 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : എന്‍ഡോസള്‍ഫാന്‍ ദുരിത ബാധിതരെ സഹായിക്കാന്‍ യു. എ. ഇ. യിലെ മാധ്യമ പ്രവര്‍ത്തകരുടെയും സംഘടനാ പ്രതിനിധികളുടെയും ആദ്യ യോഗം ഇന്ന് (വെള്ളി) ദുബായ് ആശുപത്രിക്ക് സമീപമുള്ള മര്‍ക്കസു സ്സഖാഫത്തി സുന്നിയ കെട്ടിടത്തില്‍ വൈകീട്ട് നാലിന് ചേരുന്നു. ഷാര്‍ജ ഇന്ത്യന്‍ അസോസിയേഷന്‍, മലബാറിലെ സംഘടനകള്‍, വിശിഷ്യാ കാസര്‍കോടുകാരുടെ സംഘടനകള്‍ എന്നിവ കൂട്ടായ്മയില്‍ സഹകരിക്കും. കൂടുതല്‍ വിവരങ്ങള്‍ക്ക് : 050 6749971, 050 8856798
- ജെ.എസ്.
വായിക്കുക: പ്രതിഷേധം, പ്രവാസി, മാധ്യമങ്ങള്‍, സംഘടന, സാമൂഹ്യ സേവനം
ഷാര്‍ജ : ജനകീയ പ്രധിരോധ സമിതി, സംസ്ഥാന സെക്രട്ടറി ജയ്സന്‍ ജോസഫ്‌ ഇന്ന് വൈകുന്നേരം ഷാര്‍ജയില്‍ പ്രഭാഷണം നടത്തുന്നു. 45 മീറ്റര്‍ ബി. ഓ. റ്റി. വ്യവസ്ഥയില്‍ ദേശീയ പാത നിര്‍മ്മിക്കുവാനുള്ള രണ്ടാം സര്‍വ്വ കക്ഷി യോഗ തീരുമാനം റദ്ദാക്കണമെന്നും, 30 മീറ്ററില്‍ സ്ഥലമെടുത്തു, 21 മീറ്ററില്‍ ദേശീയ പാത നിര്‍മ്മിക്കണം എന്നും, അര്‍ഹമായ നഷ്ട പരിഹാരം നല്കി മാത്രമേ കുടി ഒഴിപ്പിക്കാവൂ എന്നും ആവശ്യപ്പെട്ടു കൊണ്ട് കേരളത്തില്‍ നടക്കുന്ന മുന്നേറ്റത്തോടൊപ്പം ചേര്‍ന്ന്‍ പ്രവര്‍ത്തി ക്കുവാനായി കുടി ഒഴിപ്പിക്കപ്പെടുന്ന വരുടെ കൂട്ടായ്മയില്‍ മുഖ്യ പ്രഭാഷകനായിട്ടാണ് ജയ്സന്‍ ജോസഫ്‌ സംസാരിക്കുന്നത്. ഇന്ന് (നവംബര്‍ 19, വെള്ളിയാഴ്ച) വൈകീട്ട് 4 മണിക്ക് ഷാര്‍ജ ഏഷ്യ മ്യൂസിക്‌ ഇന്‍സ്റ്റിറ്റ്യൂട്ട് ഹാളില്‍ നടക്കുന്ന കൂട്ടായ്മയില്‍ സാമൂഹ്യ പ്രവര്‍ത്തകനും കോളമിസ്റ്റുമായ രാജീവ് ചേലനാട്ട് അദ്ധ്യക്ഷനായിരിക്കും.
- ജെ.എസ്.
വായിക്കുക: അഴിമതി, കേരള രാഷ്ട്രീയം, പ്രതിഷേധം, ഷാര്‍ജ, സാമൂഹ്യ സേവനം
45 മീറ്റര്‍ ബി. ഓ. റ്റി. വ്യവസ്ഥയില്‍ ദേശീയ പാത നിര്‍മ്മിക്കുവാനുള്ള രണ്ടാം സര്‍വ്വ കക്ഷി യോഗ തീരുമാനം റദ്ദാക്കണ മെന്നും, 30 മീറ്ററില്‍ സ്ഥലമെടുത്തു, 21 മീറ്ററില്‍ ദേശീയ പാത നിര്‍മ്മിക്കണം എന്നും, അര്‍ഹമായ നഷ്ട പരിഹാരം നല്കി മാത്രമേ കുടി ഒഴിപ്പിക്കാവൂ എന്നും ആവശ്യപ്പെട്ടു കൊണ്ട് കേരളത്തില്‍ നടക്കുന്ന മുന്നേറ്റ ത്തോടൊപ്പം കണ്ണി ചേര്‍ന്ന്‍ പ്രവര്‍ത്തി ക്കുവാനായി കുടി ഒഴിപ്പിക്ക പ്പെടുന്ന വരുടെ കൂട്ടായ്മ നവംബര്‍ 19 നു വൈകീട്ട് 4 മണിക്ക് ഷാര്‍ജ ഏഷ്യ മ്യൂസിക്‌ ഇന്‍സ്റ്റിറ്റ്യൂട്ട് ഹാളില്‍ നടക്കുന്ന താണ്.
സാമൂഹ്യ പ്രവര്‍ത്തകനും കോളമിസ്റ്റുമായ രാജീവ് ചേലനാട്ടിന്‍റെ അദ്ധ്യക്ഷത യില്‍
നടക്കുന്ന യോഗത്തില്‍ ജനകീയ പ്രധിരോധ സമിതി, സംസ്ഥാന സെക്രട്ടറി ജയ്സന്‍
ജോസഫ്‌ മുഖ്യപ്രഭാഷണം നടത്തും. ഈ കൂട്ടായ്മ യില്‍ പങ്കെടുക്കുവാന്‍ താല്പര്യ മുള്ളവര്‍ 055 563 90 63, 050 100 48 71 എന്നീ നമ്പരു കളില്‍ ബന്ധപ്പെടുക.
അയച്ചു തന്നത്: അജി രാധാകൃഷ്ണന്‍.
- pma
അബുദാബി: പ്രവാസി സമൂഹത്തെ ആകെ ഞെട്ടിച്ച ഒരു വന്‍ ദുരന്ത മായിരുന്നു 2010 മെയ്‌ 22 ന് മംഗലാപുരത്ത് സംഭവിച്ചത്. വിമാന അപകടത്തില്‍ പ്പെട്ട വരുടെ കുടുംബാംഗ ങ്ങളെ നാട്ടില്‍ എത്തിക്കുന്ന തില്‍ വീഴ്ച വരുത്തി യത് മുതല്‍ ആരംഭിച്ച എയര്‍ ഇന്ത്യ യുടെ ക്രൂരത, നഷ്ട പരിഹാരം വിതരണം ചെയ്യുന്നതില്‍ വരെ തുടരുകയാണ്.
ദുരന്തത്തില്‍ പൊലിഞ്ഞു പോയവരുടെ ജീവന് പകരം വെക്കാന്‍ മറ്റൊന്നും കൊണ്ടും കഴിയില്ലാ എങ്കിലും, നഷ്ട പരിഹാര തുക ലഭിക്കേണ്ടത് ബന്ധുക്കളുടെ അവകാശമാണ്.
അപകടത്തില്‍, കുടുംബത്തിന്റെ അത്താണി നഷ്ടമായ വരുടെ അജ്ഞത യും കഷ്ടപ്പാടുകളും ദാരിദ്ര്യവും ചൂഷണം ചെയ്ത്, നഷ്ട പരിഹാര തുക പരമാവധി വില പേശി ഒതുക്കി തീര്‍ക്കാനുള്ള ഗൂഡാലോചന യാണ് ഇപ്പോള്‍ നടന്നു കൊണ്ടിരിക്കുന്നത്. ഇത് തിരിച്ചറിഞ്ഞ കുടുംബാംഗങ്ങളും ആശ്രിതരും സമര രംഗത്താണ്.
അന്താരാഷ്ട്ര വ്യോമയാന നിയമങ്ങള്‍ക്ക് അനുസൃതമായി നഷ്ട പരിഹാര തുക വിതരണം ചെയ്യാന്‍ ഉത്തരവാദിത്വ പ്പെട്ടവരില്‍ സമ്മര്‍ദ്ദം ചെലുത്താന്‍ പ്രവാസികള്‍ ഒറ്റക്കെട്ടായി നില്‍ക്കേണ്ടി യിരിക്കുന്നു. ഈ സമര രംഗത്തുള്ള വരോട് ഐക്യദാര്‍ഢ്യം പ്രഖ്യാപിച്ചു കൊണ്ട് യു. എ. ഇ. യിലെ പ്രബല പ്രവാസി കൂട്ടായ്മ യായ വടകര എന്‍. ആര്‍. ഐ. ഫോറം ഒരു ഐക്യദാര്‍ഢ്യ കണ്‍വെന്‍ഷന്‍ സംഘടിപ്പിക്കുന്നു.
നവംബര്‍ 9 ചൊവ്വാഴ്ച വൈകീട്ട് 8 മണിക്ക് അബുദാബി കേരളാ സോഷ്യല്‍ സെന്‍ററില്‍ ചേരുന്ന ഐക്യദാര്‍ഢ്യ കണ്‍വെന്‍ഷനില്‍ എല്ലാ പ്രവാസി സുഹൃത്തു ക്കളുടെയും കൂട്ടായ്മ കളുടെയും സജീവ സാന്നിദ്ധ്യം ഉണ്ടാകണം എന്ന് വടകര എന്‍. ആര്‍. ഐ. ഫോറം പുറത്തിറക്കിയ പത്രക്കുറിപ്പില്‍ പ്രസിഡന്റ് എന്‍. കുഞ്ഞഹമ്മദും ജനറല്‍ സിക്രട്ടറി ഇബ്രാഹിം ബഷീറും അറിയിച്ചു. വിവര ങ്ങള്‍ക്ക് വിളിക്കുക: 050 134 36 98
- pma
വായിക്കുക: പ്രതിഷേധം
ദുബായ് : മംഗലാപുരം വിമാന ദുരന്തത്തില്‍ മരിച്ചവരുടെ ആശ്രിതര്‍ക്ക്‌ നഷ്ട പരിഹാര തുക വിതരണം ചെയ്യുന്നതില്‍ റിലയന്‍സ്‌ കമ്പിനിയെ സഹായിക്കാന്‍ എയര്‍ ഇന്ത്യ നടത്തുന്ന കള്ളക്കളി അവസാനിപ്പിച്ച്‌ അര്‍ഹമായ നഷ്ട പരിഹാര തുക എത്രയും പെട്ടെന്ന്‌ വിതരണം ചെയ്യാന്‍ നടപടി സ്വീകരിക്കണമെന്നും, അന്താരാഷ്ട്ര മാനദണ്ഡങ്ങള്‍ കാറ്റില്‍ പറത്തി ക്കൊണ്ട്‌ എയര്‍ ഇന്ത്യ നടത്തുന്ന ഈ വഞ്ചന അന്തര്‍ദേശീയ തലത്തില്‍ ഇന്ത്യയുടെ യശ്ശസിന്‌ തന്നെ കോട്ടം തട്ടുന്നതാണെന്നും ഇത് ഇന്ത്യയ്ക്ക്‌ അപമാനമാണെന്നും ദുബായ് കെ. എം. സി. സി. കാസര്‍കോട്‌ മണ്ഡലം കമ്മിറ്റി ഭാരവാഹികളുടെ യോഗം അഭിപ്രായപ്പെട്ടു.
ജനങ്ങളെ വട്ടം കറക്കുന്നതിലും, ചൂഷണം ചെയ്യുന്നതിലും മുന്‍പന്തിയിലുള്ള എയര്‍ ഇന്ത്യ വിമാന ദുരന്തത്തില്‍ മരിച്ചവരുടെ കുടുംബങ്ങളോട്‌ പോലും കാണിക്കുന്ന അനീതി ന്യായീകരി ക്കാനാവില്ലെന്നും, ഇതിനെതിരെ ശക്തമായ പ്രതിഷേധ മുയര്‍ന്ന്‌ വരണമെന്നും എയര്‍ ഇന്ത്യയുടെ കള്ളക്കളി പുറത്തു കൊണ്ടു വരാന്‍ മുന്നോട്ട്‌ വരണമെന്നും യോഗം ആവശ്യപ്പെട്ടു.
1999 മെയ്‌ 28-ാം തിയ്യതി നിലവില്‍ വരികയും 2010 ജുലൈ വരെ ഇന്ത്യയടക്കം 97 രാജ്യങ്ങള്‍ ഒപ്പു വെയ്ക്കുകയും ചെയ്‌ത മോണ്‍ട്രിയല്‍ കണ്‍വെന്‍ഷന്‍ പ്രകാരമാണ്‌ നഷ്ട പരിഹാരത്തുക വിതരണം ചെയ്യേണ്ടത്‌ എന്നിരിക്കെ, നാമമാത്രമായ തുക വിതരണം ചെയ്ത്, മരിച്ച കുടുംബങ്ങളുടെ കണ്ണില്‍ പൊടിയിടാനാണ്‌ എയര്‍ ഇന്ത്യ ശ്രമിക്കുന്നത്‌.
മരണപ്പെട്ടവരില്‍ മിക്കവരും കുടുംബത്തിന്റെ ഏക ആശ്രയമായിരുന്നു എന്ന വസ്‌തുത ഒട്ടും പരിഗണി ക്കാതെയാണ്‌ എയര്‍ ഇന്ത്യയുടെ ഈ ക്രൂരത.
മണ്ഡലം പ്രസിഡന്റ് മഹ്മൂദ്‌ കുളങ്ങരയുടെ അദ്ധ്യക്ഷതയില്‍ ചേര്‍ന്ന യോഗത്തില്‍ ഫൈസല്‍ പട്ടേല്‍, സുബൈര്‍ മൊഗ്രാല്‍ പുത്തൂര്‍, ഇ. ബി. അഹമദ്‌ ചെടയക്കാല്‍, സലീം ചേരങ്കൈ, റഹീം ചെങ്കള, നൂറുദ്ദീന്‍ ആറാട്ട്‌ കടവ്‌ തുടങ്ങിയവര്‍ പ്രസംഗിച്ചു. ജനറല്‍ സെക്രട്ടറി സലാം കന്യപ്പാടി സ്വാഗതവും ഓര്‍ഗനൈസിംഗ്‌ സെക്രട്ടറി ഷരീഫ്‌ പൈക നന്ദിയും പറഞ്ഞു.
- ജെ.എസ്.
വായിക്കുക: അപകടം, കെ.എം.സി.സി., തട്ടിപ്പ്‌, പ്രതിഷേധം, പ്രവാസി, വിമാനം, സംഘടന
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
