ദുബായ്‌ മെട്രോ ഗ്രീന്‍ ലൈന്‍ തുറന്നു

September 10th, 2011

sheikh-mohammed-dubai-metro-epathram

ദുബായ്‌ : ദുബായ്‌ മെട്രോ റെയില്‍ പദ്ധതിയുടെ രണ്ടാം ഘട്ടമായ ഗ്രീന്‍ ലൈന്‍ ഇന്നലെ നടന്ന ചടങ്ങില്‍ യു. എ. ഇ. ഉപരാഷ്ട്രപതിയും പ്രധാനമന്ത്രിയും ദുബായ്‌ ഭരണാധികാരിയുമായ ഷെയ്ഖ്‌ മുഹമ്മദ്‌ ബിന്‍ റാഷിദ്‌ അല്‍ മക്തൂം ഉദ്ഘാടനം ചെയ്തു. ലോകത്തെ ഏറ്റവും നീളമേറിയ പൂര്‍ണ്ണമായും സ്വയം പ്രവര്‍ത്തിക്കുന്ന റെയില്‍ വ്യവസ്ഥ എന്ന ഗിന്നസ്‌ ലോക റെക്കോഡ്‌ പതിപ്പിച്ച ഫലകം ഷെയ്ഖ്‌ മുഹമ്മദ്‌ അനാവരണം ചെയ്തു. ദുബായിയുടെ അസൂയാവഹമായ വളര്‍ച്ചയുടെ ദൃശ്യങ്ങള്‍ അടങ്ങിയ ഒരു ഡോക്യുമെന്ററി ചിത്ര പ്രദര്‍ശനവും ഇതോടൊപ്പം നടക്കുകയുണ്ടായി.

ദുബായ്‌ കിരീടാവകാശിയായ ഷെയ്ഖ്‌ ഹംദാന്‍ ബിന്‍ മുഹമ്മദ്‌ ബിന്‍ റാഷിദ്‌ അല്‍ മക്തൂം, ദുബായ്‌ ഉപ ഭരണാധികാരി ഷെയ്ഖ്‌ മക്തൂം ബിന്‍ മുഹമ്മദ്‌ ബിന്‍ റാഷിദ്‌ അല്‍ മക്തൂം, മറ്റ് ഷെയ്ഖുമാര്‍, മന്ത്രിമാര്‍, ഉന്നത ഉദ്യോഗസ്ഥര്‍ എന്നിവരുടെ അകമ്പടിയോടെ ഷെയ്ഖ്‌ മുഹമ്മദ്‌ പുതിയ മെട്രോ ലൈനിന്റെ ആദ്യ സ്റ്റേഷനായ ദുബായ്‌ ഹെല്‍ത്ത്‌ കെയര്‍ സിറ്റി സ്റ്റേഷനില്‍ നിന്നും കയറി 16 സ്റ്റേഷനുകള്‍ കടന്ന് അവസാന സ്റ്റേഷനായ ഖിസൈസ്‌ എത്തിസലാത്ത്‌ സ്റ്റേഷന്‍ വരെ കന്നി സഞ്ചാരം നടത്തി.

- കറസ്പോണ്ടന്റ്

വായിക്കുക:

അഭിപ്രായം എഴുതുക »

പെന്‍റഗന്‍ ഫ്രൈറ്റ്‌ സര്‍വ്വീസ്‌ ഇഫ്താര്‍ വിരുന്ന്

August 24th, 2011

pentagon-freight-ifthar-meet-ePathram
ദുബായ്‌: ജബല്‍‍ അലിയിലെ പെന്‍റഗന്‍ ഫ്രൈറ്റ്‌ സര്‍വ്വീസ്‌ എന്ന സ്ഥാപന ത്തിലെ ജീവനക്കാര്‍‍ ഒത്തു ചേര്‍ന്ന്‍ ഇഫ്താര്‍ ‍വിരുന്ന് നടത്തി. സഹന ത്തിന്‍റെയും സ്നേഹത്തിന്‍റെയും സാഹോദര്യ ത്തിന്‍റെ യും സന്ദേശം കൈ മാറിയ ഈ വിരുന്നില്‍ കമ്പനി യിലെ വിവിധ ദേശക്കാരായ ജീവനക്കാര്‍ ഒത്തു ചേര്‍ന്നു.

guests-in-pentagon-freight-ifthar-ePathram

റോയ്‌, സക്കറിയ, റിയാസ്‌, മഹറൂഫ്‌, കാദര്‍, ബിനു, റഫീഖ്‌, ബദര്‍, അസ്ലം എന്നിവര്‍ നേതൃത്വം നല്‍കി. ഒരു കൂട്ടായ്മ യുടെ വിജയ മായിരുന്ന ഈ ഇഫ്താര്‍ വിരുന്ന് എന്ന്‍ ഇതിനു പിന്നില്‍‍ പ്രവര്‍ത്തി ച്ചവര്‍ അഭിപ്രായപ്പെട്ടു.

-

വായിക്കുക:

അഭിപ്രായം എഴുതുക »

ഹസാരേക്ക് പിന്തുണയുമായി ദുബായിയില്‍ പ്രകടനം ഒരാള്‍ അറസ്റ്റില്‍

August 23rd, 2011

ANNA_Hazare-epathram

ദുബായ്‌: അഴിമതിക്കെതിരെ ശക്തമായ ലോക്പാല്‍ ബില്‍ കൊണ്ടുവരണമെന്ന് ആവശ്യപ്പെട്ട്‌ നിരാഹാര സമരം നടത്തുന്ന അന്നാ ഹസാരെയ്‌ക്കു പിന്തുണ പ്രഖ്യാപിച്ച്‌ ദുബായിയില്‍ പ്രകടനം സംഘടിപ്പിച്ച ഇന്ത്യക്കാരന്‍ അറസ്റ്റിലായി. ദുബായിയിലെ അല്‍ മംസാര്‍ ബീച്ചിലാണ്‌ നൂറ്റമ്പതോളം വരുന്ന ഇന്ത്യക്കാര്‍ ഹസാരെയെ അനുകൂലിച്ച്‌ പ്രകടനം നടത്തിയത്‌. ബീച്ചിലൂടെ മൂന്നു കിലോമീറ്റര്‍ പ്രകടനം നടത്താന്‍ പദ്ധതിയിട്ടിരുന്നെങ്കിലും പോലീസെത്തി പ്രകടനം തടയുകയായിരുന്നു. പ്രകടനം സംഘടിപ്പിച്ച ഇന്ത്യക്കാരനെ ദുബായ്‌ പോലീസ്‌ അറസ്റ്റു ചെയ്യുകയായിരുന്നു. പ്രകടനം അറസ്റ്റിലായ ഇന്ത്യക്കാരെക്കുറിച്ച്‌ കൂടുതല്‍ വിവരങ്ങള്‍ പോലീസ്‌ പുറത്തുവിട്ടിട്ടില്ല. ഫേസ്‌ബുക്കിലൂടെ നിയമവിരുദ്ധമായി പ്രകടനം സംഘടിപ്പിച്ചെന്നാണ്‌ കേസ്‌. ഹസാരെയ്‌ക്കു പിന്തുണ പ്രഖ്യാപിച്ചു കൊണ്ടുള്ള ബാഡ്‌ജുകളും ദേശീയ പതാകയുമേന്തി കുട്ടികള്‍ ഉള്‍പ്പെടെയുള്ളവരാണ്‌ ദുബായിയില്‍ പ്രകടനത്തിനെത്തിയതെന്ന്‌ വിവിധ മാധ്യമങ്ങള്‍ റിപ്പോര്‍ട്ടു ചെയ്‌തു.

- ജെ.എസ്.

വായിക്കുക: ,

അഭിപ്രായം എഴുതുക »

ഹോളി ഖുര്‍ആന്‍ അവാര്‍ഡ്‌ മത്സര ത്തില്‍ മര്‍കസ് വിദ്യാര്‍ത്ഥി

August 2nd, 2011

hafiz-shamir-dubai-holy-quraan-award-ePathram

ദുബായ് : അന്താരാഷ്ട്ര ഹോളി ഖുര്‍ആന്‍ അവാര്‍ഡ്‌ മത്സര ത്തില്‍ ഇന്ത്യയെ പ്രതിനിധീകരിച്ച് ഇത്തവണയും മര്‍കസ് വിദ്യാര്‍ത്ഥി. കാരന്തൂര്‍ മര്‍കസു സഖാഫത്തി സുന്നിയ്യ ശരീഅത്ത് കോളേജ് വിദ്യാര്‍ത്ഥി ഹാഫിസ് ശമീര്‍ ആണ് ഇത്തവണ മറ്റു 98 ഓളം രാജ്യങ്ങളിലെ മത്സരാര്‍ത്ഥി കളോടൊപ്പം ഇന്ത്യയെ പ്രതിനിധീകരിക്കുന്നത്.

മലപ്പുറം വേങ്ങര ചേറൂര്‍ സ്വദേശിയായ ശമീര്‍, കൊടക്കല്ലന്‍ മുഹമ്മദ്‌ കുട്ടി യുടെയും ഖദീജ യുടെയും മകനാണ്. 2002 ല്‍ മര്‍കസ് ഹിഫ്ളുല്‍ ഖുര്‍ ആനില്‍ ചേര്‍ന്ന ശമീര്‍ 2005 ല്‍ ഹാഫിസ് ബിരുദം കരസ്ഥ മാക്കി. 

2008 ല്‍ നടന്ന സംസ്ഥാന സ്കൂള്‍ അറബിക് കലോത്സവ ത്തില്‍ ഖിറാഅത്തിന് ഒന്നാം സ്ഥാനം നേടിയ ശമീര്‍ 2010 ല്‍ ഈജിപ്റ്റില്‍ നടന്ന ഖുര്‍ആന്‍ മത്സര ത്തിലും 2007 ല്‍ തിരുവനന്തപുരത്തും 2009 ല്‍ കോഴിക്കോടും നടന്ന അഖില കേരള ഖുര്‍ആന്‍ മത്സര ങ്ങളിലും 2006 ല്‍ നടന്ന എസ്. എസ്. എഫ്. സംസ്ഥാന സാഹിത്യോത്സവ് ലും ഖിറാഅത്തിനു ഒന്നാം സ്ഥാനം നേടിയിരുന്നു.

ഇത്തവണയും മലയാളി യായ മത്സരാര്‍ത്ഥി ഇന്ത്യയെ പ്രതിനിധീ കരിക്കുന്നതില്‍ ആവേശ ത്തിലാണ് യു. എ. ഇ. യിലെ മലയാളി സമൂഹം.

2009 ല്‍ നടന്ന മത്സര ത്തില്‍ ഇന്ത്യയെ പ്രതിനിധീകരിച്ച മര്‍കസ് വിദ്യാര്‍ത്ഥി ഹാഫിസ് ഇബ്രാഹിം സയ്യിദ്‌ അഹമദ്‌ ഒന്നാം സ്ഥാനം നേടിയിരുന്നു.

-

വായിക്കുക: , ,

അഭിപ്രായം എഴുതുക »

‘ഭാവന കഥയരങ്ങ്- 2011’ രാജു ഇരിങ്ങല്‍ ഒന്നാം സമ്മാനം നേടി

July 26th, 2011

bhavana-story-writing-winner-ePathram

ദുബായ് : ഭാവനാ ആര്‍ട്‌സ് സൊസൈറ്റി, മിഡ്‌സീ ഷിപ്പിംഗ് കമ്പനിയും സംയുക്തമായി റോയല്‍ പാലസ് ഹോട്ടലില്‍ കഥയരങ്ങ് സംഘടിപ്പിച്ചു.

‘ഭാവന കഥയരങ്ങ്- 2011 എന്ന പേരില്‍ നടന്ന പരിപാടി യില്‍ ഒന്നാം സമ്മാനം നേടിയ രാജു ഇരിങ്ങല്‍ രചിച്ച ‘നിരപരാധി എന്ന അശ്ലീല കഥ’ ഭാവന കലാ വിഭാഗം സെക്രട്ടറി ഷാനവാസ് ചാവക്കാട് അവതരി പ്പിച്ചു. രാജു വിനുള്ള അവാര്‍ഡ്‌ ഷാനവാസ് ഏറ്റുവാങ്ങി.

രണ്ടാം സമ്മാനം നേടിയ സി. പി. അനില്‍ കുമാറിന്‍റെ ‘വൈഖരി’, മൂന്നാം സമ്മാനം കിട്ടിയ സോണിയ റഫീക്കിന്‍റെ ‘കാലാന്തരങ്ങള്‍’ എന്നിവ കഥാകൃത്തുക്കള്‍ തന്നെ അവതരിപ്പിച്ചു.

ജോസ്‌ ആന്റണി കുരീപ്പുഴ, തോമസ്‌ ചെറിയാന്‍, അജിത്‌ കുമാര്‍ എന്നിവര്‍ സമ്മാനാര്‍ഹമായ കഥകള്‍ വിലയിരുത്തി സംസാരിച്ചു. സാംസ്കാരിക രംഗത്തെ പ്രമുഖര്‍ അവാര്‍ഡുകള്‍ വിതരണം ചെയ്തു. താജ്മഹലിന് ഓര്‍മ്മ ക്കുറിപ്പ്, രാവണ പുത്രി എന്നീ കവിതകള്‍ ശിവപ്രസാദ്, വിപുല്‍ കുമാര്‍ എന്നിവര്‍ ആലപിച്ചു.

കെ. ത്രിനാഥ് അദ്ധ്യക്ഷത വഹിച്ചു. സുലൈമാന്‍ തണ്ടിലം സ്വാഗതവും ഖാലിദ് തൊയക്കാവ് നന്ദിയും പറഞ്ഞു.

- ഫൈസല്‍ ബാവ

വായിക്കുക: , ,

അഭിപ്രായം എഴുതുക »

Page 4 of 16« First...23456...10...Last »

« Previous Page« Previous « ഭരതന്‍ അനുസ്മരണം അബുദാബിയില്‍
Next »Next Page » മന്ത്രി ഗണേഷ്‌കുമാര്‍ 29ന് സമാജ ത്തില്‍ »



ജലീല്‍ രാമന്തളിക്കും ബി. ...
സുരക്ഷക്കും സമാധാന ത്തിനു...
തടവുകാരെ കൈമാറാന്‍ ഇന്ത്യ...
വ്യാജ മൊബൈലിനെതിരെ കര്‍ശ...
ബോയിംഗിന് ഇത് ചരിത്ര മുഹൂ...
ദുബായ് എയര്ഷോ ആരംഭിച്ചു...
മലയാളി സമാജം ആര്‍. സി. സി...
പ്രവാസി സാമ്പത്തിക അച്ചടക...
ഇന്ത്യന്‍ വിസ ഇനി ഓണ്‍ലൈന...
ദുബായ് ആനപ്രേമി സംഘം മാടമ...
സൌദിയില്‍ 8 ബംഗ്ലാദേശ് സ്...
കേരളീയ വിദ്യാഭ്യാസ രംഗം മ...
തിരുനെല്ലൂര്‍ കരുണാകരന്‍ ...
ബഹറിനില്‍ പ്രക്ഷോഭകാരികളെ...
വാഹനം ഓടിച്ചതിന് സൗദി വനി...
സൗദിയില്‍ ഇനി സ്‌ത്രീകള്‍...
ദുബായില്‍ പ്ലാസ്റ്റിക്‌, ...
ദുബായ്‌ മെട്രോ ഗ്രീന്‍ ലൈ...
പ്രവാസി മലയാളികള്‍ ഓണ ലഹര...
സൃഷ്ടാവിന്റെ മഹത്വം ബോദ്ധ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine