 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : യു. എ. ഇ. യിലെ ഔദ്യോഗിക ജീവിതം മതിയാക്കി ഖത്തറിലേക്ക് പോകുന്ന കവിയും എഴുത്തു കാരനുമായ ഇസ്മയില്‍ മേലടിക്ക് വടകര എന്‍. ആര്‍. ഐ. ഫോറം ദുബായ് കമ്മറ്റി യാത്രയയപ്പ് നല്‍കി.
പ്രസിഡന്റ് അഡ്വ. സാജിദ് അബൂബക്കര്‍ അദ്ധ്യക്ഷത വഹിച്ചു. ഡോ. കെ. പി. ഹുസൈന്‍ സംഘടന യുടെ ഉപഹാരം നല്‍കി.
സജി പണിക്കര്‍. ഡോക്ടര്‍ ഹുസൈന്‍, സി.ആര്‍.ജെ. നായര്‍, ചന്ദ്രന്‍ ആയഞ്ചേരി, യു.മോഹന്‍ എന്നിവര്‍ പ്രസംഗിച്ചു.
ജനറല്‍ സെക്രട്ടറി പ്രേമാനന്ദന്‍ കുനിയില്‍ സ്വാഗതവും ട്രഷറര്‍ സുരേന്ദ്രന്‍ നന്ദിയും രേഖപ്പെടുത്തി.
- pma
അബുദാബി: മൂന്ന് പതിറ്റാണ്ടിലേറെ പ്രവാസ ലോകത്തെ സാമൂഹ്യ സാംസ്കാരിക മണ്ഡലത്തില്‍ വിശിഷ്ട സേവനമര്‍പ്പിച്ചു അകാലത്തില്‍ വിട പറഞ്ഞ ചിറയിന്കീഴ് അന്‍സാര്‍ പ്രവാസ ലോകത്തെ പൊതു പ്രവര്‍ത്തനത്തിന്റെ അപൂര്‍വ്വ മാതൃകയാണെന്ന് ഡോ. ശശി തരൂര്‍ എം. പി. അനുസ്മരിച്ചു. അന്സാറിന്റെ നിത്യ സ്മരണക്കായി ഫ്രണ്ട്സ് ഓഫ് എ. ഡി. എം. എസ്. ഏര്‍പ്പെടുത്തിയ അന്‍സാര്‍ മെമ്മോറിയല്‍ എന്‍ഡോവ്മെന്റിന്റെ പ്രഥമ പുരസ്കാരം തിരുവനന്തപുരം റീജണല്‍ കാന്‍സര്‍ സെന്റര്‍ ഏറ്റുവാങ്ങി.
2011 ഏപ്രില്‍ 19, ചൊവ്വാഴ്ച വൈകീട്ട് ഇന്‍ഡ്യ സോഷ്യല്‍ സെന്റര്‍ ഓഡിറ്റോറിയത്തില്‍ ഒരുക്കിയ ചടങ്ങില്‍ വെച്ച് മുന്‍ കേന്ദ്ര മന്ത്രിയും പാര്‍ലിമെന്റ് അംഗവുമായ ഡോ. ശശി തരൂര്‍, തിരുവനന്തപുരം റീജിയണല്‍ കാന്‍സര്‍ സെന്റര്‍ ഡയറക്ടര്‍ ഡോ. പോള്‍ സെബാസ്റ്റ്യന് പുരസ്കാരം സമ്മാനിച്ചു. ആയിരക്കണക്കിന് നിര്‍ധന രോഗികള്‍ക്ക് വേണ്ടി കാന്‍സര്‍ ചികിത്സാ രംഗത്ത് നടത്തിയ സേവന പ്രവര്‍ത്തനങ്ങള്‍ പരിഗണിച്ചാണ് ഒരു ലക്ഷം രൂപയും ശില്പവും പ്രശസ്തി പത്രവും അടങ്ങിയ ഈ പുരസ്കാരത്തിന് ആര്‍. സി. സി. യെ തെരഞ്ഞെടുത്തത്.
പ്രശസ്ത മാധ്യമ പ്രവര്‍ത്തകരായ റ്റി. എന്‍. ഗോപകുമാര്‍, എസ്. ആര്‍. ശക്തിധരന്‍, പ്രവാസ ലോകത്തെ സാംസ്കാരിക നേതാക്കളായ തോമസ് ജോണ്‍, കണിയാപുരം സൈനുദ്ദീന്‍ എന്നിവര്‍ ഉള്‍പ്പെട്ട സമിതിയാണ് പുരസ്കാരം നിര്‍ണ്ണയിച്ചത്.
ഇന്ത്യന്‍ സ്ഥാനപതി എം. കെ. ലോകേഷ് ചടങ്ങ് ഉദ്ഘാടനം ചെയ്തു. എം. കെ. ഗ്രൂപ്പ്‌ മാനേജിംഗ് ഡയറക്ടര്‍ പത്മശ്രീ എം. എ. യൂസഫലി അധ്യക്ഷനായിരുന്നു. എന്‍. എം. സി. ഗ്രൂപ്പ്‌ മാനേജിംഗ് ഡയറക്ടര്‍ ആന്‍ഡ്‌ സി. ഇ. ഒ. പത്മശ്രീ ഡോ. ബി. ആര്‍. ഷെട്ടി, അബുദാബിയിലെ ഔദ്യോഗിക സംഘടനാ പ്രസിഡന്റ്‌മാര്‍ തുടങ്ങിയവര്‍ അന്‍സാറിനെ അനുസ്മരിച്ചു. ഒലിവ് മീഡിയ ക്ക് വേണ്ടി കെ. കെ. മൊയ്തീന്‍ കോയ, താഹിര്‍ ഇസ്മായില്‍, ബഷീര്‍ ചങ്ങരംകുളം എന്നിവര്‍ ഒരുക്കിയ അന്‍സാറിനെ സംബന്ധിച്ച ഡോകുമെന്ററി ശ്രദ്ധേയമായി. ഫ്രണ്ട്സ് എ. ഡി. എം. എസ്. പ്രസിഡന്റ് സെബാസ്റ്റ്യന് സിറിള്‍, കണ്‍വീനര്‍ റ്റി. എ. നാസര്‍, ജനറല്‍ സെക്രട്ടറി റ്റി. എം. സലിം എന്നിവര്‍ നേതൃത്വം നല്‍കി.
- ജെ.എസ്.
വായിക്കുക: കേരള രാഷ്ട്രീയ നേതാക്കള്‍, ജീവകാരുണ്യം, ബഹുമതി
ദുബായ് : ടെലിവിഷന്‍ രംഗത്തെ മികവിന് നല്‍കപ്പെടുന്ന ഏഷ്യാവിഷന്‍ പുരസ്കാരങ്ങള്‍ മെയ്‌ 6ന് ദുബായ് അല്‍ നാസര്‍ ലെഷര്‍ ലാന്‍ഡില്‍ നടക്കുന്ന ചടങ്ങില്‍ സമര്‍പ്പിക്കും. ചടങ്ങില്‍ സിനിമാ നടന്‍ പൃഥ്വിരാജ് മുഖ്യ അതിഥി ആയിരിക്കും.
സ്മാര്‍ട്ട് സിറ്റിക്ക്‌ നല്‍കിയ ക്രിയാത്മകമായ സംഭാവനകളുടെ പേരില്‍ പ്രമുഖ വ്യവസായി എം. എ. യൂസഫലിയെ ചടങ്ങില്‍ മാന്‍ ഓഫ് ദി ഇയര്‍ പുരസ്കാരം നല്‍കി ആദരിക്കും.
ഇലക്ട്രോണിക് മാധ്യമ രംഗത്ത് ലോകത്ത്‌ ഏറ്റവും കൂടുതല്‍ കാലം ഡയറക്ടര്‍ ആയ സേവനം അനുഷ്ഠിക്കുന്നതിന്റെ പേരില്‍ റേഡിയോ ഏഷ്യയിലെ വെട്ടൂര്‍ ജി. ശ്രീധരനെയും ചടങ്ങില്‍ ആദരിക്കും.
എസ്. ബി. എം. ആയുര്‍ ഇന്ദ്രനീലിയും ഇലക്ടയും മുഖ്യ പ്രായോജകരായ പരിപാടിയില്‍ പുരസ്കാരങ്ങള്‍ക്ക് പുറമേ ക്യാഷ്‌ പ്രൈസ്‌, ശില്‍പ്പങ്ങള്‍, സര്‍ട്ടിഫിക്കറ്റ്‌ മുതലായവയും നല്‍കും എന്ന് സംഘാടകരായ ഏഷ്യാവിഷന്‍ അറിയിച്ചു.
നീലത്താമര ഫെയിം വി. ശ്രീകുമാര്‍, മുഹമ്മദ് അസ്ലം, കണ്ണൂര്‍ ഷെരീഫ്‌, സയനോര, പ്രസീത തുടങ്ങിയവര്‍ നയിക്കുന്ന സംഗീത നിശയും അരങ്ങേറും.
ദുബായില്‍ കഴിഞ്ഞ ആഴ്ച നടന്ന പുരസ്കാര പ്രഖ്യാപനത്തില്‍ ടെലിവിഷന്‍ രംഗത്തെ സമഗ്ര സംഭാവനയ്ക്കുള്ള പുരസ്കാരം ഏഷ്യാനെറ്റില്‍ കണ്ണാടി എന്ന പരിപാടിയിലൂടെ ശ്രദ്ധേയനായ ടി. എന്‍. ഗോപകുമാറിനാണ് ലഭിച്ചത്. മികച്ച നടന്‍ ശരത്, മികച്ച നടി സുജിത എന്നിവരാണ്.
- ജെ.എസ്.
വായിക്കുക: prominent-nris, ബഹുമതി, സാമൂഹ്യ സേവനം
അബുദാബി : മലയാളി സമാജം സംഘടിപ്പിച്ച വിവിധ മല്‍സര ങ്ങളില്‍ പങ്കെടുത്തവര്‍ ക്ക് സമ്മാനങ്ങള്‍ വിതരണം ചെയ്തു. സാഹിത്യ വിഭാഗം പതിനഞ്ചോളം ഇനങ്ങളി ലായി നടത്തിയ സാഹിത്യ മല്‍സര ങ്ങളില്‍ മലയാളം കവിതാ പാരായണം, ഉപന്യാസം, പ്രസംഗ മല്‍സരം എന്നിവ യില്‍ ഏറ്റവും കൂടുതല്‍ മാര്‍ക്ക് വാങ്ങി ഒന്നാം സ്ഥാനത്ത് എത്തിയ ഖദീജാ ഷബ്നം, സമാജം സാഹിത്യ പ്രതിഭ പുരസ്കാരം നേടി.
സമാജം കലോല്‍സവ ത്തില്‍ പ്രചന്ന വേഷ മല്‍സരത്തിലും ഖദീജാ ഷബ്നം ഒന്നാം സമ്മാനം കരസ്ഥമാക്കി. അബുദാബി മോഡല്‍ സ്കൂള്‍ ഒന്‍പതാം തരം വിദ്യാര്‍ത്ഥിനി യായ ഖദീജ, കുന്നംകുളം കരിക്കാട് അബ്ദുല്‍ കരീം – ഷംല ദമ്പതി കളുടെ മകള്‍ ആണ്.
(ഫോട്ടോ : സഫറുള്ള പാലപ്പെട്ടി)
- pma
വായിക്കുക: കുട്ടികള്‍, ബഹുമതി, മലയാളി സമാജം, സാഹിത്യം
അബുദാബി : യു. എ. ഇ. യിലെ കലാ സാംസ്കാരിക മേഖല യിലും സംഘടനാ രംഗത്തും മൂന്നു ദശക ത്തോളം ശ്രദ്ധേയമായ സേവനം കാഴ്ച വെച്ച് അകാലത്തില്‍ പിരിഞ്ഞു പോയ ചിറയിന്കീഴ് അന്സാറിന്റെ സ്മരണയ്ക്കായി ഏര്‍പ്പെടുത്തിയ അന്‍സാര്‍ മെമ്മോറിയല്‍ അവാര്‍ഡ് ശശി തരൂര്‍ സമ്മാനിക്കും.
അബുദാബി മലയാളി സമാജ ത്തിന്‍റെ പ്രസിഡന്റ് ആയി നിരവധി തവണ പ്രവര്‍ത്തിച്ച അന്സാറിന്റെ പ്രവര്‍ത്തന മേഖല യായിരുന്ന ഫ്രണ്ട്സ് ഓഫ് അബുദാബി മലയാളി സമാജം ( ഫ്രണ്ട്സ് എ. ഡി. എം. എസ്. ) ഏര്‍പ്പെടുത്തിയ അവാര്‍ഡ് തിരുവനന്തപുരം റീജ്യണല്‍ കാന്‍സര്‍ സെന്ററിനാണ് സമ്മാനിക്കുന്നത്.
ഏപ്രില്‍ 19 ചൊവ്വാഴ്ച വൈകുന്നേരം 7 മണിക്ക് ഇന്ത്യാ സോഷ്യല്‍ സെന്ററില്‍ നടക്കുന്ന ചടങ്ങില്‍ ശശി തരൂര്‍ എം. പി. യില്‍നിന്ന് റീജ്യണല്‍ കാന്‍സര്‍ സെന്റര്‍ ഡയറക്ടര്‍ ഡോ. പോള്‍ സെബാസ്റ്റ്യന് അവാര്‍ഡ് സ്വീകരിക്കും. അബുദാബി ചേംബര്‍ ഓഫ് കോമേഴ്‌സ് ഡയരക്ടര്‍ യൂസഫലി എം. എ. അദ്ധ്യക്ഷത വഹിക്കും. ഇന്ത്യന്‍ അംബാസ്സിഡര്‍ എം. കെ. ലോകേഷ് ഉദ്ഘാടനം ചെയ്യും. ഡോ. ബി. ആര്‍. ഷെട്ടി, അംഗീകൃത സംഘടനാ പ്രതിനിധികള്‍ എന്നിവര്‍ ആശംസകള്‍ അര്‍പ്പിക്കും.
ഏഷ്യാനെറ്റ് ന്യൂസ് എഡിറ്റര്‍ ഗോപകുമാര്‍ ചെയര്‍മാനും പ്രസ് അക്കാദമി ചെയര്‍മാന്‍ ശക്തിധരന്‍, തോമസ് ജോണ്‍, കണിയാപുരം സൈനുദ്ദീന്‍ എന്നിവര്‍ അംഗങ്ങളു മായ കമ്മിറ്റി യാണ് 2010 ലെ ചിറയിന്കീഴ് അന്‍സാര്‍ മെമ്മോറിയല്‍ അവാര്‍ഡിന് റീജ്യണല്‍ കാന്‍സര്‍ സെന്ററിനെ തിരഞ്ഞെടുത്തത്.
- pma
വായിക്കുക: ബഹുമതി, മലയാളി സമാജം, സംഘടന
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
