‘സമാജ ത്തിനൊരു പുസ്തകം’

August 5th, 2011

അബുദാബി : അബുദാബി യിലെ ഏറ്റവും പഴക്കം ചെന്നതും അപൂര്‍വ്വ ങ്ങളായ പുസ്തക ങ്ങളുടെ ശേഖരം ഉള്ളതുമായ അബുദാബി മലയാളി സമാജം ലൈബ്രറി വികസിപ്പിക്കുന്ന തിന്‍റെ ഭാഗമായി ആവിഷ്‌കരിച്ച ‘സമാജ ത്തിനൊരു പുസ്തകം’ പരിപാടി യുടെ ഉദ്ഘാടനം മുസഫയില്‍ നടന്നു. സമാജം മെമ്പറും നോവലിസ്റ്റുമായ എ. എ. മുഹമ്മദ് തന്‍റെ പുസ്തക ശേഖര ത്തില്‍നിന്നും 10 പുസ്തകങ്ങള്‍ നല്‍കി ക്കൊണ്ട് പരിപാടി ഉദ്ഘാടനം ചെയ്തു.

സമാജം ലൈബ്രേറിയന്‍ അബൂബക്കര്‍ പുസ്തകങ്ങള്‍ ഏറ്റുവാങ്ങി. പ്രസിഡന്‍റ് മനോജ് പുഷ്‌കര്‍, ജനറല്‍ സെക്രട്ടറി കെ. എച്ച്. താഹിര്‍, എന്നിവര്‍ സന്നിഹിതരായിരുന്നു.

പദ്ധതിയുടെ ഭാഗമായി ആഗസ്ത് മാസം പുസ്തക സമാഹരണ മാസമായി ആചരിക്കും. ഇക്കാല യളവില്‍ സമാജ ത്തിന് പുസ്തകങ്ങള്‍ സംഭാവന നല്‍കാന്‍ താത്പര്യമുള്ളവര്‍ ലൈബ്രേറിയന്‍ അബൂബക്കറിനെ 050 – 566 52 64 എന്ന നമ്പരില്‍ ബന്ധപ്പെടുക.

മുസഫ യിലെ വിപുലമായ വായന സമൂഹത്തിന്‍റെ ആവശ്യാര്‍ത്ഥം സമാജം ആവിഷ്‌കരിച്ച ഈ പദ്ധതി യില്‍ എല്ലാ മലയാളി കളുടെയും സഹകരണം ഉണ്ടാകണമെന്ന് സമാജം ഭാരവാഹികള്‍ അഭ്യര്‍ത്ഥിച്ചു.

-

വായിക്കുക: ,

അഭിപ്രായം എഴുതുക »

വേനല്‍ കൂടാരത്തിന് വര്‍ണ്ണാഭമായ സമാപനം

August 3rd, 2011

samajam-summer-camp-2011-winners-ePathram

അബുദാബി : അബുദാബി മലയാളി സമാജം സംഘടിപ്പിച്ച അനുരാഗ് മെമ്മോറിയല്‍ സമ്മര്‍ ക്യാമ്പ് ‘വേനല്‍ കൂടാരം’ സമാപിച്ചു. പദ്മശ്രീ പെരുവനം കുട്ടന്‍ മാരാര്‍ നിലവിളക്കു കൊളുത്തി സമാപന പരിപാടികള്‍ ഉദ്ഘാടനം ചെയ്തു. സമാജം പ്രസിഡന്‍റ് മനോജ് പുഷ്കര്‍ അദ്ധ്യക്ഷത വഹിച്ച യോഗ ത്തില്‍ പെരുവനം കുട്ടന്‍ മാരാരെയും കഥകളി കലാകാരന്‍ ഏറ്റുമാനൂര്‍ കണ്ണനെയും പൊന്നാട അണിയിച്ച് ആദരിച്ചു.

16 ദിവസം നീണ്ടുനിന്ന സമ്മര്‍ ക്യമ്പിന്‍റെ സമാപനം കുട്ടികളുടെ കലാവാസന കളുടെ മാറ്റുരച്ച് നോക്കുന്ന വേദി കൂടിയായി. കുട്ടികള്‍ അവതരിപ്പിച്ച വിവിധ കലാ പരിപാടി കള്‍ സമാപന പരിപാടി കളെ വര്‍ണ്ണാഭമാക്കി.

ക്യാമ്പ് ഡയറക്ടര്‍ ചിക്കൂസ് ശിവന്‍ രചിച്ച നാല് നാടകങ്ങള്‍ ക്യാമ്പിലെ നാല് ഹൌസുകള്‍ അവതരി പ്പിച്ചു. എറ്റവും നല്ല നടനായി ശ്യാം അശോക് കുമാറി നെയും നടിയായി ശ്വേതാ ദയാലിനെ യും തെരഞ്ഞെടുത്തു.

samajam-summer-camp-2011-ePathram

എറ്റവും നല്ല ക്യാമ്പറായി അനുഷ്മാ ബാലകൃഷ്ണനെ തിരഞ്ഞെടുത്തു. എറ്റവും കൂടുതല്‍ പോയിന്‍റ് നേടിയ ബ്ലൂ ഹൌസിന് വേണ്ടി ടീം ലീഡര്‍ ഇര്‍ഫാന ഇസ്സത്ത്, അനുരാഗ് മെമ്മോറിയല്‍ ട്രോഫി പെരുവനം കുട്ടന്‍ മാരാറില്‍ നിന്നും ഏറ്റുവാങ്ങി.

സമാജം കമ്മിറ്റി അംഗങ്ങളും ചിക്കൂസ് ശിവനും ചേര്‍ന്ന്‍ അഭിനയിച്ച ഹാസ്യനാടകം ശ്രദ്ധേയമായി.

സജീവമായ പ്രവര്‍ത്തന ങ്ങളിലൂടെ വേനല്‍ കൂടാരം വിജയകര മാക്കിയ സമാജം വളണ്ടിയര്‍ മാരായ അബ്ദുല്‍ ഖാദര്‍, മുഹമ്മദ് അലി, സുലജ കുമാര്‍, സീനാ അമര്‍കുമാര്‍, പുഷ്പാ ബാല കൃഷ്ണന്‍, ജീബ എം. സഹിബ്, ബിന്നി മോള്‍ ടോമിച്ചന്‍, അംബികാ രാജ ഗോപാല്‍, ആബിദാ അസീസ്, പ്രീതി ജോളി, ദീപാ സുനില്‍ എന്നിവര്‍ക്ക് പുരസ്കാരം നല്‍കി ആദരിച്ചു.

വൈസ് പ്രസിഡന്‍റ് യേശു ശീലന്‍ അതിഥികളെ സദസ്സിന് പരിചയപ്പെടുത്തി. രവി മേനോന്‍, അമര്‍സിംഗ്, കെ. കെ. മൊയ്തീന്‍ കോയ, ചിക്കൂസ് ശിവന്‍, കെ. എച്. താഹിര്‍ എന്നിവര്‍ സംസാരിച്ചു.

മനേജിംഗ് കമ്മിറ്റി അംഗങ്ങളായ അഷറഫ്‌ പട്ടാമ്പി, അനില്‍ കുമാര്‍, കുമാര്‍ വേലായുധന്‍, അരുണ്‍, ബഷീര്‍, ഇര്‍ഷാദ്, അബൂബക്കര്‍, നിസാര്‍ എന്നിവര്‍ പരിപാടി കള്‍ക്ക് നേതൃത്വം നല്‍കി. ജോയിന്‍റ് സെക്രട്ടറി സതീശന്‍ സ്വാഗതം പറഞ്ഞു. ജീബ എം. സാഹിബാ നന്ദി പ്രകാശിപ്പിച്ചു.

-

വായിക്കുക: ,

അഭിപ്രായം എഴുതുക »

റാഫി അനുസ്മരണം : സമാജം സംഗീത സാന്ദ്രമാക്കി

August 1st, 2011

samajam-tribute-to-muhammed-rafi-ePathram
അബുദാബി : അബുദാബി മലയാളി സമാജം സംഘടിപ്പിച്ച മുഹമ്മദ്‌ റാഫി അനുസ്മരണം സമാജ ത്തെ സംഗീത സാന്ദ്രമാക്കി. അനശ്വര ഗായകന്‍ മുഹമ്മദ് റാഫിയുടെ മുപ്പത്തി ഒന്നാം ചരമ വാര്‍ഷിക ത്തില്‍ റാഫി ഗാനങ്ങള്‍ കോര്‍ത്തിണക്കി സമാജം കലാ വിഭാഗം അവതരിപ്പിച്ച ‘ഗാനാഞ്ജലി’ രാത്രി ഏറെ വൈകിയും തുടര്‍ന്നു എങ്കിലും സമാജം അംഗങ്ങള്‍ക്കും മറ്റ് റാഫി ആരാധകര്‍ക്കും ഒരു വേറിട്ട അനുഭവം ആയിരുന്നു ഈ സംഗീത രാവ്.

റാഫി അനുസ്മരണ സമ്മേളനം സമാജം പ്രസിഡന്‍റ് മനോജ് പുഷ്കര്‍ ഉദ്ഘാടനം ചെയ്തു. യേശു ശീലന്‍, സതീശന്‍, അബ്ദുള്‍ ഖാദര്‍ എന്നിവര്‍ പ്രസംഗിച്ചു. കലാ വിഭാഗം സെക്രട്ടറി ബഷീര്‍ സ്വാഗതവും സാഹിത്യ വിഭാഗം സെക്രട്ടറി ഇര്‍ഷാദ് നന്ദിയും പറഞ്ഞു.

റാഫി ഗാനങ്ങള്‍ ആലപിച്ച് യു. എ. ഇ. യിലെ ഗാനാ സ്വാദകര്‍ക്കു സുപരിചിതനായ ഇസ്മായില്‍, ജോഷി, സന്തോഷ്, സിയാദ്, ബക്കര്‍ കേച്ചേരി, ശ്യാം എന്നിവര്‍ ഗാനങ്ങള്‍ ആലപിച്ചു. സലാം കൊച്ചി, വിനോദ് കണ്ണൂര്‍ എന്നിവര്‍ ഓര്‍ക്കസ്ട്രക്ക് നേതൃത്വം നല്‍കി.

-

വായിക്കുക: ,

അഭിപ്രായം എഴുതുക »

മുഹമ്മദ്‌ റാഫി അനുസ്മരണം

July 29th, 2011

singer-muhammed-rafi-the legend-ePathram
അബുദാബി : അനശ്വര ഗായകന്‍ മുഹമ്മദ്‌ റാഫി യുടെ മുപ്പത്തി ഒന്നാം ചരമ വാര്‍ഷിക ത്തോട് അനുബന്ധിച്ച് മലയാളീ സമാജം കലാ വിഭാഗം റാഫി അനുസ്മരണം സംഘടിപ്പിക്കുന്നു.

ജൂലായ്‌ 30 ശനിയാഴ്ച രാത്രി 8 മണിക്ക് സമാജ ത്തില്‍ നടക്കുന്ന പരിപാടി യില്‍ യു. എ. ഇ. യിലെ പ്രഗല്‍ഭ ഗായകര്‍ പങ്കെടുക്കും.

അതുല്യ പ്രതിഭ യുടെ പ്രശസ്ത ഗാനങ്ങള്‍ ഉള്‍പ്പെടുത്തി അവതരിപ്പിക്കുന്ന ഗാനാഞ്ജലി, റാഫി യുടെ ആരാധകര്‍ക്കും സംഹീത പ്രേമികള്‍ക്കും വേറിട്ട അനുഭവം ആയിരിക്കും എന്ന് സംഘാടകര്‍ അറിയിച്ചു.

വിവരങ്ങള്‍ക്ക് വിളിക്കുക : 02 55 37 600, 050 27 37 406. ( കെ. വി. ബഷീര്‍ – കലാ വിഭാഗം സെക്രട്ടറി).

- ഫൈസല്‍ ബാവ

വായിക്കുക: ,

അഭിപ്രായം എഴുതുക »

സമാജം ‘വേനല്‍കൂടാര’ ത്തില്‍ വര്‍ക്കല കഹാര്‍

July 27th, 2011

varkala-kahar-mla-in-samajam-ePathram
അബുദാബി : മലയാളി സമാജം വേനല്‍കൂടാരം സമ്മര്‍ ക്യാമ്പില്‍ വര്‍ക്കല കഹാര്‍ എം. എല്‍. എ. എത്തി കുട്ടികളുമായി സംവദിച്ചു. സക്‌സസ് എന്ന പദത്തിലെ മൂന്ന് ‘എസു’കള്‍ ജീവിത ത്തില്‍ പ്രാവര്‍ത്തികം ആക്കണമെന്നും ആ മൂന്ന് എസ്സുകള്‍ സൂചിപ്പിക്കുന്നത് സിസ്റ്റമാറ്റിക്, സിന്‍സിയര്‍, സീരിയസ് എന്നീ പദങ്ങള്‍ ആണെന്നും ഇവയിലൂടെ മാത്രമേ വിജയം നേടാന്‍ കഴിയൂ എന്നും അദ്ദേഹം കുട്ടികളെ ഉപദേശിച്ചു.

മലയാളി സമാജം പ്രസിഡന്‍റ് മനോജ് പുഷകര്‍, വൈസ് പ്രസിഡന്‍റ് ബി. യേശുശീലന്‍, ക്യാംപ് ഡയറക്ടര്‍ ചിക്കൂസ് ശിവന്‍, ഇടവാ സെയ്ഫ്, അമര്‍സിംഗ് വലപ്പാട്, സതീശന്‍ എന്നിവര്‍ സംസാരിച്ചു.

- ഫൈസല്‍ ബാവ

വായിക്കുക: , ,

അഭിപ്രായം എഴുതുക »

Page 4 of 8« First...23456...Last »

« Previous Page« Previous « യുവ കലാ സാഹിതി കേന്ദ്ര സമ്മേളനം ദുബായില്‍
Next »Next Page » ‘ഉന്‍മത്തതയുടെ ക്രാഷ് ലാന്‍ഡിംഗുകള്‍’ പ്രകാശനം ചെയ്തു »



ജലീല്‍ രാമന്തളിക്കും ബി. ...
സുരക്ഷക്കും സമാധാന ത്തിനു...
തടവുകാരെ കൈമാറാന്‍ ഇന്ത്യ...
വ്യാജ മൊബൈലിനെതിരെ കര്‍ശ...
ബോയിംഗിന് ഇത് ചരിത്ര മുഹൂ...
ദുബായ് എയര്ഷോ ആരംഭിച്ചു...
മലയാളി സമാജം ആര്‍. സി. സി...
പ്രവാസി സാമ്പത്തിക അച്ചടക...
ഇന്ത്യന്‍ വിസ ഇനി ഓണ്‍ലൈന...
ദുബായ് ആനപ്രേമി സംഘം മാടമ...
സൌദിയില്‍ 8 ബംഗ്ലാദേശ് സ്...
കേരളീയ വിദ്യാഭ്യാസ രംഗം മ...
തിരുനെല്ലൂര്‍ കരുണാകരന്‍ ...
ബഹറിനില്‍ പ്രക്ഷോഭകാരികളെ...
വാഹനം ഓടിച്ചതിന് സൗദി വനി...
സൗദിയില്‍ ഇനി സ്‌ത്രീകള്‍...
ദുബായില്‍ പ്ലാസ്റ്റിക്‌, ...
ദുബായ്‌ മെട്രോ ഗ്രീന്‍ ലൈ...
പ്രവാസി മലയാളികള്‍ ഓണ ലഹര...
സൃഷ്ടാവിന്റെ മഹത്വം ബോദ്ധ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine