അബുദാബി : ഒരു നുണ ആയിരം തവണ ആവര്‍ത്തിച്ച് സത്യമാക്കാനുള്ള ഗീബല്‍സിയന്‍ തന്ത്രം കേരള ജനത തള്ളികളഞ്ഞു എന്ന്‍ മലപ്പുറം ജില്ലാ കെ. എം. സി. സി. സെക്രട്ടറി ശുക്കൂറലി കല്ലിങ്ങല്‍ പറഞ്ഞു.
മുസ്ലീംലീഗിനും പാര്‍ട്ടി യുടെ നേതാക്കള്‍ക്കും എതിരെ നടത്തി വരുന്ന അപവാദ പ്രചാരണ ങ്ങള്‍ക്ക് എതിരെ നവംബര്‍ 10 മുതല്‍ ആരംഭിക്കുന്ന മുസ്ലിംലീഗ് ക്യാമ്പയിന്‍, നാദാപുരം മണ്ഡലം കെ. എം. സി. സി. പ്രചരണ സമ്മേളനത്തില്‍ വിഷയം അവതരിപ്പിച്ച് സംസാരിക്കുക യായിരുന്നു അദ്ദേഹം. ഇന്ത്യാ വിഷന്‍ അടക്കമുള്ള ചാനലു കളുടെ നീക്കം ശക്തമായി ചെറുക്കും എന്നും അദ്ദേഹം കൂട്ടിച്ചേര്‍ത്തു.
ക്യാമ്പയിന്‍ പ്രചരണാര്‍ത്ഥം നാദാപുരം മണ്ഡലം കെ. എം. സി. സി., ഇന്ത്യന്‍ ഇസ്ലാമിക്‌ സെന്‍ററില്‍ സംഘടിപ്പിച്ച പ്രചരണ സമ്മേളനം പി. ആലിക്കോയ ഉദ്ഘാടനം ചെയ്തു.
അബ്ദുല്‍ ബാസിത് കായക്കണ്ടി, ഹാഷിം ചീരോത്ത്‌, പി. പി. അഹമ്മദ്‌ ഹാജി, അഷ്‌റഫ്‌ പൊന്നാനി എന്നിവര്‍ സംബന്ധിച്ചു. സി. എച്ച്. ജാഫര്‍ തങ്ങള്‍ സ്വാഗതവും ലത്തീഫ്‌ വാണിമേല്‍ നന്ദിയും പറഞ്ഞു.
ദുബായ് : സീതി സാഹിബ് വിചാര വേദി മെമ്പര്‍ഷിപ്‌ കാമ്പയിന്‍ നവംബര്‍ 1 മുതല്‍ 30 വരെ നടത്ത പ്പെടുകയാണ്. അതിന്റെ ഉത്ഘാടനം 29 -10 – 2011 ശനിയാഴ്ച ദുബായ് കെ. എം. സി. സി. ഓഡിറ്റോറിയ ത്തില്‍ രാത്രി 8 മണിക്ക് സ്പെഷ്യല്‍ പൊതു യോഗത്തില്‍ നടത്തപ്പെടും.
