സി. എം. ഉസ്താദ് അല്ലാഹുവിന്റെ മാര്‍ഗ്ഗത്തിലെ രക്തസാക്ഷി : സിംസാറുല്‍ ഹഖ്

February 13th, 2011

cm-ustad-epathram

ദുബായ്‌ : പാണ്ഡിത്യവും നേതൃ പാടവവും ഗ്രന്ഥ രചനാ പാടവവും ഒത്തിണങ്ങിയ അപൂര്‍വ്വം ചില മഹത് വ്യക്തിതങ്ങളില്‍ ഒരാളായിരുന്നു ഖാസി സി. എം. അബ്ദുല്ല മൌലവി എന്ന് പ്രമുഖ പ്രാസംഗികന്‍ സിംസാറുല്‍ ഹഖ് ഹുദവി അനുസ്മരിച്ചു. ചെമ്പിരിക്ക വെല്‍ഫെയര്‍ സൊസൈറ്റിയുടെ ആഭിമുഖ്യത്തില്‍ നടന്ന “എന്റെ കഥ, വിദ്യാഭ്യാസത്തിന്റെയും” എന്ന സി. എം. അബ്ദുല്ല മൌലവിയുടെ ആത്മകഥയുടെ ഗള്‍ഫ് സെക്ഷന്‍ പ്രകാശന യോഗത്തിന്റെ മുഖ്യ പ്രഭാഷണം നടത്തുകയായിരുന്നു അദ്ദേഹം.

തന്റെ ജീവിത കാലം മുഴുവന്‍ മത – ഭൌതിക വിജ്ഞാന ശാഖകളുടെ സമന്വയത്തിനും, വിവിധ വിദ്യാഭ്യാസ സ്ഥാപനങ്ങളുടെ സംസ്ഥാപനത്തിനും ചിലവഴിച്ച് ഒടുവില്‍, അല്ലാഹുവിന്റെ മാര്‍ഗത്തില്‍ രക്ത സാക്ഷിയാകേണ്ടി വന്ന മഹാ പണ്ഡിതനാണ് അദ്ദേഹം. പ്രവാചകന്റെ നാല് ഖലീഫമാരില്‍ മൂന്നു പേരുടെയും മരണം ദീനിന്‍റെ ശത്രുക്കളുടെ കരങ്ങളാല്‍ സംഭവിച്ചത് തന്നെയാണ് എന്ന് അദ്ദേഹം ഓര്‍മിപ്പിച്ചു. പാരത്രിക ലോകത്ത് ഉന്നതമായ സ്ഥാനങ്ങള്‍ കല്പിച്ചു നല്‍കാന്‍ അല്ലാഹു അദ്ദേഹത്തിന് ശഹീദിന്റെ പദവി നല്‍കിയതാവാമെന്നും ഇതോടെ ചരിത്രത്തില്‍ രക്തസാക്ഷികളാകേണ്ടി വന്ന മഹാരഥന്‍മാരുടെ പട്ടികയിലേക്ക് സി. എം. ഉസ്താദും ചേര്‍ക്കപ്പെട്ടുവെന്നും അദ്ദേഹം കൂട്ടി ചേര്‍ത്തു. അദ്ദേഹം സ്ഥാപിച്ച സ-അദിയ്യ, മലബാര്‍ ഇസ്ലാമിക് കോമ്പ്ലെക്സ് കോളേജ് അടക്കം എല്ലാ വിദ്യാഭ്യാസ സ്ഥാപന ങ്ങളിലൂടെയും പരന്നൊഴുകി ലോകത്തിനു വെളിച്ചമാകുന്ന വിജ്ഞാന പ്രവാഹത്തിലൂടെ അദ്ദേഹം എക്കാലവും ഓര്‍മിക്കപ്പെടുമെന്നും അവയുടെ പ്രതിഫലം ലോകം നിലനില്‍ക്കുന്ന കാലത്തോളം അദ്ദേഹത്തിന് ലഭ്യമാവട്ടെയെന്നും അദ്ദേഹം പ്രാര്‍ഥിച്ചു. അത് വഴി മഹത് കര്‍മങ്ങളുടെ കാര്യത്തില്‍ മുതലാളിമാരായി നാഥന്റെ സന്നിധിയിലേക്ക് ചെല്ലാന്‍ പറ്റിയ മഹാനായി തീര്‍ന്നു അദ്ദേഹം. ചരിത്രത്തിലെ ഇത്തരം മറ്റു സംഭവങ്ങളില്‍ എന്ന പോലെ മറുഭാഗത്ത്‌ ദൌര്‍ഭാഗ്യ വാന്മാരായ അക്രമികള്‍ ഉണ്ടാവേണ്ടത് ഒരു അനിവാര്യതയായിരുന്നു എന്ന് മാത്രം. പക്ഷെ, അത് വഴി സി. എം. ഉസ്താദ് ശഹീദിന്റെ പദവിയിലേക്ക്, സ്വന്തക്കാരായ 70 പേര്‍ക്ക് മഹ്ശറയില്‍ ശഫാ-അത് നല്‍കാന്‍ കഴിയുന്ന ഉന്നത സ്ഥാനത്തേക്ക് ഉയരുക യാണുണ്ടായത്.

ആത്മകഥ പുസ്തകത്തെ പരിചയപ്പെടുത്തി കൊണ്ട് മകന്‍ സി. എ. ഷാഫി സംസാരിച്ചു. ഖാസി സി. മുഹമ്മദ്‌ കുഞ്ഞി മുസ്ലിയാര്‍ ട്രസ്റ്റ് പുറത്തിറക്കിയ ഈ പുസ്തകത്തിനു പിറകെ സി. എം. അബ്ദുല്ല മൌലവിയുടെ സ്വന്തം കരങ്ങളാല്‍ വിരചിതമായ പഠനാര്‍ഹവും ഗൌരവ പൂര്‍ണവുമായ പല കൃതികളും താമസിയാതെ പുറത്തിറങ്ങുമെന്നും സി. എ. ഷാഫി അറിയിച്ചു.

തന്റെ ജീവിതം പോലെ ഉസ്താതിന്റെ മരണവും ചരിത്രത്തിന്റെ ഭാഗമായെന്നു മൊയ്തു നിസാമി ആശംസ പ്രസംഗത്തില്‍ അനുസ്മരിച്ചു. ഏറെ വിവാദ വല്‍കരിക്കപ്പെട്ട ബുര്‍ദ ബൈതിലെ ആ രണ്ടു വരികളുടെ അര്‍ഥം ഹിന്ദു സഹോദരന്മാര്‍ പോലും ഇപ്പോള്‍ മന: പാഠമാക്കിയത് ആ ജീവിതത്തിന്റെയും മരണത്തിന്റെയും മഹത്വമാകുന്നു എന്ന് അദ്ദേഹം സൂചിപ്പിച്ചു.

സി. എല്‍. മന്‍സൂര്‍ സ്വാഗതം പറഞ്ഞു. ചെമ്പിരിക്ക വെല്‍ഫയര്‍ സൊസൈറ്റി പ്രസിഡന്റ് മുസ്തഫ സര്‍ദാര്‍ അധ്യക്ഷനായി. ദുബായ് സുന്നി സെന്റര്‍ പ്രസിഡന്റ്‌ സയ്യിദ് ഹാമിദ് കൊയമ്മ തങ്ങളില്‍ നിന്ന് അബ്ദുസ്സലാം ഹാജി വെല്‍ഫിറ്റ് പുസ്തകം ഏറ്റുവാങ്ങി.

ആരിഫ്‌ ചെമ്പരിക്ക

- കറസ്പോണ്ടന്റ്

വായിക്കുക: ,

അഭിപ്രായം എഴുതുക »

‘ഇഷ്കെ റസൂല്‍’ ബുര്‍ദ സദസ്സ്

February 2nd, 2011

ishk-e-rasool-burda-epathram

അബുദാബി : ഇന്ത്യന്‍ കള്‍ച്ചറല്‍ ഫോറം – I C F – തൃശൂര്‍ ജില്ലാ കമ്മിറ്റിയും  കേച്ചേരി മമ്പഉല്‍ ഹുദാ ഇസ്ലാമിക്‌ അക്കാദമി യും സംയുക്തമായി സംഘടിപ്പിക്കുന്ന ‘ ഇഷ്കെ റസൂല്‍ : ബുര്‍ദ ആസ്വാദന സദസ്സ്’ അബുദാബി കേരളാ സോഷ്യല്‍ സെന്‍ററില്‍ ഫെബ്രുവരി 3 വ്യാഴാഴ്ച രാത്രി  7 മണിക്ക്‌.
 
ദക്ഷിണേന്ത്യന്‍ വേദികളില്‍ ബുര്‍ദ ആലാപന ത്തിലൂടെ ശ്രദ്ധേയനായ ഒന്‍പതു വയസ്സു കാരന്‍  മുഈനുദ്ധീന്‍ ബാംഗ്ലൂര്‍, ഹാഫിള് സ്വാദിഖ്‌ അലി അല്‍ ഹാഫിളി (സിംഗപ്പൂര്‍) എന്നിവര്‍ നയിക്കുന്ന ഇഷ്കെ റസൂല്‍ പ്രോഗ്രാമില്‍ തൊഴിയൂര്‍ കുഞ്ഞിമുഹമ്മദ് സഖാഫി, ഉസ്മാന്‍ സഖാഫി തിരുവത്ര എന്നിവര്‍ പങ്കെടുക്കുന്നു. 

സ്ത്രീകള്‍ക്ക് പ്രത്യേക സൗകര്യം ഒരുക്കിയിട്ടുണ്ട് എന്ന് പ്രോഗ്രാം കണ്‍വീനര്‍ അറിയിച്ചു.

- കറസ്പോണ്ടന്റ്

വായിക്കുക:

അഭിപ്രായം എഴുതുക »

സുന്നി യുവജന സംഘം ഐ. സി. എഫ്. ന്‍റെ ഭാഗമാകുന്നു

January 23rd, 2011

kantha-puram-in-icf-dubai-epathram

ദുബായ് : പ്രവാസി ഇന്ത്യ ക്കാര്‍ക്കിട യിലെ സാമൂഹിക, സാംസ്‌കാരിക, ധാര്‍മിക പ്രവര്‍ത്തന ങ്ങളെ ഏകോപിപ്പി ക്കുന്നതിനും പൊതുവേദി യില്‍ കൊണ്ടു വരുന്നതിനു മായി രൂപം കൊടുത്ത ഇന്ത്യന്‍ കള്‍ച്ചറല്‍ ഫൗണ്ടേഷന്‍ (ഐ. സി. എഫ്) പ്രഖ്യാപനവും യു. എ. ഇ. തല പ്രവര്‍ത്ത നോദ്ഘാടനവും ദുബായ് മര്‍കസ് ഓഡിറ്റോറിയ ത്തില്‍ അഖിലേന്ത്യാ സുന്നി ജംഇയ്യത്തുല്‍ ഉലമ ജനറല്‍ സെക്രട്ടറി കാന്തപുരം എ. പി. അബൂബക്കര്‍ മുസ്‌ലിയാര്‍ നിര്‍വ്വഹിച്ചു.  ചിത്താരി കെ. പി. ഹംസ മുസ്‌ലിയാര്‍ യോഗം ഉദ്ഘാടനം ചെയ്തു.

എസ്. വൈ. എസ്. പ്രവര്‍ത്തന ങ്ങള്‍ അഖിലേന്ത്യാ തല ത്തില്‍ വ്യാപിച്ച ഘട്ടത്തിലാണ് വിവിധ സംസ്ഥാന ക്കാര്‍ ഒരുമിച്ചു ജോലി ചെയ്യുകയും സാമൂഹിക, സാംസ്‌കാരിക, ധാര്‍മിക പ്രവര്‍ത്തനങ്ങള്‍ നടത്തു കയും ചെയ്യുന്ന ഗള്‍ഫ് നാടുകളില്‍ ഐ. സി. എഫ്. എന്ന പൊതുനാമ ത്തില്‍ പ്രവര്‍ത്തനം തുടങ്ങു ന്നത്. വിവിധ പ്രവാസി ക്ഷേമ പ്രവര്‍ത്തന ങ്ങളും ധാര്‍മിക, സാംസ്‌കാരിക പ്രചാരണങ്ങളും ഐ. സി. എഫ്. ആഭിമുഖ്യ ത്തില്‍ സംഘടിപ്പിക്കും എന്ന് കാന്തപുരം പറഞ്ഞു.
 
 
പ്രസിഡന്‍റ് മുസ്തഫാ ദാരിമി ആദ്ധ്യക്ഷം വഹിച്ചു.  ഐ. സി. എഫ് ന്‍റെ ആഭിമുഖ്യ ത്തില്‍ കാന്തപുരത്തെ ചടങ്ങില്‍ ആദരിച്ചു. എസ്. വൈ. എസ്. സംസ്ഥാന കമ്മിറ്റി യുടെ കീഴിലാണ് വിദേശ രാജ്യങ്ങളില്‍ ഐ. സി. എഫ്. പ്രവര്‍ത്തിക്കുക. എസ്. വൈ. എസ്. എന്ന പേരില്‍ യു. എ. ഇ.  യില്‍ പ്രവര്‍ത്തിച്ചു വരുന്ന ഘടകങ്ങള്‍ ഇനി മുതല്‍ ഐ. സി. എഫ് ന്‍റെ ഭാഗമായി മാറും. 

എ. പി. അബ്ദുല്‍ ഹകീം അസ്ഹരി, അബ്ദുസ്സമദ് അമാനി, നൗഷാദ് ആഹ്‌സനി, തുടങ്ങിയവര്‍ പ്രസംഗിച്ചു. ശരീഫ് കാരശ്ശേരി നന്ദി പറഞ്ഞു.

അയച്ചു തന്നത് : ടി. എ. എം. ആലൂര്‍

- കറസ്പോണ്ടന്റ്

വായിക്കുക: ,

അഭിപ്രായം എഴുതുക »

മെത്രാപ്പോലീത്ത റാസല്‍ ഖൈമ ഭരണാധികാരിയെ സന്ദര്‍ശിച്ചു

January 23rd, 2011

mar-chrysostom-with-shaikh-saqar-al-qasimi-epathram

ദുബായ്‌ :  മാര്‍ ക്രിസോസ്റ്റം വലിയ മെത്രാപ്പോലീത്ത റാസല്‍ ഖൈമ ഭരണാധികാരി  ശൈഖ് സൗദ് ബിന്‍ സഖര്‍ അല്‍ ഖാസിമി യെ സന്ദര്‍ശിച്ചു. റാസല്‍ ഖൈമ എമിറേറ്റിന്‍റെ മുന്‍ ഭരണാധികാരി  ശൈഖ് സഖര്‍ ബിന്‍ മുഹമ്മദ് അല്‍ ഖാസിമി യുടെ നിര്യാണത്തില്‍ മാര്‍ ക്രിസോസ്റ്റം വലിയ മെത്രാപ്പോലീത്ത അനുശോചനം അറിയിച്ചു. റാസല്‍ഖൈമ യില്‍ മാര്‍ത്തോമ പാരിഷ് നിര്‍മ്മിക്കാന്‍ ഭൂമി അനുവദിച്ച  ഭരണാധി കാരിയോട്  നന്ദി അറിയിച്ചു.

ദുബായ് മാര്‍ത്തോമ പള്ളി വികാരി റവ.കുഞ്ഞു കോശി, എന്‍. സി. എബ്രഹാം, ഇമ്മാനുവേല്‍, എബി ജോണ്‍, ജോണ്‍ സി.  എബ്രഹാം   എന്നിവരും ശൈഖ് സൗദ് ബിന്‍ സാഖര്‍ അല്‍ ഖാസിമി യെ സന്ദര്‍ശിക്കാന്‍  മെത്രാപ്പോലീത്ത യുടെ കൂടെ ഉണ്ടായിരുന്നു.

- കറസ്പോണ്ടന്റ്

വായിക്കുക: ,

അഭിപ്രായം എഴുതുക »

Page 13 of 13« First...910111213

« Previous Page « മയ്യില്‍ എന്‍. ആര്‍. ഐ. ഫോറം വസന്തോത്സവം
Next » സുന്നി യുവജന സംഘം ഐ. സി. എഫ്. ന്‍റെ ഭാഗമാകുന്നു »



ജലീല്‍ രാമന്തളിക്കും ബി. ...
സുരക്ഷക്കും സമാധാന ത്തിനു...
തടവുകാരെ കൈമാറാന്‍ ഇന്ത്യ...
വ്യാജ മൊബൈലിനെതിരെ കര്‍ശ...
ബോയിംഗിന് ഇത് ചരിത്ര മുഹൂ...
ദുബായ് എയര്ഷോ ആരംഭിച്ചു...
മലയാളി സമാജം ആര്‍. സി. സി...
പ്രവാസി സാമ്പത്തിക അച്ചടക...
ഇന്ത്യന്‍ വിസ ഇനി ഓണ്‍ലൈന...
ദുബായ് ആനപ്രേമി സംഘം മാടമ...
സൌദിയില്‍ 8 ബംഗ്ലാദേശ് സ്...
കേരളീയ വിദ്യാഭ്യാസ രംഗം മ...
തിരുനെല്ലൂര്‍ കരുണാകരന്‍ ...
ബഹറിനില്‍ പ്രക്ഷോഭകാരികളെ...
വാഹനം ഓടിച്ചതിന് സൗദി വനി...
സൗദിയില്‍ ഇനി സ്‌ത്രീകള്‍...
ദുബായില്‍ പ്ലാസ്റ്റിക്‌, ...
ദുബായ്‌ മെട്രോ ഗ്രീന്‍ ലൈ...
പ്രവാസി മലയാളികള്‍ ഓണ ലഹര...
സൃഷ്ടാവിന്റെ മഹത്വം ബോദ്ധ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine