 |
 |
 |
 |
 |
 |
 |
 |
 |
 |
 |
 |
 |
 |
റിയാദ് : സൗദി അറേബ്യയുടെ കിരീടാവകാശി യായിരുന്ന നായിഫ് രാജകുമാരന്റെ മരണത്തെ ത്തുടര്‍ന്ന് പിന്‍ഗാമിയായി സല്‍മാന്‍ ബിന്‍ അബ്ദുല്‍ അസീസ് ആലു സഊദിനെ സൗദി ഭരണാധികാരി അബ്ദുള്ള രാജാവ് നിയമിച്ചു. നിലവില്‍ പ്രതിരോധ മന്ത്രിയായി സേവനം ചെയ്തു വരികയാണ് സല്‍മാന്‍ ബിന്‍ അബ്ദുല്‍ അസീസ്. ദീര്‍ഘകാലം റിയാദ് പ്രവിശ്യാ ഗവര്‍ണറായി ഏറെ ജനപ്രീതി നേടിയ ഭരണ കര്‍ത്താവാണ് ഇദ്ദേഹം.
അന്തരിച്ച നായിഫ് ബിന്‍ അബ്ദുല്‍ അസീസ് വഹിച്ചിരുന്ന ആഭ്യന്തരമന്ത്രി പദത്തിലേക്ക് അഹമദ് ബിന്‍ അബ്ദുല്‍ അസീസിനെയും അബ്ദുള്ള രാജാവ് നിയമിച്ചു.
- pma
വായിക്കുക: സൗദി അറേബ്യ
റിയാദ് : സൌദി കിരീടാവകാശിയും സൌദി ആഭ്യന്തര മന്ത്രിയുമായ നയെഫ് ബിൻ അബ്ദുൾ അസീസ് രാജകുമാരൻ അന്തരിച്ചു. 79 കാരനായ നയെഫ് രാജകുമാരൻ ചികിൽസയ്ക്കായി വിദേശ രാജ്യത്തായിരിക്കവെയാണ് മരണമടഞ്ഞത് എന്ന് ഔദ്യോഗിക ടെലിവിഷൻ ചാനലാണ് വെളിപ്പെടുത്തിയത്.
- ജെ.എസ്.
വായിക്കുക: ചരമം, സൗദി അറേബ്യ
മദീന: ഉംറ നിര്‍വഹിക്കാനായി കഴിഞ്ഞ ദിവസം മദീനയില്‍ എത്തിയ മലയാളി തീര്‍ഥാടകന്‍ പാലക്കാട് അലനെല്ലൂര്‍ സ്വദേശി തച്ചംപറ്റ മുഹമ്മദ് കുട്ടി (60) വാഹനമിടിച്ചു മരിച്ചു. അപകടം സംഭവിക്കുമ്പോള്‍ ഭാര്യ വടക്കേതില്‍ ആയിഷയും കൂടെയുണ്ടായിരുന്നു. മദീനയിലെ ചരിത്ര പ്രാധാന്യമുള്ള സ്ഥലമായ ഖുര്‍-ആന്‍ പ്രിന്റിംഗ് പ്രസ്സ്‌ സന്ദര്‍ശിച്ചു മടങ്ങുമ്പോള്‍ എതിരെ വന്ന വാഹനം ഇടിച്ചു വീഴ്ത്തുകയായിരുന്നു. സംഭവ സ്ഥലത്ത് വെച്ച് തന്നെ മരണം സംഭവിച്ചു.നാല് മക്കളുണ്ട്. ജിദ്ദയിലുള്ള മകന്‍ ഫാറൂക്ക് എത്തിച്ചേരുന്നതോടെ ഖബറടക്കം മദീനയില്‍ നടക്കും.
- ന്യൂസ് ഡെസ്ക്
വായിക്കുക: ചരമം, സൗദി അറേബ്യ
റിയാദ് : ഫര്‍ണിച്ചര്‍ വര്‍ക്ക് ഷോപ്പ് തകര്‍ന്ന് മലയാളി യുവാവ് മരിച്ചു. റിയാദിന് അടുത്ത ശിഫ സനാഇയ്യയില്‍ ജോലി ചെയ്തിരുന്ന മലപ്പുറം അരീക്കോട് കാവന്നൂര്‍ ഏലിയാപറമ്പ് പടത്തലക്കുന്നില്‍ വേലുക്കുട്ടിയുടെ മകന്‍ സുമേഷ് കുമാര്‍ (26) ആണ് മരിച്ചത്. ബുധനാഴ്ച രാത്രിയുണ്ടായ ശക്തമായ കാറ്റിലാണ് ഫര്‍ണിച്ചര്‍ വര്‍ക്ക് ഷോപ്പ് സ്ഥിതി ചെയ്യുന്ന ഷെഡ്‌ തകര്‍ന്നു വീണത്. ഹോളോബ്രിക്സില്‍ പണിത ചുമരിടിഞ്ഞു ദേഹത്തു പതിച്ചാണ് ഈ സ്ഥാപനത്തില്‍ തന്നെ മരപ്പണിക്കാരനായ സുമേഷിന്റെ മരണത്തിനു കാരണമായത്‌. മന്‍ഫുഅയിലെ അല്‍ ഈമാന്‍ ആശുപത്രിയില്‍ എത്തിച്ചപ്പോഴേക്കും മരിച്ചിരുന്നു. മൃതദേഹം മോര്‍ച്ചറിയിലേക്ക് മാറ്റി. അവിവാഹിതന്നായ സുമേഷ് അടുത്ത ആഴ്ച അവധിക്കു നാട്ടില്‍ പോകാനിരി ക്കുകയായിരുന്നു.
- ന്യൂസ് ഡെസ്ക്
വായിക്കുക: ചരമം, പ്രവാസി, സൗദി അറേബ്യ
ദമ്മാം : ഭാര്യയെ തല്ലിയ ഭർത്താവിനോട് ഖുർആനിൽ ഭാര്യാ ഭർത്തൃ ബന്ധത്തെ സംബന്ധിക്കുന്ന ഭാഗങ്ങൾ പാരായണം ചെയ്യാൻ സൌദിയിലെ ഒരു കോടതി ഉത്തരവിട്ടു. വായനയ്ക്ക് ശേഷം ഈ ഭാഗങ്ങളെ ആസ്പദമാക്കി നടത്തുന്ന പരീക്ഷയിലും ഇയാൾ പങ്കെടുക്കണം. ഖുർആനിലെ പ്രസക്തമായ 5 ഭാഗങ്ങളും പ്രവാചകന്റെ 100 തിരുവചനങ്ങളും വായിച്ചു പഠിക്കുവാനാണ് ഉത്തരവ് എന്ന് സൌദി പത്രമായ അൽ മദീന റിപ്പോർട്ട് ചെയ്തു. ഇതിനു പുറമെ ഇയാൾ ഭാര്യയ്ക്ക് നഷ്ടപരിഹാരമായി 7000 റിയാൽ നല്കണം. സ്ത്രീകളുടെ അവകാശങ്ങൾ സംരക്ഷിക്കണം എന്നും കോടതി ഇയാളോട് നിർദ്ദേശിച്ചിട്ടുണ്ട്.
തന്റെ വീട്ടുകാരെ കാണാൻ പോകണം എന്ന് പറഞ്ഞതിൽ കുപിതനായാണ് ഇയാൾ തന്നെ മർദ്ദിച്ചത് എന്ന് ഭാര്യ അധികൃതരോട് പറഞ്ഞു.
- ജെ.എസ്.
വായിക്കുക: മതം, സ്ത്രീ വിമോചനം, സൗദി അറേബ്യ
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
