റാസല്‍ ഖൈമയില്‍ യുവാവ് ഹൃദയാഘാതം മൂലം നിര്യാതനായി

December 12th, 2012

തിരൂര്‍ വൈലത്തൂര്‍ പോന്മുണ്ട സ്വദേശി നീലിയാട്‌ സിക്കന്തര്‍ (37) ഹൃദയാഘാതം മൂലം റാസല്‍ഖൈമയില്‍ വെച്ച് നിര്യാതനായി. കഴിഞ്ഞ 16 വര്‍ഷമായി ഫുജൈറയിലെ തോബാന്‍ എന്ന സ്ഥലത്ത് അല്‍ കൌസര്‍ എന്ന ക്രഷറില്‍ ജോലി ചെയ്തു വരികയാണ്. മൂന്ന് മക്കള്‍ ഉണ്ട്. മയ്യിത്ത് നാട്ടിലേക്ക് കൊണ്ടു പോകാനുള്ള നടപടികള്‍ ആരംഭിച്ചതായി ബന്ധുക്കള്‍ അറിയിച്ചു.

- എസ്. കുമാര്‍

വായിക്കുക: , ,

അഭിപ്രായം എഴുതുക »

യു. എ. ഇ. എക്സ്ചേഞ്ച് – കോര്‍പ്പറേഷന്‍ ബാങ്ക് ചേര്‍ന്ന് ‘ഫ്ലാഷ് റെമിറ്റ്’സംവിധാനം ആരംഭിച്ചു

December 7th, 2012

uae-exchange--corp-bank-flash-remit-launch-ePathram
ദുബായ് : ആഗോള പ്രശസ്തമായ യു. എ. ഇ. എക്സ്ചേഞ്ചും ഇന്ത്യയിലെ പ്രമുഖ ബാങ്കു കളിലൊന്നായ കോര്‍പ്പറേഷന്‍ ബാങ്കും തമ്മില്‍ ‘ഫ്ലാഷ് റെമിറ്റ്’ എന്ന തത്സമയ പണ വിനിമയ സംവിധാനം ആരംഭിച്ചു.

കോര്‍പ്പറേഷന് ബാങ്കില്‍ അക്കൗണ്ട്‌ ഉള്ളവര്‍ക്ക്, യു. എ. ഇ. എക്സ്ചേഞ്ച് ശാഖ കളില്‍ നിന്ന് നേരിട്ട് പണമയക്കാനും നിമിഷ ങ്ങള്‍ക്കുള്ളില്‍ ക്രെഡിറ്റ്‌ ആകാനും അവസരം ഒരുക്കുന്ന സംവിധാന മാണ് ഫ്ലാഷ് റെമിറ്റ്.

ദുബായ് ഷംഗ്രില ഹോട്ടലില്‍ നടന്ന ചടങ്ങില്,‍ യു. എ. ഇ. എക്സ്ചേഞ്ച് ചീഫ് ഓപ്പറേറ്റിംഗ് ഓഫീസര്‍ വൈ. സുധീര്‍ കുമാര്‍ ഷെട്ടിയും കോര്‍പ്പറേഷന്‍ ബാങ്ക് എക്സിക്യൂട്ടീവ് ഡയറക്ടര്‍ അമര്‍ ലാല്‍ ദൌത്താനിയും ഇതു സംബന്ധിച്ച ധാരണാ പത്രം കൈമാറി.

സാധാരണ ബാങ്ക് അക്കൗണ്ട്‌ വഴി പണമയക്കുമ്പോള്‍ നേരിടാവുന്ന നടപടി ക്രമ ങ്ങളുടെ ബാഹുല്യവും കാല താമസവും ഒഴിവാക്കാന്‍ ഉതകുന്നതാണ് ‘ഫ്ലാഷ് റെമിറ്റ്’ സംവിധാനം.

പൂര്‍ണ്ണമായും കമ്പ്യൂട്ടര്‍ വത്കൃത സജ്ജീകരണ ങ്ങളാണ് ഇതിന് ഉപയോഗി ക്കുന്നത്. പണം നിശ്ചിത അക്കൗണ്‍ടില്‍ വരവ് വെക്കുന്നതോടെ അയച്ചയാള്‍ക്ക് മൊബൈല്‍ ഫോണില്‍ സന്ദേശം ലഭിക്കും. ഇന്ത്യയില്‍ പണം ലഭിക്കുന്ന ആള്‍ക്കും എസ്. എം. എസ്. സന്ദേശം കിട്ടും.

പണമിടപാട് സംബന്ധിച്ചു ഇരു വശങ്ങളിലും വിവരം കൈമാറാന്‍ വേണ്ടി വരാറുള്ള അധിക ച്ചെലവ് ഒഴിവാക്കാനും ആധികാരികത ഉറപ്പു വരുത്താനും ഇത് സഹായകമാണ്.

32 വര്‍ഷ ങ്ങളിലെ വിശിഷ്ട സേവനം വഴി 30 രാജ്യങ്ങളിലായി വേരു പടര്‍ത്തിയ യു. എ. ഇ. എക്സ്ചേഞ്ചും 1906 മുതല്‍ ഇന്ത്യയിലെ ബാങ്കിംഗ് രംഗത്ത് സവിശേഷമായ സ്ഥാനം ആര്‍ജ്ജിച്ച കോര്‍പ്പറേഷന്‍ ബാങ്കും ലക്ഷോപലക്ഷം ഗുണ ഭോക്താക്ക ള്‍ക്കിടയില്‍ ഊട്ടിയുറപ്പിച്ച സുദീര്‍ഘ ബന്ധത്തിന്റെ മറ്റൊരു വിജയ അദ്ധ്യായമാണ് ‘ഫ്ലാഷ് റെമിറ്റ്’ എന്നു യു. എ. ഇ. എക്സ്ചേഞ്ച് ചീഫ് ഓപ്പറേറ്റിംഗ് ഓഫീസര്‍ വൈ. സുധീര്‍ കുമാര്‍ ഷെട്ടി പ്രസ്താവിച്ചു.

ഇരു സ്ഥാപന ങ്ങളും നേടിയെടുത്ത വിശ്വാസ്യത യുടെ നല്ല മാതൃക യായി ഇത് വികസിക്കും എന്നും അദ്ദേഹം വിശ്വാസം പ്രകടിപ്പിച്ചു. വേഗത യുടെ പുതു യുഗത്തില്‍ ഏറ്റവും വേഗത്തിലും സൌകര്യത്തിലും ചുരുങ്ങിയ ചെലവില്‍ പണം അക്കൗണ്ടു കളില്‍ സുരക്ഷിതമായി എത്തിക്കുക എന്ന ഉപഭോക്തൃ താത്പര്യം അക്ഷരാര്‍ഥത്തില്‍ ‘ഫ്ലാഷ് റെമിറ്റ്’ സംവിധാനം സാദ്ധ്യമാക്കും എന്നും ഇടപാടു കാരുടെ ഉല്‍കണ്ഠകള്‍ ഇല്ലാതാക്കുമെന്നും കോര്‍പ്പറേഷന്‍ ബാങ്ക് എക്സിക്യൂട്ടീവ് ഡയറക്ടര്‍ അമര്‍ ലാല്‍ ദൌത്താനിയും കൂട്ടിച്ചേര്‍ത്തു.

ധനവിനിമയ രംഗത്തെ ഒരു നവ വിപ്ലവമാണ് ‘ഫ്ലാഷ് റെമിറ്റ്’ സംവിധാന ത്തിലൂടെ യു. എ. ഇ. എക്സ്ചേഞ്ചും ഫെഡറല്‍ ബാങ്കും മുന്നോട്ടു വെക്കുന്നതെന്നും അദ്ദേഹം പറഞ്ഞു.

ഗ്ലോബല്‍ ഓപ്പറേഷന്‍സ് വൈസ് പ്രസിഡന്റ്‌ പ്രമോദ് മങ്ങാട് ഫ്ലാഷ് റെമിറ്റ് പരിചയ പ്പെടുത്തി. കോര്‍പ്പറേഷന്‍ ബാങ്ക് ഗള്‍ഫ്‌ പ്രതിനിധി അശോക്‌ ചന്ദ്ര ഉള്‍പ്പെടെ ഇരു ഭാഗത്തെയും പ്രമുഖരും മാധ്യമ പ്രവര്‍ത്തകരും ചടങ്ങില്‍ സന്നിഹിതരായിരുന്നു.

- pma

വായിക്കുക:

അഭിപ്രായം എഴുതുക »

പൊതുമാപ്പ് പ്രാബല്യത്തില്‍ വന്നു

December 5th, 2012

uae-president-sheikh-khalifa-bin-zayed-ePathram
അബുദാബി : യു. എ. ഇ. യിലെ അനധികൃത താമസക്കാര്‍ക്ക് പിഴയോ ജയില്‍ ശിക്ഷയോ ഇല്ലാതെ രാജ്യം വിടാന്‍ അവസരം നല്‍കുന്ന പൊതുമാപ്പ് ഡിസംബര്‍ 4 ചൊവ്വാഴ്ച മുതല്‍ പ്രാബല്യത്തില്‍ വന്നു.

രാജ്യത്തിന്റെ നാല്പത്തി ഒന്നാം ദേശീയ ദിന ത്തോടു അനുബന്ധിച്ചാണ് പൊതുമാപ്പ്. ഡിസംബര്‍ നാല് മുതല്‍ ഫെബ്രുവരി നാല് വരെ രണ്ടു മാസമാണ് പൊതുമാപ്പ് കാലാവധി.

അനധികൃത താമസ ക്കാര്‍ക്ക് രാജ്യത്തിന്‍റ വിവിധ മേഖല കളിലുള്ള താമസ – കുടിയേറ്റ വകുപ്പ് ഓഫീസുകളില്‍ എത്തി രേഖകള്‍ വാങ്ങി രാജ്യം വിടാം.

എന്നാല്‍ യു. എ. ഇ. യില്‍ തുടരാന്‍ ആഗ്രഹിക്കുന്നവര്‍ നിയമാനുസൃത പിഴ അടച്ച് ഫെബ്രുവരി നാലിന് മുമ്പ് താമസ രേഖകള്‍ ശരിയാക്കണം. പൊതു മാപ്പ് കാലാവധിക്ക് ശേഷം രാജ്യത്ത് തങ്ങുന്നവര്‍ക്കെതിരെ കര്‍ശന നടപടി ഉണ്ടാകും എന്നറിയുന്നു. അനധികൃത താമസ ക്കാരായ ഇന്ത്യക്കാര്‍ക്ക് പൊതുമാപ്പിന്റെ ആനുകൂല്യം ലഭ്യമാക്കാന്‍ ഇന്ത്യന്‍ എംബസി സംവിധാനം ഏര്‍പ്പെടു ത്തിയിട്ടുണ്ട്.

പൊതുമാപ്പിന്റെ ആനുകൂല്യം ലഭ്യമാക്കാനും പരമാവധി അനധികൃത താമസ ക്കാര്‍ക്ക് എത്രയും വേഗം നാട്ടിലേക്ക് പോകാനും ആഭ്യന്തര മന്ത്രാലയം വിപുലമായ സംവിധാനങ്ങള്‍ ഏര്‍പ്പെടുത്തി. രാജ്യത്തെ എല്ലാ എമിറേറ്റുകളിലും ഇതിനു വേണ്ടി നടപടി സ്വീകരിച്ചു.

പൊതുമാപ്പ് സംബന്ധിച്ച വിവരങ്ങള്‍ ക്കായി ആഭ്യന്തര മന്ത്രാലയ ത്തിലെ താമസ – കുടിയേറ്റ വകുപ്പിന് കീഴിലുള്ള കോള്‍ സെന്‍ററി ലേക്ക് 8005111 എന്ന ടോള്‍ ഫ്രീ നമ്പറില്‍ വിളിക്കാം.

അബുദാബി എമിറേറ്റിലെ അനധികൃത താമസക്കാര്‍ നേരിട്ട് എത്താവുന്ന സ്ഥലങ്ങള്‍ :

1. അബുദാബി : മുസ്സഫ ഐ. ഡി. റജിസ്ട്രേഷന്‍ ഓഫീസ് (EIMASS കമ്പനി).

2. അല്‍ഐന്‍: റസിഡന്‍സി ആന്‍ഡ് ഫോറിനേഴ്സ് അഫയേഴ്സ് ഡിപ്പാര്‍ട്ട്മെന്‍റ് (EIMASS കമ്പനി).

3. പശ്ചിമ മേഖല : റസിഡന്‍സി ആന്‍ഡ് ഫോറിനേഴ്സ് അഫയേഴ്സ് ഡിപ്പാര്‍ട്ട്മെന്‍റ് (EIMASS കമ്പനി).

- pma

വായിക്കുക: , , ,

അഭിപ്രായം എഴുതുക »

പൊതുമാപ്പ് പ്രയോജന പ്പെടുത്തുന്ന ആദ്യ 100 പേര്‍ക്ക് ജോലി

December 3rd, 2012

norka-roots-abudhabi-with-ma-yousuf-ali-ePathram
അബുദാബി : യു. എ. ഇ. സര്‍ക്കാര്‍ പ്രഖ്യാപിച്ച പൊതുമാപ്പ് പ്രവാസി സമൂഹത്തിനു പ്രയോജന പ്പെടുത്തും വിധം സംഘടനകളും പൊതു സമൂഹവും ഉണര്‍ന്നു പ്രവര്‍ത്തി ക്കണമെന്ന് നോര്‍ക്ക – റൂട്ട്സ് വൈസ് ചെയര്‍മാന്‍ കൂടിയായ എം. എ. യുസുഫ് അലി.

അബുദാബി യിലെ സംഘടന പ്രതിനിധി കളുമായും സാമൂഹിക പ്രവര്‍ത്ത കരുമായും നടത്തിയ മുഖാമുഖ ത്തിലായിരുന്നു അദ്ദേഹം ഇക്കാര്യം അറിയിച്ചത്.

നോര്‍ക്ക -റൂട്ട്സ് സി. ഇ. ഓ. നോയല്‍ തോമസിന്റെ സാന്നിദ്ധ്യ ത്തില്‍ സംസ്ഥാന സര്‍ക്കാരിന്റെയും ഇന്ത്യന്‍ എംബസ്സി യുടെയും ശ്രദ്ധ യിലേക്കായി ചില നിര്‍ദേശങ്ങള്‍ കൂടി വെക്കുകയും ചെയ്തു.

നോര്‍ക്ക യുടെ പ്രതിനിധിയെ പൊതു മാപ്പ് പ്രയോജന പ്പെടുത്തുന്ന വരുടെ കാര്യ ങ്ങള്‍ക്കായി മാത്രം എംബസ്സി യില്‍ നിയമിക്കുക, ഇപ്പോള്‍ എംബസി പ്രഖ്യാപിച്ചിട്ടുള്ള 69 ദിര്‍ഹം ചാര്‍ജ് ഒഴിവാക്കി ഔട്ട്‌ പാസ്‌ സൗജന്യമായി നല്‍കുക, എംബസ്സി യുടെ കമ്മ്യുണിറ്റി വെല്ഫെര്‍ ഫണ്ടില്‍ നിന്നും എയര്‍ ടിക്കറ്റ്‌ സൗജന്യമായി നല്‍കാവുന്ന സൗകര്യം ഒരുക്കുക, പ്രവാസി സംഘടനാ പ്രധിനിധി കളെ ഉള്‍പെടുത്തി ഒരു കോര്‍ കമ്മിറ്റി രൂപീകരിച്ച് പൊതുമാപ്പ് പ്രയോജന പ്പെടുത്തി രാജ്യം വിടാന്‍ ആഗ്രഹിക്കു ന്നവര്‍ക്ക് ബോധ വല്കരണവും വേണ്ടുന്ന നിയമ സഹായങ്ങളും ഉറപ്പു വരുത്തുകയും അതിന്റെ വിശദാംശങ്ങള്‍ നോര്‍ക്ക പ്രതിനിധി യെയും അതിലൂടെ എംബസ്സി യെയും അറിയിക്കുക വഴി പ്രവര്‍ത്ത നങ്ങള്‍ സുഗമ മാക്കുകയും നിയമ നടപടികളെ ലഘൂകരിക്കാന്‍ സാധിക്കു മെന്നും അദ്ദേഹം പ്രത്യാശ പ്രകടിപ്പിച്ചു.

മാത്രമല്ല ഈ പൊതുമാപ്പ് വേണ്ട വിധം പ്രയോജന പ്പെടുത്തിയില്ല എങ്കില്‍ തുടര്‍ന്ന് വരുന്ന ശക്ത മായ ശിക്ഷാ നടപടികള്‍ നേരിടാന്‍ പ്രവാസി സമൂഹം കരുതി ഇരിക്കണ മെന്നും ഇനി ഒരു പൊതു മാപ്പ് സംവിധാനം പ്രതിക്ഷിക്കെണ്ടതില്ല എന്നും എം. എ. യൂസഫലി ഓര്‍മിപ്പിച്ചു.

തുടര്‍ന്ന് സംസാരിച്ച നോര്‍ക്ക – റൂട്ട്സ് സി. ഇ. ഓ. നോയല്‍ തോമസ്‌ പ്രവാസി ഇന്‍ഷ്വറന്‍സിനെ കുറിച്ച് വിശദീകരിച്ചു.

പൊതു മാപ്പില്‍ നാട്ടില്‍ എത്തുന്ന പ്രവാസികളെ പുനരധിവസിപ്പിക്കള്‍ പദ്ധതി യും ആദ്യ100 പേര്‍ക്ക് തൊഴില്‍ അവസരം ഒരുക്കു മെന്നും മറ്റുള്ളവര്‍ക്ക് സ്വയം തൊഴില്‍ പദ്ധതികളും അതിനുള്ള സഹായങ്ങളും ഒരുക്കും.

കഴിഞ്ഞ പൊതു മാപ്പില്‍ മൊത്തം നാട്ടിലേയ്ക്ക് മടങ്ങിയ ഇന്ത്യക്കാരില്‍ അഞ്ചു ശതമാനം മാത്ര മായിരുന്നു മലയാളികള്‍. ഇക്കുറിയും മലയാളി കളുടെ എണ്ണം വളരെ കുറവായിരിക്കു മെന്നാണറിയാന്‍ സാധിച്ചത്. പൊതു മാപ്പില്‍ നാട്ടിലെത്തുന്നവരെ സഹായിക്കാനും അവരുടെ വീടു കളില്‍ സുരക്ഷിതമായി എത്തിക്കുന്നതിനും നോര്‍ക്ക പ്രത്യേക പദ്ധതി ആവിഷ്ക്കരിച്ചിട്ടുണ്ട്. വിമാന ത്താവള ത്തിലെ ഹെല്‍പ്പ് ഡെസ്കിലെത്തുന്ന പ്രവാസികള്‍ക്ക് വീടു കളിലെത്തി ക്കുന്നതുള്‍പ്പെടെ യുള്ള സഹായ ത്തോടൊപ്പം പിന്നീട് അവരുടെ പുനരധി വാസ നടപടി കളിലും നോര്‍ക്ക നടപടി സ്വീകരിക്കുമെന്ന് നോയല്‍ തോമസ് പറഞ്ഞു.

പ്രവാസി പുനരധിവാസംകേരളം ഭയപ്പെടുന്ന ഒരു കാര്യമാണെന്നും ഇത് മുഖ്യമന്ത്രി യുടെ ശ്രദ്ധയില്‍ പ്പെടുത്തുമെന്നും അദ്ദേഹം അറിയിച്ചു.

- pma

വായിക്കുക: , , ,

അഭിപ്രായം എഴുതുക »

പൊതുമാപ്പ് : നോര്‍ക്ക ഡയറക്ടര്‍ നോയല്‍ തോമസ് യു. എ. ഇ. യില്‍

November 30th, 2012

noyal-thomas-epathram

അബുദാബി : യു. എ. ഇ. യില്‍ പ്രഖ്യാപിച്ച പൊതു മാപ്പിന്റെ പശ്ചാത്തല ത്തില്‍ കൂടുതല്‍ കേരളീയരെ നാട്ടില്‍ എത്തിക്കുന്ന തിനായുള്ള നടപടികള്‍ ക്കായി നോര്‍ക്ക – റൂട്ട്‌സ് ഡയറക്ടര്‍ ആന്‍ഡ് ചീഫ് എക്‌സിക്യൂട്ടീവ് ഓഫീസര്‍ നോയല്‍ തോമസ് യു. എ. ഇ. യിലെ വിവിധ സംഘടനാ പ്രതിനിധി കളുമായി ചര്‍ച്ചകള്‍ നടത്തുന്നു.

നവംബര്‍ 30 വെള്ളിയാഴ്ച രാവിലെ 10 മണിക്ക് ഷാര്‍ജ ഇന്ത്യന്‍ അസോസിയേഷന്‍ ഹാളിലും ഡിസംബര്‍ 1 ശനിയാഴ്ച രാവിലെ 10.30 നു നോര്‍ക്ക-റൂട്ട്‌സ് വൈസ് ചെയര്‍മാന്‍ എം. എ. യൂസഫലിയുടെ അദ്ധ്യക്ഷത യില്‍ അബുദാബി ഇന്ത്യാ സോഷ്യല്‍ സെന്ററിലും (ISC) ഡിസംബര്‍ 2 ഞായര്‍ ദുബായില്‍ വിവിധ മലയാളി പ്രവാസി അസോസ്സി യേഷനുകളുടെ കൂട്ടായ്മയുടെ നേതൃത്വ ത്തിലും യോഗങ്ങള്‍ ഉണ്ടായിരിക്കും..

- pma

വായിക്കുക: , ,

അഭിപ്രായം എഴുതുക »


« Previous Page« Previous « സായിദ് എഡ്യൂക്കേഷണൽ അവാർഡിന് തിരുവഞ്ചൂർ മുഖ്യാതിഥി
Next »Next Page » പൊതുമാപ്പ് പ്രയോജന പ്പെടുത്തുന്ന ആദ്യ 100 പേര്‍ക്ക് ജോലി »



  • ജിമ്മി ജോർജ്ജ് വോളി : ലൈഫ് ടൈം അച്ചീവ് മെന്റ് അവാർഡ് മാണി സി. കാപ്പന്
  • ജിമ്മി ജോർജ്ജ് സ്മാരക റമദാൻ വോളി : മാർച്ച് 27 ന് അബുദാബിയിൽ തുടക്കം
  • ദുബായ് സർക്കാരിന് പുതിയ ലോഗോ
  • ഇഖ്‌വ ഇഫ്‌താർ സംഗമം സംഘടിപ്പിച്ചു
  • ശൈഖ് മുഹമ്മദ് ബിൻ സായിദ് സമൂഹ ഇഫ്താറിൽ : വീഡിയോ വൈറൽ
  • മൂന്നാമത് ഇ. കെ. നായനാര്‍ സ്മാരക ഫുട് ബോൾ ടൂർണ്ണ മെന്റിന് വർണ്ണാഭമായ തുടക്കം
  • ഗാസയിലെ പരിക്കേറ്റവർക്ക് 2 ദശ ലക്ഷം ദിര്‍ഹത്തിൻ്റെ മെഡിക്കൽ സഹായം എത്തിച്ച് ബുര്‍ജീല്‍ ഹോൾഡിംഗ്സ്
  • ഇ. കെ. നായനാര്‍ സ്മാരക ഫുട് ബോൾ ടൂർണ്ണ മെൻ്റ് മാർച്ച് 16, 17 തിയ്യതികളിൽ
  • അൽ ഐൻ മലയാളി സമാജം പുതിയ കമ്മിറ്റി
  • ജിമ്മി ജോർജ്ജ് മെമ്മോറിയൽ വോളി ബോൾ ടൂർണ്ണ മെൻ്റ് മാർച്ച് 27 മുതൽ
  • മികച്ച നേട്ടം കൈവരിച്ച് ബുര്‍ജീല്‍ ഹോൾഡിംഗ്സ്
  • ബാ​പ്സ് ഹി​ന്ദു മ​ന്ദി​റി​ലേ​ക്ക് പു​തി​യ ബസ്സ് (203) സർവ്വീസ്
  • റമളാൻ ഹദിയ : ബ്രോഷർ പ്രകാശനം ചെയ്തു
  • അൽ ഐൻ ഓര്‍ത്തഡോക്‌സ് പള്ളിയില്‍ ഓർമ്മപ്പെരുന്നാളും പൊതു സമ്മേളനവും
  • വ്യക്തി കേന്ദ്രീകൃതമായ ചികിത്സയിലൂടെ അർബുദത്തെ നേരിടുന്നതിൽ വൻ മുന്നേറ്റം ഉണ്ടാക്കുവാൻ കഴിയും : പ്രൊഫ. ജെയിംസ് ആലിസൺ
  • സായിദ് എയർ പോർട്ടിൽ ആരോഗ്യ സേവനങ്ങൾക്കായി ബുർജീലിനെ തെരഞ്ഞെടുത്തു
  • മലപ്പുറം ജില്ലാ കെ. എം. സി. സി. യുടെ TASKCON പ്രഖ്യാപനം
  • ഫുഡ്‌ ഫെസ്റ്റ് സീസൺ-2 : വിജയികൾക്ക് സമ്മാനങ്ങൾ വിതരണം ചെയ്തു
  • ഗൂഗിള്‍ ക്രോം ഉപയോക്താക്കള്‍ക്ക് മുന്നറിയിപ്പ്
  • ഖുർആൻ പാരായണ മത്സരം



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine