തെ ക്യാമ്പില്‍ പങ്കെടുക്കും.

അബുദാബി യില്‍ ഭാരതീയ വിദ്യാഭവനാണ് മൂന്നു ദിവസം നീണ്ടു നില്‍ക്കുന്ന ട്രെയിനിംഗിന് ആതിഥേയത്വം വഹിക്കുക.

സി. ബി. എസ്. ഇ. യുടെ കീഴില്‍ ‘സി. ബി. എസ്. ഇ. ഐ’ കരിക്കുലം പദ്ധതി 2010-11 വര്‍ഷ ങ്ങളിലാണ് അന്താരാഷ്ട്ര തല ത്തില്‍ ആരംഭിച്ചത്. സിംഗപ്പുര്‍, ജപ്പാന്‍, മലേഷ്യ, യു. എ. ഇ. മറ്റ് ഗള്‍ഫ് രാജ്യങ്ങള്‍ എന്നിവിട ങ്ങളിലാണ് ഈ വിദ്യാഭ്യാസ പദ്ധതി ആരംഭിച്ചിട്ടുള്ളത്.

- pma

വായിക്കുക:

അഭിപ്രായം എഴുതുക »


« Previous Page« Previous « അബുദാബി കുറ്റിയാടി മണ്ഡലം കെ. എം. സി. സി ഭാരവാഹികള്‍
Next »Next Page » സൌദിയിൽ വിവാഹത്തിന് പ്രായപരിധി വരാൻ സാദ്ധ്യത »



  • ജിമ്മി ജോർജ്ജ് വോളി : ലൈഫ് ടൈം അച്ചീവ് മെന്റ് അവാർഡ് മാണി സി. കാപ്പന്
  • ജിമ്മി ജോർജ്ജ് സ്മാരക റമദാൻ വോളി : മാർച്ച് 27 ന് അബുദാബിയിൽ തുടക്കം
  • ദുബായ് സർക്കാരിന് പുതിയ ലോഗോ
  • ഇഖ്‌വ ഇഫ്‌താർ സംഗമം സംഘടിപ്പിച്ചു
  • ശൈഖ് മുഹമ്മദ് ബിൻ സായിദ് സമൂഹ ഇഫ്താറിൽ : വീഡിയോ വൈറൽ
  • മൂന്നാമത് ഇ. കെ. നായനാര്‍ സ്മാരക ഫുട് ബോൾ ടൂർണ്ണ മെന്റിന് വർണ്ണാഭമായ തുടക്കം
  • ഗാസയിലെ പരിക്കേറ്റവർക്ക് 2 ദശ ലക്ഷം ദിര്‍ഹത്തിൻ്റെ മെഡിക്കൽ സഹായം എത്തിച്ച് ബുര്‍ജീല്‍ ഹോൾഡിംഗ്സ്
  • ഇ. കെ. നായനാര്‍ സ്മാരക ഫുട് ബോൾ ടൂർണ്ണ മെൻ്റ് മാർച്ച് 16, 17 തിയ്യതികളിൽ
  • അൽ ഐൻ മലയാളി സമാജം പുതിയ കമ്മിറ്റി
  • ജിമ്മി ജോർജ്ജ് മെമ്മോറിയൽ വോളി ബോൾ ടൂർണ്ണ മെൻ്റ് മാർച്ച് 27 മുതൽ
  • മികച്ച നേട്ടം കൈവരിച്ച് ബുര്‍ജീല്‍ ഹോൾഡിംഗ്സ്
  • ബാ​പ്സ് ഹി​ന്ദു മ​ന്ദി​റി​ലേ​ക്ക് പു​തി​യ ബസ്സ് (203) സർവ്വീസ്
  • റമളാൻ ഹദിയ : ബ്രോഷർ പ്രകാശനം ചെയ്തു
  • അൽ ഐൻ ഓര്‍ത്തഡോക്‌സ് പള്ളിയില്‍ ഓർമ്മപ്പെരുന്നാളും പൊതു സമ്മേളനവും
  • വ്യക്തി കേന്ദ്രീകൃതമായ ചികിത്സയിലൂടെ അർബുദത്തെ നേരിടുന്നതിൽ വൻ മുന്നേറ്റം ഉണ്ടാക്കുവാൻ കഴിയും : പ്രൊഫ. ജെയിംസ് ആലിസൺ
  • സായിദ് എയർ പോർട്ടിൽ ആരോഗ്യ സേവനങ്ങൾക്കായി ബുർജീലിനെ തെരഞ്ഞെടുത്തു
  • മലപ്പുറം ജില്ലാ കെ. എം. സി. സി. യുടെ TASKCON പ്രഖ്യാപനം
  • ഫുഡ്‌ ഫെസ്റ്റ് സീസൺ-2 : വിജയികൾക്ക് സമ്മാനങ്ങൾ വിതരണം ചെയ്തു
  • ഗൂഗിള്‍ ക്രോം ഉപയോക്താക്കള്‍ക്ക് മുന്നറിയിപ്പ്
  • ഖുർആൻ പാരായണ മത്സരം



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine