ഇന്‍ഡോര്‍ ക്രിക്കറ്റ്‌ ദുബായില്‍

July 7th, 2011

elements-vision-cricket-tournament-epathram

ദുബായ്‌: എലമെന്റ്സ് വിഷന്‍സ്‌ സംഘടിപ്പിക്കുന്ന ‘യോര്‍ക്കര്‍ 2011 ഇന്‍ഡോര്‍ ക്രിക്കറ്റ്‌ ടൂര്‍ണമെന്റ്’ ദുബായില്‍ പുരോഗമിക്കുന്നു. അല്‍ ഖൂസ്‌ ഇന്‍ സ്പോര്‍ട്സ്‌ ക്ലബില്‍ ജൂണ്‍ 30ന് തുടക്കമിട്ട മല്‍സരം കൂടുതല്‍ കൂടുതല്‍ ആവേശത്തോടെ മുന്നേറുകയാണ്. കേരളത്തിലെ എല്ലാ ജില്ലകളെയും പ്രതിനിധീകരിച്ച് എത്തുന്ന 14 ടീമുകളാണ് മല്‍സരത്തില്‍ പങ്കെടുത്തു കൊണ്ടിരിക്കുന്നത്. ജൂലായ്‌ 7 വ്യാഴാഴ്ച 7:30നു നടക്കുന്ന സെമി ഫൈനലുകളില്‍ കണ്ണൂര്‍ ഫൈറ്റെഴ്സ് കാസര്‍ക്കോട്‌ കിങ്ങ്സിനെയും, പത്തനംതിട്ട ബ്രദേഴ്സ് ഇടുക്കി ചാര്‍ജേഴ്സ്നെയും നേരിടും. ജൂലായ്‌ 8 വെള്ളിയാഴ്ച 7:30നു ഫൈനല്‍ നടക്കും. കൂടുതല്‍ വിവരങ്ങള്‍ക്ക് ഈ നമ്പറില്‍ ബന്ധപ്പെടുക 050 4298690.

(വാര്‍ത്ത അയച്ചു തന്നത് : അനില്‍ വടക്കേക്കര)

- ജെ.എസ്.

വായിക്കുക:

അഭിപ്രായം എഴുതുക »

ബ്ലൂ സ്റ്റാര്‍ അല്‍ഐന് പുതിയ ഭാരവാഹികള്‍

June 26th, 2011

blue-star-alain-new-committee-ePathram
അബുദാബി: അലൈനിലെ കലാ കായിക സാംസ്‌കാരിക സംഘടന യായ ബ്ലൂ സ്റ്റാര്‍ പുതിയ പ്രസിഡണ്ടായി ജോയ് തണങ്ങാടനേയും സെക്രട്ടറിയായി ആനന്ദ് പവിത്ര നേയും തിരഞ്ഞെടുത്തു.

സി. പി. മുഹമ്മദ് ഹുസൈന്‍ (വൈസ് പ്രസിഡന്‍റ്), സി. ശശിധരന്‍ ( ജോയിന്‍റ് സെക്രട്ടറി), മുഹമ്മദ് നസീര്‍ (ട്രഷറര്‍), ഉണ്ണീന്‍ പൊന്നോത്ത് (കായിക വിഭാഗം സെക്രട്ടറി), നൗഷാദ് വളാഞ്ചേരി (കലാ സാംസ്‌കാരിക വിഭാഗം സെക്രട്ടറി), ഷാഫി സുബൈര്‍ (കായിക വിഭാഗം സെക്രട്ടറി), പ്രേം കുമാര്‍ (ഓഡിറ്റര്‍) എന്നിവരാണ് മറ്റു ഭാരവാഹികള്‍.

-

വായിക്കുക: ,

അഭിപ്രായം എഴുതുക »

ഫോര്‍മുല വണ്‍ : ലോകോത്തര വേഗതയുമായി ദുബായ്‌ ഇന്ത്യന്‍ ഹൈസ്ക്കൂള്‍ ടീം

May 6th, 2011

blackbird-wins-best-team-identity-award-epathram

അബുദാബി : ലോക റിക്കോര്‍ഡ്‌ തകര്‍ത്തിട്ടും മല്‍സരം വിജയിക്കാനാവാത്ത ദൌര്ഭാഗ്യമായിരുന്നു ഈ കഴിഞ്ഞ ദിവസം അബുദാബി യാസ് മറീന സര്‍ക്യൂട്ടില്‍ നടന്ന 2011 എഫ് വണ്‍ ഇന്‍ സ്ക്കൂള്‍സ് യു. എ. ഇ. ദേശീയ ചാമ്പ്യന്‍ഷിപ്പ് മല്‍സരത്തില്‍ പങ്കെടുത്ത ദുബായ്‌ ഇന്ത്യന്‍ ഹൈസ്ക്കൂള്‍ ടീമിന്.

blackbird-car-SR-71-epathramലോക റിക്കോര്‍ഡ്‌ തകര്‍ത്ത ഇന്ത്യന്‍ ഹൈസ്ക്കൂളിന്റെ കാര്‍

നിലവിലുള്ള ലോക റിക്കോര്‍ഡ്‌ ആയ 1.02 സെക്കണ്ടിനെ കടത്തി വെട്ടി ഇത്തവണത്തെ മത്സരത്തില്‍ ഇന്ത്യന്‍ ഹൈസ്ക്കളിന്റെ ടീമായ ബ്ലാക്ക്‌ ബേര്‍ഡിന്റെ കാര്‍ 1.009 സെക്കണ്ടില്‍ ലക്‌ഷ്യം കണ്ടു. എന്നാല്‍ അന്താരാഷ്‌ട്ര മത്സരത്തിലെ വേഗത മാത്രമേ ലോക റിക്കോര്‍ഡിനായി പരിഗണിക്കൂ എന്നതിനാല്‍ ഈ നേട്ടം രേഖപ്പെടുത്തിയില്ല എന്ന് ടീമിന്റെ റിസോഴ്സ് മാനേജര്‍ ശ്രീകാന്ത്‌ മോഹന്‍ കുമാര്‍ e-പത്രത്തോട്‌ പറഞ്ഞു.

sreekanth-mohankumar-epathram

ശ്രീകാന്ത്‌ മോഹന്‍ കുമാര്‍

കേവലം സാങ്കേതികമായ കാരണം പറഞ്ഞാണ് ലോക റിക്കോര്‍ഡ്‌ തകര്ത്തിട്ടും തങ്ങള്‍ക്ക് ഒന്നാം സ്ഥാനം ലഭിക്കാതെ പോയത്‌. മത്സരത്തിലെ പ്രകടനത്തിന് പുറമേ രൂപകല്‍പ്പന, അതിന്റെ വിശദാംശങ്ങള്‍ അടങ്ങിയ റിപ്പോര്‍ട്ട് എന്നിങ്ങനെ ഒട്ടേറെ ഘടകങ്ങള്‍ക്ക്‌ ലഭിക്കുന്ന മൊത്തം മാര്‍ക്കിന്റെ അടിസ്ഥാനത്തിലാണ് മല്‍സര വിജയിയെ പ്രഖ്യാപിക്കുന്നത്.

F1-in-schools-world-record-broken-in-abudhabi-epathram

ലോക റിക്കോര്‍ഡ്‌ തകര്‍ത്ത പ്രകടനം

ഇത്തരം ഒരു റിപ്പോര്‍ട്ട് അധികൃതര്‍ അവസാന ഘട്ടത്തില്‍ നിര്‍ദ്ദേശിച്ച രൂപകല്‍പ്പനയിലെ ചില മാറ്റങ്ങള്‍ ഉള്‍ക്കൊള്ളിച്ച് സമയ പരിധിക്കുള്ളില്‍ സമര്‍പ്പിച്ചില്ല എന്ന കാരണത്താലാണ് ഇവരുടെ ടീമിന് പോയന്റുകളില്‍ കുറവ് വന്നതും ലോക റിക്കോര്‍ഡ്‌ തന്നെ ഭേദിച്ചിട്ടും മല്‍സരത്തില്‍ മൂന്നാം സ്ഥാനം മാത്രം കൊണ്ട് തൃപ്തിപ്പെടേണ്ടി വന്നതും.

മല്‍സരത്തില്‍ ഒന്നാം സ്ഥാനം ലഭിച്ചില്ലെങ്കിലും മറ്റ് രണ്ട് ഇനങ്ങളില്‍ ഒന്നാം സ്ഥാനം തങ്ങളുടെ ടീമിന് തന്നെ ലഭിച്ചു എന്ന് ശ്രീകാന്ത്‌ പറഞ്ഞു. മികച്ച ടീം ഐഡന്റിറ്റി, മികച്ച ടീം ഡിസ്പ്ലേ എന്നിവയ്ക്കാണ് ഇവര്‍ക്ക്‌ ഒന്നാം സ്ഥാനം ലഭിച്ചത്.

ഫോര്‍മുലാ വണ്‍ കാറിന്റെ ചെറു മാതൃക മരത്തില്‍ നിര്‍മ്മിച്ച് അതിനു പുറകില്‍ ഘടിപ്പിച്ച വാതക സിലിണ്ടറിലെ അതിമര്‍ദ്ദത്തിലുള്ള വാതകം തുറന്നു വിടുമ്പോള്‍ കാര്‍ മുന്നോട്ട് കുതിക്കും. ഇങ്ങനെയാണ് ഫോര്‍മുലാ വണ്‍ ഇന്‍ സ്ക്കൂള്‍സ് മല്‍സരം നടത്തുന്നത്.

F1-in-school-indian-highschool-team-car-epathram

കാറിന്റെ നിര്‍മ്മാണ ഘട്ടത്തില്‍

ഫിസിക്സും എയറോ ഡൈനാമിക്സും എല്ലാം ഉപയോഗിച്ച് കമ്പ്യൂട്ടര്‍ സോഫ്റ്റ്‌വെയറില്‍ കാറിന്റെ രൂപകല്‍പ്പന ചെയ്യുന്നത് മുതല്‍ കുട്ടികള്‍ മത്സരത്തിന്റെ ഓരോ ഘട്ടത്തിലും തങ്ങളുടെ കഴിവുകള്‍ തെളിയിക്കുന്നു. തങ്ങളുടെ കാറിന് മല്‍സരത്തില്‍ പങ്കെടുക്കാനുള്ള ചിലവും, അതിനുള്ള സ്പോണ്സര്‍മാരെ കണ്ടെത്തലും ബിസിനസ് പ്ലാന്‍ ഉണ്ടാക്കലും, പരസ്യം ചെയ്യലും, വിപണനവും എല്ലാം കുട്ടികള്‍ തന്നെയാണ് ചെയ്യുന്നത്. ജഡ്ജിമാരുടെ മുന്നില്‍ തങ്ങള്‍ ചെയ്ത കാര്യങ്ങള്‍ ഇവര്‍ അവതരിപ്പിക്കുകയും ചെയ്യുന്നു.

ഒരു സെക്കണ്ട് എന്ന സമയ പരിധി ലംഘിച്ച് പ്രശസ്തമായ ബെര്‍ണി എക്കിള്‍സ്റ്റോണ്‍ ട്രോഫി കരസ്ഥമാക്കുക എന്ന പരമമായ ലക്ഷ്യമാണ് ഇനി തങ്ങളുടെ മുന്നില്‍ എന്ന് ശ്രീകാന്ത്‌ പറയുന്നു. ദുബായില്‍ എന്ജിനിയറായ കായംകുളം സ്വദേശി മോഹന്‍ കുമാര്‍, ബിന്ദു ദമ്പതിമാരുടെ മകനാണ് ശ്രീകാന്ത്‌.

- കറസ്പോണ്ടന്റ്

വായിക്കുക: , ,

അഭിപ്രായം എഴുതുക »

മലയാളി കരങ്ങളാല്‍ കരാട്ടേയില്‍ യു. എ. ഇ. ക്ക് സുവര്‍ണ്ണ തിളക്കം

May 4th, 2011

gold-medal-to-uae-team-in-karate-epathram

അബുദാബി : 2011- ലെ ടെന്‍ഷിന്‍ ട്രോഫി ഇന്‍റര്‍നാഷ്ണല്‍ ഓപ്പണ്‍ കരാട്ടേ ചാമ്പ്യന്‍ ഷിപ്പില്‍ മലയാളികള്‍ നേതൃത്വം നല്‍കിയ യു. എ. ഇ. ടീമിന് സുവര്‍ണ്ണ തിളക്കം.
 
ഏപ്രില്‍ 30 ന് ശ്രീലങ്ക യിലെ കാന്തി പാരാധിനി യൂണിവേഴ്സിറ്റി യില്‍ വെച്ച് നടന്ന ചാമ്പ്യന്‍ ഷിപ്പില്‍ നാല് മലയാളികള്‍ അടക്കം ആറ് ഇന്ത്യ ക്കാരും, ഒരു ഇറാഖി പൌരനുമാണ് യു. എ. ഇ. ക്ക് വേണ്ടി ‘ഷോട്ടോകാന്‍ റിയു ടെൻഷിന്‍ കാന്‍’  കരാട്ടേ ടീമിന്‍റെ നേതൃത്വ ത്തിൽ സ്വര്‍ണ്ണം കൊയ്തത്.
 

ശ്രീലങ്ക, ഇന്ത്യ, നേപ്പാൾ, ബംഗ്ലാദേശ്, മാലി ദ്വീപ്, മലേഷ്യ തുടങ്ങിയ നിരവധി രാജ്യ ങ്ങളിൽ നിന്ന് ആയിരത്തിൽ പ്പരം കരാട്ടേ അഭ്യാസികൾ പങ്കെടുത്ത അന്താരാഷ്ട്ര ഓപ്പൺ കരാട്ടേ ചാമ്പ്യൻ ഷിപ്പിൽ യു. എ. ഇ. ക്കുണ്ടായ മികച്ച നേട്ടത്തിൽ യു. എ. ഇ. കരാട്ടേ ഫെഡറേഷൻ അംഗങ്ങൾ ആഹ്ലാദത്തിലാണ്.
 

വിജയികളുടെ പേരു വിവരങ്ങൾ :
 
ഷിഹാൻ ഇബ്രാഹിം ചാലിയത്ത്  (ചാവക്കാട്),
സെൻസായ് എം. എ. ഹക്കീം (പെരുമ്പിലാവ്).
സെൻസായ് മൊയ്തീൻ ഷാ (ചെന്നറ).
ശെയ്ഖ് സാലിഹ് അൽ ജുബൂരി (ഇറാഖ്).
ശ്രീകാന്ത് ശ്രീകുമാർ ( കൊച്ചി).
മുഹമ്മദ് രിഹാൻ അലി  (ചെന്നൈ).
പ്രവീൺ നായിക്ക് (മുംബായ്).
ഹാസിഫ് മുഹമ്മദ് (തിരുച്ചിറപ്പള്ളി).

-

വായിക്കുക:

അഭിപ്രായം എഴുതുക »

ആഹ്ലാദത്തി​ന്‍റെ നിമിഷങ്ങള്‍

April 3rd, 2011

world-cup-finals-2011-epathram
ദുബായ് : ഇന്ത്യയും ശ്രീലങ്കയും ഏറ്റു മുട്ടിയ ക്രിക്കറ്റ്‌ ലോക കപ്പ് മത്സര ത്തിന്‍റെ തല്‍സമയ സംപ്രേഷണം പ്രവാസി ഇന്ത്യക്കാരില്‍ ആവേശ ത്തിന്‍റെ അലകടല്‍ തീര്‍ത്തു.

ഈ ലോക കപ്പില്‍ ശ്രീശാന്തിന്‍റെ സാന്നിദ്ധ്യം മലയാളികള്‍ ക്ക് അഭിമാന ത്തിന്‍റെ നിമിഷ ങ്ങളായിരുന്നു. ടെലിവിഷന് മുന്നില്‍ ഇരിക്കുമ്പോഴും, തങ്ങളുടെ ഫേയ്സ്ബുക്ക് സൌഹൃദ ക്കൂട്ടായ്മ കളില്‍ കളി യുടെ വിശേഷങ്ങള്‍ പങ്കു വെക്കുന്നതില്‍ മലയാളി സമൂഹം മുന്നില്‍ ആയിരുന്നു.

ഫേയ്സ്ബുക്കിലെ കിടിലന്‍ ടി. വി. ഡോട്ട് കോം പ്രവര്‍ത്തകര്‍ ഒത്തു കൂടിയതിന്‍റെ യും ആഹ്ലാദ പ്രകടന ങ്ങളുടെയും ചില നിമിഷങ്ങള്‍:

കളി അവസാനിച്ചപ്പോള്‍ അതാ വരുന്നു അഭിപ്രായങ്ങളും.

” ചിലര്‍ കണ്ണുകള്‍ ഇറുകെയടച്ചു. മറ്റ് ചിലര്‍ പ്രാര്‍ത്ഥനകള്‍ ഉരുവിട്ടു. വേറൊരു കൂട്ടര്‍ ഓരോ റണ്ണിനും ആര്‍ത്തു വിളിച്ചു. ആവേശം ഒരോ അണുവിലും.

നിമിഷങ്ങള്‍ക്ക് മണിക്കൂറിനേക്കാളും ദൈര്‍ഘ്യം. ഒടുവില്‍ ആ അസുലഭ മുഹൂര്‍ത്തം സംഭവിച്ചു. കോടിക്കണക്കിന് ആരാധകര്‍ക്കുള്ള സമ്മാനമായി 48.2 ഓവറില്‍ ധോണി കുലശേഖരയെ നിലം തൊടാതെ പറത്തി. ഫലം ലോകകപ്പ് കിരീടം ഇന്ത്യക്ക് സ്വന്തം.”

തുടര്‍ന്ന് വര്‍ണ്ണ കടലാസുകള്‍ വിതറിയും, മധുര പലഹാരങ്ങള്‍ വിതരണം ചെയ്‌തും ആര്‍പ്പു വിളികളു മായിട്ടായിരുന്നു ആരാധകര്‍ വിജയം ആഘോഷി ച്ചത്‌.

– അയച്ചു തന്നത്: ഷക്കീര്‍ അറക്കല്‍, ദുബായ്‌. (എയെമ്മെസ് കുട്ടമംഗലം)

-

വായിക്കുക: , ,

അഭിപ്രായം എഴുതുക »

Page 3 of 612345...Last »

« Previous Page« Previous « യു.ഏ.ഇ ഇന്ത്യക്കാര്‍ ആഹ്ലാദ തിമിര്‍പ്പില്‍
Next »Next Page » പയ്യന്നൂര്‍ സൗഹൃദ വേദി അബുദാബി കമ്മിറ്റി »



ജലീല്‍ രാമന്തളിക്കും ബി. ...
സുരക്ഷക്കും സമാധാന ത്തിനു...
തടവുകാരെ കൈമാറാന്‍ ഇന്ത്യ...
വ്യാജ മൊബൈലിനെതിരെ കര്‍ശ...
ബോയിംഗിന് ഇത് ചരിത്ര മുഹൂ...
ദുബായ് എയര്ഷോ ആരംഭിച്ചു...
മലയാളി സമാജം ആര്‍. സി. സി...
പ്രവാസി സാമ്പത്തിക അച്ചടക...
ഇന്ത്യന്‍ വിസ ഇനി ഓണ്‍ലൈന...
ദുബായ് ആനപ്രേമി സംഘം മാടമ...
സൌദിയില്‍ 8 ബംഗ്ലാദേശ് സ്...
കേരളീയ വിദ്യാഭ്യാസ രംഗം മ...
തിരുനെല്ലൂര്‍ കരുണാകരന്‍ ...
ബഹറിനില്‍ പ്രക്ഷോഭകാരികളെ...
വാഹനം ഓടിച്ചതിന് സൗദി വനി...
സൗദിയില്‍ ഇനി സ്‌ത്രീകള്‍...
ദുബായില്‍ പ്ലാസ്റ്റിക്‌, ...
ദുബായ്‌ മെട്രോ ഗ്രീന്‍ ലൈ...
പ്രവാസി മലയാളികള്‍ ഓണ ലഹര...
സൃഷ്ടാവിന്റെ മഹത്വം ബോദ്ധ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine