ഭരത് മുരളി നാടകോത്സവം: ഭൂതങ്ങൾ മികച്ച നാടകം – ഒ. ടി. ഷാജഹാൻ മികച്ച സംവിധായകൻ

January 23rd, 2024

ksc-bharath-murali-drama-fest-one-act-play-writing-cmpetition-ePathram

അബുദാബി : കേരള സോഷ്യല്‍ സെൻ്റര്‍ സംഘടിപ്പിച്ച പന്ത്രണ്ടാമത് ഭരത് മുരളി സ്മാരക നാടകോത്സവത്തില്‍ ഓർമ്മ ദുബായ് അവതരിപ്പിച്ച ‘ഭൂതങ്ങൾ’ മികച്ച നാടകമായി തെരഞ്ഞെടുത്തു.

അബുദാബി ശക്തി തിയ്യറ്റേഴ്‌സ് അവതരിപ്പിച്ച സോവിയറ്റ് സ്റ്റേഷൻ കടവ്, ഒന്റാരിയൊ തിയ്യറ്റേഴ്‌സ് അവതരിപ്പിച്ച ‘കാമ മോഹിതം’ എന്നീ നാടകങ്ങൾ രണ്ടാം സ്ഥാനം പങ്കിട്ടു. ഷാർജ ചമയം തിയ്യറ്റേഴ്‌സ് അവതരിപ്പിച്ച ടോയ്‌മാൻ മൂന്നാം സ്ഥാനം നേടി.

മികച്ച സംവിധായകൻ : ഒ. ടി. ഷാജഹാൻ (ഭൂതങ്ങൾ), മികച്ച രണ്ടാമത്തെ സംവിധായകൻ : സുവീരൻ (കാമ മോഹിതം),  മികച്ച പ്രവാസി സംവിധായകൻ : ബിജു കൊട്ടില (കെ. പി. ബാബുവിൻ്റെ പൂച്ച).

മികച്ച നടൻ : പ്രകാശ് തച്ചങ്ങാട് (സോവിയറ്റ് സ്റ്റേഷൻ കടവ്). മികച്ച നടിക്കുള്ള അവാർഡ് ദിവ്യ ബാബു രാജ് (ജീവ ലത), സുജ അമ്പാട്ട് (ടോയ്‌മാൻ) എന്നിവർ പങ്കിട്ടു. മികച്ച ബാല താരങ്ങളായി അക്ഷയ് ലാൽ (ഭൂതങ്ങൾ), അഞ്ജന രാജേഷ് (ജീവലത) എന്നിവരെ തെരഞ്ഞെടുത്തു.

മറ്റ്‌ അവാർഡുകൾ : ചമയം : ടോയ്മാൻ – ചമയം ഷാർജ , പശ്ചാത്തല സംഗീതം : കാമമോഹിതം – വിജു ജോസഫ്‌, രംഗ സജ്ജീകരണം : ഭൂതങ്ങൾ – അലിയാർ അലി, പ്രകാശ വിതാനം: മരണക്കളി – അനൂപ്‌ പൂന, സ്‌പെഷ്യൽ ജൂറി അവാർഡ്‌ ക്ലിന്റ്‌ പവിത്രൻ (മേക്കപ്പ്‌),മികച്ച ഏകാങ്ക നാടക രചന : ബാബുരാജ്‌ പിലിക്കോട്‌.

അവതരിപ്പിച്ച നാടകങ്ങളുടെ വിശദമായ അവലോകനം, വിധികർത്താക്കളായ പ്രമോദ് പയ്യന്നൂർ, പി. ജെ . ഉണ്ണികൃഷ്ണൻ എന്നിവർ നിർവ്വഹിച്ചു.

കെ. എസ്. സി. പ്രസിഡണ്ട് എ. കെ. ബീരാൻ കുട്ടി അദ്ധ്യക്ഷത വഹിച്ചു. ജനറൽ സെക്രട്ടറി കെ. സത്യൻ, കലാ വിഭാഗം സെക്രട്ടറിമാരായ ലതീഷ് ശങ്കർ, ബാദുഷ, അഡ്വ. അൻസാരി സൈനുദ്ധീൻ തുടങ്ങിയവർ സംസാരിച്ചു.

- pma

വായിക്കുക: , , , , , , , , , , , , , ,

അഭിപ്രായം എഴുതുക »

മില്ലേനിയം ഹോസ്പിറ്റൽ ഉത്‌ഘാടനം ചെയ്തു

January 18th, 2024

inauguration-millenium-hospital-mussafa-ePathram
അബുദാബി : കുഞ്ഞുങ്ങൾക്കും സ്ത്രീകൾക്കും വേണ്ടിയുള്ള അത്യാധുനിക സൗകര്യങ്ങളോടു കൂടിയുള്ള മില്ലേനിയം ഹോസ്പിറ്റൽ മുസഫ ഷാബിയ ഒൻപതിൽ തുറന്നു പ്രവർത്തനം ആരംഭിച്ചു.

അബുദാബി രാജ കുടുംബാംഗം ശൈഖ അൽ യാസിയാ ബിൻത് സുൽത്താൻ ബിൻ ഖലീഫ അൽ നഹ്യാൻ, അഹല്യ മെഡിക്കൽ ഗ്രൂപ്പ് സ്ഥാപകനും മാനേജിംഗ് ഡയറക്ടറുമായ ഡോക്ടർ വി. എസ്. ഗോപാൽ എന്നിവരുടെ സാന്നിദ്ധ്യ ത്തിൽ അബുദാബി ഹെൽത്ത് അഥോറിറ്റി എക്സിക്യൂട്ടീവ് ഡയറക്ടർ ഡോക്ടർ ഐഷാ അൽ ഖൂറി മില്ലേനിയം ഹോസ്പിറ്റൽ ഉത്‌ഘാടനം ചെയ്തു.

50 കിടക്കകൾ ഉള്ള ഹോസ്പിറ്റലിൽ 24 മണിക്കൂറും സേവനം ലഭിക്കും. ഇതിൽ 20 കിടക്കകൾ നവജാത ശിശുക്കളുടെ പ്രത്യേക പരി ചരണത്തിനായി നീക്കി വെച്ചിരിക്കുന്നു.

പീഡിയാട്രിക്, ഗൈനക്കോളജി, പീഡിയാട്രിക് ഐ. സി. യു., ജനറൽ ആൻ‍ഡ് പീഡിയാട്രിക് സർജറി, കാർഡിയോളജി, ഡെന്റൽ, ഒഫ്താൽമോളജി, ഡെർമറ്റോളജി, ഇ. എൻ. ടി. ഫാമിലി മെഡിസിൻ, ഡയബറ്റിക് ക്ലിനിക്, സൈക്യാട്രി, ഇന്റേണൽ മെഡിസിൻ, ജനറൽ പ്രാക്ടീസ്, നിയോനേറ്റോളജി, ലബോറട്ടറി, റേഡിയോളജി തുടങ്ങിയ വിഭാഗങ്ങൾക്കു പുറമെ സ്പീച്ച് തെറാപ്പി സേവനവും ലഭ്യമാണ്

നവജാത ശിശുക്കളുടെ പരിപാലനത്തിനായുള്ള ലെവൽ 3 എൻ. ഐ. സി. യു. ഹോസ്പിറ്റലിൻ്റെ പ്രത്യേകതയാണ്.

ഇരുപത്തിനാലു മണിക്കൂറും പ്രവർത്തിക്കുന്ന മില്ലേനിയം ഹോസ്പിറ്റൽ കുട്ടികൾക്കും സ്ത്രീകൾക്കും മികച്ച കോംപ്രിഹെൻസീവ് കെയർ നൽകാൻ ബാദ്ധ്യസ്ഥരാണ് എന്ന് മെഡിക്കൽ ഡയറക്ടർ വി. ആർ. അനിൽ അറിയിച്ചു.

അബുദാബി പോലീസ്, മുനിസിപ്പാലിറ്റി, റെഡ് ക്രസന്റ്, വിവിധ ഇൻഷ്വറൻസ് കമ്പനി മേധാവികൾ, സ്‌കൂൾ പ്രതി നിധികൾ, സംഘടനാ പ്രതിനിധികൾ, പൗര പ്രമുഖരും ഉത്‌ഘാടന ചടങ്ങിൽ പങ്കെടുത്തു.

Millenium Hospital : Location

- pma

വായിക്കുക: , , ,

അഭിപ്രായം എഴുതുക »

നാടകോത്സവം : ഓർമ്മയുടെ ‘ഭൂതങ്ങൾ’ അരങ്ങിൽ എത്തി

January 16th, 2024

ksc-drama-fest-orma-dubai-bhoothangal-o-t-shajahan-ePathram

അബുദാബി : ഭരത് മുരളി നാടകോത്സവം എട്ടാം ദിവസം ഓർമ്മ ദുബായ് അവതരിപ്പിച്ച ‘ഭൂതങ്ങൾ’ എന്ന നാടകം അരങ്ങിൽ എത്തി. കുടുംബ പശ്ചാത്തലത്തിലുള്ള ഒരു കഥയാണ് ഭൂതങ്ങൾ പറയുന്നത്. അപ്പൻ കൊണ്ട വെയിലാണ് മക്കൾ അനുഭവിക്കുന്ന തണൽ. എന്നാൽ മക്കളെയും ഭാര്യയെയും എല്ലാ കാലത്തും വെയിലത്ത്‌ നിർത്തിയ ഒരു അപ്പൻ്റെ ജീവിതവും അന്ത്യവുമാണ് ഈ നാടകം പറയുന്നത്.

നമ്മുടെ സമൂഹത്തിൽ ഇത്തരത്തിലുള്ള അപ്പന്മാർ ഏറെയുണ്ട്. ഭർത്താവിൻ്റെ കൊള്ളരുതായ്മകൾ സഹിച്ച് നീറി ജീവിക്കുന്ന സ്ത്രീ ജന്മങ്ങളുടെയും അപ്പൻ്റെ ചെയ്തികളാൽ ജീവിതം തന്നെ കൈ വിട്ടു പോയ മക്കളുടെയും കഥ പറയുന്നു. 2022 ൽ പുറത്തിറങ്ങിയ ‘അപ്പൻ’ (സംവിധാനം: മജു) എന്ന സിനിമ യുടെ നാടക രൂപാന്തരമായ ഭൂതങ്ങൾ എന്ന നാടകം സംവിധാനം ചെയ്തത് യു. എ. ഇ. യിലെ പ്രശസ്ത നാടക പ്രവർത്തകൻ ഒ. ടി. ഷാജഹാൻ.

അമ്പു സതീഷ്, കലാമണ്ഡലം അമലു, ബാബുരാജ് ഉറവ്, രാജേഷ് കെ. കെ., പുതുമ ചന്ദ്ര ബാബു, അക്ഷയ് ലാൽ, ദിനേഷ് കൃഷ്ണ, പി. പി. അഷ്‌റഫ് തുടങ്ങിയവർ കഥാപാത്രങ്ങൾക്ക് ജീവൻ നൽകി. മിഥുൻ മലയാളം (സംഗീതം), സനേഷ് കെ. ഡി. (പ്രകാശം) അലിയാർ അലി (രംഗ സജ്ജീകരണം), ജിജിത (വേഷ വിതാനം), വചൻ കൃഷ്ണ (ചമയം) എന്നിവർ അണിയറയിൽ പ്രവർത്തിച്ചു

നാടകോത്സവം ഒൻപതാം ദിവസം ജനുവരി 19 വെള്ളിയാഴ്ച യുവ കലാ സാഹിതി അബുദാബി അവതരിപ്പിക്കുന്ന ‘ആറാം ദിവസം’ എന്ന നാടകം അരങ്ങേറും. ജനുവരി 20 ശനിയാഴ്ച കാമമോഹിതം എന്ന നാടകത്തോടെ നാടകോത്സവത്തിനു സമാപനം കുറിക്കും. ഫല പ്രഖ്യാപനം 2024 ജനുവരി 22 തിങ്കളാഴ്ച രാത്രി 8 മണിക്ക് നടക്കും.

- pma

വായിക്കുക: , , , , ,

അഭിപ്രായം എഴുതുക »

ഖലീഫ യൂണിവേഴ്സിറ്റിയിൽ ഉന്നത വിദ്യാഭ്യാസത്തിന് അർഹത നേടിയ ആയിഷ നിഹിദയെ അനുമോദിച്ചു

January 15th, 2024

world-malayalee-federation-appreciation-for-aysha-nihidha-ePathram

അബുദാബി : ഖലീഫ യൂണിവേഴ്സിറ്റിയിൽ ഉന്നത വിദ്യാഭ്യാസത്തിന് (PhD Mathematics) നേരിട്ട് പ്രവേശനം ലഭിച്ച മലയാളി വിദ്യാർത്ഥിനി അയിഷ നിഹിദയെ വേൾഡ് മലയാളി ഫെഡറേഷൻ (WMF) യു. എ. ഇ. കൗൺസിൽ അനുമോദിച്ചു. അബുദാബിയിൽ ജോലി ചെയ്യുന്ന ചാലിശ്ശേരി സ്വദേശിയും വേൾഡ് മലയാളി ഫെഡറേഷൻ യു. എ. ഇ. കൗൺസിൽ വൈസ് പ്രസിഡണ്ടുമായ ഷാജു പുലാക്കൽ – ജാസ്മിൻ ഷാജു ദമ്പതികളുടെ മകളാണ് അയിഷ നിഹിദ.

ഡബ്ലിയു. എം. എഫ്. – യു. എ. ഇ. കൗൺസിൽ കോഡിനേറ്റർ ഷിജി മാത്യു, ജനറൽ സെക്രട്ടറി മുഹമ്മദ് അക്ബർ ചാവക്കാട്, ജോയിൻ്റ് ട്രഷറർ ജെയിംസ് പോൾ, പ്രവാസി ഫോറം കോഡിനേറ്റർ ഉബൈദ് മരക്കാർ എന്നിവർ ചേർന്ന് ആയിഷ നിഹിദക്കു ഉപഹാരം സമ്മാനിച്ചു.

wmf-uae-memento-of-appreciation-for-aysha-nihidha-ePathram

മാസ്റ്റർ ഡിഗ്രി ചെയ്യാതെ തന്നെ അബുദാബിയിലെ ഖലീഫ യൂണിവേഴ്സിറ്റിയിൽ ഉന്നത വിദ്യാഭ്യാസത്തിന് അർഹത നേടി എന്നുള്ളതാണ് ആയിഷ നിഹിദയെ വ്യത്യസ്ഥയാക്കുന്നത്. ലോകത്തിൽ നിന്നുള്ള 1500 കുട്ടികളിൽ നിന്നും 100 പേരിൽ 10 ശതമാനം മാസ്റ്റേഴ്സ് ഇല്ലാതെ PhD ക്ക് നേരിട്ട് തെരഞ്ഞെടുത്തതിൽ നിന്നും 2 ശതമാനം ഖലീഫ യൂണിവേഴ്സിറ്റിയിൽ പഠിക്കാതെ, ഒരേയൊരു ഇന്ത്യൻ, അതും കേരളത്തിൽ നിന്നുമുള്ള ആദ്യത്തെ വിദ്യാർത്ഥിനിയായ അയിഷ നിഹിദ, എല്ലാ മലയാളികൾക്കും ഏറെ അഭിമാനം നൽകുന്നു എന്നും ഡബ്ലിയു. എം. എഫ്. ഭാരവാഹികൾ പറഞ്ഞു. W M F

- pma

വായിക്കുക: , , , , , , ,

അഭിപ്രായം എഴുതുക »

മില്ലേനിയം ഹോസ്പിറ്റൽ മുസ്സഫയിൽ തുറക്കുന്നു

January 15th, 2024

ahalia-group-new-millennium-hospital-in-shabiya-mussfah-ePathram
അബുദാബി : അത്യാധുനിക സംവിധാനങ്ങളോടെ മുസ്സഫ ഷാബിയ (9) യിൽ മില്ലേനിയം ഹോസ്പിറ്റൽ തിങ്കളാഴ്ച മുതൽ തുറന്നു പ്രവർത്തനം ആരംഭിക്കുന്നു. സ്ത്രീകൾക്കും കുഞ്ഞുങ്ങൾക്കും വേണ്ടിയുള്ള പ്രത്യേക പരിചരണ വിഭാഗം ഇരുപത്തിനാലു മണിക്കൂറും പ്രവർത്തിക്കുന്നു എന്നുള്ളത് മില്ലേനിയം ഹോസ്പിറ്റലിൻ്റെ സവിശേഷതയാണ്.

പ്രസവ ശുശ്രൂഷ രംഗത്ത് പതിറ്റാണ്ടുകളുടെ പരിചയമുള്ള ഡോക്ടർ ഫാത്തിമ ഹാഷിം, ഡോക്ടർ ഗോമതി പൊന്നുസാമി എന്നിവർ നേതൃത്വം നൽകുന്ന ഗൈനോക്കോളജി വിഭാഗവും ഡോക്ടർ എൽസയ്ദ് നേതൃത്വം നൽകുന്ന ശിശുരോഗ വിഭാഗവും മില്ലേനിയം ഹോസ്പിറ്റലിൽ പ്രവർത്തിക്കും.

എല്ലാ വിഭാഗങ്ങളിലും പരിചയ സമ്പന്നരായ ഡോക്ടർമാരുടെ സേവനവും കിടത്തി ചികിത്സാ സൗകര്യത്തിനായി അൻപതിൽ അധികം കിടക്ക കളും ഒരുക്കിയാണ് നവീന സംവിധാനങ്ങളോട് കൂടിയ മില്ലേനിയം ഹോസ്പിറ്റൽ തുറക്കുന്നത്. ഇതിൽ 20 കിടക്കകൾ നവജാത ശിശുക്കളുടെ പ്രത്യേക പരിചരണത്തിനു തയ്യാറാക്കിയിരിക്കുന്നു.

തരം ഹെൽത്ത് ഇൻഷ്വറൻസുകളും മില്ലേനിയം ഹോസ്പിറ്റൽ സ്വീകരിക്കും എന്നും മെഡിക്കൽ ഡയറൿടർ ഡോക്ടർ വി. ആർ. അനിൽ കുമാർ അറിയിച്ചു. അദ്ദേഹത്തെ കൂടാതെ സ്ത്രീ രോഗ വിദഗ്ദരായ ഡോക്ടർ ഫാത്തിമ ഹാഷിം, ഡോക്ടർ ഗോമതി പൊന്നുസാമി, ശിശുരോഗ വിദഗ്ദൻ ഡോക്ടർ എൽസയ്ദ് അയൂബ് രഖാ എന്നിവരും വാർത്ത സമ്മേളനത്തിൽ സംബന്ധിച്ചു.

- pma

വായിക്കുക: , , , , , , , , ,

അഭിപ്രായം എഴുതുക »

1 of 281231020»|

« Previous « ഭരത് മുരളി നാടകോത്സവം : ടോയ്‌ മാൻ അരങ്ങിലെത്തി
Next Page » ഖലീഫ യൂണിവേഴ്സിറ്റിയിൽ ഉന്നത വിദ്യാഭ്യാസത്തിന് അർഹത നേടിയ ആയിഷ നിഹിദയെ അനുമോദിച്ചു »



  • മൂന്നാമത് ഇ. കെ. നായനാര്‍ സ്മാരക ഫുട് ബോൾ ടൂർണ്ണ മെന്റിന് വർണ്ണാഭമായ തുടക്കം
  • ഗാസയിലെ പരിക്കേറ്റവർക്ക് 2 ദശ ലക്ഷം ദിര്‍ഹത്തിൻ്റെ മെഡിക്കൽ സഹായം എത്തിച്ച് ബുര്‍ജീല്‍ ഹോൾഡിംഗ്സ്
  • ഇ. കെ. നായനാര്‍ സ്മാരക ഫുട് ബോൾ ടൂർണ്ണ മെൻ്റ് മാർച്ച് 16, 17 തിയ്യതികളിൽ
  • അൽ ഐൻ മലയാളി സമാജം പുതിയ കമ്മിറ്റി
  • ജിമ്മി ജോർജ്ജ് മെമ്മോറിയൽ വോളി ബോൾ ടൂർണ്ണ മെൻ്റ് മാർച്ച് 27 മുതൽ
  • മികച്ച നേട്ടം കൈവരിച്ച് ബുര്‍ജീല്‍ ഹോൾഡിംഗ്സ്
  • ബാ​പ്സ് ഹി​ന്ദു മ​ന്ദി​റി​ലേ​ക്ക് പു​തി​യ ബസ്സ് (203) സർവ്വീസ്
  • റമളാൻ ഹദിയ : ബ്രോഷർ പ്രകാശനം ചെയ്തു
  • അൽ ഐൻ ഓര്‍ത്തഡോക്‌സ് പള്ളിയില്‍ ഓർമ്മപ്പെരുന്നാളും പൊതു സമ്മേളനവും
  • വ്യക്തി കേന്ദ്രീകൃതമായ ചികിത്സയിലൂടെ അർബുദത്തെ നേരിടുന്നതിൽ വൻ മുന്നേറ്റം ഉണ്ടാക്കുവാൻ കഴിയും : പ്രൊഫ. ജെയിംസ് ആലിസൺ
  • സായിദ് എയർ പോർട്ടിൽ ആരോഗ്യ സേവനങ്ങൾക്കായി ബുർജീലിനെ തെരഞ്ഞെടുത്തു
  • മലപ്പുറം ജില്ലാ കെ. എം. സി. സി. യുടെ TASKCON പ്രഖ്യാപനം
  • ഫുഡ്‌ ഫെസ്റ്റ് സീസൺ-2 : വിജയികൾക്ക് സമ്മാനങ്ങൾ വിതരണം ചെയ്തു
  • ഗൂഗിള്‍ ക്രോം ഉപയോക്താക്കള്‍ക്ക് മുന്നറിയിപ്പ്
  • ഖുർആൻ പാരായണ മത്സരം
  • പെരുന്നാളിന്‌ കൊടിയേറി
  • സലാം പാപ്പിനിശ്ശേരി ഇടപെട്ടു : ക്രിമിനൽ കേസിൽ കുടുങ്ങിയ മലയാളിയെ നാടുകടത്തില്ല
  • പ്രവാസികൾക്ക് സിവിൽ സർവ്വീസ് പരിശീലനം യു. എ. ഇ. യിൽ
  • റോഡ് ചാടിക്കടക്കുന്നവർക്ക് മുന്നറിയിപ്പ്
  • നൈബേഴ്‌സ് പ്രീമിയർ ലീഗ് : ഗ്രീൻ സ്റ്റാർ ജേതാക്കളായി



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine