അബുദാബി : സത്യധാര യുടെ ഗള്‍ഫ് പതിപ്പ് പുറത്തിറങ്ങുന്നതില്‍ സന്തോഷം ഉണ്ടെന്നും ഗള്‍ഫ് സത്യധാര കാല ത്തിന്റെ ആവശ്യം ആണെന്നും അതിനെ വിജയിപ്പിക്കുവാന്‍ ഏവരും കര്‍മ്മ രംഗത്തിറങ്ങണമെന്നും കീഴൂര്‍ മംഗലാപുരം ഖാസി ത്വാഖ അഹ്മദ് മൌലവി അല്‍ അസ്ഹരി ആവശ്യപ്പെട്ടു.

‘ഗള്‍ഫ് സത്യധാര’ യുടെ യു. എ. ഇ. തല പ്രചാരണ പ്രവര്‍ത്തന ങ്ങള്‍ക്ക് തുടക്കം കുറിച്ച് കൊണ്ട് അബുദാബി ഇന്ത്യന്‍ ഇസ്ലാമിക്‌ സെന്ററില്‍ നടന്ന ചടങ്ങില്‍ സംസാരിക്കുക യായിരുന്നു അദ്ദേഹം.

ലോകത്ത് മറ്റെവിടെയും കാണാത്ത വിധം ധാര്‍മിക മൂല്യത്തിലൂന്നിയ ജീവിതം നയിക്കുന്ന ഒരു ദിശാ ബോധമുള്ള സമൂഹത്തെ ശ്രഷ്ടിച്ച് എടുക്കുന്നതില്‍ സമസ്ത വഹിച്ച പങ്ക് നിസ്തൂല മാണെന്നും അദ്ദേഹം പറഞ്ഞു. എളിമയും ലാളിത്യവും നിറഞ്ഞ ജീവിതം നയിച്ച് ആധുനിക സമൂഹ ത്തിനു ഒരു ഉത്തമ ജീവിത മാതൃക കാഴ്ച വെച്ച് കടന്നു പോയ സമസ്ത പ്രസിഡന്റ്‌ കാളമ്പാടി മുഹമ്മദ്‌ മുസ്‌ലിയാരുടെ ജീവിത വഴി നാം പിന്തുടരണം എന്നും അദ്ദേഹം പറഞ്ഞു.

അബുദാബി സുന്നീ സെന്റര്‍ പ്രസിഡന്റ്‌ ഡോ. അബ്ദു റഹ്മാന്‍ മൌലവി ഒളവട്ടൂര്‍ അധ്യക്ഷത വഹിച്ചു.

‘ഗള്‍ഫ് സത്യധാര’യുടെ പ്രവാസീ ലോകത്തെ പ്രസക്തിയെ കുറിച്ച് ഇല്യാസ് വെട്ടം മുഖ്യ പ്രഭാഷണം നടത്തി. എസ്. കെ. എസ്. എസ്. എഫ്. അബുദാബി സ്റ്റേറ്റ് പ്രസിഡന്റ്‌ സയ്യിദ് അബ്ദുറഹ്മാന്‍ തങ്ങള്‍, ജനറല്‍ സെക്രട്ടറി ഹാരിസ് ബാഖവി കടമേരി, കെ. എം. സി. സി. അബുദാബി സ്റ്റേറ്റ് പ്രസിഡന്റ്‌ എന്‍. കുഞ്ഞിപ്പ എന്നിവര്‍ പ്രസംഗിച്ചു. ഉസ്മാന്‍ ഹാജി സ്വാഗവും കരീം മൌലവി നന്ദിയും പറഞ്ഞു.

-അയച്ചു തന്നത് : സാജിദ്‌ രാമന്തളി – അബുദാബി

അബുദാബി : എസ്. കെ. എസ്. എസ്. എഫ്. സംസ്ഥാന കമ്മിറ്റി യുടെ കീഴില്‍ മികച്ച പ്രവര്‍ത്തനം കാഴ്ച വെച്ച സാജിദ്‌ രാമന്തളി, നൌഫല്‍ ഫൈസി, സജീര്‍ ഇരിവേരി എന്നിവ ര്‍ക്ക് ഉംറ നിര്‍വ്വഹിക്കാനുള്ള യാത്രാ ടിക്കറ്റ് സമ്മാനമായി നല്‍കി ആദരിച്ചു.

ഇന്ത്യന്‍ ഇസ്‌ലാമിക് സെന്‍ററില്‍ വെച്ച് നടന്ന ചടങ്ങില്‍ പാണക്കാട് സയ്യിദ് സ്വാദിഖലി ശിഹാബ് തങ്ങള്‍ സമ്മാനങ്ങള്‍ വിതരണം ചെയ്തു.