കടുത്ത പ്രതിഷേധവുമായി ‘സ്ത്രീ സുരക്ഷാ സംഗമം’

December 29th, 2012

devasena-prasakthi

അബുദാബി : പ്രസക്തി, അബുദാബി കേരള സോഷ്യൽ സെന്ററില്‍ സംഘടിപ്പിച്ച സ്ത്രീ സുരക്ഷാ സംഗമം, സ്ത്രീകള്‍ക്കു നേരെ ഇന്ത്യയില്‍ ഭയാനകമായ തോതില്‍ പെരുകി വരുന്ന അതിക്രമങ്ങള്‍ ക്കെതിരെയുള്ള പ്രവാസി സമൂഹത്തിന്റെ രോഷത്തിന്റെയും പ്രതിഷേധത്തിന്റെയും പ്രകടന വേദിയായി മാറി. സമൂഹത്തില്‍ ജീര്‍ണ്ണതകള്‍ ഇത്രമേല്‍ ശക്തമായിട്ടും കര്‍ക്കശമായ നടപെടികളെടുക്കാന്‍ മടിക്കുന്ന ഭരണാധികാരി കള്‍ക്കെതിരായ താക്കീതു കൂടിയായിരുന്നു വനിതകളും, പെണ്‍കുട്ടികളും, കവികളും, ചിത്രകാരന്മാരും, ബഹുജനങ്ങളും പങ്കെടുത്ത സ്ത്രീ സുരക്ഷാ സംഗമം.

സംഗമം പ്രമുഖ കവയത്രി ദേവസേന ഉദ്ഘാടനം ചെയ്തു. പ്രസക്തി വൈസ്‌ പ്രസിഡണ്ട്‌ ഫൈസല്‍ ബാവ അധ്യക്ഷനായിരുന്നു.

കെ. എസ്. സി. വനിതാ വിഭാഗം കണ്‍വീനര്‍ ഷൈലജ നിയാസ്, കവികളായ അസ്മോ പുത്തന്‍ചിറ, ടി. എ. ശശി, ആശാ സബീന, വിവിധ വനിതാ നേതാക്കളായ രമണി രാജന്‍, ഷക്കീല സുബൈര്‍, ഷാഹ്ദാനീ വാസു, റൂഷ് മെഹര്‍, കെ.എസ്. സി. ബാല സമിതി പ്രസിഡന്‍റ് ഐശ്വര്യ ഗൌരി നാരായണന്‍, അഷ്‌റഫ്‌ ചെമ്പാട്, ചിത്രകാരന്‍ രാജീവ്‌ മുളക്കുഴ, മുഹമ്മദ്‌ അസ്ലാം, അബ്ദുള്‍ നവാസ് എന്നിവര്‍ പ്രസംഗിച്ചു.

സുഹാന സുബൈര്‍, ഒ. എന്‍. വി. യുടെ കവിത ആലപിച്ചു. സ്കൂള്‍ വിദ്യാര്‍ത്ഥികളായ ഐശ്വര്യ ദേവി അനില്‍, മുഹമ്മദ്‌ രാസ്സി, സുഹാന സുബൈര്‍, ഐശ്വര്യ ഗൌരി നാരായണന്‍ എന്നിവര്‍ വരച്ച ചിത്രങ്ങള്‍ ഭാവി തലമുറയുടെ ആശങ്കകള്‍ പങ്കു വയ്ക്കുന്നതായി മാറി.

ഇസ്മയില്‍ കൊല്ലം, ബാബു തോമസ്‌ എന്നിവര്‍ പരിപാടികള്‍ക്ക് നേതൃത്വം നല്‍കി.

- ജെ.എസ്.

വായിക്കുക: , ,

അഭിപ്രായം എഴുതുക »

സ്ത്രീകൾക്ക് മാത്രമായി സൌദിയിൽ പുതിയ നഗരം

August 13th, 2012

saudi-women-driving-epathram

റിയാദ് : സ്ത്രീകൾ പുരുഷന്മാരോടൊപ്പം ജോലി ചെയ്യുന്നതിന് ഏറെ നിയന്ത്രണങ്ങൾ നിലനില്ക്കുന്ന സൌദി അറേബ്യയിൽ സ്ത്രീകൾക്ക് ജോലി ചെയ്യാനായി സ്ത്രീകൾ മാത്രം ജോലി ചെയ്യുന്ന വ്യവസായ നഗരം വരുന്നു. ഇതോടെ നിയന്ത്രണങ്ങൾക്ക് വിധേയമായി തന്നെ സൌദിയിലെ സ്ത്രീകൾക്ക് ജോലി ചെയ്യാനാവും. ഹോഫുഫ് നഗരത്തിന്റെ കിഴക്കൻ പ്രവിശ്യയിലാണ് ഈ പുതിയ “ലേഡീസ് ഓൺലി” നഗരം പണിയുന്നത്. ലിംഗ വിവേചനം നിലനിർത്തിക്കൊണ്ടു തന്നെ സ്ത്രീകൾക്ക് വർദ്ധിച്ച സാമ്പത്തിക സ്വാതന്ത്ര്യം ലഭ്യമാക്കുക എന്നതാണ് ഇത്തരമൊരു പദ്ധതിയുടെ ലക്ഷ്യം. ഇത്തരം നാല് നഗരങ്ങൾ കൂടി പണിയാനുള്ള പദ്ധതികൾ തയ്യാറായി വരുന്നുണ്ട്. ഏറെ യാഥാസ്ഥിതികമായ കാഴ്ച്ചപ്പാടുകൾ ഉള്ള സൌദി സമൂഹത്തിൽ സ്ത്രീകൾക്ക് സ്വന്തമായി വാഹനം ഓടിക്കാനുള്ള സ്വാതന്ത്ര്യം പോലുമില്ല.

രാജ്യത്തെ തൊഴിലാളികളിൽ 15 ശതമാനം മാത്രമാണ് സ്ത്രീകൾ. ഇത് തന്നെ മിക്കവാറും സ്ത്രീകൾ മാത്രം ജോലി ചെയ്യുന്ന സ്ഥലങ്ങളിലും. പുരുഷന്മാരുമായി ഇടകലർന്ന് ജോലി ചെയ്യാൻ കർശനമായ നിയന്ത്രണങ്ങളാണ് ഇവിടെ ഉള്ളത്. തുണിക്കടകളിൽ ചെന്നാൽ പുരുഷന്മാരായ ജോലിക്കാരിൽ നിന്നും അടിവസ്ത്രം ചോദിച്ചു വാങ്ങേണ്ട ഗതികേടിലായിരുന്നു സൌദിയിലെ സ്ത്രീകൾ. എന്നാൽ ഈ കഴിഞ്ഞ ജനുവരി മുതൽ സ്ത്രീകളുടെ അടിവസ്ത്രങ്ങൾ വില്ക്കാൻ സ്ത്രീ തൊഴിലാളികളെ നിയമിക്കാം എന്ന നിയമം പ്രാബല്യത്തിൽ വന്നിട്ടുണ്ട്.

2015ലെ പ്രാദേശിക തെരഞ്ഞെടുപ്പുകളിൽ സ്ത്രീകൾക്കും വോട്ടവകാശം നല്കും എന്ന് കഴിഞ്ഞ സെപ്റ്റംബറിൽ അബ്ദുള്ള രാജാവ് പ്രഖ്യാപിക്കുകയുണ്ടായി.

- ജെ.എസ്.

വായിക്കുക: ,

അഭിപ്രായം എഴുതുക »

സൌദി വനിതകൾ ഒളിമ്പിക്സിൽ

June 26th, 2012

saudi-women-athletes-epathram

റിയാദ് : ഇത്തവണത്തെ ഒളിമ്പിക്സിൽ സൌദിയിൽ നിന്നുമുള്ള വനിതകൾ പങ്കെടുത്തേക്കും എന്ന് സൂചന. സ്ത്രീകൾക്ക് കാർ ഓടിക്കാൻ പോലും സ്വാതന്ത്ര്യം ഇല്ലാത്ത സൌദിയിൽ ഒളിമ്പിക്സിൽ വനിതകളെ പങ്കെടുപ്പിക്കാനുള്ള നീക്കങ്ങൾ രഹസ്യമായാണ് നടക്കുന്നത്. യാഥാസ്ഥിതിക വിഭാഗങ്ങളുടെ എതിർപ്പ് ഭയന്നാണ് ഇത്.

ഇത്തവണത്തെ ഒളിമ്പിക്സിൽ സൌദി വനിതകളെ പങ്കെടുപ്പിക്കുന്നത് സംബന്ധിച്ച ചർച്ചകൾ അന്താരാഷ്ട്ര ഒളിമ്പിൿ കമ്മിറ്റിയുടെ ആഭിമുഖ്യത്തിൽ പുരോഗമിക്കുന്നുണ്ട്. വനിതകൾ കായിക മൽസരങ്ങളിൽ പങ്കെടുക്കുന്നത് തടയുന്ന നിയമങ്ങൾ ഒന്നും തന്നെ സൌദിയിൽ നിലവിലില്ല. എന്നാൽ സ്ത്രീകൾക്ക് സ്വാതന്ത്ര്യം അനുവദിച്ചാൽ അവർ പാപം ചെയ്യും എന്ന പരമ്പരാഗത വിശ്വാസമാണ് ഇവിടത്തെ പ്രധാന തടസ്സം.

ഒളിമ്പിക്സിൽ സ്ത്രീകൾ പങ്കെടുക്കാത്ത മൂന്ന് രാജ്യങ്ങളിൽ ഒന്നാണ് സൌദി അറേബ്യ. ഖത്തർ, ബ്രൂണെ എന്നീ രാജ്യങ്ങളും ഒളിമ്പിക്സിൽ വനിതകളെ പങ്കെടുപ്പിക്കുന്നില്ല.

- ജെ.എസ്.

വായിക്കുക: , ,

അഭിപ്രായം എഴുതുക »

ഭാര്യയെ തല്ലിയതിന് ശിക്ഷ ഖുർആൻ വായന

May 11th, 2012

niqab-burqa-purdah-epathram

ദമ്മാം : ഭാര്യയെ തല്ലിയ ഭർത്താവിനോട് ഖുർആനിൽ ഭാര്യാ ഭർത്തൃ ബന്ധത്തെ സംബന്ധിക്കുന്ന ഭാഗങ്ങൾ പാരായണം ചെയ്യാൻ സൌദിയിലെ ഒരു കോടതി ഉത്തരവിട്ടു. വായനയ്ക്ക് ശേഷം ഈ ഭാഗങ്ങളെ ആസ്പദമാക്കി നടത്തുന്ന പരീക്ഷയിലും ഇയാൾ പങ്കെടുക്കണം. ഖുർആനിലെ പ്രസക്തമായ 5 ഭാഗങ്ങളും പ്രവാചകന്റെ 100 തിരുവചനങ്ങളും വായിച്ചു പഠിക്കുവാനാണ് ഉത്തരവ് എന്ന് സൌദി പത്രമായ അൽ മദീന റിപ്പോർട്ട് ചെയ്തു. ഇതിനു പുറമെ ഇയാൾ ഭാര്യയ്ക്ക് നഷ്ടപരിഹാരമായി 7000 റിയാൽ നല്കണം. സ്ത്രീകളുടെ അവകാശങ്ങൾ സംരക്ഷിക്കണം എന്നും കോടതി ഇയാളോട് നിർദ്ദേശിച്ചിട്ടുണ്ട്.

തന്റെ വീട്ടുകാരെ കാണാൻ പോകണം എന്ന് പറഞ്ഞതിൽ കുപിതനായാണ് ഇയാൾ തന്നെ മർദ്ദിച്ചത് എന്ന് ഭാര്യ അധികൃതരോട് പറഞ്ഞു.

- ജെ.എസ്.

വായിക്കുക: , ,

അഭിപ്രായം എഴുതുക »

സൌദിയിൽ വിവാഹത്തിന് പ്രായപരിധി വരാൻ സാദ്ധ്യത

April 20th, 2012

child-crying-epathram

ജെദ്ദ : സൌദിയില്‍ പെണ്‍കുട്ടികളുടെ വിവാഹത്തിന് കുറഞ്ഞ പ്രായ പരിധി നടപ്പിലാക്കാൻ ഉദ്ദേശിക്കുന്നതായി നീതിന്യായ വകുപ്പ് കഴിഞ്ഞ ദിവസം വെളിപ്പെടുത്തി. ശൈശവ വിവാഹം വ്യാപകമായ സാമൂഹിക പ്രശ്നങ്ങൾ സൃഷ്ടിക്കുന്നതുമായി ബന്ധപ്പെട്ട് ഏറെ അന്താരാഷ്ട്ര വിമർശനങ്ങൾ ഉയർന്ന സാഹചര്യത്തിലാണ് ഈ നീക്കം.

ഇത് സംബന്ധിച്ച് മന്ത്രാലയം വ്യക്തമായ നിലപാടുകൾ സ്വീകരിച്ചു കഴിഞ്ഞതായി നീതിന്യായ വകുപ്പിന്റെ കീഴിലുള്ള വിവാഹ കാര്യ വിഭാഗം തലവൻ അറിയിച്ചു. ഇത് നിയമമാക്കാനുള്ള ശ്രമമാണ് ഇപ്പോൾ നടക്കുന്നത്. പുതിയ നിയമങ്ങൾ കൊണ്ടു വരുന്നതിൽ ഭരണകൂടത്തിന് ഉപദേശം നൽകുന്ന ഷൂറാ കൌൺസിൽ വിവാഹത്തിന് കുറഞ്ഞ പ്രായപരിധി കൊണ്ടു വരണം എന്ന് നിർദ്ദേശിച്ചതായി കഴിഞ്ഞ വർഷം വാർത്താ മാദ്ധ്യമങ്ങൾ റിപ്പോർട്ട് ചെയ്തിരുന്നു. എന്നാൽ പിന്നീട് ഇതിൽ പുരോഗതിയൊന്നും ഉണ്ടായില്ല.

പെണ്‍കുട്ടിയുടെ സമ്മതം വിവാഹത്തിന് ആവശ്യമാണെങ്കിലും പലപ്പോഴും ഇത് ആരും പരിഗണിക്കാറില്ല. മനുഷ്യാവകാശ സംഘടനകള്‍ ഈ പ്രശ്നത്തിന് ഒരു പരിഹാരം കാണണം എന്ന് ഏറെ കാലമായി ആ‍വശ്യപ്പെടുന്നുണ്ട്.

സൌദിയിലെ യാഥാസ്ഥിതികര്‍ ഇത്തരം ഒരു നീക്കത്തിന് എതിരാണെങ്കിലും സര്‍ക്കാരില്‍ നിന്നു തന്നെ ഇത്തരം ഒരു പ്രായ പരിധി കൊണ്ടു വരുന്നതിന് അനുകൂലമായ നിലപാട് പ്രകടമായ സ്ഥിതിക്ക് പുതിയ നിയമ ഭേദഗതികള്‍ ഈ കാര്യത്തില്‍ വരും എന്ന് പ്രതീക്ഷിക്കപ്പെടുന്നു.

2009ൽ 8 വയസുള്ള ഒരു പെൺകുട്ടിയെ 50 വയസുള്ള ഒരാൾ വിവാഹം ചെയ്തത് അസാധുവാക്കണം എന്ന പെൺകുട്ടിയുടെ അമ്മയുടെ ആവശ്യം കോടതി തള്ളിയത് എറെ വിവാദമായിരുന്നു. പെണ്‍കുട്ടി പ്രായപൂര്‍ത്തി ആവുന്നത് വരെ കാത്തിരിക്കണം എന്നും പ്രായപൂര്‍ത്തി ആയതിനു ശേഷമേ പെണ്‍കുട്ടിക്ക് വിവാഹ മോചനത്തിന് ഉള്ള ഹരജി കോടതിയില്‍ സമര്‍പ്പിക്കാന്‍ ഉള്ള അവകാശം ഉള്ളൂ എന്ന കാരണം പറഞ്ഞാണ് കോടതി അപേക്ഷ തള്ളിയത്.

2010ൽ 12 വയസുള്ള ഒരു പെൺകുട്ടിയ്ക്ക് 80 വയസുള്ള ഭർത്താവിൽ നിന്നും വിവാഹ മോചനം ലഭിക്കുന്നതിനായി സൌദിയിലെ മനുഷ്യാവകാശ കമ്മീഷൻ തന്നെ നിയമ സഹായം നൽകിയത് പെൺകുട്ടികളുടെ വിവാഹത്തിന് കുറഞ്ഞ പ്രായപരിധി നിശ്ചയിക്കപ്പെടാനുള്ള പ്രതീക്ഷ ഉണർത്തിയിരുന്നു.

18 വയസിന് താഴെ പ്രായം ഉള്ളവരെ കുട്ടികളായി പരിഗണിക്കുന്ന ഐക്യ രാഷ്ട്ര സഭയുടെ അന്താരാഷ്ട്ര ഉടമ്പടിയിൽ സൌദി അറേബ്യയും ഒപ്പു വെച്ചിട്ടുണ്ട്.

- ജെ.എസ്.

വായിക്കുക: , , , ,

അഭിപ്രായം എഴുതുക »

3 of 5234»|

« Previous Page« Previous « സി. ബി. എസ്. ഇ. അദ്ധ്യാപക പരിശീലനം അബുദാബിയില്‍
Next »Next Page » കേരള മാപ്പിള കലാ അക്കാദമി ദുബായ് ചാപ്റ്റര്‍ »



  • പിന്‍സീറ്റ് കുട്ടി കൾക്ക് സുരക്ഷിതം : മുന്നറി യിപ്പു മായി പോലീസ്
  • യു. എ. ഇ. സര്‍ക്കാര്‍ പോർട്ട ലിൽ മലയാള ത്തിലും വിവരങ്ങൾ
  • ഇസ്‌ലാമിക് സെന്റർ സമ്മര്‍ ക്യാമ്പ് സമാപിച്ചു
  • ആരോഗ്യമുള്ള കുടുംബം – മികച്ച കുട്ടി കൾ : കെ. എസ്. സി. യില്‍ ബോധ വൽക്കരണ ക്ലാസ്സ്
  • സോഷ്യല്‍ മീഡിയ യിലൂടെ തെറ്റായ വിവര ങ്ങൾ പ്രചരിപ്പി ക്കരുത്
  • വേനല്‍ ചൂടിനു കുളിരായി അല്‍ ഐനില്‍ കനത്ത മഴ
  • ഇശല്‍ കോറസ് ‘മുഹബ്ബ ത്തിൻ നിലാവ്’ വെള്ളി യാഴ്ച
  • തീര്‍ത്ഥാട കരുടെ ബസ്സ് അപകട ത്തില്‍ : ആളപായം ഇല്ല
  • യു. എ. ഇ. യിലേക്ക് കുടുംബത്തെ കൊണ്ടു വരാന്‍ വരുമാനം മാത്രം മാനദണ്ഡം
  • സമാജം സമ്മർ ക്യാമ്പ് ‘ചങ്ങാതി ക്കൂട്ടം’ തുടങ്ങി
  • ഖസാക്കിന്റെ ഇതിഹാസം : വായന മത്സരം
  • വേനൽ ത്തുമ്പി കൾക്ക് വർണ്ണാഭമായ തുടക്കം
  • വാഹന റജിസ്ട്രേഷനും പിഴ അടക്കു വാനും കൂടുതൽ കിയോസ്ക്കു കള്‍
  • ഗതാഗത നിയന്ത്രണം ജൂലായ് 19 വരെ തുടരും
  • മോശം ടയറുകള്‍ : 5,376 വാഹന ങ്ങൾ പിടിച്ചെടുത്തു
  • കുവൈറ്റില്‍ എ. ബി. എ തെറാപ്പിസ്റ്റു കള്‍ക്ക് തൊഴില്‍ അവസരം
  • മലയാളീ സമാജ ത്തില്‍ ‘ചങ്ങാതി ക്കൂട്ടം’ ഇന്നു മുതല്‍
  • ഒമാൻ യു. എ. ഇ. എക്സ് ചേഞ്ച് ഇനി മുതൽ യൂനി മണി
  • എംബസ്സി സേവന ങ്ങള്‍ മാസ ത്തിൽ രണ്ടു തവണ സമാജത്തിൽ
  • ഐ. എസ്. സി. സമ്മർ ക്യാമ്പിന് തുടക്കം



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine