ന്യൂ ഇയർ വൈബ്‌സ് : വിൻസി അലോഷ്യസിന് സ്വീകരണവും പുതു വത്സര ആഘോഷവും

December 31st, 2023

vibez-abudhabi-new-year-vibez-ePathram

അബുദാബി : കലാ സാംസ്കാരിക കൂട്ടായ്മ വൈബ്സ് ഓഫ് അബുദാബി സംഘടിപ്പിക്കുന്ന പുതു വത്സര ആഘോഷ പരിപാടി ന്യൂ ഇയർ വൈബ്‌സ് എന്ന പേരിൽ ജനുവരി 13 ശനിയാഴ്ച വൈകുന്നേരം 6 മണിക്ക് അബുദാബി ഇന്ത്യൻ ഇസ്‌ലാമിക് സെന്ററിൽ വെച്ച് നടക്കും. മികച്ച നടിക്കുള്ള സംസ്ഥാന ചലച്ചിത്ര അവാർഡ് നേടിയ വിൻസി അലോഷ്യസിന് സ്വീകരണവും ആദരിക്കലും യു. എ. ഇ. യിലെ ബിസിനസ്സ് രംഗത്ത് മികച്ച മുന്നേറ്റം നടത്തിയ അഞ്ച് സംരംഭകരെ പ്രോഗ്രാമിൽ വെച്ച് ആദരിക്കുകയും ചെയ്യും.

vibez-abudhabi-new-year-celebration-2024-poster-release-ePathram

അബുദാബി റഹ്മത്ത് കാലിക്കറ്റ് റസ്റ്റോറന്റിൽ വെച്ച് ന്യൂ ഇയർ വൈബ്‌സ് പ്രോഗ്രാം ബ്രോഷർ പ്രകാശനം നടന്നു

ന്യൂ ഇയർ വൈബ്‌സ് ആഘോഷങ്ങൾക്ക് മാറ്റു കൂട്ടുവാൻ പ്രശസ്ത കലാകാരൻമാരായ ശിഖ പ്രഭാകർ, കൗശിക് വിനോദ്, ശാക്കിർ കാസർഗോഡ് എന്നിവർ നേതൃത്വം നൽകുന്ന മ്യൂസിക് ആൻഡ് ഡാൻസ് ഷോ അരങ്ങേറും.

ഇവരോടൊപ്പം അബുദാബിയിലെ പ്രശസ്ത ഗായകരും നർത്തകരും പങ്കാളികളാകും. പ്രോഗ്രാമ്മിൻറെ സമാപനം ഡി. ജെ. ഷോയോട് കൂടി ആയിരിക്കും എന്നും സംഘാടകർ അറിയിച്ചു. ന്യൂ ഇയർ വൈബ്‌സ് പ്രോഗ്രാമിലേക്ക് പ്രവേശനം സൗജന്യം ആയിരിക്കും.

വൈബ്സ്  ഓഫ് അബുദാബിയുടെ ആക്‌സിക്യൂട്ടീവ് അംഗങ്ങളായ ഫിറോസ് എം. കെ., ഇബ്രാഹിം കുട്ടി വട്ടപ്പാറ, അൻസാർ ആലത്തയിൽ, ഡോക്ടർ ഷാസിയ അൻസാർ, നസ്മിജ ഇബ്രാഹിം എന്നിവർ വാർത്താ സമ്മേളനത്തിൽ സംബന്ധിച്ചു.

- pma

വായിക്കുക: , , , , ,

അഭിപ്രായം എഴുതുക »

വിദ്യാർത്ഥികൾക്കായി വിൻ്റർ ക്യാമ്പ് ഡിസംബർ 27 മുതൽ

December 14th, 2023

abudhabi-kmcc-transformation-winter-camp-2023-ePathram
അബുദാബി : സംസ്ഥാന കെ. എം. സി. സി. കമ്മിറ്റി ‘ട്രാൻസ്‌ഫോമേഷൻ’ എന്ന പേരിൽ സംഘടിപ്പിക്കുന്ന വിൻ്റർ ക്യാമ്പ് 2023 ഡിസംബർ 27 ബുധൻ മുതൽ 31 ഞായർ വരെ രാവിലെ 9 മണി മുതൽ ഉച്ചക്ക് 1 മണി വരെ അഞ്ച് ദിവസങ്ങളിലായി അബുദാബി ഇന്ത്യൻ ഇസ്‌ലാമിക് സെൻ്ററിൽ നടക്കും.

ഇൻഫോസ്കിൽസുമായി സഹകരിച്ചു നടത്തുന്ന വിൻ്റർ ക്യാമ്പിൽ വിവിധ മേഖലകളിൽ വിദഗ്ദ്ധരായ പരിശീലകർ ക്ലാസ്സുകൾക്ക് നേതൃത്വം നൽകും. ഗ്രേഡ് 1 മുതൽ 12 വരെയുള്ള കുട്ടികൾക്കാണ് പ്രവേശനം. ഡിസംബർ 31 ഞായറാഴ്ച വൈകുന്നേരം 6 മണിക്ക് നടക്കുന്ന ഗ്രാൻഡ് ഫിനാലെയോടെ ക്യാമ്പിന് സമാപനമാകും. പരിശീലനത്തിന് എത്തുന്ന കുട്ടികൾക്കായി പ്രത്യേക വാഹന സൗകര്യവും ഒരുക്കിയിട്ടുണ്ട്.

വിൻ്റർ ക്യാമ്പ് അഡ്മിഷന് ഈ ലിങ്കിൽ ക്ലിക്ക് ചെയ്ത് രജിസ്റ്റർ ചെയ്യാം. കൂടുതൽ വിവരങ്ങൾക്ക്  050 742 1020, 050 200 1157 എന്നീ നമ്പറുകളിൽ ബന്ധപ്പടുക.

- pma

വായിക്കുക: , , , ,

അഭിപ്രായം എഴുതുക »

ജ്യോതി ശാസ്ത്ര ക്ലാസ്സ് ‘ശാസ്ത്ര നിലാവ്’ ശ്രദ്ധേയമായി

December 12th, 2023

astronomy-center-ePathram
അജ്മാൻ : ഇന്ത്യൻ സോഷ്യൽ സെൻ്റർ, ഫ്രണ്ട്സ് ഓഫ് കെ. എസ്. എസ്. പി., മലയാളം മിഷൻ ഷാർജ ചാപ്ടർ എന്നിവർ വിദ്യാർത്ഥികൾക്കായി ഒരുക്കിയ ‘ശാസ്ത്ര നിലാവ്’ എന്ന ജ്യോതി ശാസ്ത്ര ക്ലാസ്സ്  ശ്രദ്ധേയമായി. അജ്മാൻ ഇന്ത്യൻ സോഷ്യൽ സെൻ്റർ ഹാളിൽ നടന്ന ക്ലാസ്സിന് പ്രശസ്ത ജ്യോതി ശാസ്ത്ര വിദഗ്ദനും അദ്ധ്യാപകനുമായ ശരത് പ്രഭാവു നേതൃത്വം നൽകി.
shasthra-nilav-kssp-astrology-class-in-ajman-isc-ePathram

ഭൂമിയിൽ നിന്ന് കൊണ്ട് നക്ഷത്രങ്ങളെയും ഗ്രഹ ങ്ങളെയും നിരീക്ഷിക്കുവാനുള്ള വിവിധ മാർഗ്ഗ ങ്ങൾ പരിചയപ്പെടുത്തി. നക്ഷത്ര നിരീക്ഷണ ത്തിൻ്റെ ആദ്യ പാഠങ്ങൾ കുട്ടികളെയും മുതിർന്നവരെയും ഒരു പോലെ ആവേശം കൊള്ളിച്ചു.

അമ്പതോളം കുട്ടികളും രക്ഷിതാക്കളും പങ്കെടുത്ത ‘ശാസ്ത്ര നിലാവ്’ പരിപാടിയിൽ അജ്മാൻ ഐ. എസ്‌. സി. ആക്ടിംഗ് പ്രസിഡണ്ട് കെ. ജി. ഗിരീഷ് അദ്ധ്യക്ഷത വഹിച്ചു. സന്തോഷ് ബാബു, ശ്രീകുമാരി ആൻ്റണി, അഫ്സൽ ഹുസൈൻ, പ്രജിത് എന്നിവർ സംസാരിച്ചു.

- pma

വായിക്കുക: , , , , ,

അഭിപ്രായം എഴുതുക »

ഗാസയിൽ പരിക്കേറ്റവർക്ക് ചികിത്സ : മുന്നണിയിൽ മലയാളി സ്ഥാപനങ്ങളും ആരോഗ്യ പ്രവർത്തകരും

November 20th, 2023

palestinian-wounded-evacuated-from-gaza-to-uae-burjeel-hospital-ePathram

അബുദാബി : കുട്ടികളും മുതിര്‍ന്നവരും ഉള്‍പ്പെടെ ഗാസയിൽ ഗുരുതരമായി പരിക്കേറ്റവർക്ക് അടിയന്തര ചികിത്സ നല്‍കാന്‍ യു. എ. ഇ. പ്രസിഡണ്ട് ശൈഖ് മുഹമ്മദ് ബിൻ സായിദ് അൽ നഹ്യാന്‍റെ ഇടപെടൽ അന്താരാഷ്‌ട്ര ശ്രദ്ധ നേടുമ്പോൾ പ്രവാസികൾക്ക് അഭിമാനമായി മലയാളികളുടെ നേതൃത്വത്തിലുള്ള ആരോഗ്യ സ്ഥാപനങ്ങളുടെയും ആരോഗ്യ പ്രവർത്തകരുടെയും മുൻ നിര പങ്കാളിത്തം.

ഡോ. ഷംഷീർ വയലിൽ ചെയർമാനായ ബുർജീൽ ഹോൾഡിംഗ്സ്, റെസ്പോൺസ് പ്ലസ് ഹോൾഡിംഗും (ആർ. പി. എം.) സർക്കാര്‍ ഏജന്‍സികള്‍ക്ക് കൂടെ ചേര്‍ന്ന് ദൗത്യത്തില്‍ സുപ്രധാന പങ്കു വഹിക്കുന്നത്.

ബുർജീൽ മെഡിക്കൽ സിറ്റിയിൽ പീഡിയാട്രിക് ഹെമറ്റോളജിസ്റ്റായ മലയാളി ഡോക്ടർ സൈനുൽ ആബിദീൻ നേതൃത്വം നല്‍കിയ ബുര്‍ജീല്‍ സംഘ ത്തില്‍ ഇരുപതോളം ആരോഗ്യ പ്രവർത്തകര്‍ ഗാസ അതിർത്തിയിലെ അൽ അരിഷിലേക്ക് പോയി. ശൈഖ് ഖലീഫ മെഡിക്കൽ സിറ്റി, എൻ. എം. സി. റോയൽ ഹോസ്പിറ്റൽ എന്നീ ആശുപത്രികളിൽ നിന്നുള്ള ആരോഗ്യ പ്രവർത്തകരും സംഘത്തിൽ ഉണ്ടായി രുന്നു.

പരിക്കേറ്റരുടെ ആരോഗ്യ നില പരിശോധിച്ച് പ്രാഥമിക പരിചരണം ഉറപ്പാക്കുവാന്‍ വേണ്ടിയാണ് ഈജിപ്ത് അതിർത്തിയിലെ അൽ അരിഷ് എയര്‍ പോര്‍ട്ടില്‍ മെഡിക്കൽ സംഘത്തിന്‍റെ ശ്രമം.

ഇത് പൂർത്തിയാക്കിയ ശേഷം പരിക്കേറ്റവരെ പ്രത്യേക വിമാനത്തിൽ അബുദാബിയില്‍ എത്തിച്ചു. ബുർജീൽ മെഡിക്കൽ സിറ്റി അടക്കമുള്ള ആശുപത്രികളിൽ ഇവർക്ക് അടിയന്തര പരിചരണവും തുടർ ചികിത്സയും ആരംഭിച്ചു.

നിർണ്ണായക മാനുഷിക ദൗത്യത്തിലൂടെ ചികിത്സയും പിന്തുണയും നൽകിയ യു. എ. ഇ. നേതൃത്വത്തിന് ഗാസയിൽ നിന്നും എത്തിയവര്‍ നന്ദി അറിയിച്ചു. വരും ദിവസങ്ങളിൽ കൂടുതൽ പേർ ചികിത്സക്കു വേണ്ടി അബുദാബിയിൽ എത്തും എന്നും പ്രതീക്ഷിക്കുന്നു.

- pma

വായിക്കുക: , , , , , , ,

അഭിപ്രായം എഴുതുക »

സി. പി. ടി. യുടെ ‘കുട്ടികളോടൊത്ത് ഒരോണം’ ലോഗോ പ്രകാശനം ചെയ്തു

November 9th, 2023

cpt-child-protect-team-uae-onam-with-children-2023-ePathram

ഷാർജ : ചൈല്‍ഡ് പ്രൊട്ടക്ട് ടീം (സി. പി. ടി.) യു. എ. ഇ. സെൻട്രൽ കമ്മിറ്റിയുടെ ഓണാഘോഷം ‘കുട്ടികളോടൊത്ത് ഒരോണം’ എന്ന പരിപാടി യുടെ ലോഗോ പ്രകാശനം യാബ് ലീഗൽ സർവ്വീസസ് സി. ഇ. ഒ. സലാം പാപ്പിനിശ്ശേരി നിർവ്വഹിച്ചു.

ഷാർജയിൽ നടന്ന ലോഗോ പ്രകാശന ചടങ്ങിൽ സി. പി. ടി. സംസ്ഥാന എക്സിക്യൂട്ടീവ് അംഗം നാസർ ഒളകര, സെൻട്രൽ കമ്മിറ്റി പ്രസിഡണ്ട് അനസ് കൊല്ലം, ട്രഷറർ മനോജ്, ഷാർജ കമ്മിറ്റി പ്രസിഡണ്ട് സുജിത് ചന്ദ്രൻ എന്നിവർ സംബന്ധിച്ചു.

2023 നവംബർ 26 ഞായറാഴ്ച, ദുബായ് ദേരയിലെ Dnata ക്കു സമീപം മാലിക് റെസ്റ്റോറന്‍റില്‍ വെച്ച് നടക്കുന്ന ‘കുട്ടികളോടൊത്ത് ഒരോണം’ കുട്ടികളുടെ മാത്രം കലാ കായിക പരിപാടികൾ ഉള്‍ക്കൊള്ളിച്ചു കൊണ്ട് ഒരുക്കുന്ന വേറിട്ട ഒരു ഓണാഘോഷം ആയിരിക്കും.

തിരുവാതിരക്കളി, ഒപ്പന, മാർഗ്ഗം കളി, വിവിധ നൃത്ത നൃത്യങ്ങള്‍, ഗാനമേള, കസേരകളി, സുന്ദരിക്കൊരു പൊട്ടു തൊടൽ, ലെമൺ സ്പൂൺ റൈസ്, ബോട്ടില്‍ ഹോള്‍ഡിംഗ് തുടങ്ങിയ കലാ കായിക പരിപാടികൾ അരങ്ങേറും.

കുട്ടികളുടെ ക്ഷേമത്തിനും ഉന്നമനത്തിനും വേണ്ടി ഇന്ത്യയിലും ജി. സി. സി. രാജ്യങ്ങളിലും പ്രവർത്തിച്ചു കൊണ്ടിരിക്കുന്ന സംഘടനയാണ് ചൈല്‍ഡ് പ്രൊട്ടക്ട് ടീം. CPT FB PAGE.

- pma

വായിക്കുക: , , , , , , , , ,

അഭിപ്രായം എഴുതുക »

3 of 1182341020»|

« Previous Page« Previous « പെരിയ സൗഹൃദ വേദിയുടെ ഓണാഘോഷം ‘പൊന്നോണം-2023’
Next »Next Page » ഒ. എൻ. വി. യുടെ 40 കവിതകൾ അറബിയില്‍ പ്രസിദ്ധീകരിച്ചു »



  • ജിമ്മി ജോർജ്ജ് വോളി : ലൈഫ് ടൈം അച്ചീവ് മെന്റ് അവാർഡ് മാണി സി. കാപ്പന്
  • ജിമ്മി ജോർജ്ജ് സ്മാരക റമദാൻ വോളി : മാർച്ച് 27 ന് അബുദാബിയിൽ തുടക്കം
  • ദുബായ് സർക്കാരിന് പുതിയ ലോഗോ
  • ഇഖ്‌വ ഇഫ്‌താർ സംഗമം സംഘടിപ്പിച്ചു
  • ശൈഖ് മുഹമ്മദ് ബിൻ സായിദ് സമൂഹ ഇഫ്താറിൽ : വീഡിയോ വൈറൽ
  • മൂന്നാമത് ഇ. കെ. നായനാര്‍ സ്മാരക ഫുട് ബോൾ ടൂർണ്ണ മെന്റിന് വർണ്ണാഭമായ തുടക്കം
  • ഗാസയിലെ പരിക്കേറ്റവർക്ക് 2 ദശ ലക്ഷം ദിര്‍ഹത്തിൻ്റെ മെഡിക്കൽ സഹായം എത്തിച്ച് ബുര്‍ജീല്‍ ഹോൾഡിംഗ്സ്
  • ഇ. കെ. നായനാര്‍ സ്മാരക ഫുട് ബോൾ ടൂർണ്ണ മെൻ്റ് മാർച്ച് 16, 17 തിയ്യതികളിൽ
  • അൽ ഐൻ മലയാളി സമാജം പുതിയ കമ്മിറ്റി
  • ജിമ്മി ജോർജ്ജ് മെമ്മോറിയൽ വോളി ബോൾ ടൂർണ്ണ മെൻ്റ് മാർച്ച് 27 മുതൽ
  • മികച്ച നേട്ടം കൈവരിച്ച് ബുര്‍ജീല്‍ ഹോൾഡിംഗ്സ്
  • ബാ​പ്സ് ഹി​ന്ദു മ​ന്ദി​റി​ലേ​ക്ക് പു​തി​യ ബസ്സ് (203) സർവ്വീസ്
  • റമളാൻ ഹദിയ : ബ്രോഷർ പ്രകാശനം ചെയ്തു
  • അൽ ഐൻ ഓര്‍ത്തഡോക്‌സ് പള്ളിയില്‍ ഓർമ്മപ്പെരുന്നാളും പൊതു സമ്മേളനവും
  • വ്യക്തി കേന്ദ്രീകൃതമായ ചികിത്സയിലൂടെ അർബുദത്തെ നേരിടുന്നതിൽ വൻ മുന്നേറ്റം ഉണ്ടാക്കുവാൻ കഴിയും : പ്രൊഫ. ജെയിംസ് ആലിസൺ
  • സായിദ് എയർ പോർട്ടിൽ ആരോഗ്യ സേവനങ്ങൾക്കായി ബുർജീലിനെ തെരഞ്ഞെടുത്തു
  • മലപ്പുറം ജില്ലാ കെ. എം. സി. സി. യുടെ TASKCON പ്രഖ്യാപനം
  • ഫുഡ്‌ ഫെസ്റ്റ് സീസൺ-2 : വിജയികൾക്ക് സമ്മാനങ്ങൾ വിതരണം ചെയ്തു
  • ഗൂഗിള്‍ ക്രോം ഉപയോക്താക്കള്‍ക്ക് മുന്നറിയിപ്പ്
  • ഖുർആൻ പാരായണ മത്സരം



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine