 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : ശക്തി തിയ്യറ്റേഴ്സിന്റെ കീഴില്‍ രൂപീകൃതമായ ശക്തി ഫിലിം ക്ലബ്ബി ന്റെ ഔപചാരിക ഉദ്ഘാടനം ജൂലൈ 14 ശനിയാഴ്ച രാത്രി 9 മണിക്ക് അബുദാബി കേരള സോഷ്യല്‍ സെന്ററില്‍ നടക്കും.
ഉദ്ഘാടന ത്തോട് അനുബന്ധിച്ച് ടി. കെ. രാജീവ് കുമാര്‍ സംവിധാനം ചെയ്ത ജലമര്‍മ്മരം എന്ന സിനിമ പ്രദര്‍ശിപ്പിക്കുന്നു. ദേശീയ സംസ്ഥാന പുരസ്കാരങ്ങള്‍ നേടിയ ഈ ചിത്രം ഗ്വാളിയോര്‍ റയോണ്‍സ് മാലിന്യങ്ങള്‍ ഒഴുക്കിയ ചാലിയാര്‍ പുഴയുമായി ബന്ധപ്പെട്ട കഥ പറയുന്നു.
- pma
വായിക്കുക: ശക്തി തിയേറ്റഴ്സ്, സിനിമ
ഷാര്‍ജ : പ്രവാസ ലോകത്തെ യുവ ചലച്ചിത്ര പ്രതിഭയായ നൌഷാദ് രചനയും സംവിധാനവും നിര്‍വ്വഹിച്ച ദി അണ്‍ ഐഡന്റിഫൈഡ് (The Unidentified), ദി ട്രാപ്പ് (The Trap) എന്നീ ടെലി സിനിമ കളുടെ പ്രിവ്യൂവും സീഡി പ്രകാശനവും ജൂണ്‍ 28 വ്യാഴം വൈകീട്ട് എട്ടു മണിക്ക് ഷാര്‍ജ ഇന്ത്യന്‍ അസോസിയേഷന്‍ ഹാളില്‍ നടക്കും. പ്രത്യേകം ക്ഷണിക്കപ്പെട്ട സദസ്സിലായിരിക്കും ചിത്ര പ്രദര്‍ശനം.
ദുബായിലെ പ്രമുഖ സാംസ്കാരിക പ്രവര്‍ത്തകനും മാധ്യമ പ്രവര്‍ത്തകനുമായ കെ. എ. ജബ്ബാരി അടക്കം നാടക – ടെലിവിഷന്‍ രംഗത്തെ അഭിനേതാക്കള്‍ ഈ ചിത്രങ്ങളില്‍ അഭിനയിച്ചിരിക്കുന്നു.
- pma
അബുദാബി: ഫാതിഹ് അകിന്‍ സംവിധാനം ചെയ്ത ‘ ദി എഡ്ജ് ഓഫ് ഹെവന്‍ ‘ എന്ന ചലച്ചിത്രം ജൂണ്‍ 23 ശനിയാഴ്ച വൈകീട്ട് 8 മണിക്ക് അബുദാബി കേരള സോഷ്യല്‍ സെന്ററില്‍ പ്രദര്‍ശിപ്പിക്കും.
കാന്‍ ഫിലിം ഫെസ്റ്റിവല്‍ അടക്കം നിരവധി ഫിലിം ഫെസ്റ്റിവലുകളില്‍ പങ്കെടുത്ത് പുരസ്കാരങ്ങള്‍ നേടിയ ഈ ചിത്രത്തിന്റെ പ്രദര്‍ശനത്തെ തുടര്‍ന്ന് ഓപ്പണ്‍ ഫോറവും ഉണ്ടായിരിക്കും.
കേരള സോഷ്യല്‍ സെന്റര്‍, പ്രസക്തി, നാടകസൗഹൃദം, കോലായ, ആര്‍ട്ടിസ്റ്റ ആര്‍ട്ട് ഗ്രൂപ്പ് എന്നിവയുടെ സംയുക്താഭി മുഖ്യത്തിലാണ് സിനിമാ പ്രദര്‍ശനം. പ്രവേശനം സൗജന്യമായിരിക്കും.
- pma
വായിക്കുക: സിനിമ
അബുദാബി : മധു കൈതപ്രം സംവിധാനം ചെയ്ത മധ്യവേനല്‍ എന്ന മലയാള സിനിമ അബുദാബി യില്‍ പ്രദര്‍ശിപ്പിക്കുന്നു. പ്രസക്തി യാണ് സിനിമ പ്രദര്‍ശനം സംഘടിപ്പിക്കുന്നത്. മെയ് 23 ബുധനാഴ്ച രാത്രി 8 മണിക്ക് കേരള സോഷ്യല്‍ സെന്ററിലാണ് പ്രദര്‍ശനം.
‘ഏകാന്തം’ എന്ന ആദ്യചിത്ര ത്തിലൂടെ നവാഗത സംവിധായകനുള്ള ദേശീയ അവാര്‍ഡ് നേടിയ സംവിധായകനാണ് മധു കൈതപ്രം.
ഉത്തര മലബാറിന്റെ പ്രത്യേകിച്ച് പയ്യന്നൂരിന്റെ സാമൂഹ്യ രാഷ്ട്രീയ പശ്ചാത്തല ത്തിലാണ് ഈ ചിത്രത്തിന്റെ കഥ. അബുദാബി യില്‍ ജോലി ചെയ്യുന്ന ജഹാംഗീര്‍ ഷംസ് നിര്‍മ്മിച്ച മധ്യവേനലില്‍ മനോജ്‌ കെ. ജയന്‍, ശ്വേതാ മേനോന്‍, അരുണ്‍, ബാലചന്ദ്രന്‍ ചുള്ളിക്കാട്, നിവേദിത, സബിത ജയരാജ്‌, ഇര്‍ഷാദ് തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിക്കുന്നത്‌.
ഇതിനു മുമ്പ് ഇന്ത്യ സോഷ്യല്‍ സെന്ററിലും മധ്യവേനല്‍ പ്രദര്‍ശിപ്പിച്ചിരുന്നു.
- pma
അബുദാബി : ഇന്ത്യന്‍ എംബസി സാംസ്കാരിക വിഭാഗ ത്തിന്റെയും ഇന്ത്യന്‍ ഫിലിം സൊസൈറ്റി യു. എ. ഇ. യുടെയും സംയുക്ത ആഭിമുഖ്യ ത്തില്‍ നടക്കുന്ന ത്രിദിന ഇന്ത്യന്‍ ചലച്ചിത്ര മേള ഏപ്രില്‍ 19 വ്യാഴാഴ്ച ഇന്ത്യന്‍ അംബാസഡര്‍ എം. കെ. ലോകേഷ് ഉദ്ഘാടനം ചെയ്യും.
അബുദാബി ഇന്ത്യന്‍ എംബസി ഓഡിറ്റോറിയ ത്തില്‍ വൈകിട്ട് ഏഴിന് ആരംഭിക്കുന്ന ചലച്ചിത്ര മേള യില്‍ അടൂര്‍ ഗോപാലകൃഷ്ണന്‍ (മലയാളം), ഗിരീഷ് കാസറവള്ളി (കന്നട), ജബാര്‍ പട്ടേല്‍ (മറാത്തി), ഗൗതം ഘോഷ് (ബംഗാളി) എന്നിവരും അബുദാബി ഫിലിം ഫെസ്റ്റിവെല്‍ എക്‌സിക്യൂട്ടീവ് ഡയറക്ടര്‍ പീറ്റര്‍ സ്‌കാര്‍ലറ്റ്, അബുദാബി ഫിലിം കമ്മീഷന്‍ ഡപ്യൂട്ടി ഡയറക്ടര്‍ മാര്‍സല തുടങ്ങിയവരും പങ്കെടുക്കും.
നല്ല സിനിമയെ സ്‌നേഹിക്കുന്ന ഒരു കൂട്ടം പ്രവാസി ഇന്ത്യക്കാരുടെ കൂട്ടായ്മയായ ‘ഇന്ത്യന്‍ ഫിലിം സൊസൈറ്റി യു. എ. ഇ.’ യുടെ ലക്ഷ്യം നല്ല സിനിമ യെയും സിനിമാ അനുബന്ധ പ്രവര്‍ത്തന ങ്ങളെയും പ്രവാസ ജീവിത ത്തില്‍ അവതരിപ്പി ക്കുകയാണ്.
ഇന്ത്യയിലെ വിവിധ ഭാഷ കളില്‍ ഉണ്ടാവുന്ന മികച്ച ചിത്രങ്ങള്‍ പ്രദര്‍ശിപ്പിക്കുക, ഇതര ഭാഷകളിലെ ചിത്ര ങ്ങളുടെ പ്രദര്‍ശനവും സംവാദവും നടത്താന്‍ അവസരം ഒരുക്കുക, സ്‌കൂള്‍-കോളേജ് വിദ്യാര്‍ത്ഥി കള്‍ക്ക് ഹൃസ്വ ചിത്ര നിര്‍മാണ ത്തിന് വേദിയൊരുക്കുക തുടങ്ങി യവയാണ് ‘ഐ. എഫ്. എസ്. യു. എ. ഇ.’ യുടെ പ്രവര്‍ത്തനങ്ങള്‍.
ചലച്ചിത്ര മേള യുടെ ഉദ്ഘാടന ചിത്രം അടൂരിന്റെ വിഖ്യാത ചലച്ചിത്രമായ എലിപ്പത്തായ മാണ്. അന്തര്‍ ദേശീയമായ ഒട്ടേറെ അവാര്‍ഡുകള്‍ നേടുകയും ലോകത്തെ ഒട്ടുമിക്ക മേള കളില്‍ പ്രദര്‍ശിപ്പി ക്കുകയും ചെയ്തിട്ടുള്ള ‘എലിപ്പത്തായ’ ത്തിന്റെ പുനര്‍ വായനയ്ക്കാണ് പ്രവാസികള്‍ക്ക് അവസരം ഒരുങ്ങുന്നത്.
ഏപ്രില്‍ 20 വെള്ളിയാഴ്ച ആറു മണിക്ക് എംബസി ഓഡിറ്റോറിയ ത്തില്‍ ‘കനസസ കുഡുരേയാഹരി’ യും (കന്നട-ഗിരീഷ് കാസറവള്ളി), എട്ടു മണിക്ക് ‘ഉംബര്‍ത്തോ’ യും (മറാത്തി- ജബാര്‍പട്ടേല്‍) പ്രദര്‍ശി പ്പിക്കും. സമാപന ദിവസം ഗൗതം ഘോഷിന്റെ ബംഗാളി ചിത്രമായ ‘മോനേര്‍’ ആണ് പ്രദര്‍ശി പ്പിക്കുക.
ഏപ്രില്‍ 20 വെള്ളിയാഴ്ച അബുദാബി ഇന്ത്യാ സോഷ്യല്‍ സെന്ററില്‍ രാവിലെ ഒമ്പതു മണി മുതല്‍ ചര്‍ച്ചകളും സെമിനാറുകളും നടക്കും.
‘ചലച്ചിത്ര വ്യവസായ ത്തിന്റെ സാദ്ധ്യതകള്‍ അബുദാബിയില്‍’ എന്ന വിഷയ ത്തെക്കുറിച്ച് അബുദാബി ഫിലിം കമ്മീഷന്‍ ഡെ. ഡയറക്ടര്‍ മാര്‍സെല്ല പ്രഭാഷണം നടത്തും.
10 മണിക്കുള്ള രണ്ടാം സെഷനില്‍ ‘ഇന്ത്യന്‍ സിനിമ ബോളിവുഡിനപ്പുറം’ എന്ന വിഷയ ത്തെക്കുറിച്ച് ജബാര്‍ പട്ടേല്‍ സംസാരിക്കും. അടൂര്‍ ഗോപാലകൃഷ്ണന്‍ മോഡറേറ്ററാകും.
ഉച്ചയ്ക്കു ശേഷമുള്ള സെഷനില്‍ ‘ചലച്ചിത്ര നിര്‍മാണത്തിലെ പുത്തന്‍ സാങ്കേതികതകള്‍’ എന്ന വിഷയം ഗൗതം ഘോഷ് അവതരിപ്പിക്കും. ഗിരീഷ് കാസറവള്ളി മോഡറ്റേറാകും. തുടര്‍ന്ന് ‘ഇന്ത്യന്‍ സിനിമ ഇന്‍ ദ വേള്‍ഡ്’ എന്ന വിഷയ ത്തില്‍ അബുദാബി ഫിലിം ഫെസ്റ്റിവെല്‍ ഡയറക്ടര്‍ പ്രഭാഷണം നടത്തും.
‘സാഹിത്യവും സിനിമയും’ എന്ന വിഷയത്തില്‍ അടൂര്‍ ഗോപാലകൃഷ്ണനും പ്രസംഗിക്കും. ‘സംവിധാനം എന്ന കല’ എന്ന വിഷയത്തില്‍ ഗിരീഷ് കാസറവള്ളിയും പ്രസംഗിക്കും.
ത്രിദിന ചലച്ചിത്ര മേളയില്‍ അറബിക് ഹൃസ്വ ചിത്രങ്ങള്‍ കാണാനും സംവിധായകരെയും അഭിനേതാ ക്കളെയും അടുത്തറിയാനും അവസരമുണ്ടാവും എന്ന് ഐ. എഫ്. എസ്. യു. എ. ഇ. യുടെ ചെയര്‍മാന്‍ ഷംനാദ് അറിയിച്ചു.
ചലച്ചിത്ര മേള യിലേക്കുള്ള പ്രവേശനം സൗജന്യമാണ്.
വിശദ വിവരങ്ങള്‍ക്ക് വെബ്സൈറ്റ് സന്ദര്‍ശിക്കുക
- pma
വായിക്കുക: അബുദാബി, ഇന്ത്യന്‍ കോണ്സുലേറ്റ്, സിനിമ
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
