വൺ ബില്യൺ മീൽസ് : ഒരു കോടി ദിർഹം സംഭാവന പ്രഖ്യാപിച്ച് ഡോ. ഷംഷീർ വയലിൽ

April 1st, 2023

doctor-shamsheer-vayalil-vps-health-care-ePathram
അബുദബി : റമദാനിൽ ദുർബ്ബല വിഭാഗങ്ങൾക്ക് സുസ്ഥിര ഭക്ഷണ വിതരണം ഉറപ്പാക്കാനുള്ള യു. എ. ഇ. യുടെ വൺ ബില്യൺ മീൽസ് പദ്ധതിക്ക് ഒരു കോടി ദിർഹം (22 കോടി രൂപ) സംഭാവന പ്രഖ്യാപിച്ച് ബുർജീൽ ഹോൾഡിംഗ്സ് സ്ഥാപകനും ചെയർ മാനുമായ ഡോ. ഷംഷീർ വയലിൽ.

യു. എ. ഇ. വൈസ് പ്രസിഡണ്ടും പ്രധാന മന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മക്തൂം നേതൃത്വം നൽകുന്ന ‘വൺ ബില്യൺ മീൽസ് എൻഡോവ്‌മെന്‍റ്’ കാമ്പയിന് പിന്തുണ ഏകിയാണ് ഒരു കോടി ദിർഹം സംഭാവന നല്‍കുന്നത്.

റമദാനിൽ സുസ്ഥിര ഭക്ഷണ വിതരണത്തിനായി എൻഡോവ്‌മെന്‍റ് ഫണ്ട് സ്ഥാപിക്കുക എന്ന ലക്ഷ്യ ത്തോടെ മുഹമ്മദ് ബിൻ റാഷിദ് അൽ മക്തൂം ഗ്ലോബൽ ഇനിഷ്യേ റ്റീവ്സ് (എം.ബി.ആർ.ജി.ഐ.) ആരംഭിച്ച പദ്ധതിയിലൂടെ ലോകമെങ്ങുമുള്ള ദുർബ്ബല ജനങ്ങൾക്ക് ഭക്ഷ്യ സുരക്ഷ ഉറപ്പാക്കി വരികയാണ്.

വ്യക്തികൾ, സ്ഥാപനങ്ങൾ, ബിസിനസ്സുകൾ, ചാരിറ്റികൾ, സാമൂഹിക സ്ഥാപനങ്ങൾ എന്നിവയിൽ നിന്നും മികച്ച പിന്തുണയാണ് കാമ്പയിന് ലഭിക്കുന്നത്.

അടുത്ത അഞ്ചു വർഷത്തേക്കാണ് ഡോ. ഷംഷീർ ഒരു കോടി ദിർഹം ലഭ്യമാക്കുക. ലോകമെമ്പാടും എം. ബി. ആർ. ജി. ഐ. നടപ്പിലാക്കുന്ന ജീവ കാരുണ്യ, മാനുഷിക പദ്ധതികൾക്കായി സംഭാവന ഉപയോഗ പ്പെടുത്തും.

മാനുഷിക സഹായവും ആശ്വാസവും ആരോഗ്യ സംരക്ഷണവും രോഗ നിയന്ത്രണവും വിദ്യാഭ്യാസവും വിജ്ഞാനവും പ്രചരിപ്പിക്കൽ, നൂതനാശയങ്ങൾ, സംരംഭകത്വവും കമ്മ്യൂണിറ്റികളെ ശാക്തീകരിക്കലും എന്നീ മേഖലകളിലൂന്നിയാണ് പദ്ധതികൾ നടപ്പാക്കുന്നത്.

ലോകമെമ്പാടുമുള്ള പ്രകൃതി ദുരന്തങ്ങളുടെയും പ്രതിസന്ധികളുടെയും ഇരകള്‍ അട ക്കമുള്ള ദുർബ്ബല വിഭാഗ ങ്ങൾക്ക് പിന്തുണയേകി യു. എ. ഇ. നേതൃത്വം നൽകുന്ന ‘വൺ ബില്യൺ മീൽസ് എൻഡോവ്‌ മെന്‍റ്’ കാമ്പയിന് പിന്തുണ നല്‍കുന്നതിൽ ഏറെ അഭിമാനം ഉണ്ട് എന്ന് ഡോ. ഷംഷീർ പറഞ്ഞു.

സഹായം ആവശ്യമുള്ളവർക്ക് ഐക്യ ദാർഢ്യവും പിന്തുണയും നൽകുന്ന യു. എ. ഇ. യുടെ പാരമ്പര്യ ത്തിൽ അധിഷ്ഠിതമായ പദ്ധതിയാണിത്. പട്ടിണിക്ക് എതിരെ പോരാടുകയും അർഹരായവർക്ക് ആരോഗ്യ കരമായ ഭാവി വാഗ്ദാനം ചെയ്യുന്ന ഉദ്യമത്തെ പിന്തുണക്കുവാന്‍ പ്രതിജ്ഞാ ബദ്ധനാണ് എന്നും അദ്ദേഹം വ്യക്തമാക്കി.

ഇത്തവണത്തെ വൺ ബില്യൺ മീൽസ് എൻഡോവ്‌മെന്‍റ് കാമ്പയിൻ കഴിഞ്ഞ വർഷത്തെ പദ്ധതിയുടെ തുടർച്ചയാണ്. 50 രാജ്യങ്ങളിലെ ദുർബ്ബല വിഭാഗങ്ങൾക്കാണ് പദ്ധതിയിലൂടെ കഴിഞ്ഞ വർഷം ഭക്ഷ്യ വസ്തുക്കൾ ലഭ്യമാക്കിയത്. ലോകം എമ്പാടുമുള്ള നിരാലംബർക്കും പോഷകാഹാര ക്കുറവുള്ളവർക്കും ഭക്ഷ്യസുരക്ഷ വാഗ്ദാനം ചെയ്യുന്ന മേഖലയിലെ തന്നെ ഏറ്റവും വലിയ പദ്ധതിക്ക് മുൻ വർഷങ്ങളിലും ഡോ. ഷംഷീർ സജീവ പിന്തുണ നൽകിയിരുന്നു.

- pma

വായിക്കുക: , , , , , , , ,

അഭിപ്രായം എഴുതുക »

ചാ​ര്‍ട്ടേ​ഡ് അ​ക്കൗ​ണ്ട​ന്‍റ്​​സ് അ​ന്താ​രാ​ഷ്ട്ര സെ​മി​നാ​ര്‍ ഫെബ്രുവരി നാലു മുതല്‍

February 1st, 2023

logo-the-institute-of-chartered-accountant-of-india-ePathram
അബുദാബി : ദി ഇൻസ്റ്റിറ്റ്യൂട്ട് ഓഫ് ചാർട്ടേഡ് അക്കൗണ്ടന്‍റ്സ് ഓഫ് ഇന്ത്യ (ഐ. സി. എ. ഐ.) അബുദാബി ചാപ്റ്ററിന്‍റെ 34 ആമത് അന്താ രാഷ്ട്ര വാർഷിക സെമിനാർ രണ്ടു ദിവസങ്ങളിലായി അബുദാബിയില്‍ വെച്ച് നടക്കും എന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.

അബുദാബി ബാബ് അൽ ബഹ്ർ ഫയർ മോണ്ട് ഹോട്ടലിൽ 2023 ഫെബ്രുവരി 4, 5 (ശനി, ഞായർ) തിയ്യതികളില്‍ ഒരുക്കുന്ന സെമിനാറില്‍ സാമ്പത്തിക, ആരോഗ്യ, നിക്ഷേപ, കായിക, മാധ്യമ, സാഹിത്യ മേഖലകളില്‍ നിന്നുള്ള പ്രമുഖ വ്യക്തിത്വങ്ങള്‍ സംബന്ധിക്കും.

institute-of-chartered-accountant-of-india-icai-34-st-annual-seminar-in-abudhabi-ePathram

2023 ഫെബ്രുവരി നാല്, ശനിയാഴ്ച രാവിലെ 9 മണി മുതൽ വൈകുന്നേരം 4 മണി വരെ നടക്കുന്ന സമ്മേളനത്തിൽ യു. എ. ഇ. യിലെ ഇന്ത്യൻ സ്ഥാനപതി സഞ്ജയ് സുധീർ, ധന മന്ത്രാലയത്തിലെ അണ്ടര്‍ സെക്രട്ടറി ഹാജി അല്‍ ഖൂരി, ലുലു ഗ്രൂപ്പ് ചെയർമാൻ എം. എ. യൂസുഫലി, ആസ്റ്റർ എം. ഡി. ഡോക്ടർ ആസാദ് മൂപ്പൻ, ന്യൂസിലാൻഡ് ക്രിക്കറ്റര്‍ ജെയിംസ് ഫ്രാങ്ക്‌ളിൻ, ഇന്ത്യൻ ക്രിക്കറ്റര്‍ റോബിൻ ഉത്തപ്പ, ബുർജീൽ ഹോൾഡിംഗ്സ് ചെയർമാൻ ഡോക്ടർ ഷംഷീർ വയലിൽ കൂടാതെ ഇന്ത്യയിൽ നിന്നും യു. എ. ഇ. യിൽ നിന്നുമുള്ള പ്രമുഖ വ്യക്തിത്വങ്ങളും സംബന്ധിക്കും.

ശനിയാഴ്ച വൈകുന്നേരം 7 മണി മുതൽ ബോളിവുഡ് ഗായിക കനിക കപൂര്‍ നയിക്കുന്ന സംഗീത നിശയും അരങ്ങേറും.

press-meet-icai-34-st-international-annual-seminar-ePathram

ഫെബ്രുവരി അഞ്ച്, ഞായറാഴ്ച രാവിലെ 9 മണി മുതല്‍ മുതൽ വൈകുന്നേരം 6 മണി വരെ നടക്കുന്ന സമ്മേളന ത്തിൽ ‘പരിവർത്തന ത്തിന്‍റെ പുനർനിർവ്വചനം : അനന്ത സാദ്ധ്യതകൾ’ എന്ന പ്രമേയത്തില്‍ പ്രമുഖ സാഹിത്യകാരൻ ചേതൻ ഭഗത് സംവദിക്കും. എണ്ണൂറോളം പ്രതിനിധികൾ സെമിനാറില്‍ ഭാഗമാകും എന്നും സംഘാടകർ അറിയിച്ചു.

institute-of-chartered-accountant-of-india-34-th-annual-seminar-press-meet-ePathram

ഐ. സി. എ. ഐ. ചെയർമാൻ സി. എ. ജോൺ ജോർജ്, വൈസ് ചെയർമാൻ കൃഷ്ണൻ, ജനറൽ സെക്രട്ടറി എൻ. വി. രോഹിത് ദയ്മ, ട്രഷറർ പ്രിയങ്ക ബിർള, അജയ് സിംഗ്വി, ഷഫീഖ് നീലയിൽ, അനു തോമസ്, മുഹമ്മദ് ഷഫീഖ്, രമേഷ് ദവെ, അങ്കിത് കോത്താരി എന്നിവര്‍ വാർത്താ സമ്മേളനത്തിൽ പങ്കെടുത്തു. Twitter

- pma

വായിക്കുക: , , , , , , ,

അഭിപ്രായം എഴുതുക »

രക്തം ദാനം ചെയ്ത് തവക്കല്‍ ടൈപ്പിംഗ് ഗ്രൂപ്പ് ജീവനക്കാര്‍

February 1st, 2023

mass-blood-donation-drive-al-tawakkal-team-ePathram
അബുദാബി : അൽതവക്കൽ ടൈപ്പിംഗ് സെന്‍റര്‍ സംഘടിപ്പിച്ച മാസ്സ് ബ്ലഡ് ഡൊണേഷൻ ഡ്രൈവും ആൽഫ തവക്കൽ ലോഗോ പ്രകാശനവും മുസ്സഫ യിലെ തവക്കൽ ടൈപ്പിംഗ് ഹെഡ് ഓഫീസിൽ വെച്ച് നടന്നു.

അബുദാബി ബ്ലഡ് ബാങ്കുമായി സഹകരിച്ചു നടത്തിയ മാസ്സ് ബ്ലഡ് ഡൊണേഷൻ ഡ്രൈവ്, പൗര പ്രമുഖനും വ്യവസായിയുമായ ഖാദിം സുൽത്താൻ റാഷിദ് അൽ ജുനയ്ബി ഉദ്ഘാടനം ചെയ്തു. അഹമ്മദ് അബ്ദുൽ മുഈൻ അഹമ്മദ് മുഹമ്മദ് ബുഅയ്നയ്ന്, അഹമ്മദ് അലവി അഹമ്മദ് സാലിം എന്നിവർ മുഖ്യാതിഥികള്‍ ആയിരുന്നു.

al-tawakkal-typing-alpha-digital-logo-release-ePathram

ആൽഫ തവക്കല്‍ ലോഗോ പ്രകാശനം

അൽതവക്കൽ ഗ്രൂപ്പിനു കീഴിലെ 150 ഓളം ജീവനക്കാർ രക്തം ദാനം ചെയ്തു. തവക്കല്‍ ഗ്രൂപ്പിന്‍റെ ഡിജിറ്റൽ വിഭാഗമായ ആൽഫ തവക്കല്‍ ലോഗോ പ്രകാശനം ചെയ്തു.

മാനേജിംഗ് ഡയറക്ടർ സി. കെ മൻസൂർ, ജനറൽ മാനേജർ സി. മുഹിയുദ്ധീന്‍, സീനിയർ ജനറൽ മാേനജർമാരായ കെ. ദേവദാസൻ, എം. ഷാജഹാൻ, പി. ഫൈസൽ അലി, കെ. വി. മുഹമ്മദ് ഷരീഫ്, സി. ഷമീർ, എൻ. മുഹമ്മദ് ആസിഫ് തുടങ്ങിയവര്‍ നേതൃത്വം നല്‍കി. Altawakkal : Twitter

- pma

വായിക്കുക: , , , , , , , ,

അഭിപ്രായം എഴുതുക »

അൽ തവക്കൽ രക്തദാന ക്യാമ്പ് വെള്ളിയാഴ്ച

January 25th, 2023

al-tawakkal-typing-blood-donation-camp-press-meet-ePathram

അബുദാബി : രക്ത ദാനത്തിന്‍റെ മഹത്വം പ്രവാസി സമൂഹത്തെ വീണ്ടും ഓര്‍മ്മിപ്പിച്ചു കൊണ്ട് തലസ്ഥാന നഗരിയിലെ പ്രമുഖ സ്ഥാപനമായ അൽ തവക്കൽ ടൈപ്പിംഗ് സെന്‍റര്‍ ജീവനക്കാര്‍ ബോധ വല്‍ക്കരണ ക്യാമ്പും രക്ത ദാനവും സംഘടിപ്പിക്കുന്നു.

മുസ്സഫ ഇന്‍ഡസ്ട്രിയല്‍ ഏരിയ (10) യിലാണ് അബു ദാബി ബ്ലഡ് ബാങ്കുമായി സഹകരിച്ച് അൽ തവക്കൽ ടൈപ്പിംഗ് സെന്‍ററിലെ 150 ഓളം ജീവനക്കാര്‍ രക്ത ദാനം ചെയ്യുക എന്ന് അധികൃതര്‍ വാര്‍ത്താ സമ്മേളനത്തില്‍ അറിയിച്ചു.

പോറ്റമ്മ നാടിനോടുള്ള സ്നേഹവും ബഹുമാനവും പ്രകടിപ്പിച്ചു കൊണ്ട് യു. എ. ഇ. യുടെ 51 ആം ദേശീയ ദിനത്തിൽ ആരംഭം കുറിച്ച രക്ത ദാന പരിപാടിയുടെ സമാപനം കൂടിയാണ് 2023 ജനുവരി 27 വെള്ളിയാഴ്ച ഒരുക്കുന്ന രക്ത ദാന ക്യാമ്പ്.

കേരളത്തിലെ പൊതു സമൂഹത്തിലും അൽ തവക്കല്‍ ടീം സജീവമായി പ്രവര്‍ത്തിച്ചു വരുന്നുണ്ട്. പ്രളയം, ഉരുൾ പൊട്ടൽ, കൊവിഡ് വ്യാപന സാഹചര്യങ്ങളും കേരളത്തിൽ ഒട്ടേറെ കാരുണ്യ പ്രവർത്തനങ്ങളില്‍ അൽ തവക്കല്‍ ടീം സജീവമായി ഇടപെടലുകള്‍ നടത്തിയിട്ടുണ്ട്.

സ്വദേശികളും വിദേശികളുമായ സാമൂഹ്യ സേവന രംഗത്തെ പ്രമുഖർ സംബന്ധിക്കുന്ന രക്തദാന ക്യാമ്പ് പരിപാടി യിൽ സാമൂഹ്യ സേവന രംഗത്തും മറ്റു ജീവ കാരുണ്യ പ്രവർത്തനങ്ങൾക്കും നേതൃത്വം നൽകുന്ന തിനായി തവക്കല്‍ മാനേജ് മെന്‍റിന്‍റെ കീഴില്‍ സ്ഥാപനത്തിലെ ജീവനക്കാരേയും കൂടി ഉൾക്കൊള്ളിച്ചു കൊണ്ട് സന്നദ്ധ സേവകരുടെ കൂട്ടായ്മയായി ‘തവക്കൽ വളണ്ടിയേഴ്സി’ ന് രൂപം നൽകും.

ഇതോട് അനുബന്ധിച്ച് ബ്ലഡ് ഡൊണേഴ്സ് യൂണിറ്റിനു രൂപം നൽകി അടിയന്തര ഘട്ടത്തിൽ ആവശ്യക്കാര്‍ക്ക് രക്തം എത്തിക്കുവാന്‍ സംവിധാനം ഒരുക്കും എന്നും തവക്കല്‍ മാനേജിംഗ് ഡയറക്ടര്‍ സി. കെ. മൻസൂർ പറഞ്ഞു.

അൽ തവക്കല്‍ ജനറൽ മാനേജർ സി. മുഹിയുദ്ദീൻ, സീനിയർ ജനറൽ മാനജർമാരായ കെ. ദേവദാസൻ, എം. ഷാജഹാൻ, പി. ഫൈസൽ അലി, കെ. വി. മുഹമ്മദ് ഷരീഫ്, സി. ഷമീർ, എൻ. മുഹമ്മദ് ആസിഫ് എന്നിവർ വാർത്താ സമ്മേളനത്തിൽ പങ്കെടുത്തു.

യു. എ. ഇ. യില്‍ 26 വർഷത്തെ സേവന പാരമ്പര്യമുള്ള അൽ തവക്കൽ ടൈപ്പിംഗ് സെന്‍ററിന് പത്തില്‍ അധികം ബ്രാഞ്ചുകളും 150 ൽ പരം വിദഗ്ധ പരിശീലനം ലഭിച്ച പരിചയസമ്പന്നരായ ജോലിക്കാരും ഉണ്ട്.

നവീന സാങ്കേതിക സംവിധാനങ്ങള്‍ മികവുറ്റ രീതിയില്‍ പ്രാവര്‍ത്തികമാക്കി പുതു യുഗത്തിന്‍റെ മാറ്റങ്ങൾ ഉള്‍ക്കൊണ്ടും ഉപഭോക്താക്കളുടെ ആവശ്യങ്ങൾ പരിഗണിച്ചും എറ്റവും എളുപ്പത്തില്‍ സേവനങ്ങള്‍ ലഭ്യമാവുന്ന ആൽഫാ തവക്കൽ എന്ന പ്രീമിയം സർവ്വീസ് വിഭാഗം ഉടന്‍ തുടങ്ങുന്നു എന്നും അൽ തവക്കല്‍ മാനേജ്മെന്‍റ് അറിയിച്ചു.  Twitter

- pma

വായിക്കുക: , , , , , , ,

അഭിപ്രായം എഴുതുക »

കൂട്ടായ്മകൾ ശക്തമാവുന്നത് കൂട്ടായ പ്രവർത്തനത്തിലൂടെ : അനൂപ് കീച്ചേരി

December 19th, 2022

logo-peruma-payyyoli-ePathram
ദുബായ് : കൂട്ടായ്മകൾ ശക്തമാവുന്നത് കൂട്ടായ പ്രവർത്തനങ്ങളിലൂടെ എന്ന് മാധ്യമ പ്രവർത്തകൻ അനൂപ് കീച്ചേരി. ഏതൊരു കൂട്ടായ്‌മയും നില നിൽക്കാനും സജീവമായ പ്രവർത്തനം മുന്നോട്ട് കൊണ്ടു പോകാനും നല്ല കാഴ്ചപ്പാടുള്ള നേതൃത്വം അനിവാര്യം എന്നും സാമൂഹിക നന്മ, ജീവ കാരുണ്യ പ്രവർത്തങ്ങൾ, ഒപ്പം അംഗങ്ങളുടെ ക്ഷേമത്തിനും പ്രാധാന്യം നൽകി പ്രവർത്തിക്കുന്ന കൂട്ടായ്മകൾ നില നിൽക്കണം എന്നും അദ്ദേഹം അഭിപ്രായപ്പെട്ടു. പെരുമ പയ്യോളി യു. എ. ഇ. കമ്മറ്റി സംഘടിപ്പിച്ച മോട്ടിവേഷൻ ക്ലാസിൽ സംസാരിക്കുകയായിരുന്നു അനൂപ് കീച്ചേരി.

peruma-payyoli-motivation-class-by-anoop-keechery-ePathram

ചടങ്ങിൽ പ്രസിഡണ്ട് സാജിദ് പുറത്തൂട്ട് അദ്ധ്യക്ഷത വഹിച്ചു. പയ്യോളി മുൻസിപ്പാലിറ്റി ചെയർമാൻ വടക്കയിൽ ഷഫീഖ്, ഇസ്മായിൽ മേലടി, എ. കെ. അബ്ദുറഹ്മാൻ, അസീസ് സുൽത്താൻ, ബിജു പണ്ടാര പറമ്പിൽ, കരീം വടക്കയിൽ, അഡ്വ. മുഹമ്മദ്‌ സാജിദ്, സതീഷ് പള്ളിക്കര, ഷാമിൽ മൊയ്തീൻ, സത്യൻ പള്ളിക്കര, ജ്യോതിഷ് ഇരിങ്ങൽ എന്നിവർ സംസാരിച്ചു. സെക്രട്ടറി സുനിൽ പാറേമ്മൽ സ്വാഗതവും ട്രഷറർ ഷമീർ കാട്ടടി നന്ദിയും പറഞ്ഞു.

- pma

വായിക്കുക: , , ,

അഭിപ്രായം എഴുതുക »


« Previous Page« Previous « മദീനയിലേക്ക് 179 ദിര്‍ഹം നിരക്കില്‍ വിസ് എയര്‍ ഫെബ്രുവരി മുതല്‍
Next »Next Page » ഗ്രീന്‍ വോയ്‌സ് മാധ്യമശ്രീ, ഹരിതാക്ഷര പുരസ്കാരങ്ങൾ പ്രഖ്യാപിച്ചു »



  • ജിമ്മി ജോർജ്ജ് വോളി : ലൈഫ് ടൈം അച്ചീവ് മെന്റ് അവാർഡ് മാണി സി. കാപ്പന്
  • ജിമ്മി ജോർജ്ജ് സ്മാരക റമദാൻ വോളി : മാർച്ച് 27 ന് അബുദാബിയിൽ തുടക്കം
  • ദുബായ് സർക്കാരിന് പുതിയ ലോഗോ
  • ഇഖ്‌വ ഇഫ്‌താർ സംഗമം സംഘടിപ്പിച്ചു
  • ശൈഖ് മുഹമ്മദ് ബിൻ സായിദ് സമൂഹ ഇഫ്താറിൽ : വീഡിയോ വൈറൽ
  • മൂന്നാമത് ഇ. കെ. നായനാര്‍ സ്മാരക ഫുട് ബോൾ ടൂർണ്ണ മെന്റിന് വർണ്ണാഭമായ തുടക്കം
  • ഗാസയിലെ പരിക്കേറ്റവർക്ക് 2 ദശ ലക്ഷം ദിര്‍ഹത്തിൻ്റെ മെഡിക്കൽ സഹായം എത്തിച്ച് ബുര്‍ജീല്‍ ഹോൾഡിംഗ്സ്
  • ഇ. കെ. നായനാര്‍ സ്മാരക ഫുട് ബോൾ ടൂർണ്ണ മെൻ്റ് മാർച്ച് 16, 17 തിയ്യതികളിൽ
  • അൽ ഐൻ മലയാളി സമാജം പുതിയ കമ്മിറ്റി
  • ജിമ്മി ജോർജ്ജ് മെമ്മോറിയൽ വോളി ബോൾ ടൂർണ്ണ മെൻ്റ് മാർച്ച് 27 മുതൽ
  • മികച്ച നേട്ടം കൈവരിച്ച് ബുര്‍ജീല്‍ ഹോൾഡിംഗ്സ്
  • ബാ​പ്സ് ഹി​ന്ദു മ​ന്ദി​റി​ലേ​ക്ക് പു​തി​യ ബസ്സ് (203) സർവ്വീസ്
  • റമളാൻ ഹദിയ : ബ്രോഷർ പ്രകാശനം ചെയ്തു
  • അൽ ഐൻ ഓര്‍ത്തഡോക്‌സ് പള്ളിയില്‍ ഓർമ്മപ്പെരുന്നാളും പൊതു സമ്മേളനവും
  • വ്യക്തി കേന്ദ്രീകൃതമായ ചികിത്സയിലൂടെ അർബുദത്തെ നേരിടുന്നതിൽ വൻ മുന്നേറ്റം ഉണ്ടാക്കുവാൻ കഴിയും : പ്രൊഫ. ജെയിംസ് ആലിസൺ
  • സായിദ് എയർ പോർട്ടിൽ ആരോഗ്യ സേവനങ്ങൾക്കായി ബുർജീലിനെ തെരഞ്ഞെടുത്തു
  • മലപ്പുറം ജില്ലാ കെ. എം. സി. സി. യുടെ TASKCON പ്രഖ്യാപനം
  • ഫുഡ്‌ ഫെസ്റ്റ് സീസൺ-2 : വിജയികൾക്ക് സമ്മാനങ്ങൾ വിതരണം ചെയ്തു
  • ഗൂഗിള്‍ ക്രോം ഉപയോക്താക്കള്‍ക്ക് മുന്നറിയിപ്പ്
  • ഖുർആൻ പാരായണ മത്സരം



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine