മലയാളം മിഷൻ അജ്മാൻ ചാപ്റ്റർ സ്നേഹ സംഗമം സംഘടിപ്പിച്ചു

December 27th, 2022

ajman-malayalam-mission-family-meet-ePathram
അജ്മാൻ : മലയാളം മിഷൻ അജ്മാൻ ചാപ്റ്റർ സംഘടിപ്പിച്ച സ്നേഹ സംഗമം ശ്രദ്ധേയമായി. അജ്മാനിലെ ഇന്ത്യൻ സോഷ്യൽ സെന്‍റർ കമ്യൂണിറ്റി ഹാളിൽ വെച്ച്‌ നടന്ന പരിപാടിയില്‍ മലയാളം മിഷൻ ഡയറക്ടർ മുരുകൻ കാട്ടാക്കട മുഖ്യ അതിഥി ആയിരുന്നു. അദ്ധ്യാപകരും വിദ്യാർത്ഥികളും രക്ഷിതാക്കളും പങ്കെടുത്തു. പ്രസിഡണ്ട് ഫാമി ഷംസുദ്ധീന്‍ അദ്ധ്യക്ഷത വഹിച്ചു. സെക്രട്ടറി ജാസിം മുഹമ്മദ്‌ സ്വാഗതവും ജോയിന്‍റ് സെക്രട്ടറി ഷെമിനി സനിൽ നന്ദിയും പറഞ്ഞു. മലയാളം മിഷൻ യു. എ. ഇ. കോഡിനേറ്റർ കെ. എൽ. ഗോപി സംബന്ധിച്ചു

malayalam-mission-ajman-sneha-samgamam-ePathram

അജ്മാൻ എമിറേറ്റിലെ മലയാളികളായ പ്രവാസി കുട്ടികൾക്ക്‌ ഭാഷാ പഠനം സാദ്ധ്യമാക്കുന്ന അജ്മാൻ ചാപ്റ്റർ പ്രവർത്ത കരെ മുരുകൻ കാട്ടാക്കട പ്രത്യേകം അഭിനന്ദിച്ചു. കേരളത്തിൽ നിന്നുള്ള മലയാളം മിഷൻ സുവനീർ ഷോപ്പിലെ ഉൽപ്പന്ന ങ്ങളുടെ പ്രദർശനവും വിൽപനയും നടന്നു.

അജ്മാൻ ചാപ്റ്റർ രൂപീകരണത്തിന്‍റെ ഭാഗമായി കഴിഞ്ഞ ഒക്ടോബർ മാസത്തിൽ സംഘടിപ്പിച്ച അമ്മ മലയാളം പരിപാടിയിൽ പങ്കെടുത്ത കുട്ടികൾക്കുള്ള സർട്ടിഫിക്കറ്റുകൾ വിതരണം ചെയ്തു. ചാപ്റ്റർ കൺവീനർ ദീപ്തി ബിനു, വൈസ്‌ പ്രസിഡണ്ട് പ്രജിത്ത്‌ വി. വി. എന്നിവർ നേതൃത്വം നൽകി.  FB Page

- pma

വായിക്കുക: , , , , , ,

അഭിപ്രായം എഴുതുക »

സന്ദര്‍ശക വിസ പുതുക്കാന്‍ രാജ്യം വിടണം

December 15th, 2022

uae-visit-and-tourist-visa-new-law-for-extensions-ePathram
അബുദാബി : യു. എ. ഇ. യില്‍ സന്ദര്‍ശക വിസയുടെ കാലാവധി കഴിഞ്ഞാല്‍ വീണ്ടും വിസ പുതുക്കുവാന്‍ രാജ്യം വിടണം എന്ന നിയമം നിലവില്‍ വന്നു. അബുദാബി, ഷാര്‍ജ എമിറേറ്റുകളിലെ ട്രാവല്‍ ഏജന്‍റുമാര്‍ക്ക് ഈ നിയമ ഭേദ ഗതി യുടെ നിര്‍ദ്ദേശം ലഭിച്ചിട്ടുണ്ട്.

ഇതോടെ വിസിറ്റ് വിസ പുതുക്കുവാന്‍, അല്ലെങ്കില്‍ മറ്റൊരു സ്പോണ്‍സറുടെ കീഴിലേക്ക് മാറണം എങ്കിലും രാജ്യം വിട്ട് പുറത്തു പോയി എക്സ്റ്റിറ്റ് സ്റ്റാമ്പ് ചെയ്യേണ്ടി വരും എന്നു ഏജന്‍സികള്‍ അറിയിച്ചു.

നിലവില്‍ രാജ്യത്ത്  ഉള്ളവര്‍ക്ക് രാജ്യത്തിനുള്ളില്‍ വച്ചു തന്നെ വിസ മാറാം (ചേഞ്ച് സ്റ്റാറ്റസ്) എന്ന നിയമമാണ് ഒഴിവാക്കി യിരിക്കുന്നത്.

കൊവിഡ് വ്യാപന പശ്ചാത്തലത്തില്‍ യാത്ര ചെയ്യാനുള്ള ബുദ്ധിമുട്ടുകള്‍ കണക്കിലെടുത്ത് രാജ്യം വിടാതെ തന്നെ വിസ മാറുന്നതിനായി അനുവാദം നല്‍കിയിരുന്നു. ആ നിയമമാണ് ഇപ്പോള്‍ മാറ്റിയത്.

സന്ദര്‍ശക വിസ കാലാവധി കഴിഞ്ഞാല്‍ വിമാന മാര്‍ഗ്ഗം അല്ലെങ്കില്‍ റോഡു മാര്‍ഗ്ഗം രാജ്യത്തിന് പുറത്തു പോയി എക്‌സിറ്റ് അടിച്ച് പുതിയ വിസയില്‍ തിരികെ വരണം എന്നതാണ് ഇതിന്‍റെ രീതി.

Travel Requirements for the UAE

- pma

വായിക്കുക: , , , , , , ,

അഭിപ്രായം എഴുതുക »

എം. എ. യൂസഫലിക്ക് ഇന്‍റര്‍ നാഷണല്‍ ഇന്ത്യൻ ഐക്കണ്‍ പുരസ്‌കാരം സമ്മാനിച്ചു

December 10th, 2022

wmc-international-indian-icon-award-for-ma-youssafali-ePathram
ദുബായ് : വേൾഡ് മലയാളി കൗൺസിൽ (ഡബ്ള്യു. എം. സി.) പ്രഖ്യാപിച്ച ഇന്‍റര്‍നാഷണല്‍ ഇന്ത്യൻ ഐക്കണ്‍ പുരസ്കാരം വ്യവസായ പ്രമുഖന്‍ ലുലു ഗ്രൂപ്പ് ചെയർമാൻ എം. എ. യൂസഫലിക്ക് സമ്മാനിച്ചു.

വ്യവസായ-വാണിജ്യ മേഖലകളില്‍ നല്‍കിയ മികച്ച സംഭാവനകളെ മുന്‍ നിര്‍ത്തിയാണ് പുരസ്‌കാരം. ദുബായില്‍ നടന്ന ചടങ്ങില്‍ വേള്‍ഡ് മലയാളി കൗണ്‍സില്‍ ഗ്ലോബല്‍ അഡ്വൈസറി ബോര്‍ഡ് ചെയര്‍മാനും ഖലീജ് ടൈംസ് മാനേജിംഗ് എഡിറ്ററു മായ ഐസക് ജോണ്‍ പട്ടാണി പറമ്പില്‍ പുരസ്‌കാരം സമ്മാനിച്ചു.

ജസ്റ്റിസ് കുര്യന്‍ ജോസഫ്, ടി. പി. ശ്രീനിവാസന്‍, കര്‍ണ്ണാടക മുന്‍ ചീഫ് സെക്രട്ടറി ജെ. അലക്‌സാണ്ടര്‍, രാഷ്ട്രപതിയുടെ മുന്‍ സെക്രട്ടറി ക്രിസ്റ്റി ഫെര്‍ണാണ്ടസ് എന്നിവര്‍ ഉള്‍പ്പെട്ട ജൂറിയാണ് പുരസ്‌കാര ജേതാവിനെ തെരഞ്ഞെടുത്തത്.

ഓർത്തഡോക്സ് സഭ ഡൽഹി ഭദ്രാസനാധിപൻ ഡോ. യൂഹന്നാൻ മാർ ദിമിത്രോസ്, ഭദ്രാസനം സെക്രട്ടറി ഫാ. സജി യോഹന്നാൻ, ഷാര്‍ജ സെന്‍റ്. ഗ്രിഗോറിയോസ് ഓര്‍ത്തഡോക്‌സ് ചര്‍ച്ച് വികാരി റവ. ഫിലിപ്പ് എം. സാമുവല്‍ കോര്‍ എപ്പിസ്‌കോപ്പ, ജബല്‍ അലി സെന്‍റ്. ഗ്രിഗോറിയോസ് ഓര്‍ത്തഡോക്‌സ് ചര്‍ച്ച് വികാരി റവ. ഫാദര്‍ ഉമ്മന്‍ മാത്യു, ദുബായ് സെന്‍റ്. തോമസ് ഓര്‍ത്തഡോക്‌സ് കത്തീഡ്രല്‍ വികാരി റവ. ഫാദര്‍ ബിനീഷ് ബാബു എന്നിവരും ചടങ്ങില്‍ സംബന്ധിച്ചു.

- pma

വായിക്കുക: , , , , , , , , ,

അഭിപ്രായം എഴുതുക »

മലബാർ പ്രവാസി ‘സ്നേഹ സംഗമം’ സംഘടിപ്പിച്ചു

December 5th, 2022

malabar-pravasi-sneha-sangamam-dubai-ePathram
ദുബായ് : യു. എ. ഇ. യുടെ 51 ആം ദേശീയ ദിന ആഘോഷങ്ങളുടെ ഭാഗമായി മലബാർ പ്രവാസി കൂട്ടായ്മ ദുബായിൽ ‘സ്നേഹ സംഗമം’ സംഘടിപ്പിച്ചു. സ്വദേശി പൗര പ്രമുഖരും സംബന്ധിച്ച ചടങ്ങ്, ഗ്ലോബൽ പീസ് അംബാസഡർ ഹുസയ്‌ഫ ഇബ്രാഹിം ഉത്ഘാടനം ചെയ്തു.

യു. എ. ഇ. യിൽ സ്വദേശികൾക്കും വിദേശികൾക്കും തുല്യ പരിഗണനയാണ് ലഭിക്കുന്നത് എന്നും സഹിഷ്ണുതയും സമാധാനവുമാണ് രാജ്യത്തിന്‍റെ മുഖമുദ്ര എന്നും അദ്ദേഹം പറഞ്ഞു. യു. എ. ഇ. യുടെ ഉന്നമനത്തിനു വേണ്ടി ജീവ ത്യാഗം ചെയ്തവരെ ചടങ്ങിൽ അനുസ്മരിച്ചു. സാമൂഹ്യ പ്രവർത്തക ഉമ്മു മർവാൻ, യു. എ. ഇ. അഭി ഭാഷിക ബൊതൈന എന്നീ വനിതകൾ വിശിഷ്ട അതിഥികള്‍ ആയിരുന്നു.

uae-national-day-malabar-pravasi-sneha-samgamam-ePathram
മലബാർ പ്രവാസി പ്രസിഡണ്ട് ജമീൽ ലത്തീഫ് അദ്ധ്യക്ഷത വഹിച്ചു. അബ്ദുൽ അസീസ് ഔദ്, ഖാലിദ് നവാബ്, മുഹമ്മദ് അസീം, നിയാസ് അൽനൂർ, അൻവർ നഹ, ഇ. കെ. ദിനേശൻ, ശരീഫ് കാരശ്ശേരി, മോഹൻ എസ്. വെങ്കിട്ട്, ബി. എ. നാസർ, ജലീൽ പട്ടാമ്പി, രാജൻ കൊളാവിപ്പാലം, മൊയ്‌തു കുറ്റ്യാടി, മുജീബ് കൊയിലാണ്ടി, ഭാസ്കരൻ വടകര, സുനിൽ പയ്യോളി, കരീം, നിഷാദ്, സലാം തുടങ്ങിയവർ സംസാരിച്ചു.

ടി. പി. അഷ്‌റഫ്, ഹാരിസ്സ്, സതീഷ് മാവൂർ, ബഷീർ മേപ്പയൂർ, ഉണ്ണി കൃഷ്ണൻ, ജലീൽ മഷൂർ, നൗഷാദ് ഫറോക്, ചന്ദ്രൻ, അഹമ്മദ്, റഊഫ് പുതിയങ്ങാടി തുടങ്ങിയവർ നേതൃത്വം നൽകി.

ജനറൽ സിക്രട്ടറി അഡ്വ. മുഹമ്മദ്‌ സാജിദ് സ്വാഗതവും ട്രഷറർ എം. മുഹമ്മദലി നന്ദിയും പറഞ്ഞു.

- pma

വായിക്കുക: , , , , , , ,

അഭിപ്രായം എഴുതുക »

വടകര പ്രവാസോത്സവം ശ്രദ്ധേയമായി

December 4th, 2022

pravasolsvam-2022-vatakara-nri-forum-20-th-anniversary-ePathram
ദുബായ് : വടകര എൻ. ആർ. ഐ. അസ്സോസിയേഷന്‍ ഇരുപതാം വാർഷിക ആഘോഷങ്ങളുടെ ഭാഗമായി ദുബായില്‍ സംഘടിപ്പിച്ച ‘പ്രവാസോത്സവം -2022’ പ്രവാസ ഭൂമികയിലെ വേറിട്ട അനുഭവമായി.

സാംസ്‌കാരിക ഘോഷ യാത്രയിൽ കുട്ടികളും മുതിര്‍ന്നവരും അണി നിരന്നു. വടകരയുടെ തനതു ശില്പങ്ങൾ, മുത്തുക്കുട, ചെണ്ട മേളം, മയിലാട്ടം, കരകാട്ടം, തുടങ്ങിയവ ഘോഷ യാത്രക്ക്‌ മാറ്റു കൂട്ടി.

dubai-vadakara-nri-forum-20-th-anniversary-pravasolsvam-2022-ePathram

ദുബായ് ക്രസൻ്റ് സ്‌കൂൾ അങ്കണത്തിൽ നടന്ന സാംസ്‌കാരിക സമ്മേളനം ഗ്ലോബൽ പീസ് അംബാസഡർ ഹുസൈഫ ഇബ്രാഹിം ഉദ്ഘാടനം ചെയ്തു. നബാദ്‌ അൽ ഇമാറാത് ടീ൦ ലീഡർ ഉമ്മു മർവാൻ മുഖ്യ അതിഥിയായി പങ്കെടുത്തു. പ്രസിഡണ്ട് ഇ. കെ. ദിനേശൻ അദ്ധ്യക്ഷത വഹിച്ചു. കെ. പി. മുഹമ്മദ്, അഡ്വ. സാജിദ് അബൂബക്കർ, ഡോ. മുഹമ്മദ് ഹാരിസ്, സത്യൻ എസ്. ആർ., രാജൻ കൊളാവിപ്പാലം, മോഹൻ എന്നിവർ സംസാരിച്ചു. സാമൂഹ്യ സാംസ്‌കാരിക വ്യവസായ പ്രമുഖരെ ചടങ്ങിൽ ആദരിച്ചു. ജനറൽ സെക്രട്ടറി മനോജ് കെ. വി. സ്വാഗതവും ട്രഷറർ അഡ്വ. മുഹമ്മദ് സാജിദ് നന്ദിയും പറഞ്ഞു.

വടകരയുടെ പഴയ ഓർമ്മകളെ തൊട്ടുണർത്തുന്ന ദേശക്കാഴ്ചകളുടെ ദൃശ്യാവിഷ്കാരവും വടകരയെ മലബാറിൽ അടയാളപ്പെടുത്തുന്ന അഞ്ചു വിളക്കിന്‍റെ രൂപ കല്പനയും തങ്ങളുടെ പഴയ കാലത്തിലേക്ക് ഒരു തിരിച്ചു നടത്ത മായിരുന്നു. വടകരയുടെ പഴമയുടെ തനതു ആവിഷ്കാരങ്ങളും ക്ഷേത്ര ങ്ങളും പള്ളികളും അനുബന്ധ കാഴ്ചകളുടെ ഫോട്ടോ പ്രദർശനം പ്രവാസി കളെ നാട്ടോർമ്മയിലേക്ക് നയിച്ചു. പുരാതനമായ വടകര ചന്തയുടെ പുനരാവിഷ്കരണം ഏറെ ശ്രദ്ധേയമായി.

കോൽക്കളി, തിരുവാതിര, നൃത്തങ്ങൾ, സിനിമാറ്റിക്ക് ഡാൻസ്, ലഘു നാടകം, പ്രശസ്ത ഗായകർ താജുദ്ധീൻ വടകര, അജയ് ഗോപാൽ, മുനവ്വർ, ഹർഷ ചന്ദ്രൻ എന്നിവ രുടെ നേതൃത്വത്തിൽ ഗാനമേള തുടങ്ങിയ വിവിധ കലാ പരിപാടികള്‍ അരങ്ങേറി .

ഇക്ബാൽ ചെക്യാട്, ഭാസ്കരൻ, സിറാജ് ഒഞ്ചിയം, രജീഷ്, മുഹമ്മദ് ഏറാമല, ജിജു കാർത്തികപ്പള്ളി, മൊയ്‌തു കുറ്റ്യാടി, സുഷി കുമാർ, പുഷ്പരാജ്, മൂസ കോയമ്പ്രം, അസീസ് പുറമേരി, എസ്. പി. മഹമൂദ്, ചന്ദ്രൻ കൊയി ലാണ്ടി, ഷാജി, മൊയ്‌തു പേരാമ്പ്ര, സലാം ചിത്രശാല, നൗഫൽ കടിയങ്ങാട്, അനിൽ കീർത്തി, ബഷീർ മേപ്പയൂർ,സ്വപ്‌നേഷ് തുടങ്ങിയവർ നേതൃത്വം നൽകി. പ്രോഗ്രാം കമ്മറ്റി കൺവീനർ റമൽ നാരായണൻ, യാസിർ, രമ്യ, സൂരജ് പി. കെ., ജിനു കെ. എം. തുടങ്ങിയവർ പരിപാടികള്‍ നിയന്ത്രിച്ചു.

- pma

വായിക്കുക: , , , , , , , , , , ,

അഭിപ്രായം എഴുതുക »


« Previous Page« Previous « ദേശീയ ദിന ആഘോഷ പരിപാടികളിൽ എം. എ. യൂസഫലി വിശിഷ്ട അതിഥി
Next »Next Page » ലഹരിക്ക് എതിരെയുള്ള പോരാട്ടം കുടുംബങ്ങളിൽ നിന്ന് തുടങ്ങണം »



  • ജിമ്മി ജോർജ്ജ് വോളി : ലൈഫ് ടൈം അച്ചീവ് മെന്റ് അവാർഡ് മാണി സി. കാപ്പന്
  • ജിമ്മി ജോർജ്ജ് സ്മാരക റമദാൻ വോളി : മാർച്ച് 27 ന് അബുദാബിയിൽ തുടക്കം
  • ദുബായ് സർക്കാരിന് പുതിയ ലോഗോ
  • ഇഖ്‌വ ഇഫ്‌താർ സംഗമം സംഘടിപ്പിച്ചു
  • ശൈഖ് മുഹമ്മദ് ബിൻ സായിദ് സമൂഹ ഇഫ്താറിൽ : വീഡിയോ വൈറൽ
  • മൂന്നാമത് ഇ. കെ. നായനാര്‍ സ്മാരക ഫുട് ബോൾ ടൂർണ്ണ മെന്റിന് വർണ്ണാഭമായ തുടക്കം
  • ഗാസയിലെ പരിക്കേറ്റവർക്ക് 2 ദശ ലക്ഷം ദിര്‍ഹത്തിൻ്റെ മെഡിക്കൽ സഹായം എത്തിച്ച് ബുര്‍ജീല്‍ ഹോൾഡിംഗ്സ്
  • ഇ. കെ. നായനാര്‍ സ്മാരക ഫുട് ബോൾ ടൂർണ്ണ മെൻ്റ് മാർച്ച് 16, 17 തിയ്യതികളിൽ
  • അൽ ഐൻ മലയാളി സമാജം പുതിയ കമ്മിറ്റി
  • ജിമ്മി ജോർജ്ജ് മെമ്മോറിയൽ വോളി ബോൾ ടൂർണ്ണ മെൻ്റ് മാർച്ച് 27 മുതൽ
  • മികച്ച നേട്ടം കൈവരിച്ച് ബുര്‍ജീല്‍ ഹോൾഡിംഗ്സ്
  • ബാ​പ്സ് ഹി​ന്ദു മ​ന്ദി​റി​ലേ​ക്ക് പു​തി​യ ബസ്സ് (203) സർവ്വീസ്
  • റമളാൻ ഹദിയ : ബ്രോഷർ പ്രകാശനം ചെയ്തു
  • അൽ ഐൻ ഓര്‍ത്തഡോക്‌സ് പള്ളിയില്‍ ഓർമ്മപ്പെരുന്നാളും പൊതു സമ്മേളനവും
  • വ്യക്തി കേന്ദ്രീകൃതമായ ചികിത്സയിലൂടെ അർബുദത്തെ നേരിടുന്നതിൽ വൻ മുന്നേറ്റം ഉണ്ടാക്കുവാൻ കഴിയും : പ്രൊഫ. ജെയിംസ് ആലിസൺ
  • സായിദ് എയർ പോർട്ടിൽ ആരോഗ്യ സേവനങ്ങൾക്കായി ബുർജീലിനെ തെരഞ്ഞെടുത്തു
  • മലപ്പുറം ജില്ലാ കെ. എം. സി. സി. യുടെ TASKCON പ്രഖ്യാപനം
  • ഫുഡ്‌ ഫെസ്റ്റ് സീസൺ-2 : വിജയികൾക്ക് സമ്മാനങ്ങൾ വിതരണം ചെയ്തു
  • ഗൂഗിള്‍ ക്രോം ഉപയോക്താക്കള്‍ക്ക് മുന്നറിയിപ്പ്
  • ഖുർആൻ പാരായണ മത്സരം



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine