മലപ്പുറം ഫെസ്റ്റ് : ‘മഹിതം മലപ്പുറം’ ജൂൺ 17, 18 തിയ്യതികളിൽ ഇസ്ലാമിക് സെന്‍ററിൽ

June 14th, 2023

logo-mahitham-malappuram-kmcc-fest-2023-ePathram

അബുദാബി : മലപ്പുറം ജില്ലാ കെ. എം. സി. സി. ഒരുക്കുന്ന മലപ്പുറം ഫെസ്റ്റ് ‘മഹിതം മലപ്പുറം’ എന്ന പേരില്‍ ജൂൺ 17, 18 ശനി, ഞായര്‍ ദിവസങ്ങളില്‍ അബുദാബി ഇന്ത്യൻ ഇസ്ലാമിക് സെന്‍ററിൽ അരങ്ങേറും എന്ന് സംഘാടകര്‍ വാര്‍ത്താ സമ്മേളനത്തില്‍ അറിയിച്ചു.

മലപ്പുറം ജില്ലയുടെ മഹിതമായ മത മൈത്രിയും ഊഷ്മളമായ പാരമ്പര്യങ്ങളും സമ്പന്നമായ കലാ കായിക സാഹിത്യ സാംസ്കാരിക പൈതൃകവും മലപ്പുറത്തിന്‍റെ തനതായ രുചി വൈവിധ്യങ്ങളും അനുഭവിച്ചറിയാനുമുള്ള വേദിയായിരിക്കും ‘മഹിതം മലപ്പുറം’ എന്ന് സംഘാടകര്‍ പറഞ്ഞു. പ്രവേശനം സൗജന്യം ആയിരിക്കും.

kmcc-mahitham-malappuram-fest-ePathram

2023 ജൂൺ 17 ശനിയാഴ്ച വൈകുന്നേരം 4 മണി മുതൽ രാത്രി 11 മണി വരെയും ജൂൺ 18 ഞായറാഴ്ച രാവിലെ 9 മണി മുതൽ രാത്രി 11 മണി വരെയും നടക്കുന്ന മലപ്പുറം ഫെസ്റ്റില്‍ പ്രശസ്ത കലാകാരൻ മധുലാൽ കൊയിലാണ്ടിയുടെ കലാ പ്രകടനവും അബുദാബി യിലെ കലാ കൂട്ടായ്മകളുടെ വേറിട്ട പ്രകടനങ്ങളും രണ്ടു ദിവസങ്ങളിലുമായി അരങ്ങേറും.

ഇസ്ലാമിക് സെന്‍ററില്‍ ഒരുക്കുന്ന വിവിധ സ്റ്റാളുകളില്‍ നാടിന്‍റെ തനതു രുചികളില്‍ ഭക്ഷണ പലഹാര പാനീയങ്ങള്‍ ലഭ്യമാകും.

അബുദാബി സംസ്ഥാന കെ. എം. സി. സി.ക്കു കീഴിലുള്ള ഏറ്റവും വലിയ ജില്ലാ കമ്മിറ്റിയാണ് മലപ്പുറം ജില്ലാ കെ. എം. സി. സി. പതിനാറ് മണ്ഡലം കമ്മറ്റികളിൽ നിന്നായി പതിനായിരത്തോളം അംഗങ്ങൾ അബുദാബി മലപ്പുറം ജില്ലാ കെ. എം. സി. സി. ക്ക് കീഴിൽ ഉണ്ട്. അതു കൊണ്ട് തന്നെ ഒരു പ്രവാസി സംഘടനാ അബുദാബിയിൽ നടത്തുന്ന ഏറ്റവും വലിയ ഉത്സവം ആയിരിക്കും മഹിതം മലപ്പുറം എന്ന മലപ്പുറം ഫെസ്റ്റ്.

അബുദാബി കെ. എം. സി. സി. സംസ്ഥാന കമ്മിറ്റി പ്രസിഡണ്ട് ഷുക്കൂറലി കല്ലുങ്കൽ, മഹിതം മലപ്പുറം ഉപദേശക സമിതി അംഗം ടി. കെ. അബ്ദുൽ സലാം, മലപ്പുറം ജില്ലാ കെ. എം. സി. സി. നേതാക്കളായ അസീസ് കാളിയാടൻ, കെ. കെ. ഹംസ ക്കോയ, അഷ്‌റഫ് അലി പുതുക്കുടി, നൗഷാദ് തൃപ്രങ്ങോട്, മഹിതം മലപ്പുറം മുഖ്യ പ്രായോജകരായ ബുർജീൽ ഹോൾഡിംഗ്സ് പ്രതിനിധി ഡോക്ടർ. നവീൻ ഹൂദ് അലി, സഹ പ്രായോജക പ്രതിനിധി മുഹമ്മദ് ശരീഫ് എന്നിവര്‍ വാര്‍ത്താ സമ്മേളനത്തില്‍ സംബന്ധിച്ചു.

- pma

വായിക്കുക: , , , ,

അഭിപ്രായം എഴുതുക »

ഇസ്ലാമിക് സെന്‍റര്‍ കമ്മിറ്റി: പി. ബാവാ ഹാജി – അഡ്വ. മുഹമ്മദ് കുഞ്ഞി ടീം വീണ്ടും

May 15th, 2023

p-bava-haji-43th-committee-of-islamic-center-ePathram
അബുദാബി : ഇന്ത്യൻ ഇസ്ലാമിക് സെന്‍റര്‍ 2023 – 24 വർഷത്തേക്കുള്ള ഭാരവാഹികളെ തെരഞ്ഞെടുത്തു.  പി. ബാവാ ഹാജി (പ്രസിഡണ്ട്), അഡ്വ. കെ. വി. മുഹമ്മദ് കുഞ്ഞി (ജനറൽ സെക്രട്ടറി), എം. ഹിദായത്തുള്ള (ട്രഷറർ) എന്നിവരാണ് പ്രധാന ഭാരവാഹികൾ.

അബ്ദുൽ റഹൂഫ് അഹ്‌സനി, ഇബ്രാഹിം ബഷീർ, അബ്ദുല്ല നദ്‌വി, ഹാരിസ് ബാഖവി, യു. കെ. മുഹമ്മദ് കുഞ്ഞി, അഷറഫ് ഹാജി വാരം, പി. പി. സുലൈമാൻ, ഹൈദർ ബിൻ മൊയ്‌തു, അബ്ദുറഹിമാൻ കമ്പള, സ്വാലിഹ് വാഫി, നൗഫൽ പട്ടാമ്പി, ജലീൽ കരിയേടത്ത് എന്നിവരാണ് മറ്റു മെമ്പർമാർ.

2004 മുതൽ തുടർച്ചയായി19 തവണകളിൽ പി. ബാവാ ഹാജി പ്രസിഡണ്ട് പദവിയിൽ എത്തുന്നത്. അബു ദാബി കെ. എം. സി. സി. മുൻ ജനറൽ സെക്രട്ടറി യാണ് അഡ്വ. കെ. വി. മുഹമ്മദ് കുഞ്ഞി. മലപ്പുറം ജില്ലാ കെ. എം. സി. സി. മുൻ പ്രസിഡണ്ടാണ് എം. ഹിദായത്തുള്ള. സുന്നി സെന്‍റര്‍, കെ. എം. സി. സി. എന്നീ കൂട്ടായ്മകളിൽ നേതൃത്വ സ്ഥാനങ്ങളിൽ പ്രവർത്തിക്കുന്നവരാണ് മറ്റു മെമ്പർമാർ.

- pma

വായിക്കുക:

അഭിപ്രായം എഴുതുക »

മലപ്പുറം ഫെസ്റ്റ്-2023 ‘മഹിതം മലപ്പുറം’ ബ്രോഷര്‍ പ്രകാശനം ചെയ്തു

May 12th, 2023

logo-mahitham-malappuram-kmcc-fest-2023-ePathram
അബുദാബി : മഹിതം മലപ്പുറം എന്ന പേരിൽ അബുദാബി മലപ്പുറം ജില്ലാ കെ. എം. സി. സി. സംഘടിപ്പിക്കുന്ന മലപ്പുറം ഫെസ്റ്റ്-2023 എന്ന പ്രോഗ്രാമിന്‍റെ ബ്രോഷർ പ്രകാശനം ഇന്ത്യൻ ഇസ്ലാമിക് സെന്‍റർ ജനറൽ സെക്രട്ടറി ടി. കെ. അബ്ദുസ്സലാം നിർവ്വഹിച്ചു.

2023 ജൂൺ 17, 18. (ശനി, ഞായര്‍) തിയ്യതികളിൽ ഇന്ത്യൻ ഇസ്ലാമിക് സെന്‍ററിൽ ഒരുക്കുന്ന ‘മഹിതം മലപ്പുറം’ എന്ന മലപ്പുറം ഫെസ്റ്റ്-2023, ദേശ സ്നേഹത്തിനും സാമുദായിക ഐക്യത്തിനും കേൾവി കേട്ട മലപ്പുറ ത്തിന്‍റെ സാംസ്‌കാരിക കലാ കായിക പാരമ്പര്യവും രുചി വൈവിധ്യങ്ങളും പ്രവാസ ലോകത്തിനു പകര്‍ന്നു നല്‍കും എന്നു സംഘാടകര്‍ അറിയിച്ചു.

കെ. എം. സി. സി. നേതാക്കളായ ഹംസ ഹാജി പാറയിൽ, ഹിദായത്ത്, റഷീദലി മമ്പാട്, ബിരാൻ കുട്ടി, കുഞ്ഞിപ്പ മോങ്ങം, സി. കെ. ഹുസൈൻ, ബഷീർ വറ്റലൂർ, ഹസ്സൻ അരിക്കൻ, ഷംസുദ്ധീൻ, മുനിർ എടയൂർ, നൗഷാദ് തൃപ്രങ്ങോട്, സാൽമി പരപ്പനങ്ങാടി, ഷമീർ പുറത്തൂർ, നാസർ വൈലത്തൂർ, സിറാജ് ആതവനാട്, ഷാഹിർ തുടങ്ങിയവര്‍ സംബന്ധിച്ചു.

മലപ്പുറം ജില്ലാ കെ. എം. സി. സി. പ്രസിഡണ്ട് അസീസ് കാളിയാടൻ അദ്ധ്യക്ഷ വഹിച്ചു. സെക്രട്ടറി ഹംസ കോയ സ്വഗതവും അഷ്റഫ് അലി നന്ദിയും പറഞ്ഞു.

- pma

വായിക്കുക: , ,

അഭിപ്രായം എഴുതുക »

കാളാവ് സൈതലവി മുസ്ലിയാര്‍ സ്മാരക പുസ്തക അവാര്‍ഡിനായി രചനകള്‍ ക്ഷണിച്ചു

May 9th, 2023

sunni-center-kalavu-saithalavi-musliyar-memorial-book-award-ePathram
അബുദാബി : പണ്ഡിതനും അബുദാബി സുന്നി സെന്‍റർ സ്ഥാപക നേതാവുമായിരുന്ന കാളാവ് സൈതലവി മുസ്ലിയാരുടെ സ്മരണാര്‍ത്ഥം നല്‍കുന്ന പുസ്തക അവാര്‍ഡ്, മികച്ച ഇസ്ലാമിക കൃതിക്ക് സമ്മാനിക്കും എന്ന് സുന്നി സെന്‍റർ ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.

അഹ്ലു സുന്ന-വല്‍ ജമാഅ (സുന്നി) ആശയ ആദര്‍ശങ്ങളില്‍ അതിഷ്ഠിതവും ഇസ്ലാമിക ചരിത്രം, പഠനം, ഗവേഷണങ്ങൾ എന്നിങ്ങനെ സമൂഹത്തിന് ഉപകാരപ്പെടുന്ന മികച്ച രചനകൾക്കാണ് അവാര്‍ഡ്.

kalavu-saithalavi-musliyar-ePathram

കാളാവ് സൈതലവി മുസ്ലിയാര്‍

രണ്ടു വർഷത്തില്‍ ഒരിക്കൽ 100,000 രൂപയും സർട്ടിഫിക്കറ്റും പ്രശംസ പത്രവും അടങ്ങുന്നതാണ് അവാർഡ്. 2015 നു ശേഷം മലയാള ഭാഷയിൽ പ്രസിദ്ധികരിക്കപ്പെട്ട ഗ്രന്ഥങ്ങളും അക്കാദമിക പ്രബന്ധങ്ങളും ആയിരിക്കണം.

പ്രമുഖ പണ്ഡിതരായ അബ്ദുസ്സലാം ബാഖവി (ദുബായ്), ഓണമ്പിള്ളി മുഹമ്മദ് ഫൈസി, ഡോ. എന്‍. എ. എം. അബ്ദുൽ ഖാദർ എന്നിവര്‍ അടങ്ങുന്നതാണ് ജൂറി. സ്ത്രീ പുരുഷ ഭേദമന്യേ ഏതു പ്രായത്തില്‍ ഉള്ളവര്‍ക്കും ഈ ലിങ്കില്‍ ഗൂഗിള്‍ ഫോം പൂരിപ്പിച്ച് പി. ഡി. എഫ്. ഫോർ മാറ്റിൽ സമർപ്പിക്കാം. അവസാന തിയ്യതി : 2023 ജൂൺ 15.

അവാർഡ് പ്രഖ്യാപനം : 2023 സെപ്റ്റംബർ 30. അവാർഡ് വിതരണം : 2023 നവംബർ 11. അവാർഡ് വിതരണ സമ്മേളനത്തിൽ പ്രമുഖ വ്യക്തിത്വങ്ങളും നേതാക്കളും പങ്കെടുക്കും.

മറ്റു വിശദ വിവരങ്ങൾക്ക്  ascawards2023 @ gmail. com എന്ന ഇ -മെയിലിൽ ബന്ധപ്പെടുക.

അബുദാബി സുന്നി സെൻർ പ്രസിഡണ്ട്  സയ്യിദ് അബ്ദുറഹിമാന്‍ തങ്ങള്‍, ജനറൽ സെക്രട്ടറി കെ. പി. കബീര്‍ ഹുദവി, വൈസ് പ്രസിഡണ്ട് ഹാരിസ് ബാഖവി, ജോയിന്‍റ് സെക്രട്ടറി അഷ്‌റഫ്‌ ഹാജി വാരം, പബ്ലിക്‌ റിലേഷൻ ചെയർമാൻ സലീം നാട്ടിക  എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.

- pma

വായിക്കുക: , , , , ,

അഭിപ്രായം എഴുതുക »

സമദാനിയുടെ ‘മദീനയിലേക്കുള്ള പാത’ ഇസ്‌ലാമിക് സെന്‍ററില്‍

January 21st, 2023

road-to-madina-abdussamad-samadani-madeenayilekkulla-paatha-islamic-center-ePathram
അബുദാബി : പ്രമുഖ വാഗ്മി ഡോ. എം. പി. അബ്ദുസ്സമദ്‌ സമദാനി യുടെ പ്രശസ്തമായ ‘മദീനയിലേക്കുള്ള പാത’ പ്രഭാഷണം 2023 ജനുവരി 22 ഞായറാഴ്ച രാത്രി എട്ടു മണിക്ക് ഇന്ത്യൻ ഇസ്‌ലാമിക് സെന്‍ററില്‍ നടക്കും.

‘വിശ്വ വിമോചകനാം വിശുദ്ധ പ്രവാചകന്‍’ എന്ന ശീര്‍ഷകത്തില്‍ സംഘടിപ്പിക്കുന്ന പരിപാടിയുടെ ഔപചാരിക ഉല്‍ഘാടനം പ്രമുഖ വ്യവസായിയും അബുദാബി ചേംബര്‍ ഓഫ്‌ കൊമേഴ്‌സ്‌ ഡയറക്ടറും ലുലു ഗ്രൂപ്പ്‌ ചെയര്‍മാനുമായ എം. എ. യൂസഫലി നിര്‍വ്വഹിക്കും. അബുദാബിയിലെ സാമൂഹ്യ സാംസ്കാരിക രംഗത്തെ പ്രമുഖര്‍ സംബന്ധിക്കും.

പ്രഭാഷണ പരിപാടിയുടെ വിജയത്തിനായി ഇന്ത്യൻ ഇസ്‌ലാമിക് സെന്‍ററിലെ എല്ലാ സൗകര്യങ്ങളും ഉപയോഗിക്കും.

സ്ത്രീകൾക്ക് പ്രഭാഷണം ശ്രവിക്കുവാൻ പ്രത്യേകം സൗകര്യം ഉണ്ടായിരിക്കും. വിപുലമായ വാഹന പാർക്കിംഗ് സെന്‍ററിനു സമീപം ഒരുക്കിയിട്ടുണ്ട് എന്നും ഭാരവാഹികൾ അറിയിച്ചു.

- pma

വായിക്കുക: , , ,

അഭിപ്രായം എഴുതുക »

4 of 1834510»|

« Previous Page« Previous « ഡ്രൈവ് ചെയ്യുമ്പോൾ ഭക്ഷണ പാനീയങ്ങൾ കഴിക്കുന്നത് അപകട സാദ്ധ്യത വർദ്ധിപ്പിക്കുന്നു
Next »Next Page » 2023 : ഇയർ ഓഫ് സസ്റ്റൈനബിലിറ്റി »



  • ജിമ്മി ജോർജ്ജ് വോളി : ലൈഫ് ടൈം അച്ചീവ് മെന്റ് അവാർഡ് മാണി സി. കാപ്പന്
  • ജിമ്മി ജോർജ്ജ് സ്മാരക റമദാൻ വോളി : മാർച്ച് 27 ന് അബുദാബിയിൽ തുടക്കം
  • ദുബായ് സർക്കാരിന് പുതിയ ലോഗോ
  • ഇഖ്‌വ ഇഫ്‌താർ സംഗമം സംഘടിപ്പിച്ചു
  • ശൈഖ് മുഹമ്മദ് ബിൻ സായിദ് സമൂഹ ഇഫ്താറിൽ : വീഡിയോ വൈറൽ
  • മൂന്നാമത് ഇ. കെ. നായനാര്‍ സ്മാരക ഫുട് ബോൾ ടൂർണ്ണ മെന്റിന് വർണ്ണാഭമായ തുടക്കം
  • ഗാസയിലെ പരിക്കേറ്റവർക്ക് 2 ദശ ലക്ഷം ദിര്‍ഹത്തിൻ്റെ മെഡിക്കൽ സഹായം എത്തിച്ച് ബുര്‍ജീല്‍ ഹോൾഡിംഗ്സ്
  • ഇ. കെ. നായനാര്‍ സ്മാരക ഫുട് ബോൾ ടൂർണ്ണ മെൻ്റ് മാർച്ച് 16, 17 തിയ്യതികളിൽ
  • അൽ ഐൻ മലയാളി സമാജം പുതിയ കമ്മിറ്റി
  • ജിമ്മി ജോർജ്ജ് മെമ്മോറിയൽ വോളി ബോൾ ടൂർണ്ണ മെൻ്റ് മാർച്ച് 27 മുതൽ
  • മികച്ച നേട്ടം കൈവരിച്ച് ബുര്‍ജീല്‍ ഹോൾഡിംഗ്സ്
  • ബാ​പ്സ് ഹി​ന്ദു മ​ന്ദി​റി​ലേ​ക്ക് പു​തി​യ ബസ്സ് (203) സർവ്വീസ്
  • റമളാൻ ഹദിയ : ബ്രോഷർ പ്രകാശനം ചെയ്തു
  • അൽ ഐൻ ഓര്‍ത്തഡോക്‌സ് പള്ളിയില്‍ ഓർമ്മപ്പെരുന്നാളും പൊതു സമ്മേളനവും
  • വ്യക്തി കേന്ദ്രീകൃതമായ ചികിത്സയിലൂടെ അർബുദത്തെ നേരിടുന്നതിൽ വൻ മുന്നേറ്റം ഉണ്ടാക്കുവാൻ കഴിയും : പ്രൊഫ. ജെയിംസ് ആലിസൺ
  • സായിദ് എയർ പോർട്ടിൽ ആരോഗ്യ സേവനങ്ങൾക്കായി ബുർജീലിനെ തെരഞ്ഞെടുത്തു
  • മലപ്പുറം ജില്ലാ കെ. എം. സി. സി. യുടെ TASKCON പ്രഖ്യാപനം
  • ഫുഡ്‌ ഫെസ്റ്റ് സീസൺ-2 : വിജയികൾക്ക് സമ്മാനങ്ങൾ വിതരണം ചെയ്തു
  • ഗൂഗിള്‍ ക്രോം ഉപയോക്താക്കള്‍ക്ക് മുന്നറിയിപ്പ്
  • ഖുർആൻ പാരായണ മത്സരം



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine