 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : നിച്ച് ഓഫ് ട്രൂത്ത്‌ ഡയറക്ടറും, സ്നേഹ സംവാദം പത്രാധിപരുമായ എം. എം. അക്ബര്‍ എഴുതിയ “മുഹമ്മദ് നബി – നബി നിന്ദ ഭീകരത” എന്ന പുസ്തകം ഡോ. ഇബ്രാഹിമിന് നല്‍കി ദുബായ് ഇസ്ലാമിക്‌ അഫേഴ്സ് ഇന്‍സ്റിറ്റ്യൂഷന്‍ വിഭാഗം മേധാവി അബ്ദുള്ള യൂസുഫ്‌ അല്‍ അലി പ്രകാശനം ചെയ്തു.
- ജെ.എസ്.
അബുദാബി : ലോക തലത്തില്‍ ഏറെ ശ്രദ്ധിക്കപ്പെടുന്ന സാഹിത്യ രൂപമാണ് ബ്ലോഗ്‌. ഗള്ഫ് ജീവിതം ഇന്ന് ഏറ്റവും കൂടുതല്‍ ആവിഷ്കരിക്കപ്പെട്ടു കൊണ്ടിരിക്കുന്നത് ബ്ലോഗി ലൂടെയാണ്. മലയാള സാഹിത്യ ചരിത്രത്തെ കുറിച്ച് കേരള ഭാഷാ ഇന്‍സ്റിറ്റ്യൂട്ട് തയ്യാറാക്കുന്ന ഗ്രന്ഥത്തില്‍ ബ്ലോഗ്‌ സാഹിത്യ ത്തെക്കുറിച്ച് ഒരു അദ്ധ്യായം തന്നെ ഉള്‍പ്പെടുത്തുന്നുണ്ട് എന്നും കേരള ഭാഷാ ഇന്‍സ്റ്റിറ്റ്യൂട്ട് എഡിറ്റര്‍ ഡോ. അസീസ്‌ തരുവണ പറഞ്ഞു. ഇറാഖ്‌ യുദ്ധ കാലത്ത് പ്രമുഖ പത്ര പ്രവര്‍ത്തകനായ സലാം ബക്സ് ബ്ലോഗി ലൂടെയും ലബനോന്‍ യുദ്ധ കാലത്ത് മറ്റൊരു ബ്ലോഗറായ ഒരു പെണ്‍കുട്ടിയുടെ ഡയറിക്കുറിപ്പു കളിലൂടെയും ആയിരുന്നു വാര്‍ത്തകള്‍ സത്യസന്ധ മായി ലഭിച്ചു കൊണ്ടിരുന്നത് എന്നും അദ്ദേഹം സൂചിപ്പിച്ചു.
ഏറനാടന്‍ എന്ന പേരില്‍ ബൂലോഗത്തില്‍ പ്രശസ്തനായ സാലിഹ് കല്ലട യുടെ സിനിമ യുമായി ബന്ധപ്പെട്ട അനുഭവ ക്കുറിപ്പുകളായ “ഒരു സിനിമാ ഡയറിക്കുറിപ്പ്” എന്ന ബ്ലോഗിലെ തിരഞ്ഞെടുത്ത 16 അനുഭവങ്ങള്‍, പുസ്തക മാക്കിയത്‌ അബുദാബിയില്‍ പ്രകാശനം ചെയ്യുന്ന വേളയിലാണ് ഡോ. അസീസ്‌ പ്രവാസ സാഹിത്യത്തില്‍ ബ്ലോഗിന്റെ പ്രസക്തിയെ പറ്റി നിരീക്ഷണം നടത്തിയത്.
കേരളാ സോഷ്യല്‍ സെന്‍ററില്‍ നടന്ന ചടങ്ങില്‍, ഡോ. അസീസ്‌ തരുവണയ്ക്ക് കഥാകൃത്ത്‌ ശിഹാബുദ്ധീന്‍ പൊയ്ത്തുംകടവ് പുസ്തകം നല്‍കി പ്രകാശനം നിര്‍വഹിച്ചു.
സിനിമ യുമായി ബന്ധപ്പെട്ട തന്റെ അനുഭവങ്ങള്‍ പങ്കു വെച്ച ശിഹാബുദ്ധീന്‍ പൊയ്ത്തുംകടവ്, കലകളില്‍ ഇത്രയേറെ മനുഷ്യ വിരുദ്ധമായ കാര്യങ്ങള്‍ നടക്കുന്ന മറ്റൊരു വേദി ഇല്ല എന്നും, ഇപ്പോഴും ചാതുര്‍ വര്‍ണ്യം നില നില്‍ക്കുന്ന സിനിമ യുടെ പിന്നാമ്പുറ കഥകളെ പറ്റിയും സൂചിപ്പിച്ചു. ഭക്ഷണം പോലും നാല് തരത്തില്‍ പാചകം ചെയ്യപ്പെടുന്ന സിനിമ യുടെ പിന്നാമ്പുറ കഥകള്‍ പലപ്പോഴും പോളിഷ് ചെയ്താണ് നമ്മുടെ മുന്നില്‍ എത്തുന്നത് എന്നും അദ്ദേഹം പറഞ്ഞു.
പ്രമുഖ പത്ര പ്രവര്ത്തകന് സഫറുള്ള പാലപ്പെട്ടി പുസ്തകം സദസ്സിനു പരിചയപ്പെടുത്തി. കേരള സോഷ്യല്‍ സെന്റര്‍ ജനറല്‍ സെക്രട്ടറി ബക്കര്‍ കണ്ണപുരം അദ്ധ്യക്ഷത വഹിച്ചു. സാഹിത്യ വിഭാഗം സെക്രട്ടറി അയൂബ് കടല്‍മാട്‌ സ്വാഗതവും ജോ. സെക്രട്ടറി എ. എല്‍. സിയാദ്‌ നന്ദിയും പറഞ്ഞു.
-
ഷാര്ജ : പ്രേരണ യു. എ. ഇ. യുടെ നേതൃത്വത്തില്‍ ആഗസ്ത് 13 വെള്ളിയാഴ്ച വൈകീട്ട് 7 മണിക്ക് ഷാര്ജ ഇന്ത്യന്‍ അസോസിയേഷന്‍ ഹാളില്‍ വച്ച് പ്രശസ്ത ഇന്ത്യന്‍ സാഹിത്യകാരന്‍ കോവിലനെയും പ്രശസ്ത പോര്ച്ചു ഗീസ്‌ എഴുത്തുകാരനും പ്രക്ഷോഭകാരിയും നോബല്‍ പുരസ്കാര ജേതാവുമായ ജോസ്‌ സരമാഗോവിനെയും അനുസ്മരിക്കുന്നു.
ജോസ്‌ സരമാഗോ അനുസ്മരണം ഡോ. അബ്ദുള്‍ ഖാദര്‍ നിര്‍വഹിക്കും. തുടര്ന്ന് ശ്രീ സി. വി. സലാം കോവിലന്‍ കൃതികളിലെ മിത്തുകളുടെ പശ്ചാത്തലം എന്ന വിഷയത്തിലും, സത്യന്‍ മാടാക്കര കോവിലന്‍ ഒരു ജനകീയ സാഹിത്യകാരന്‍ എന്ന വിഷയത്തിലും കേന്ദ്രീകരിച്ച് കോവിലന്‍ അനുസ്മരണ പ്രഭാഷണങ്ങള്‍ നടത്തും.
ജോസ്‌ സരമാഗോ
കഥകളുടെ ലഭ്യമായ ചിട്ടകളോട് കലഹിക്കുകയും ഇതിവൃത്തം, ഭൂമിക, ഭാഷാപരമായ വാസ്തുശില്പം, ദര്ശ‍നം ഇവയിലൊക്കെ സമകാലത്തിന്റെ അഭിരുചികളെ വിഭ്രമിപ്പിക്കുന്ന മറുലോകം ചമയ്ക്കുകയും ചെയ്ത കോവിലന്റെ കൃതികളെ ആസ്പദമാക്കി ശ്രീ. കെ. എ. മോഹന്‍ ദാസ്‌ തയ്യാറാക്കിയ “മലയാള കഥയിലെ ആന്റി തെസീസ്‌” എന്ന പഠനം തുടര്ന്ന് ചര്ച്ചയ്ക്കായി അവതരിപ്പിക്കും. ശ്രീ ബാലകൃഷ്ണന്‍ (ഷാര്ജ ഇന്ത്യന്‍ അസോസിയേഷന്‍ പ്രസിഡന്റ്) കോവിലനെ അനുസ്മരിച്ചു സംസാരിക്കും.
കൂടുതല്‍ വിവരങ്ങള്ക്ക് പ്രദോഷ്‌ കുമാര്‍ (050 5905862), ഭാനു (055 3386816) എന്നിവരെ ബന്ധപ്പെടുക.
- ജെ.എസ്.
വായിക്കുക: കേരള സാംസ്കാരിക വ്യക്തിത്വം, ചരമം, സാഹിത്യം
ബഹ്‌റൈന്‍ : കേരള സാഹിത്യ അക്കാദമി യുടെ നേതൃത്വ ത്തില്‍ സെപ്തംബര്‍ 11, 12, 13 തീയ്യതി കളില്‍ ബഹ്‌റൈന്‍ കേരളീയ സമാജ ത്തില്‍ വെച്ച് പ്രവാസി എഴുത്തു കാര്‍ക്കായി നോവല്‍ – ചെറുകഥ ശില്പശാല സംഘടിപ്പി ക്കുന്നു. ഗള്ഫ് മേഖല യിലെ മുഴുവന്‍ പ്രവാസി എഴുത്തു കാരേയും പങ്കെടുപ്പിച്ചു കൊണ്ടുള്ള സാഹിത്യ അക്കാദമി യുടെ ഇന്ത്യയ്ക്ക് പുറത്തുള്ള പ്രഥമ സംരംഭ മാണിത്. പ്രസ്തുത ശില്പശാല യില്‍ എം. മുകുന്ദന്‍ ക്യാമ്പ് ഡയരക്ടര്‍ ആയിരിക്കും. കൂടാതെ കെ. എസ്. രവികുമാര്‍, പ്രഭാവര്‍മ്മ, കെ. ആര്‍. മീര, പ്രഭാവര്‍മ്മ തുടങ്ങി മലയാള ത്തിലെ പ്രമുഖ സാഹിത്യ കാരന്‍മാര്‍ നേതൃത്വം നല്‍കുകയും ചെയ്യും. പ്രസ്തുത ശില്പശാല യിലേക്ക് പങ്കെടുക്കുന്ന തിനായി എഴുത്തുകാര്‍ അവരുടെ ഏതെങ്കിലും ഒരു കൃതി ആഗസ്ത് 15 ന് മുമ്പായി komath.iringal at gmail dot com എന്ന വിലാസ ത്തില്‍ ഇ- മെയില്‍ അയക്കുക.
കൂടുതല്‍ വിവരങ്ങള്‍ അറിയാന്‍ ബന്ധപ്പെടുക: രാജു ഇരിങ്ങല്‍ – 00 973 338 92 037.
സന്ദര്‍ശിക്കുക http://www.bahrainkeraleeyasamajam.com/ ബഹ്‌റൈന്‍ കേരളീയ സമാജം വെബ്സൈറ്റ്‌.
- pma
ഷാര്ജ : അനുഭവങ്ങള്‍ ഒരു സാഹിത്യകാരനെ എങ്ങനെ സൃഷ്ടിക്കുന്നു എന്നതിന് ഉത്തമ ദൃഷ്ടാന്തമായിരുന്നു ശ്രീ വൈക്കം മുഹമ്മദ് ബഷീര്‍ എന്ന് മാധ്യമ പ്രവര്ത്തകന് നാസര്‍ ബേപ്പൂര്‍ അഭിപ്രായപ്പെട്ടു. ലോക സാഹിത്യത്തിന്റെ നെറുകയിലേയ്ക്ക് മലയാളത്തെ ഉയര്ത്തിയ ആ അനശ്വര പ്രതിഭയെ അനുസ്മരിക്കുക എന്നത് മലയാളത്തെ ആദരിക്കുന്നതിനു തുല്യമാണ്. മാസ്സ് ഷാര്ജ സംഘടിപ്പിച്ച ബഷീര്‍ അനുസ്മരണത്തില്‍ സംസാരിക്കുകയായിരുന്നു അദ്ദേഹം.
സാമൂഹ്യ യാഥാര്ത്ഥ്യങ്ങള്‍ തുറന്നു കാട്ടുന്നതിലുടെ സാമ്പ്രദായികതയ്ക്കും യാഥാസ്ഥിതി കതയ്ക്കുമെതിരെ ശക്തമായ നിലപാടുകള്‍ സ്വീകരിക്കുകയും, സാര്‍വ ലൌകിക സ്നേഹത്തിന്റെ മഹത്തായ സന്ദേശം പകരുകയുമാണ് ബഷീര്‍ ചെയ്തത്. മനുഷ്യ കുലത്തെ മാത്രമല്ല പ്രപഞ്ചത്തിലെ മുഴുവന്‍ ചരാചരങ്ങളെയും സ്നേഹിക്കണമെന്നു ബഷീര്‍ തന്റെ കൃതികളിലൂടെ നമ്മെ ഉദ്ബോധിപ്പിച്ചു. കള്ളന്റെയും പിടിച്ചു പറിക്കാരന്റെയും മറ്റ് എല്ലാ വില്ലന്‍ കഥാപാത്രങ്ങളുടെയും ഉള്ളിലെ നന്മയുടെ വെളിച്ചമാണ് ബഷീര്‍ കൃതികള്‍ നമുക്ക് പകര്ന്നു തന്നത് എന്ന് നാസ്സര്‍ ബേപ്പൂര്‍ അഭിപ്രായപ്പെട്ടു.
തുടര്ന്ന് അരവിന്ദന്‍ പണിക്കശ്ശേരി കഥാവിഷ്കാരം നടത്തി. കുമാരനാശാനു ശേഷം മലയാളത്തിന് കിട്ടിയ മഹാ പ്രതിഭയാണ് ബഷീര്‍ എന്ന് അദ്ദേഹം അനുസ്മരിച്ചു. “അനര്ഘം നിമിഷം” ബഷീര്‍ ഗദ്യത്തില്‍ എഴുതിയ പ്രണയ കവിതയാണ്. ഏറെ വര്ഷങ്ങള്ക്കു് ശേഷം ഒരു യുവ എഴുത്തുകാരന്‍ മലയാളത്തിലെ പ്രണയ കവിതകള്‍ പുന: പ്രസിദ്ധീകരി ക്കുകയാണെങ്കില്‍ അതിനു ആമുഖമായി കൊടുക്കുക അതിസുന്ദരമായ “അനര്ഘം നിമിഷ” ത്തിലെ വരികളായിരിക്കും എന്ന് അരവിന്ദന്‍ പണിക്കശ്ശേരി അഭിപ്രായപ്പെട്ടു. അത്ര മാത്രം കലാതിവര്തിയാണ് ആ കാവ്യം.
ഷാര്ജ ഇന്ത്യന്‍ അസ്സോസ്സിയേഷന്‍ പ്രസിഡന്റ് കെ. ബാലകൃഷ്ണന്‍, സെക്രട്ടറി നിസ്സാര്‍ തളങ്കര എന്നിവര്‍ സംസാരിച്ചു. മാസ്സ് വൈസ് പ്രസിഡന്റ് ശ്രീപ്രകാശ്‌ അധ്യക്ഷത വഹിച്ച ചടങ്ങിനു സാഹിത്യ വിഭാഗം കണ്‍വീനര്‍ അനില്‍ അമ്പാട്ട് സ്വാഗതവും, മാസ്സ് ജോ. സെക്രട്ടറി അഫ്സല്‍ നന്ദിയും പറഞ്ഞു. എം. എ. റഹ്മാന്‍ സംവിധാനം ചെയ്ത “ബഷീര്‍ ദി മാന്‍” എന്ന ഡോകുമെന്ററി പ്രദര്ശനവും നടന്നു.
- ജെ.എസ്.
വാര്‍ത്തകള്‍ കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
