വാഴക്കുളം കൈതച്ചക്കയുടെ മാധുര്യം ഇനി ഗള്‍ഫിലും

October 7th, 2011

ദുബായ്‌ : ലോകപ്രശസ്തമായ വാഴക്കുളം കൈതച്ചക്ക ഗള്‍ഫില്‍ വിപണനം ചെയ്യുന്നതിന്റെ സാദ്ധ്യതകള്‍ ആരായുന്നതിനായി വിദഗ്ദ്ധ സംഘം ദുബായില്‍ എത്തി. ഇന്‍ഫാം ദേശീയ ട്രസ്റ്റി എം. സി. ജോര്‍ജ്ജ്, പൈനാപ്പിള്‍ അവാര്‍ഡ്‌ ജേതാവായ ഇസ്മയില്‍ റാവുത്തര്‍ എന്നിവരുടെ നേതൃത്വത്തില്‍ എത്തിയ ഇന്‍ഫാം സംഘം എറണാകുളം പ്രവാസി വെല്‍ഫെയര്‍ അസോസിയേഷനുമായി സഹകരിച്ചു പ്രവര്‍ത്തിക്കും എന്ന് അറിയിച്ചു.

vazhakulam-pineapple-market-epathramവാഴക്കുളം പൈനാപ്പിള്‍ മാര്‍ക്കറ്റ്‌

കീടനാശിനി പ്രയോഗിക്കാതെ ഉല്‍പ്പാദനം ചെയ്യുന്ന വാഴക്കുളം കൈതച്ചക്കയുടെ ഏറ്റവും വലിയ പ്രത്യേകത ഇതിന്റെ സ്വാദ്‌ തന്നെയാണ്. ഏറ്റവും രുചികരമായ വാഴക്കുളം കൈതച്ചക്കയ്ക്ക് ജ്യോഗ്രഫിക്കല്‍ ഇന്‍ഡിക്കേഷന്‍ പദവിയും ലഭിച്ചിട്ടുണ്ട് എന്ന് സംഘാംഗങ്ങള്‍ അറിയിച്ചു.

- കറസ്പോണ്ടന്റ്

വായിക്കുക: , , ,

അഭിപ്രായം എഴുതുക »

അക്കാഫ്‌ ഓണവിരുന്ന് സമാപിച്ചു

September 25th, 2011

onavirunnu-epathram

ദുബായ് : നിത്യ ജീവിതത്തില്‍ വേദനകളും ഉത്ക്കണ്ഠകളും പങ്കിടാന്‍ കൂട്ടില്ലാതെ ഇരിക്കുമ്പോള്‍ കൂട്ടായ്മകള്‍ക്ക് പ്രത്യാശയുടെ പൊന്‍തിരി തെളിയിക്കുവാന്‍ കഴിയുമെന്ന് പ്രശസ്ത സാഹിത്യകാരന്‍ എം.ടി. വാസുദേവന്‍ നായര്‍ അഭിപ്രായപ്പെട്ടു. കേരളത്തിലെ 55 കോളേജുകളിലെ പൂര്‍വവിദ്യാര്‍ഥി സംഘടനകളുടെ സംഗമ വേദിയായ അക്കാഫ്‌ അല്‍ നാസര്‍ ലെഷര്‍ ലാന്‍ഡില്‍ വെള്ളിയാഴ്ച സംഘടിപ്പിച്ച ഓണവിരുന്ന് 2011 എന്ന വേദിയില്‍ മുഖ്യപ്രഭാഷണം നിര്‍വഹിച്ചു സംസാരിക്കുകയായിരുന്നു എം.ടി. പഠിച്ച കോളേജില്‍ വര്‍ഷങ്ങള്‍ക്കു ശേഷം വീണ്ടും പഠിക്കാന്‍ എത്തുന്ന സുഹൃത്തുക്കളുടെ കഥ പറയുന്ന ”സീനിയേഴ്സ്” എന്ന ചിത്രത്തിലെ താരങ്ങളായ മനോജ്‌.കെ.ജയന്‍, സിന്ദു മേനോന്‍, പത്മപ്രിയ, മീര നന്ദന്‍, ചിത്രത്തിന്റെ അണിയറ പ്രവര്‍ത്തകരും ഓണവിരുന്ന് അവിസ്മരണീയമാക്കാന്‍ സദസ്സിലും വേദിയിലും ആദിയോടന്തം ഉണ്ടായിരുന്നു.

Singarimelam-ladies-epathram
രാവിലെ പതിനൊന്നരയ്ക്ക് മുവ്വായിരത്തിലധികം പേര്‍ക്കുള്ള ഓണസദ്യയോടെ ആരംഭിച്ച ഓണവിരുന്നില്‍ എം.ടി തിരി തെളിച്ചു. വൈകിട്ട് നാലരയ്ക്ക് ആരംഭിച്ച ഘോഷയാത്രയില്‍ അനേകം പേര്‍ പങ്കെടുത്തു. തനത് നാടന്‍ കലാരൂപങ്ങളാല്‍ സമ്പന്നമായ ഘോഷയാത്രയില്‍ ചെണ്ട മേളം, ശിങ്കാരിമേളം, പുലികളി, തെയ്യം, കഥകളി, വിവിധ രൂപത്തിലുള്ള മാവേലിമാര്‍ എന്നിവര്‍ അണി നിരന്നു.

അക്കാഫ്‌ പ്രസിഡന്റ്‌ എം. ഷാഹുല്‍ ഹമീദ്‌ അധ്യക്ഷത വഹിച്ചു. I.C.W.C കണ്‍വീനര്‍ കെ. കുമാര്‍, സിനിമ നിര്‍മാതാവ് വൈശാഖ്‌ രാജന്‍, അക്കാഫ്‌ സ്ഥാപക പ്രസിഡന്റ്‌ ജി.നടരാജന്‍, ബിസിനസ്‌ മേധാവി ഷിബു ചെറിയാന്‍, അക്കാഫ്‌ ജനറല്‍ സെക്രട്ടറി ഷിനോയ് സോമന്‍, ട്രഷറര്‍ സി. ഷൈന്‍ ജെനെറല്‍ കണ്‍വീനര്‍ ദീപു ചാള്‍സ് എന്നിവര്‍ പ്രസംഗിച്ചു.

- ജെ.എസ്.

വായിക്കുക: , , , ,

അഭിപ്രായം എഴുതുക »

ഓര്‍ത്തോഡോക്സ് കത്തീഡ്രല്‍ കുടുംബ സംഗമം

September 21st, 2011

st-thomas-orthodox-cathedral-dubai-epathram

ദുബായ്‌ : ദുബായ്‌ സെന്റ്‌ തോമസ്‌ ഓര്‍ത്തോഡോക്സ് കത്തീഡ്രല്‍ കുടുംബ സമ്മേളനം നടത്തുന്നു. ഈ വര്‍ഷത്തെ പ്രധാന ചിന്താ വിഷയം “അഗപ്പെ” എന്നതാണ്. അഗാപ്പെ എന്നാല്‍ നിര്‍വ്യാജ സ്നേഹം. സെപ്റ്റംബര്‍ 23, 24 വെള്ളി ശനി എന്നീ രണ്ടു ദിവസങ്ങളിലായി പള്ളി അങ്കണത്തിലാണ് സമ്മേളനം നടത്തുന്നത്. പ്രമുഖ ഗ്രന്ഥ കര്‍ത്താവും ആലുവ കേന്ദ്രമാക്കി പ്രവര്‍ത്തിക്കുന്ന ഫാമിലി കൌണ്‍സിലറും ആയ റവ. ഫാ. ജോണി ജോണ്‍, പ്രാസംഗികനും കൌണ്‍സിലറും ആയ റവ. ഫാ. ടൈറ്റസ്‌ ജോണ്‍ തലവൂര്‍ എന്നിവര്‍ വിഷയത്തെ ആസ്പദം ആക്കിയും ഡോ. അജിത്ത് ആരോഗ്യ ബോധവല്‍ക്കരണ ക്ലാസും, സാമ്പത്തിക വിദഗ്ദ്ധനായ ബി. മുഹമ്മദ്‌ കുടുംബ സാമ്പത്തിക ഭദ്രത – വിനിയോഗം എന്നിവയെ കുറിച്ചും ക്ലാസുകള്‍ നയിക്കുന്നതാണ് എന്ന് ഫാദര്‍ ടി. ജെ. ജോണ്‍സണ്‍ അറിയിച്ചു. കോണ്‍ഫറന്സിന്റെ നടത്തിപ്പിലേയ്ക്കായി സഹ വികാരി ഫാ. ബിജു ഡാനിയേല്‍ ജനറല്‍ കണ്‍വീനര്‍ ആയി വിവിധ കമ്മിറ്റികള്‍ പ്രവര്‍ത്തിച്ചു വരുന്നു. കൂടുതല്‍ വിവരങ്ങള്‍ക്ക് 050 2063395 എന്ന നമ്പരില്‍ ബന്ധപ്പെടുക.

അയച്ചു തന്നത് : പോള്‍ ജോര്‍ജ്ജ്

- കറസ്പോണ്ടന്റ്

വായിക്കുക: ,

അഭിപ്രായം എഴുതുക »

ദുബായില്‍ പ്ലാസ്റ്റിക്‌, കീടനാശിനി ഉപയോഗങ്ങള്‍ക്ക് നിയന്ത്രണം

September 18th, 2011

RASHID-BIN-FAHAD-epathram

ദുബായി: കീടനാശിനികളുടെ അനധികൃത ഉപയോഗം നിയന്ത്രിക്കുമെന്നു പരിസ്ഥിതി ജല മന്ത്രി ഡോ. റാഷിദ് അഹമ്മദ് ബിന്‍ ഫഹദ്‌. കാര്‍ഷിക ആവശ്യങ്ങള്‍ക്കും വീടുകളില്‍ പ്രാണി ശല്യം ഇല്ലാതാക്കുന്നതിനും കീടനാശിനികള്‍ ഉപയോഗിക്കുന്നതിനു കര്‍ശന നിയന്ത്രണം ഏര്‍പ്പെടുത്തും. ഇതോടൊപ്പം എമിറേറ്റില്‍ പ്ലാസ്റ്റിക്‌ സഞ്ചികളുടെ ഉപയോഗം നിയന്ത്രിക്കാനുള്ള നടപടികളും ശക്തമാക്കുമെന്ന് അദ്ധേഹം പറഞ്ഞു. ഈ വിഷയത്തില്‍ ജനങ്ങളെ ബോധവല്‍ക്കരിക്കുന്നതിന് മാധ്യമങ്ങളുടെ പങ്കു വലുതാണ്‌. ദുബായിലെ പരിസ്ഥിതി സംരക്ഷണ പ്രവര്‍ത്തനങ്ങള്‍ക്ക് പ്ലാസ്റ്റിക്‌ ഉപയോഗം ഒരു തടസ്സമാണ്. പ്ലാസ്റ്റിക് ക്യാരി ബാഗുകളുടെ ഉപയോഗം പരമാവധി കുറയ്ക്കുവാന്‍ അദ്ധേഹം ജനങ്ങളെ ആഹ്വാനം ചെയ്തു. പരിസ്ഥിതി സംരക്ഷണ പ്രവര്‍ത്തനങ്ങള്‍ക്കായി യു.എ.ഇ. ഏര്‍പ്പെടുത്തിയിരിക്കുന്ന 10 ലക്ഷം ദിര്‍ഹത്തിന്റെ എമിരേറ്റ്സ് പരിസ്ഥിതി സംരക്ഷണ പ്രോത്സാഹന അവാര്‍ഡ്‌ പ്രഖ്യാപന വേളയിലാണ് മന്ത്രി ഇക്കാര്യം വെളിപ്പെടുത്തിയത്

- ജെ.എസ്.

വായിക്കുക: , ,

അഭിപ്രായം എഴുതുക »

ദുബായില്‍ പുതിയ പാത ഗതാഗത ത്തിനായി തുറന്നു കൊടുത്തു

September 16th, 2011

dubai-new-road-epathram

ദുബായ് : അല്‍ വാസല്‍ പുതിയ റോഡ്‌ ഇന്ന് (വെള്ളിയാഴ്ച) രാവിലെ റോഡ്സ് ആന്‍ഡ് ട്രാന്‍സ്പോര്‍ട്ട് അതോറിറ്റി (ആര്‍. ടി. എ.) ഗതാഗത ത്തിനായി തുറന്നു കൊടുത്തു.

ദുബായ്‌ വേള്‍ഡ്‌ ട്രേഡ്‌ സെന്റര്‍ മുതല്‍ ഷെയ്ഖ് സായിദ്‌ റോഡിന്റെ വലതു ഭാഗത്ത് കൂടി ഡിഫന്‍സ്‌ റൌണ്ട് അബൌട്ട് സമീപത്തിലൂടെ അണ്ടര്‍ പാസ്സ് വഴി അല്‍ വാസലിലേക്കും അല്‍ സഫയിലേക്കും പോകുന്ന പാതയാണിത്. കൂടാതെ അല്‍ വാസലിലെ ഖല്‍ഫാന്‍ ഖുര്‍ആന്‍ സെന്ററിന്റെ സമീപത്തിലൂടെ കടന്നു പോകുന്ന സര്‍വീസ്‌ റോഡും ഇതോടൊപ്പം ആര്‍. ടി. എ. തുറന്നു കൊടുത്തിട്ടുണ്ട്.

ദുബായിലേക്ക് ജുമേര, സഫാ പാര്‍ക്ക്‌, വഴി വരുന്ന വാഹനങ്ങള്‍ക്ക് എന്നും തിരക്ക് അനുഭവപ്പെടുന്ന സത്വ റോഡ്‌ പോകാതെ ഇതു വഴി സിഗ്നല്‍ കുറഞ്ഞത് കാരണം വേഗത്തില്‍ ട്രേഡ്‌ സെന്റര്‍ റൌണ്ട് അബൌട്ടിലേക്കും സത്വ അല്‍ ദിയാഫ റൌണ്ട് അബൌട്ടിലേക്കും ചെന്നെത്താന്‍ ഈ പുതിയ പാത വഴി സാധിക്കും.

അയച്ചു തന്നത് : ടി. എ. എം. ആലൂര്‍

- ജെ.എസ്.

വായിക്കുക: ,

അഭിപ്രായം എഴുതുക »

Page 3 of 1612345...10...Last »

« Previous Page« Previous « കോടതി വിധി നടപ്പിലാക്കണം : സെന്റ്‌ തോമസ്‌ ഓര്‍ത്തോഡോക്സ് കത്തീഡ്രല്‍
Next »Next Page » ദുബായില്‍ പ്ലാസ്റ്റിക്‌, കീടനാശിനി ഉപയോഗങ്ങള്‍ക്ക് നിയന്ത്രണം »



ജലീല്‍ രാമന്തളിക്കും ബി. ...
സുരക്ഷക്കും സമാധാന ത്തിനു...
തടവുകാരെ കൈമാറാന്‍ ഇന്ത്യ...
വ്യാജ മൊബൈലിനെതിരെ കര്‍ശ...
ബോയിംഗിന് ഇത് ചരിത്ര മുഹൂ...
ദുബായ് എയര്ഷോ ആരംഭിച്ചു...
മലയാളി സമാജം ആര്‍. സി. സി...
പ്രവാസി സാമ്പത്തിക അച്ചടക...
ഇന്ത്യന്‍ വിസ ഇനി ഓണ്‍ലൈന...
ദുബായ് ആനപ്രേമി സംഘം മാടമ...
സൌദിയില്‍ 8 ബംഗ്ലാദേശ് സ്...
കേരളീയ വിദ്യാഭ്യാസ രംഗം മ...
തിരുനെല്ലൂര്‍ കരുണാകരന്‍ ...
ബഹറിനില്‍ പ്രക്ഷോഭകാരികളെ...
വാഹനം ഓടിച്ചതിന് സൗദി വനി...
സൗദിയില്‍ ഇനി സ്‌ത്രീകള്‍...
ദുബായില്‍ പ്ലാസ്റ്റിക്‌, ...
ദുബായ്‌ മെട്രോ ഗ്രീന്‍ ലൈ...
പ്രവാസി മലയാളികള്‍ ഓണ ലഹര...
സൃഷ്ടാവിന്റെ മഹത്വം ബോദ്ധ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine