അബുദാബി : പ്രവാസി മലയാളികളോട് എയര്‍ ഇന്ത്യ കാണിക്കുന്ന അവഗണന യില്‍ പ്രതിഷേധിച്ച് എയര്‍ ഇന്ത്യ ഡയറക്ടര്‍ ബോര്‍ഡില്‍ നിന്ന് പ്രമുഖ പ്രവാസി വ്യവസായിയും എം. കെ. ഗ്രൂപ്പ്‌ ചെയര്‍മാനുമായ എം. എ. യൂസഫലി രാജി വെച്ചു.
പൈലറ്റ് സമരവും അടിക്കടി ഗള്‍ഫ് മേഖല യിലെ സര്‍വ്വീസുകള്‍ റദ്ദാക്കലും കാരണം പ്രവാസി കളില്‍ എയര്‍ ഇന്ത്യ ക്ക് എതിരെ കടുത്ത പ്രതിഷേധമുണ്ട്. ഇക്കാര്യം പല തവണ ഡയറക്ടര്‍ ബോര്‍ഡ് യോഗങ്ങളില്‍ എം. എ. യൂസഫലി ഉന്നയിച്ചു എങ്കിലും പ്രശ്നങ്ങള്‍ പരിഹരിക്കാന്‍ കമ്പനി യുടെ ഭാഗത്തു നിന്ന് കാര്യമായ ശ്രമങ്ങള്‍ ഉണ്ടായില്ല.
ഇന്ത്യയുടെ ദേശീയ വിമാന കമ്പനി ഡയറക്ടര്‍ ബോര്‍ഡിലെ സ്വതന്ത്ര അംഗത്വമാണ് അദ്ദേഹം ഒഴിഞ്ഞത്. 2010 മേയിലാണ് എം. എ. യൂസഫലി ഡയറക്ടര്‍ ബോര്‍ഡിലെ സ്വതന്ത്ര അംഗമായത്.
അബുദാബി : എയര്‍ ഇന്ത്യ പൈലറ്റു മാരുടെ സമരം പരിഹരിക്കാതെ നീട്ടി ക്കൊണ്ടു പോകുന്ന അധികൃതരുടെ അനാസ്ഥ യ്‌ക്കെതിരെ യു. എ. ഇ. യിലെ എല്ലാ അംഗീകൃത പ്രാദേശിക സംഘടനകളെയും ഏകോപിപ്പിച്ചു കൊണ്ട് അബുദാബി കേരള സോഷ്യല്‍ സെന്റര്‍ പ്രതിഷേധ വുമായി രംഗത്തു വരുന്നു.
