വര്‍ത്തമാന കാലത്തെ സാംസ്കാരിക പ്രതിസന്ധി

October 25th, 2011

prof-erumeli-parameshwaran-pillai-epathram

ഷാര്‍ജ : വര്‍ത്തമാന കാലത്തെ സാംസ്കാരിക പ്രതിസന്ധി സമൂഹത്തിന്റെ മൂല്യച്യുതിയില്‍ നിന്നുയിര്‍ഭവിച്ചതാണെന്നും , മനസ്സുകളെ വിമലീകരിക്കാന്‍ കഴിവുള്ള വിദ്യാഭ്യാസ സമ്പ്രദായത്തിന്റെ അഭാവമാണ് ഇന്നത്തെ സംസ്കാരിക അധപതനത്തിന്റെ പ്രധാന കാരണമെന്നും പ്രൊഫ. എരുമേലി പരമേശ്വരന്‍ പിള്ള അഭിപ്രായപ്പെട്ടു. സാഹിത്യ പഠനത്തിലൂടെയും, മാതൃഭാഷാ പഠനത്തിലൂടെയും മനസ്സുകളിലേക്ക് വെളിച്ചം വീശുന്ന അത്തരം വിദ്യാഭ്യാസ രീതി തന്നെ ഇല്ലാതായിരിക്കുന്നു. കാലങ്ങള്‍ക്ക് മുന്‍പ് ശ്രീബുദ്ധന്‍ പോലും മാതൃഭാഷാ പഠനത്തിന്റെ പ്രാധാന്യം എടുത്തു പറഞ്ഞിട്ടുണ്ട്. കുറഞ്ഞത് നാലാം ക്ലാസ് വരെയെങ്കിലും കുഞ്ഞുങ്ങളെ മാതൃഭാഷ പഠിപ്പിച്ചു അവരെ നമ്മുടെ സംസ്കാരത്തിന്റെ നറുമണം ഉള്ളവരാക്കുന്നതിനു പകരം, അന്യ ഭാഷാ പഠനവും, എടുക്കാനാകാത്ത പഠന ഭാരവും നല്‍കി നാം അവരെ വളര്‍ത്തി എടുക്കുന്നത് സമൂഹത്തിനു ഗുണമില്ലാത്ത, വ്യക്തി ശുദ്ധിയില്ലാത്ത പൌരന്മാരായിട്ടാണ്. കളിയുടേയും സൌഹൃദങ്ങളുടെയും ലോകത്തു നിന്നും അടര്‍ത്തി മാറ്റി നാമവരെ വളര്‍ത്തുന്നത് ഏകാന്തതയുടെയും, സ്വാര്‍ത്ഥതയുടെയും രാജകുമാരന്മാരായാണ് എന്നും അദ്ദേഹം പറഞ്ഞു.

അസ്തിത്വ വാദികളായ സാഹിത്യകാരന്മാരും ആധുനിക സാഹിത്യകാരന്മാരുമൊക്കെ തന്നെ ഒരു പരിധി വരെ ഈ സംസ്കാരിക അധപതനത്തിനു ആക്കം കൂട്ടുകയാണ് ചെയ്യുന്നത്. അസ്തിത്വ വാദമെന്നത് തികച്ചും വ്യക്തി കേന്ദ്രീകൃതമാണ്‌. സമൂഹത്തിന് പ്രസക്തമായ സന്ദേശങ്ങള്‍ നല്‍കാത്ത, പൊതുവില്‍ ഗുണകരമായ മാറ്റങ്ങള്‍ ഉണ്ടാക്കാത്ത ഇത്തരം സാഹിത്യം, പക്ഷെ ഒട്ടും പുരോഗമനപരമല്ല എന്ന് പറയുന്നത് അത് കൊണ്ടാണ്. ആധുനിക സാഹിത്യവും അസ്തിത്വ വാദവും മുന്നോട്ടു വയ്ക്കുന്ന സിദ്ധാന്തങ്ങളോട് എതിര്‍പ്പ് പ്രകടിപ്പിക്കുമ്പോള്‍ തന്നെ, അവരുടെ എഴുത്തിലെ ആര്‍ജ്ജവത്തെയും സത്യസന്ധതയെയും പുരോഗമന സാഹിത്യകാരന്മാര്‍ എന്നും അംഗീകരിച്ചിട്ടുണ്ട്. ഈ ആശയ സംഘര്‍ഷത്തില്‍ നിന്നും ഉണ്ടായ ഒരു തലമുറയെ നിഷ്ക്രിയരാക്കുന്നതാണ് ഇന്നത്തെ സാമൂഹ്യാവസ്ഥ എന്നത് തികച്ചും ഖേദകരമാണ്.

മാസ് ഷാര്‍ജയുടെ വേദിയില്‍ “വര്‍ത്തമാന കാലം സാംസ്കാരിക പ്രതിസന്ധി” എന്ന വിഷയത്തില്‍ പ്രഭാഷണം നടത്തുകയായിരുന്നു അദ്ദേഹം. കൈരളി ടി. വി. ഡയറക്ടര്‍ എ. കെ. മൂസ മാസ്റ്റര്‍ അനുബന്ധ പ്രഭാഷണം നടത്തി. കൃത്യമായ ചതുര വടിവുകളുടെ അകത്തു നിന്നുള്ള ജീവിത വ്യാപാരം സാംസ്കാരികമായ ഉന്നമനത്തിനു തീര്‍ത്തും അനുഗുണമല്ലെന്നു അദ്ദേഹം പറഞ്ഞു. അത്തരം കണക്കു കൂട്ടലുകള്‍ ജീവിതത്തിന്റെ സ്നേഹ സമ്പന്നമല്ലാത്ത യാന്ത്രികതയിലേക്കു മാത്രമേ നമ്മെ എത്തിക്കൂ എന്ന് അദ്ദേഹം സൂചിപ്പിച്ചു. ഷാര്‍ജ ഇന്ത്യന്‍ അസോസിയേഷന്‍ പ്രസിഡന്റ്റ്‌ കെ. ബാലകൃഷ്ണന്‍ ആശംസകള്‍ അര്‍പ്പിച്ചു സംസാരിച്ചു. മാസ് പ്രസിഡന്റ്റ്‌ ശ്രീപ്രകാശ്‌ അധ്യക്ഷത വഹിച്ച യോഗത്തിന് സെക്രട്ടറി അഫ്സല്‍ സ്വാഗതം ആശംസിച്ചു.

കാക്കനാടന്‍, മുല്ലനേഴി, കാര്‍ടൂണിസ്റ്റ്‌ കുട്ടി, സി. പി. എം. നേതാവും മുന്‍ കാസര്‍ഗോഡ്‌ എം. പി. യുമായ ഗോവിന്ദന്‍ എന്നിവരുടെ നിര്യാണത്തില്‍ യോഗം അനുശോചനം രേഖപ്പെടുത്തി. അനില്‍ അമ്പാട്ട് അനുശോചന പ്രമേയം അവതരിപ്പിച്ചു. രമേശ്‌ പി. പി. നന്ദി രേഖപ്പെടുത്തി .

അയച്ചു തന്നത് : ശ്രീപ്രകാശ്‌

- pma

വായിക്കുക: , , , , ,

അഭിപ്രായം എഴുതുക »

“അശ്വമേധം” വയലാര്‍ അനുസ്മരണം ഷാര്‍ജയില്‍

October 24th, 2011

vayalar-ramavarma-epathram

ഷാര്‍ജ: പ്രസക്തിയുടെ ആഭിമുഖ്യത്തില്‍ പ്രശസ്ത കവിയും ഗാനരചയിതാവുമായിരുന്ന വയലാര്‍ രാമവര്‍മ്മയുടെ അനുസ്മരണം സംഘടിപ്പിക്കുന്നു. ‘അശ്വമേധം’ എന്ന പേരില്‍ ഒക്ടോബര്‍ 28, വെള്ളിയാഴ്ച 3 മണി മുതല്‍ ഷാര്‍ജ ഇന്ത്യന്‍ അസോസിയേഷന്‍ ഹാളില്‍ വൈവിധ്യമാര്‍ന്ന പരിപാടികളോടെയാണ് അനുസ്മരണം.
യു. എ. ഇ യിലെ ചിത്രകാരന്മാരുടെ കൂട്ടായ്മയായ ആര്‍ട്ടിസ്റ്റാ ആര്‍ട്ട് ഗ്രൂപ്പ്‌ വയലാര്‍ കവിതകളുടെ ചിത്രീകരണവും ചിതപ്രദര്‍ശനവും നടത്തും. ശശിന്‍ സാ, ഹാരീഷ് തചോടി, രഞ്ജിത്ത് രാമചന്ദ്രന്‍ ‍, ഷാഹുല്‍ കൊല്ലന്‍കോട്, അനില്‍ താമരശേരി, രാജീവ്‌ മുളക്കുഴ, ജോഷി ഒഡേസ, റോയി മാത്യു, ഷാബു, ഗോപാല്‍ , ജയന്‍ ക്രയോന്‍സ്, നദീം മുസ്തഫ, രാജേഷ്‌ ബാബു, ഷിഹാബ് ഉദിന്നൂര്‍, കാര്‍ട്ടൂനിസ്റ്റ്‌ അജിത്ത്, ഹരീഷ് ആലപ്പുഴ, രഘു കരിയാട്ട്, സുജിത്ത് എന്നിവര്‍ പങ്കെടുക്കും.
തുടര്‍ന്നു കവിയരങ്ങില്‍ ശിവപ്രസാദ്, നസീ൪ കടിക്കാട്, അസ്മോ പുത്തന്‍ചി, റ്റി. എ. ശശി, സൈനുദീന്‍ ഖുറൈഷി, അനൂപ്‌ ചന്ദ്രന്‍, രാജേഷ്‌ ചിത്തിര, അഷ്‌റഫ്‌ ചമ്പാട് എന്നിവര്‍ പങ്കെടുക്കും.
തുടര്‍ന്ന് “നവോത്ഥാനം മലയാള സാഹിത്യത്തില്‍” എന്ന വിഷയത്തില്‍ സെമിനാര്‍ നടക്കും.
രാജീവ്‌ ചേലനാട്ട് സെമിനാര്‍ ഉദ്ഘാടനം ചെയ്യും. ജി. എസ്. പത്മകുമാര്‍ വിഷയം അവതരിപ്പിക്കും. വിവിധ സംഘടനാ പ്രതിനിധികളായ ജോഷി രാഘവന്‍ (യുവകലാസാഹിതി), ഡോ. അബ്ദുല്‍ ഖാദര്‍ (പ്രേരണ), മുഹമ്മദ്‌ ഇഖ്‌ബാല്‍ (ഫ്രണ്ട്സ് ഓഫ് കെ. എസ്. എസ്. പി), ആയിഷ സക്കീ൪,
ടി. കൃഷ്ണകുമാ൪ എന്നിവര്‍ പ്രസംഗിക്കും. ഫൈസല്‍ ബാവ അധ്യക്ഷനായിരിക്കും.
സെമിനാറിനുശേഷം ഇസ്കിന്ധര്‍ മിര്‍സ രചനയും സംവിധാനവും നിര്‍വഹിച്ച മതിലുകള്‍‍ക്കപ്പുറം എന്ന ചിത്രീകരണം, അബുദാബി നാടകസൗഹൃദം അവതരിപ്പിക്കും.

- ജെ.എസ്.

വായിക്കുക: , , , , ,

അഭിപ്രായം എഴുതുക »

സാംസ്കാരിക നേതൃത്വവും രാഷ്ട്രീയ നേതൃത്വവും കൈകോര്‍ത്തു പ്രവര്‍ത്തിക്കണം : ബെന്യാമിന്‍

October 23rd, 2011

benyamin-mass-epathram

ഷാര്‍ജ : മുന്‍കാലങ്ങളില്‍ സംഭവിച്ചിരുന്നതു പോലെ, പുതിയ കാലഘട്ടത്തിലും സാമൂഹ്യ തിന്മകള്‍ക്കെതിരെ സാംസ്കാരിക നേതൃത്വവും രാഷ്ട്രീയ നേതൃത്വവും കൈകോര്‍ത്തു പ്രവര്‍ത്തിക്കെണ്ടതുണ്ടെന്നു് “ആടുജീവിത”ത്തിന്റെ കഥാകാരന്‍ ബെന്യാമിന്‍ അഭിപ്രായപ്പെട്ടു. ഇ. എം. എസിനെയും, പി. ഗോവിന്ദപ്പിള്ളയെയും, എന്‍. ഇ. ബാലരാമിനെയും പോലുള്ള മഹാന്മാരായ രാഷ്ട്രീയ പ്രവര്‍ത്തകര്‍ സാഹിത്യത്തെയും വായനയെയും ഏറെ ഗൌരവത്തോടെ സമീപിക്കുകയും ശ്രദ്ധേയമായ ഇടപെടലുകള്‍ നടത്തുകയും ചെയ്തു. ആ പാരമ്പര്യവും, പിന്തുടര്‍ച്ചയും കൈമുതലാക്കി കൊണ്ട് വര്‍ത്തമാന കാലത്തെ രാഷ്ട്രീയ നേതൃത്വവും കൃത്യമായ വിമര്‍ശന ബുദ്ധിയോടെ സാഹിത്യത്തെ നോക്കി കാണേണ്ടതുണ്ട്. അദ്ദേഹം പറഞ്ഞു. “മാസ് ഷാര്‍ജ” യുടെ വനിതാ വിഭാഗം വാര്‍ഷിക യോഗത്തോ ടനുബന്ധിച്ച പൊതു സമ്മേളനം ഉദ്ഘാടനം ചെയ്യുകയായിരുന്നു ബെന്യാമിന്‍.

“പ്രണയത്തില്‍ ഒരുവള്‍ വാഴ്ത്തപ്പെടും വിധം” എന്ന മണിലാല്‍ സംവിധാനം നിര്‍വഹിച്ച സിനിമയുടെ പ്രദര്‍ശനവും, സംവിധായകനുമായുള്ള സംവാദവും നടന്നു . സ്ത്രീക്ക് അവരുടെ ശരീരം പോലും ഭാരമാകുന്ന വര്‍ത്തമാന കാല സാഹചര്യ ത്തിനെതിരെയാണ് താന്‍ ഈ സിനിമയിലൂടെ പ്രതികരിക്കാന്‍ ശ്രമിച്ചതെന്ന് സംവിധായകന്‍ മണിലാല്‍ പറഞ്ഞു .

ഹേന അധ്യക്ഷത വഹിച്ച യോഗത്തിനു ബീന സ്വാഗതം പറഞ്ഞു. “പ്രണയത്തില്‍ ഒരുവള്‍ വാഴ്ത്തപ്പെടും വിധം” എന്ന സിനിമയുടെ നിര്‍മാതാവ് സഞ്ജീവ് , മാസ് പ്രസിഡന്റ്റ്‌ ശ്രീപ്രകാശ്‌ എന്നിവര്‍ ആശംസകള്‍ അര്‍പ്പിച്ചു സംസാരിച്ചു .

തുടര്‍ന്ന് നടന്ന വനിതകളുടെ ജനറല്‍ ബോഡി യോഗം ശ്രീകല ഉദ്ഘാടനം ചെയ്തു. സിന്ധു അനുശോചന പ്രമേയം അവതരിപ്പിച്ചു. പ്രീത, അഞ്ജു, പ്രസീത എന്നിവരടങ്ങിയ പ്രസീഡിയം സമ്മേളനം നിയന്ത്രിച്ചു. അനിത കണ്‍വീനര്‍ ആയ മിനുട്സ് കമ്മിറ്റിയില്‍ സിന്ധു, ആയിഷ എന്നിവര്‍ അംഗങ്ങള്‍ ആയിരുന്നു.

വനിതാ വിഭാഗം കണ്‍വീനര്‍ ഉഷ, പോയ വര്‍ഷത്തെ പ്രവര്‍ത്തന റിപ്പോര്‍ട്ട്‌ അവതരിപ്പിച്ചു. മാസ് സെക്രട്ടറി അഫ്സല്‍ അഭിവാദ്യം ചെയ്തു സംസാരിച്ചു. പുതിയ ഭാരവാഹികളായി പ്രീത (കണ്‍വീനര്‍), അഞ്ജു, സിന്ധു (ജോ. കണ്‍വീനര്‍മാര്‍) എന്നിവരടങ്ങിയ ഇരുപതംഗ എക്സിക്യുട്ടീവ്‌ കമ്മിറ്റിയെയും തിരഞ്ഞെടുത്തു.

അയച്ചു തന്നത് : ശ്രീപ്രകാശ്‌

- pma

വായിക്കുക: , , ,

അഭിപ്രായം എഴുതുക »

സീതി സാഹിബ് വിചാരവേദി അംഗത്വ പ്രചരണം

October 16th, 2011

ഷാര്‍ജ : നവംബര്‍ മാസ ത്തില്‍ മെമ്പര്‍ഷിപ് കാമ്പയിന്‍ സംഘടിപ്പിക്കാന്‍ സീതി സാഹിബ് വിചാരവേദി യു. എ. ഇ. ചാപ്റ്റര്‍ പ്രവര്‍ത്തക സമിതി തീരുമാനിച്ചു. നാഷണല്‍ കെ. എം. സി. സി. ഭാരവാഹി കളായി തെരഞ്ഞെടുക്കപെട്ട വേദി പ്രസിഡന്‍റ് കെ. എച്. എം. അഷ്‌റഫ്, ട്രഷറര്‍ റസാക്ക് അല്‍വാസല്‍ എന്നിവരെ യോഗം അനുമോദിച്ചു.

വിദ്യാര്‍ത്ഥി കള്‍ക്ക് രാഷ്ട്രീയ അവബോധം നല്‍കുക, നവോത്ഥാന നേതാക്കളെ പരിചയ പ്പെടുത്തുക, സംശയ നിവാരണ ങ്ങള്‍ക്ക് സാഹചര്യ മൊരുക്കുക, വിജ്ഞാന മത്സരം സംഘടിപ്പിക്കുക എന്നീ ലക്ഷ്യത്തോടെ ഫെബ്രുവരി 16 ന് വിദ്യാര്‍ഥി സമ്മേളനം നടത്താനും തീരുമാനിച്ചു.

കെ. എച്ച്.എം അഷ്‌റഫ് ആദ്ധ്യക്ഷം വഹിച്ചു. സഅദ് പുറക്കാട് ഉത്ഘാടനം നിര്‍വഹിച്ചു. വി. പി. അഹമ്മദ് കുട്ടി മദനി, ബഷീര്‍ ഇരിക്കൂര്‍, കുട്ടി കൂടല്ലൂര്‍, നാസര്‍ കുറുമ്പതുര്‍, ബാവ തോട്ടത്തില്‍, ഹാഫിള് തൃത്താല, റസാക്ക് തൊഴിയൂര്‍ അഷ്‌റഫ് കൊടുങ്ങല്ലൂര്‍ എന്നിവര്‍ സംസാരിച്ചു

– വാര്‍ത്ത അയച്ചത് : അഷ്‌റഫ് കൊടുങ്ങല്ലൂര്‍

- ലിജി അരുണ്‍

വായിക്കുക: ,

അഭിപ്രായം എഴുതുക »

പ്രസക്തി യുടെ വയലാര്‍ അനുസ്മരണം

October 15th, 2011

prasakthi-uae-aswamedham-ePathram

ഷാര്‍ജ : അശ്വമേധം എന്ന പേരില്‍ പ്രസക്തി യു. എ. ഇ. സംഘടിപ്പിക്കുന്ന വയലാര്‍ അനുസ്മരണം വിവിധ പരിപാടി കളോടെ ഷാര്‍ജ ഇന്ത്യന്‍ അസോസിയേഷന്‍ ഹാളില്‍ ഒക്ടോബര്‍ 28 വെള്ളിയാഴ്ച 3 മണിക്ക് നടക്കും.
 
ആര്‍ട്ടിസ്റ്റ ആര്‍ട്ട് ഗ്രൂപ്പിന്‍റെ സംഘ ചിത്രരചന യോടെ 3 മണിക്ക് ആരംഭിക്കുന്ന പരിപാടി യില്‍ വൈകീട്ട് 5 മണിക്ക് കവിയരങ്ങ്, 6.30ന് സെമിനാര്‍, 8.30ന് ചിത്രീകരണം എന്നിവ ഉണ്ടായിരിക്കും.
 
പ്രവാസ ലോകത്തെ ശ്രദ്ധേയരായ സൈനുദ്ധീന്‍ ഖുറൈഷി, ശിവപ്രസാദ്‌, നസീര്‍ കടിക്കാട്, അനൂപ്‌ ചന്ദ്രന്‍, രാജേഷ്‌ ചിത്തിര,  ടി. എ. ശശി, അസ്മോ പുത്തഞ്ചിറ, അഷ്‌റഫ്‌ ചമ്പാട്‌ തുടങ്ങിയവര്‍ കവിയരങ്ങില്‍ സംബന്ധിക്കും.
 
‘നവോത്ഥാനം മലയാള സാഹിത്യത്തില്‍’ എന്ന   വിഷയ ത്തില്‍ നടക്കുന്ന സെമിനാറില്‍ ജി. എസ്. പത്മ കുമാര്‍ വിഷയം അവതരിപ്പിക്കും. രാജീവ്‌ ചേലനാട്ട് ഉദ്ഘാടകനും, ഇ പത്രം കോളമിസ്റ്റും പ്രസക്തി വൈസ്‌ പ്രസിഡണ്ടു മായ ഫൈസല്‍ ബാവ അദ്ധ്യക്ഷനും ആയിരിക്കും.  വിവിധ സാംസ്കാരിക സംഘടനാ പ്രതിനിധികള്‍ പങ്കെടുക്കും.
 

basheer-narayani-epathram

തുടര്‍ന്ന്‍ വൈക്കം മുഹമ്മദ്‌ ബഷീറിന്‍റെ മതിലുകള്‍ എന്ന കൃതിയെ ആസ്പദമാക്കി ഇസ്കന്ദര്‍ മിര്‍സ രചനയും സംവിധാനവും നിര്‍വ്വഹിച്ച് അബുദാബി നാടക സൌഹൃദം അവതരിപ്പിക്കുന്ന ‘മതിലു കള്‍ക്കപ്പുറം’ എന്ന ചിത്രീകരണം അവതരിപ്പിക്കും.

- ലിജി അരുണ്‍

വായിക്കുക: , ,

അഭിപ്രായം എഴുതുക »

Page 2 of 712345...Last »

« Previous Page« Previous « മന്ത്രി കെ. സി. വേണു ഗോപാല്‍ അബുദാബി യില്‍
Next »Next Page » കെ. എസ്. സി. നാടകോത്സവം : സ്‌ക്രിപ്റ്റുകള്‍ ക്ഷണിക്കുന്നു »



ജലീല്‍ രാമന്തളിക്കും ബി. ...
സുരക്ഷക്കും സമാധാന ത്തിനു...
തടവുകാരെ കൈമാറാന്‍ ഇന്ത്യ...
വ്യാജ മൊബൈലിനെതിരെ കര്‍ശ...
ബോയിംഗിന് ഇത് ചരിത്ര മുഹൂ...
ദുബായ് എയര്ഷോ ആരംഭിച്ചു...
മലയാളി സമാജം ആര്‍. സി. സി...
പ്രവാസി സാമ്പത്തിക അച്ചടക...
ഇന്ത്യന്‍ വിസ ഇനി ഓണ്‍ലൈന...
ദുബായ് ആനപ്രേമി സംഘം മാടമ...
സൌദിയില്‍ 8 ബംഗ്ലാദേശ് സ്...
കേരളീയ വിദ്യാഭ്യാസ രംഗം മ...
തിരുനെല്ലൂര്‍ കരുണാകരന്‍ ...
ബഹറിനില്‍ പ്രക്ഷോഭകാരികളെ...
വാഹനം ഓടിച്ചതിന് സൗദി വനി...
സൗദിയില്‍ ഇനി സ്‌ത്രീകള്‍...
ദുബായില്‍ പ്ലാസ്റ്റിക്‌, ...
ദുബായ്‌ മെട്രോ ഗ്രീന്‍ ലൈ...
പ്രവാസി മലയാളികള്‍ ഓണ ലഹര...
സൃഷ്ടാവിന്റെ മഹത്വം ബോദ്ധ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine