‘ശൈഖ് സായിദ് – കാലത്തിന്റെ കരുത്ത്’ പ്രകാശനം ചെയ്തു

December 5th, 2012

sheikh-zayed-biography-zayed-al-khair-book-release-ePathram

അബുദാബി : യു. എ. ഇ. യുടെ രാഷ്ട്ര പിതാവ് ശൈഖ് സായിദ് ബിന്‍ സുല്‍ത്താന്‍ അല്‍ നഹ്യാനെ കുറിച്ച് മലയാള ത്തില്‍ തയ്യാറാക്കിയ ‘ശൈഖ് സായിദ് – കാലത്തിന്റെ കരുത്ത്’ എന്ന പുസ്തകം, യു. എ. ഇ. ഉന്നത വിദ്യാഭ്യാസ വകുപ്പു മന്ത്രി ശൈഖ് നഹ്യാന്‍ ബിന്‍ മുബാറക് അല്‍ നഹ്യാന്‍ സംസ്ഥാന ആഭ്യന്തര വകുപ്പു മന്ത്രി തിരുവഞ്ചൂര്‍ രാധാകൃഷ്ണനു നല്‍കി പ്രകാശനം ചെയ്തു.

സിറാജ് ദിനപ്പത്രം സംഘടിപ്പിച്ച ദേശീയ ദിനാഘോഷ ചടങ്ങില്‍ നടന്ന പരിപാടി യില്‍ സിറാജ് ചെയര്‍മാന്‍ കൂടിയായ കാന്തപുരം എ. പി. അബൂബക്കര്‍ മുസ്ലിയാര്‍, പത്മശ്രീ എം. എ. യൂസുഫലി, പത്മശ്രീ ഡോ. ബി. ആര്‍. ഷെട്ടി, വി. ടി. ബലറാം എം. എല്‍. എ., ഗ്രന്ഥ കര്‍ത്താവ് അബൂബക്കര്‍ സഅദി നെക്രാജ് തുടങ്ങിയവര്‍ സംബന്ധിച്ചു.

മഹാനായ ഭരണാധികാരി ശൈഖ് സായിദിനെ കുറിച്ച് പ്രാദേശിക ഭാഷയായ മലയാള ത്തില്‍ പ്രസിദ്ധീകരി ക്കുന്ന രണ്ടാമത് ഗ്രന്ഥമാണു ഇത്. പ്രമുഖ മാധ്യമ പ്രവര്‍ത്തകനും എഴുത്തുകാരനുമായ ജലീല്‍ രാമന്തളി തയ്യാറാക്കി ലോകമെങ്ങുമുള്ള മലയാളി കളുടെ കൈക ളില്‍ സൗജന്യ മായി എത്തിച്ച ‘ശൈഖ് സായിദ്’ എന്ന പുസ്തകം വളരെ അധികം ചര്‍ച്ച ചെയ്യപ്പെട്ടതും മാധ്യമ ശ്രദ്ധ ആകര്‍ഷിച്ചതും നിരവധി പുരസ്കാരങ്ങള്‍ കരസ്ഥ മാക്കിയതു മായിരുന്നു.

-ഫോട്ടോ : ഹഫ്സല്‍ അഹ്മ്മദ് – ഇമ അബുദാബി

- pma

വായിക്കുക: , , , , ,

അഭിപ്രായം എഴുതുക »

പൊതുമാപ്പ് പ്രാബല്യത്തില്‍ വന്നു

December 5th, 2012

uae-president-sheikh-khalifa-bin-zayed-ePathram
അബുദാബി : യു. എ. ഇ. യിലെ അനധികൃത താമസക്കാര്‍ക്ക് പിഴയോ ജയില്‍ ശിക്ഷയോ ഇല്ലാതെ രാജ്യം വിടാന്‍ അവസരം നല്‍കുന്ന പൊതുമാപ്പ് ഡിസംബര്‍ 4 ചൊവ്വാഴ്ച മുതല്‍ പ്രാബല്യത്തില്‍ വന്നു.

രാജ്യത്തിന്റെ നാല്പത്തി ഒന്നാം ദേശീയ ദിന ത്തോടു അനുബന്ധിച്ചാണ് പൊതുമാപ്പ്. ഡിസംബര്‍ നാല് മുതല്‍ ഫെബ്രുവരി നാല് വരെ രണ്ടു മാസമാണ് പൊതുമാപ്പ് കാലാവധി.

അനധികൃത താമസ ക്കാര്‍ക്ക് രാജ്യത്തിന്‍റ വിവിധ മേഖല കളിലുള്ള താമസ – കുടിയേറ്റ വകുപ്പ് ഓഫീസുകളില്‍ എത്തി രേഖകള്‍ വാങ്ങി രാജ്യം വിടാം.

എന്നാല്‍ യു. എ. ഇ. യില്‍ തുടരാന്‍ ആഗ്രഹിക്കുന്നവര്‍ നിയമാനുസൃത പിഴ അടച്ച് ഫെബ്രുവരി നാലിന് മുമ്പ് താമസ രേഖകള്‍ ശരിയാക്കണം. പൊതു മാപ്പ് കാലാവധിക്ക് ശേഷം രാജ്യത്ത് തങ്ങുന്നവര്‍ക്കെതിരെ കര്‍ശന നടപടി ഉണ്ടാകും എന്നറിയുന്നു. അനധികൃത താമസ ക്കാരായ ഇന്ത്യക്കാര്‍ക്ക് പൊതുമാപ്പിന്റെ ആനുകൂല്യം ലഭ്യമാക്കാന്‍ ഇന്ത്യന്‍ എംബസി സംവിധാനം ഏര്‍പ്പെടു ത്തിയിട്ടുണ്ട്.

പൊതുമാപ്പിന്റെ ആനുകൂല്യം ലഭ്യമാക്കാനും പരമാവധി അനധികൃത താമസ ക്കാര്‍ക്ക് എത്രയും വേഗം നാട്ടിലേക്ക് പോകാനും ആഭ്യന്തര മന്ത്രാലയം വിപുലമായ സംവിധാനങ്ങള്‍ ഏര്‍പ്പെടുത്തി. രാജ്യത്തെ എല്ലാ എമിറേറ്റുകളിലും ഇതിനു വേണ്ടി നടപടി സ്വീകരിച്ചു.

പൊതുമാപ്പ് സംബന്ധിച്ച വിവരങ്ങള്‍ ക്കായി ആഭ്യന്തര മന്ത്രാലയ ത്തിലെ താമസ – കുടിയേറ്റ വകുപ്പിന് കീഴിലുള്ള കോള്‍ സെന്‍ററി ലേക്ക് 8005111 എന്ന ടോള്‍ ഫ്രീ നമ്പറില്‍ വിളിക്കാം.

അബുദാബി എമിറേറ്റിലെ അനധികൃത താമസക്കാര്‍ നേരിട്ട് എത്താവുന്ന സ്ഥലങ്ങള്‍ :

1. അബുദാബി : മുസ്സഫ ഐ. ഡി. റജിസ്ട്രേഷന്‍ ഓഫീസ് (EIMASS കമ്പനി).

2. അല്‍ഐന്‍: റസിഡന്‍സി ആന്‍ഡ് ഫോറിനേഴ്സ് അഫയേഴ്സ് ഡിപ്പാര്‍ട്ട്മെന്‍റ് (EIMASS കമ്പനി).

3. പശ്ചിമ മേഖല : റസിഡന്‍സി ആന്‍ഡ് ഫോറിനേഴ്സ് അഫയേഴ്സ് ഡിപ്പാര്‍ട്ട്മെന്‍റ് (EIMASS കമ്പനി).

- pma

വായിക്കുക: , , ,

അഭിപ്രായം എഴുതുക »

പൊതുമാപ്പ് പ്രയോജന പ്പെടുത്തുന്ന ആദ്യ 100 പേര്‍ക്ക് ജോലി

December 3rd, 2012

norka-roots-abudhabi-with-ma-yousuf-ali-ePathram
അബുദാബി : യു. എ. ഇ. സര്‍ക്കാര്‍ പ്രഖ്യാപിച്ച പൊതുമാപ്പ് പ്രവാസി സമൂഹത്തിനു പ്രയോജന പ്പെടുത്തും വിധം സംഘടനകളും പൊതു സമൂഹവും ഉണര്‍ന്നു പ്രവര്‍ത്തി ക്കണമെന്ന് നോര്‍ക്ക – റൂട്ട്സ് വൈസ് ചെയര്‍മാന്‍ കൂടിയായ എം. എ. യുസുഫ് അലി.

അബുദാബി യിലെ സംഘടന പ്രതിനിധി കളുമായും സാമൂഹിക പ്രവര്‍ത്ത കരുമായും നടത്തിയ മുഖാമുഖ ത്തിലായിരുന്നു അദ്ദേഹം ഇക്കാര്യം അറിയിച്ചത്.

നോര്‍ക്ക -റൂട്ട്സ് സി. ഇ. ഓ. നോയല്‍ തോമസിന്റെ സാന്നിദ്ധ്യ ത്തില്‍ സംസ്ഥാന സര്‍ക്കാരിന്റെയും ഇന്ത്യന്‍ എംബസ്സി യുടെയും ശ്രദ്ധ യിലേക്കായി ചില നിര്‍ദേശങ്ങള്‍ കൂടി വെക്കുകയും ചെയ്തു.

നോര്‍ക്ക യുടെ പ്രതിനിധിയെ പൊതു മാപ്പ് പ്രയോജന പ്പെടുത്തുന്ന വരുടെ കാര്യ ങ്ങള്‍ക്കായി മാത്രം എംബസ്സി യില്‍ നിയമിക്കുക, ഇപ്പോള്‍ എംബസി പ്രഖ്യാപിച്ചിട്ടുള്ള 69 ദിര്‍ഹം ചാര്‍ജ് ഒഴിവാക്കി ഔട്ട്‌ പാസ്‌ സൗജന്യമായി നല്‍കുക, എംബസ്സി യുടെ കമ്മ്യുണിറ്റി വെല്ഫെര്‍ ഫണ്ടില്‍ നിന്നും എയര്‍ ടിക്കറ്റ്‌ സൗജന്യമായി നല്‍കാവുന്ന സൗകര്യം ഒരുക്കുക, പ്രവാസി സംഘടനാ പ്രധിനിധി കളെ ഉള്‍പെടുത്തി ഒരു കോര്‍ കമ്മിറ്റി രൂപീകരിച്ച് പൊതുമാപ്പ് പ്രയോജന പ്പെടുത്തി രാജ്യം വിടാന്‍ ആഗ്രഹിക്കു ന്നവര്‍ക്ക് ബോധ വല്കരണവും വേണ്ടുന്ന നിയമ സഹായങ്ങളും ഉറപ്പു വരുത്തുകയും അതിന്റെ വിശദാംശങ്ങള്‍ നോര്‍ക്ക പ്രതിനിധി യെയും അതിലൂടെ എംബസ്സി യെയും അറിയിക്കുക വഴി പ്രവര്‍ത്ത നങ്ങള്‍ സുഗമ മാക്കുകയും നിയമ നടപടികളെ ലഘൂകരിക്കാന്‍ സാധിക്കു മെന്നും അദ്ദേഹം പ്രത്യാശ പ്രകടിപ്പിച്ചു.

മാത്രമല്ല ഈ പൊതുമാപ്പ് വേണ്ട വിധം പ്രയോജന പ്പെടുത്തിയില്ല എങ്കില്‍ തുടര്‍ന്ന് വരുന്ന ശക്ത മായ ശിക്ഷാ നടപടികള്‍ നേരിടാന്‍ പ്രവാസി സമൂഹം കരുതി ഇരിക്കണ മെന്നും ഇനി ഒരു പൊതു മാപ്പ് സംവിധാനം പ്രതിക്ഷിക്കെണ്ടതില്ല എന്നും എം. എ. യൂസഫലി ഓര്‍മിപ്പിച്ചു.

തുടര്‍ന്ന് സംസാരിച്ച നോര്‍ക്ക – റൂട്ട്സ് സി. ഇ. ഓ. നോയല്‍ തോമസ്‌ പ്രവാസി ഇന്‍ഷ്വറന്‍സിനെ കുറിച്ച് വിശദീകരിച്ചു.

പൊതു മാപ്പില്‍ നാട്ടില്‍ എത്തുന്ന പ്രവാസികളെ പുനരധിവസിപ്പിക്കള്‍ പദ്ധതി യും ആദ്യ100 പേര്‍ക്ക് തൊഴില്‍ അവസരം ഒരുക്കു മെന്നും മറ്റുള്ളവര്‍ക്ക് സ്വയം തൊഴില്‍ പദ്ധതികളും അതിനുള്ള സഹായങ്ങളും ഒരുക്കും.

കഴിഞ്ഞ പൊതു മാപ്പില്‍ മൊത്തം നാട്ടിലേയ്ക്ക് മടങ്ങിയ ഇന്ത്യക്കാരില്‍ അഞ്ചു ശതമാനം മാത്ര മായിരുന്നു മലയാളികള്‍. ഇക്കുറിയും മലയാളി കളുടെ എണ്ണം വളരെ കുറവായിരിക്കു മെന്നാണറിയാന്‍ സാധിച്ചത്. പൊതു മാപ്പില്‍ നാട്ടിലെത്തുന്നവരെ സഹായിക്കാനും അവരുടെ വീടു കളില്‍ സുരക്ഷിതമായി എത്തിക്കുന്നതിനും നോര്‍ക്ക പ്രത്യേക പദ്ധതി ആവിഷ്ക്കരിച്ചിട്ടുണ്ട്. വിമാന ത്താവള ത്തിലെ ഹെല്‍പ്പ് ഡെസ്കിലെത്തുന്ന പ്രവാസികള്‍ക്ക് വീടു കളിലെത്തി ക്കുന്നതുള്‍പ്പെടെ യുള്ള സഹായ ത്തോടൊപ്പം പിന്നീട് അവരുടെ പുനരധി വാസ നടപടി കളിലും നോര്‍ക്ക നടപടി സ്വീകരിക്കുമെന്ന് നോയല്‍ തോമസ് പറഞ്ഞു.

പ്രവാസി പുനരധിവാസംകേരളം ഭയപ്പെടുന്ന ഒരു കാര്യമാണെന്നും ഇത് മുഖ്യമന്ത്രി യുടെ ശ്രദ്ധയില്‍ പ്പെടുത്തുമെന്നും അദ്ദേഹം അറിയിച്ചു.

- pma

വായിക്കുക: , , ,

അഭിപ്രായം എഴുതുക »

പൊതുമാപ്പ് : നോര്‍ക്ക ഡയറക്ടര്‍ നോയല്‍ തോമസ് യു. എ. ഇ. യില്‍

November 30th, 2012

noyal-thomas-epathram

അബുദാബി : യു. എ. ഇ. യില്‍ പ്രഖ്യാപിച്ച പൊതു മാപ്പിന്റെ പശ്ചാത്തല ത്തില്‍ കൂടുതല്‍ കേരളീയരെ നാട്ടില്‍ എത്തിക്കുന്ന തിനായുള്ള നടപടികള്‍ ക്കായി നോര്‍ക്ക – റൂട്ട്‌സ് ഡയറക്ടര്‍ ആന്‍ഡ് ചീഫ് എക്‌സിക്യൂട്ടീവ് ഓഫീസര്‍ നോയല്‍ തോമസ് യു. എ. ഇ. യിലെ വിവിധ സംഘടനാ പ്രതിനിധി കളുമായി ചര്‍ച്ചകള്‍ നടത്തുന്നു.

നവംബര്‍ 30 വെള്ളിയാഴ്ച രാവിലെ 10 മണിക്ക് ഷാര്‍ജ ഇന്ത്യന്‍ അസോസിയേഷന്‍ ഹാളിലും ഡിസംബര്‍ 1 ശനിയാഴ്ച രാവിലെ 10.30 നു നോര്‍ക്ക-റൂട്ട്‌സ് വൈസ് ചെയര്‍മാന്‍ എം. എ. യൂസഫലിയുടെ അദ്ധ്യക്ഷത യില്‍ അബുദാബി ഇന്ത്യാ സോഷ്യല്‍ സെന്ററിലും (ISC) ഡിസംബര്‍ 2 ഞായര്‍ ദുബായില്‍ വിവിധ മലയാളി പ്രവാസി അസോസ്സി യേഷനുകളുടെ കൂട്ടായ്മയുടെ നേതൃത്വ ത്തിലും യോഗങ്ങള്‍ ഉണ്ടായിരിക്കും..

- pma

വായിക്കുക: , ,

അഭിപ്രായം എഴുതുക »

യു എ ഇ ദേശീയ ദിനം : ഇസ്ലാമിക്‌ സെന്ററില്‍ ആഘോഷങ്ങള്‍

November 28th, 2012

uae-41th-national-day-logo-ePathram
അബുദാബി : യു എ ഇ യുടെ നാല്പത്തി ഒന്നാം ദേശിയ ദിന ആഘോഷത്തോട് അനുബന്ധിച്ച് അബുദാബി ഇന്ത്യന്‍ ഇസ്ലാമിക്‌ സെന്‍റര്‍ നവംബര്‍ 29 നു വിപുലമായ ആഘോഷ പരിപാടികള്‍ ഒരുക്കുന്നു.

കേന്ദ്ര – സംസ്ഥാന കെ എം സി സി കമ്മറ്റി കളുടെ സഹകരണ ത്തോടെ അബുദാബി ഇസ്ലാമിക്‌ സെന്ററില്‍ നടക്കുന്ന പരിപാടി യില്‍ യു എ ഇ പ്രസിഡന്റിന്റെ മതകാര്യ ഉപദേഷ്ടാവ് ഷെയ്ക്ക് അലി അല്‍ ഹാശിമി, കേരള അഭ്യന്തര വകുപ്പ് മന്ത്രി തിരുവഞ്ചൂര്‍ രാധാകൃഷ്ണന്‍, പത്മശ്രീ എം എ യുസുഫ് അലി, എം പി അബ്ദു സമദ് സമദാനി, മുനവ്വറലി തങ്ങള്‍ തുടങ്ങിയ പ്രമുഖര്‍ സംബന്ധിക്കും. അല്‍ നൂര്‍ ഇന്ത്യന്‍ ഇസ്ലാമിക്‌ സ്കൂള്‍ വിദ്യാര്‍ത്ഥികള്‍ അവതരിപ്പിക്കുന്ന കലാരൂപങ്ങള്‍ ആഘോഷ ങ്ങള്‍ക്ക് മറ്റേകും.

കൂടാതെ ഖത്തറില്‍ നിന്നും അറബി പാട്ടിലൂടെ പ്രസിദ്ധനായ 10 വയസ്സു കാരനായ മലയാളി ഗായകന്‍ നാദിര്‍ അബ്ദുസ്സലാമിന്റെ ഗാനമേള യും വിവിധ കലാപരിപാടി കളും ഉണ്ടായിരിക്കും.

- pma

വായിക്കുക: , , ,

അഭിപ്രായം എഴുതുക »


« Previous Page« Previous « മാധ്യമങ്ങളുടെ വിശ്വാസ്യത ചോദ്യം ചെയ്യപ്പെടേണ്ട കാലം അതിക്രമിച്ചു: എം. പി. വീരേന്ദ്ര കുമാര്‍
Next »Next Page » പ്രസക്തി കാര്‍ട്ടൂണ്‍ പ്രദര്‍ശനം അബുദാബി യില്‍ »



  • ജിമ്മി ജോർജ്ജ് വോളി : ലൈഫ് ടൈം അച്ചീവ് മെന്റ് അവാർഡ് മാണി സി. കാപ്പന്
  • ജിമ്മി ജോർജ്ജ് സ്മാരക റമദാൻ വോളി : മാർച്ച് 27 ന് അബുദാബിയിൽ തുടക്കം
  • ദുബായ് സർക്കാരിന് പുതിയ ലോഗോ
  • ഇഖ്‌വ ഇഫ്‌താർ സംഗമം സംഘടിപ്പിച്ചു
  • ശൈഖ് മുഹമ്മദ് ബിൻ സായിദ് സമൂഹ ഇഫ്താറിൽ : വീഡിയോ വൈറൽ
  • മൂന്നാമത് ഇ. കെ. നായനാര്‍ സ്മാരക ഫുട് ബോൾ ടൂർണ്ണ മെന്റിന് വർണ്ണാഭമായ തുടക്കം
  • ഗാസയിലെ പരിക്കേറ്റവർക്ക് 2 ദശ ലക്ഷം ദിര്‍ഹത്തിൻ്റെ മെഡിക്കൽ സഹായം എത്തിച്ച് ബുര്‍ജീല്‍ ഹോൾഡിംഗ്സ്
  • ഇ. കെ. നായനാര്‍ സ്മാരക ഫുട് ബോൾ ടൂർണ്ണ മെൻ്റ് മാർച്ച് 16, 17 തിയ്യതികളിൽ
  • അൽ ഐൻ മലയാളി സമാജം പുതിയ കമ്മിറ്റി
  • ജിമ്മി ജോർജ്ജ് മെമ്മോറിയൽ വോളി ബോൾ ടൂർണ്ണ മെൻ്റ് മാർച്ച് 27 മുതൽ
  • മികച്ച നേട്ടം കൈവരിച്ച് ബുര്‍ജീല്‍ ഹോൾഡിംഗ്സ്
  • ബാ​പ്സ് ഹി​ന്ദു മ​ന്ദി​റി​ലേ​ക്ക് പു​തി​യ ബസ്സ് (203) സർവ്വീസ്
  • റമളാൻ ഹദിയ : ബ്രോഷർ പ്രകാശനം ചെയ്തു
  • അൽ ഐൻ ഓര്‍ത്തഡോക്‌സ് പള്ളിയില്‍ ഓർമ്മപ്പെരുന്നാളും പൊതു സമ്മേളനവും
  • വ്യക്തി കേന്ദ്രീകൃതമായ ചികിത്സയിലൂടെ അർബുദത്തെ നേരിടുന്നതിൽ വൻ മുന്നേറ്റം ഉണ്ടാക്കുവാൻ കഴിയും : പ്രൊഫ. ജെയിംസ് ആലിസൺ
  • സായിദ് എയർ പോർട്ടിൽ ആരോഗ്യ സേവനങ്ങൾക്കായി ബുർജീലിനെ തെരഞ്ഞെടുത്തു
  • മലപ്പുറം ജില്ലാ കെ. എം. സി. സി. യുടെ TASKCON പ്രഖ്യാപനം
  • ഫുഡ്‌ ഫെസ്റ്റ് സീസൺ-2 : വിജയികൾക്ക് സമ്മാനങ്ങൾ വിതരണം ചെയ്തു
  • ഗൂഗിള്‍ ക്രോം ഉപയോക്താക്കള്‍ക്ക് മുന്നറിയിപ്പ്
  • ഖുർആൻ പാരായണ മത്സരം



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine