അബുദാബി : നാഹ്ഥം സോഷ്യല്‍ റെസ്പോണ്‍സിബിലിറ്റീസ് ഗ്രൂപ്പ്, അബുദാബി മുനിസിപ്പാലിറ്റിയും ലുലു ഗ്രൂപ്പുമായി സഹകരിച്ചു സംഘടിപ്പിച്ച ലോക പരിസ്ഥിതി ദിനാചരണം ശ്രദ്ധേയമായി.

എമിറേറ്റ്സ് ഫ്യൂച്ചര്‍ ഇന്റര്‍ നാഷണല്‍ അക്കാദമി യിലെ അമ്പതോളം വരുന്ന വിദ്യാര്‍ത്ഥികള്‍ അബുദാബിയിലെ വിവിധ മാളുകളില്‍ പരിസ്ഥിതി ദിന സന്ദേശം ഉയര്‍ത്തിയ പ്ലക്കാര്‍ഡുകളും UNDP പ്രഖ്യാപിച്ച THINK Before You EAT and Help SAVE Our Environment എന്ന മുദ്രാവാക്യത്തോടെ റാലിയും നടത്തി.

ഖാലിദിയ മാളില്‍ നടന്ന കുട്ടികളുടെ കൂട്ടായ്മയും പരിസ്ഥിതി പരിപാലിക്കപ്പെടേണ്ടതിന്റെ ആവശ്യകതാ ബോധ വത്കരണ ത്തിനുള്ള വിവിധ പരിപാടികളും ഭക്ഷണവും വെള്ളവും പാഴാക്കാതെ ആവശ്യാനുസരണം മാത്രം ഉപയോഗിക്കേ ണ്ടതിന്റെ ആവശ്യകതയും മര ങ്ങളുടെ പ്രാധാന്യവും കൊച്ചു കുട്ടികളി ലൂടെ സമൂഹത്തിലേക്ക് എത്തി ക്കാനായിട്ടാണ് ഈ പരിപാടി സംഘടിപ്പിച്ചത്.

ഇന്ന് ലോക ത്തില്‍ ഉത്പാദിപ്പിക്കപ്പെടുന്ന ഭക്ഷണ ത്തിന്റെ ദുരുപയോഗം ചെയ്യപ്പെടുന്ന മൂന്നില്‍ ഒരു ഭാഗം സംരക്ഷിക്കാന്‍ നമ്മെക്കൊണ്ടായാല്‍ ലോക ത്തില്‍ ഒരാള്‍പോലും ഭക്ഷണം കിട്ടാതെ ഉറങ്ങേണ്ടി വരില്ല എന്ന്‍ നാഹ്ഥം ഗ്രൂപ്പ് സി. ഇ. ഒ. ജോര്‍ജ്ജ് വി. ഇട്ടി പറഞ്ഞു.