 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : അന്തരിച്ച എന്‍ .എസ് .എസ് .പ്രസിഡന്റ് പി. കെ. നാരായണ പ്പണിക്കരുടെ വേര്‍പാടില്‍ വടക്കേ മലബാറു കാരുടെ കുടുംബ കൂട്ടായ്മയായ ‘പ്രണാം’ അനുശോചനം രേഖപ്പെടുത്തി. അദ്ദേഹ ത്തിന്റെ വേര്‍പാട് എന്‍ . എസ് . എസ്സി നും കേരള ത്തിലെ സാമൂഹിക ജീവിത ത്തിനും തീരാ നഷ്ടം ആണെന്ന് പ്രസിഡന്റ് ഹരികൃഷ്ണന്‍, ജനറല്‍ സെക്രട്ടറി ജയദേവന്‍ നമ്പ്യാര്‍ എന്നിവര്‍ അനുശോചന സന്ദേശ ത്തില്‍ പറഞ്ഞു.
-വാര്‍ത്ത അയച്ചു തന്നത് : പ്രകാശന്‍ കടന്നപ്പള്ളി
- pma
വായിക്കുക: കേരള രാഷ്ട്രീയ നേതാക്കള്‍, കേരള സാംസ്കാരിക വ്യക്തിത്വം, ചരമം
ദുബായ് : കഴിഞ്ഞ ആറു പതിറ്റാണ്ടുകളായി എഴുത്തുകാരനായും പ്രഭാഷകനായും സാമൂഹ്യ വിമര്‍ശകനായും അദ്ധ്യാപകനായും പത്രപ്രവര്‍ത്തകനായും നിറഞ്ഞു നിന്നിരുന്ന ഡോ. സുകുമാര്‍ അഴീക്കോടിന്റെ നിര്യാണം കേരളത്തിന് തീരാനഷ്ടമാണ്. അനീതിക്കും അധര്‍മ്മത്തിനും അഴിമതിക്കും ആര്‍ഭാടത്തിനും സ്വജനപക്ഷപാതത്തിനും വര്‍ഗ്ഗീയത ക്കും ജാതീയതക്കും എന്നു വേണ്ട മനുഷ്യ കുലത്തിന് ഹാനികരമായ എന്തിനെയും എതിര്‍ക്കാന്‍ നിര്‍ഭയം പടവാള്‍ ഉയര്‍ത്തിയ ആ പോരാളിയുടെ സ്മരണക്കു മുന്നില്‍ ദല ആദരാജ്ഞലികള്‍ അര്‍പ്പിച്ചു.
ദല അവാര്‍ഡ് ജേതാവു കൂടിയായ ഡോ. സുകുമാര്‍ അഴീക്കോടിന്റെ വിയോഗത്തില്‍ ദല ഹാളില്‍ നടന്ന അനുശോചന യോഗത്തില്‍ ദല പ്രസിഡണ്ട് കെ. ജെ. മാത്തുക്കുട്ടി അദ്ധ്യക്ഷത വഹിച്ചു. ബഷീര്‍ തിക്കോടി, മണികണ്ഠന്‍, ശിവപ്രസാദ് എന്നിവര്‍ സംസാരിച്ചു. ജനറല്‍ സിക്രട്ടറി പി. പി. അഷറഫ് സ്വാഗതം പറഞ്ഞു.
- pma
വായിക്കുക: കേരള സാംസ്കാരിക വ്യക്തിത്വം, ചരമം, ദല, സാംസ്കാരികം, സാഹിത്യം
മനാമ:തണുപ്പകറ്റാന്‍ കത്തിച്ച നെരിപ്പോടില്‍ നിന്നുള്ള പുക ശ്വസിച്ച് നാല് മലയാളികള്‍ മരിച്ചു. ബഹ്റൈനിലെ ഹമദ് ടൌണിലാണ് സംഭവം. ഒരാള്‍ ഗുരുതരാവസ്ഥയില്‍ ആശുപത്രിയിലാണ് . കൊല്ലം സ്വദേശി ലാലു, കോഴിക്കോട് വടകര സ്വദേശികളായ ബാബു, നകുലന്‍, പ്രിയേഷ് എന്നിവരാണ് മരിച്ചത്. തൃശൂര്‍ സ്വദേശി സുനിലിനെയാണ് പുക ശ്വസിച്ച് അവശനിലയില്‍ ആശുപത്രിയില്‍ പ്രവേശിപ്പിച്ചിരിക്കുന്നത്. താമസ മുറിയില്‍ കിടന്നുറങ്ങുകയായിരുന്നു ഇവര്‍ തണുപ്പകറ്റാനായി കത്തിച്ച നെരിപ്പോടില്‍ നിന്നുള്ള പുക ശ്വസിച്ചാണ് മരണമെന്നാണ് പ്രാഥമിക നിഗമനം. രാവിലെ ഇവരുടെ മുറിയിലെത്തിയ ഒരു സുഹൃത്താണ് അഞ്ച് പേരെയും അബോധാവസ്ഥയില്‍ കണ്ടെത്തുകയായിരുന്നു. തുടര്‍ന്ന് ആശുപത്രിയിലേക്ക് എത്തിച്ചു എങ്കിലും നാലും പേരും സംഭവ സ്ഥലത്ത് വെച്ച് തന്നെ മരിച്ചിരുന്നതായിട്ടാണ് വിവരം.
- ന്യൂസ് ഡെസ്ക്
ബഹറൈന്‍ മനാമ: സിക്സ് വീലര്‍ പിക്കപ്പ് നിയന്ത്രണംവിട്ട് നിര്‍ത്തിയിട്ട കണ്ടെയിനറിന് പിന്നില്‍ ഇടിച്ച് മലയാളി ഉള്‍പ്പെടെ രണ്ട് ഇന്ത്യക്കാര്‍ മരിച്ചു. കുന്ദംകുളം കൊരട്ടിക്കര മൂത്തേടത്ത് ഭരതന് (51), പഞ്ചാബ് സ്വദേശി കലാ മൊഹീന്ദര്‍ (45) എന്നിവരാണ് മരിച്ചത്. ഇന്നലെ വൈകുന്നേരം 3.30നായിരുന്നു അപകടം. അസ്കറിലെ ബ്രാംകോ കമ്പനിയിലെ കണ്‍സ്ട്രക്ഷന്‍ വിഭാഗം തൊഴിലാളികളാണ് മരിച്ച ഭരതനും മൊഹീന്ദറും. ഭരതന് ഈമാസം ലീവില്‍ നാട്ടില്‍ പോകാന്‍ തയ്യാറെടു ക്കുകയായിരുന്നു. നാട്ടിലേക്ക് കൊണ്ടുപോകാനുള്ള സാധനങ്ങള്‍വരെ മുറിയില്‍ ഒരുക്കിവെച്ചിരുന്നു. ഭരതന് ഭാര്യയും രണ്ട് കുട്ടികളുമുണ്ട്. അസ്കറിലെ കമ്പനിയില്‍നിന്ന് ജോലി കഴിഞ്ഞ് അല്‍ബയിലെ താമസ സ്ഥലത്തേക്ക് വരുമ്പോള്‍ അല്‍ബ സിഗ്നലിന് സമീപം വെച്ചാണ് അപകടം സംഭവിച്ചത്‌.ബംഗ്ലാദേശ് സ്വദേശിയായ ഡ്രൈവര്‍ പരിക്കേല്‍ക്കാതെ രക്ഷപ്പെട്ടു. ഇയാളെ പൊലീസ് അറസ്റ്റ് ചെയ്തു.
-
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
