യു.ഏ.ഇ ഇന്ത്യക്കാര്‍ ആഹ്ലാദ തിമിര്‍പ്പില്‍

April 3rd, 2011

Indian-fans-celebrate-epathram
ദുബൈ: ഇന്നലെ ശ്രിലങ്കയോട് എതിരിട്ടു ഇന്ത്യ നേടിയ ക്രിക്കറ്റ്‌ ലോക കപ്പ്‌ വിജയം ഗള്‍ഫിലെ ഇന്ത്യക്കാര്‍ ഗംഭീരമായി ആഘോഷിച്ചു. അല്‍ ഖയില്‍ ഗേറ്റില്‍ രാത്രി 10.30 യോടെ ജാഥയായി നീങ്ങിയ ഇന്ത്യന്‍ ആരാധകര്‍ മധുരം വിതരണം ചെയ്‌തും ആര്‍പ്പു വിളികളുമായിട്ടായിരുന്നു ആഘോഷിച്ചത്‌. ആളുകള്‍ ത്രിവര്‍ണ പതാകയും ബലൂണുകളുമായി തെരുവിലിറങ്ങി. ഇതോടെ ഇവിടെ ഗതാഗത സ്‌തംഭനമുണ്ടായി.ഒഴിഞ്ഞ വെള്ളകുപ്പികളിലും പാട്ടകളിലും അടിച്ച് ആര്‍പ്പുവിളിക്കുന്നവരും, നിറഞ്ഞ പെപ്സി കുപ്പികള്‍ ചീറ്റിച്ച് ആഹ്ലാദം പങ്കു വയ്ക്കുന്നവരും സംഘത്തില്‍ ഉണ്ടായിരുന്നു. മലയാളികളും ഉത്തരേന്ത്യക്കാരുമായിരുന്നു ഇതിന്‌ മുന്നില്‍. ആഘോഷം രാത്രി വൈകുവോളം നീണ്ടുനിന്നു.

യു.എ.ഇ യില്‍ ഇതിനു മുമ്പ് ഇന്ത്യക്കാരുടെ ഇത്രെയും വലിയ ഒരു ആഹ്ലാദ പ്രകടനം കണ്ടിട്ടില്ല എന്ന് കാണികളില്‍ പലരും അഭിപ്രായപ്പെട്ടു. മുന്‍പെങ്ങും ഇല്ലാത്ത വിധം കാറിനു മുകളില്‍ വരെ കയറി പ്രകടനം നടത്തിയായിരുന്നു ഇന്ത്യക്കാരുടെ ആഘോഷ പ്രകടനങ്ങള്‍. മുഖത്ത് ഇന്ത്യന്‍ പാതക വരച്ചും റോഡുകളില്‍ വര്‍ണ്ണ കടലാസുകള്‍ വിതറിയും ആരാധകര്‍ ആഘോഷിച്ചപ്പോള്‍ ഏപ്രില്‍ 2 ന് യു.എ.ഇ ദേശീയ ദിനമായ ഡിസംബര്‍ 2 നോട് സാമ്യം തോന്നി. ഇതിനിടയില്‍ കൂടി വാഹനങ്ങള്‍ കടത്തി കൊണ്ടു പോകാന്‍ മറ്റു രാജ്യക്കാരായ ചില സ്ഥല വാസികള്‍ക്ക് തടസ്സം നേരിട്ടപ്പോള്‍ നേരിയ സംഘര്‍ഷം ഉണ്ടായി എങ്കിലും പ്രത്യേകിച്ച് വലിയ പ്രശ്നങ്ങള്‍ ഒന്നും തന്നെ ഉണ്ടാക്കാതെ പ്രകടനക്കാര്‍ വഴി മാറി കൊടുത്തു.

ഓഫീസുകളിലും മറ്റും ജോലി ചെയ്യുന്നവര്‍ ഇന്നലെ ഉച്ചയ്ക്ക്‌ ശേഷം അവധി എടുത്തു കളി കാണാന്‍ ടെലിവിഷന്‌ മുന്നില്‍ എത്തിയിരുന്നു. സാധാരണയായി ക്രിക്കെറ്റ് കാണാത്ത പല ഇന്ത്യാക്കാരും ഈ ലോക കപ്പില്‍ ഇന്ത്യ മുത്തമിടുമോ എന്നറിയാന്‍ ആകാംക്ഷയോടെ കളി കണ്ടിരുന്നു. പൊതു വീതികളെല്ലാം ഏറെക്കുറെ വിജനമായിരുന്നു. വലിയ സ്ക്രീനില്‍ കൂട്ടുകാരുമൊത്ത് കളി കാണുവാന്‍ ഒത്തു കൂടിയവര്‍ അനവധിയായിരുന്നു.

- ജെ.എസ്.

വായിക്കുക: , ,

അഭിപ്രായം എഴുതുക »

ബുര്‍ജ്‌ ഖലീഫയുടെ മുകളില്‍ സ്പൈഡര്‍മാന്‍

March 29th, 2011

french-spiderman-alain-robert-burj-khalifa-epathram

ദുബായ്‌ : ലോകത്തിലെ ഏറ്റവും ഉയരം കൂടിയ കെട്ടിടമായ ദുബായിലെ ബുര്‍ജ്‌ ഖലീഫയുടെ മുകളിലേക്ക് ഫ്രഞ്ച് സ്പൈഡര്‍മാന്‍ എന്ന് അറിയപ്പെടുന്ന 48 കാരനായ റോബര്‍ട്ട് കയറിപ്പറ്റി. ഇന്നലെ വൈകുന്നേരം 6 മണിക്ക് കയറ്റം തുടങ്ങിയ റോബര്‍ട്ട് മുകളില്‍ എത്തുന്നത് വരെ കാഴ്ചക്കാരായി തടിച്ചു കൂടിയ ജനം ശ്വാസം അടക്കിപ്പിടിച്ചു നോക്കി നിന്നു. കനത്ത സുരക്ഷാ സന്നാഹങ്ങളായിരുന്നു ബുര്‍ജ്‌ ഖലീഫയുടെ ചുറ്റും. ആംബുലന്‍സും സ്ട്രെച്ചറും വൈദ്യസഹായ സംഘവും തയ്യാറായി നില്‍ക്കുന്നുണ്ടായിരുന്നു. 828 മീറ്റര്‍ ഉയരമുള്ള ബുര്‍ജ്‌ ഖലീഫയുടെ പൈപ്പുകളോ മറ്റു തടസ്സങ്ങളോ ഒന്നുമില്ലാത്ത ഒരു വശത്ത് കൂടെയാണ് റോബര്‍ട്ട് കയറിയത്. ഇതിനു മുന്‍പ്‌ ലോകത്തെ ഉയരം കൂടിയ എഴുപതോളം കെട്ടിടങ്ങള്‍ കീഴടക്കിയ റോബര്‍ട്ടിന് സാമാന്യം ശക്തമായി വീശിയ കാറ്റ് ചെറിയ തോതില്‍ വെല്ലുവിളി ഉയര്‍ത്തി.



2007 ഫെബ്രുവരി 23ന് ഫ്രഞ്ച് സ്പൈഡര്‍മാന്‍ റോബര്‍ട്ട് അബുദാബി ഇന്‍വെസ്റ്റ്‌മെന്റ്‌ അതോറിറ്റി ടവര്‍ കയറുന്നു

എന്നാലും നിശ്ചയദാര്‍ഢ്യ ത്തോടെ കയറ്റം തുടര്‍ന്ന റോബര്‍ട്ടിന്റെ സഹായത്തിനായി കെട്ടിടത്തിന്റെ വശത്തേക്ക് ശക്തമായ വൈദ്യുത വിളക്കുകള്‍ വെളിച്ചം എത്തിച്ചു. സാധാരണ ഗതിയില്‍ പതിവില്ലെങ്കിലും സുരക്ഷാ നിര്‍ദ്ദേശം അനുസരിച്ച് ഈ കയറ്റത്തില്‍ റോബര്‍ട്ട് സുരക്ഷാ ബെല്‍റ്റും കയറും ദേഹത്ത് ഘടിപ്പിച്ചാണ് കയറിയത്.

- കറസ്പോണ്ടന്റ്

വായിക്കുക: , ,

അഭിപ്രായം എഴുതുക »

ജിമ്മി ജോര്‍ജ്ജ്‌ സ്മാരക വോളിബോള്‍ ടൂര്‍ണമെന്‍റ് : എന്‍. എം. സി. ജേതാക്കള്‍

March 27th, 2011

nmc-win-ksc-gimmy-george-trophy-epathram
അബുദാബി : കേരള സോഷ്യല്‍ സെന്‍റര്‍, അല്‍ ജസീറ സ്‌പോര്‍ട്‌സ് ക്ലബ്ബുമായി സഹകരിച്ച് സംഘടിപ്പിച്ച കെ. എസ്. സി. – യു. എ. ഇ. എക്സ്ചേഞ്ച്‌ ജിമ്മി ജോര്‍ജ് സ്മാരക വോളിബോള്‍ ടൂര്‍ണമെന്‍റ് ഫൈന ലില്‍ ഈജിപ്ഷ്യന്‍ ക്ലബ്ബായ സ്‌മോഹ സ്‌പോര്‍ട്‌സ് ക്ലബ്ബിനെ പരാജയ പ്പെടുത്തി എന്‍. എം. സി. കപ്പു സ്വന്തമാക്കി.

കഴിഞ്ഞ കുറെ കാലങ്ങളായി കേരളാ സോഷ്യല്‍ സെന്‍റര്‍ അങ്കണത്തില്‍ നടന്നു വന്നിരുന്ന വോളിബോള്‍ ടൂര്‍ണമെന്‍റ് ഈ വര്‍ഷം അല്‍ ജസീറ സ്പോര്‍ട്സ്‌ ക്ലബ്ബുമായി ചേര്‍ന്നാണ് നടത്തിയത്.

യു. എ. ഇ നാഷണല്‍ ടീം, എന്‍. എം. സി, അല്‍ ജസീറ സ്‌പോര്‍ട്‌സ് ക്ലബ്, ലൈഫ്‌ലൈന്‍ ഹോസ്​പിറ്റല്‍, അജ്മാന്‍ ക്ലബ്, ദുബൈ ഡ്യൂട്ടി ഫ്രീ, ഇന്‍റര്‍ നാഷണല്‍ കേരളൈറ്റ്സ്, സ്മോഹ ഈജിപ്ഷ്യന്‍ ക്ലബ്ബ്‌ എന്നീ ടീമുകളാണ് കെ. എസ്. സി – യു. എ. ഇ. എക്‌സ്‌ചേഞ്ച് എവര്‍ റോളിംഗ് ട്രോഫിക്കു വേണ്ടി കളിക്കള ത്തില്‍ ഇറങ്ങിയത്‌.

വിജയിച്ച ടീമു കള്‍ക്കുള്ള ട്രോഫികള്‍ കെ. എസ്. സി. പ്രസിഡന്‍റ് കെ. ബി. മുരളി, ജനറല്‍ സെക്രട്ടറി ബക്കര്‍ കണ്ണപുരം, ഡോ. ബി. ആര്‍. ഷെട്ടി എന്നിവര്‍ വിതരണം ചെയ്തു.

(ഫോട്ടോ: സഫറുള്ള പാലപ്പെട്ടി)

-

വായിക്കുക: ,

അഭിപ്രായം എഴുതുക »

ജിമ്മി ജോര്‍ജ്ജ്‌ സ്മാരക വോളിബോള്‍ ടൂര്‍ണമെന്‍റ്

March 17th, 2011

jimmy-george-volley-ball-epathram

അബുദാബി : കേരളാ സോഷ്യല്‍ സെന്‍റര്‍ – യു. എ. ഇ. എക്സ്ചേഞ്ച്‌ എവര്‍ റോളിങ്ങ്‌ ട്രോഫിക്ക്‌ വേണ്ടി സംഘടിപ്പിച്ചു വരുന്ന ജിമ്മി ജോര്‍ജ്ജ്‌ സ്മാരക വോളിബോള്‍ ടൂര്‍ണമെന്‍റ് അല്‍ ജസീറ സ്പോര്‍ട്സ്‌ ക്ലബ്ബില്‍ വെള്ളിയാഴ്ച ആരംഭിക്കും.

കഴിഞ്ഞ കുറെ കാലങ്ങളായി കേരളാ സോഷ്യല്‍ സെന്‍റര്‍ അങ്കണത്തില്‍ നടന്നു വന്നിരുന്ന വോളിബോള്‍ ടൂര്‍ണമെന്‍റ് ഈ വര്‍ഷം അല്‍ ജസീറ സ്പോര്‍ട്സ്‌ ക്ലബ്ബുമായി ചേര്‍ന്നാണ് ഒരുക്കുന്നത്.

യു. എ. ഇ., ഇന്ത്യ, ഈജിപ്റ്റ്‌, ലബനാന്‍ തുടങ്ങിയ രാജ്യങ്ങളിലെ ദേശീയ- അന്തര്‍ ദേശീയ താരങ്ങള്‍ വിവിധ ടീമുകളിലായി അണി നിരയ്ക്കും. യു. എ. ഇ നാഷണല്‍ ടീം, അല്‍ ജസീറ സ്പോര്‍ട്സ്‌ ക്ലബ്ബ്, എന്‍. എം. സി. ഗ്രൂപ്പ്, ലൈഫ്‌ ലൈന്‍ ഹോസ്പിറ്റല്‍ ടീം, ദുബായ് ഡ്യൂട്ടി ഫ്രീ, അജ്മാന്‍ ക്ലബ്ബ്‌, ഇന്‍റര്‍ നാഷണല്‍ കേരളൈറ്റ്സ്, സ്മോഹ ഈജിപ്ഷ്യന്‍ ക്ലബ്ബ്‌ എന്നീ ടീമുകളാണ് മത്സരിക്കുക.

മാര്‍ച്ച് 18 വെള്ളിയാഴ്ച ആരംഭിക്കുന്ന വോളിബോള്‍ ടൂര്‍ണമെന്‍റ് 25 വെള്ളിയാഴ്ച സമാപിക്കും. രാത്രി 8 മണി മുതല്‍ കളി ആരംഭിക്കും. ദിവസവും രണ്ടു കളികള്‍ ഉണ്ടായിരിക്കും.

-

വായിക്കുക: ,

അഭിപ്രായം എഴുതുക »

കളിക്കളം ബാഡ്മിന്റണ്‍ ടൂര്ണ്ണമെന്റ് ഷാര്‍ജയില്‍ തുടങ്ങി

March 12th, 2011

css-kalikkalam-badminton-tournament-epathram

ഷാര്ജ : സി. എസ്. എസ്. കളിക്കളം ഷാര്‍ജ ബാഡ്മിന്റണ്‍ ടൂര്ണ്ണമെന്റ് 2011നു തുടക്കമായി. കുവൈറ്റ് റൌണ്ട് എബൌട്ടി നടുത്തുള്ള ഇന്ഡോര്‍ സ്റ്റേഡിയത്തിലാണു മത്സരങ്ങള്‍ പുരോഗമിക്കുന്നത്. മത്സരങ്ങളുടെ ഉദ്ഘാടനം കഴിഞ്ഞ ദിവസം നടന്നു. ഉദ്ഘാടന ച്ചടങ്ങില്‍ പ്രസിഡന്റ് വേണു ഗോപാല്‍ അധ്യക്ഷനായിരുന്നു.

എസ്. കെ. സി. ഗ്രൂപ്പ് പ്രതിനിധി സോമന്‍, റൊമാന വാട്ടര്‍ പ്രതിനിധി പ്രദീപ്, ലൈഫ് ലൈന്‍ ഗ്രൂപ്പ് പ്രതിനിധി ഷബീര്‍, ബിജു കാസിം, സുശാന്ത്, ഷെല്ലി, കമാല്‍ തുടങ്ങിയവര്‍ പങ്കെടുത്തു.

kalikkalam-badminton-2011-epathram

ചിത്രത്തില്‍ ക്ലിക്ക്‌ ചെയ്‌താല്‍ വലുതായി കാണാം

ഈ മാസം 25 വരെ മത്സരങ്ങള്‍ നീണ്ട് നില്ക്കും.

(അയച്ചു തന്നത് : കുഴൂര്‍ വില്‍സന്‍)

- ജെ.എസ്.

വായിക്കുക: ,

അഭിപ്രായം എഴുതുക »

Page 4 of 6« First...23456

« Previous Page« Previous « കോഴിക്കോട് ജില്ലാ പ്രവാസി അസോസിയേഷന്‍ രൂപീകൃതമായി
Next »Next Page » ബാബുരാജ് സംഗീത നിശ »



ജലീല്‍ രാമന്തളിക്കും ബി. ...
സുരക്ഷക്കും സമാധാന ത്തിനു...
തടവുകാരെ കൈമാറാന്‍ ഇന്ത്യ...
വ്യാജ മൊബൈലിനെതിരെ കര്‍ശ...
ബോയിംഗിന് ഇത് ചരിത്ര മുഹൂ...
ദുബായ് എയര്ഷോ ആരംഭിച്ചു...
മലയാളി സമാജം ആര്‍. സി. സി...
പ്രവാസി സാമ്പത്തിക അച്ചടക...
ഇന്ത്യന്‍ വിസ ഇനി ഓണ്‍ലൈന...
ദുബായ് ആനപ്രേമി സംഘം മാടമ...
സൌദിയില്‍ 8 ബംഗ്ലാദേശ് സ്...
കേരളീയ വിദ്യാഭ്യാസ രംഗം മ...
തിരുനെല്ലൂര്‍ കരുണാകരന്‍ ...
ബഹറിനില്‍ പ്രക്ഷോഭകാരികളെ...
വാഹനം ഓടിച്ചതിന് സൗദി വനി...
സൗദിയില്‍ ഇനി സ്‌ത്രീകള്‍...
ദുബായില്‍ പ്ലാസ്റ്റിക്‌, ...
ദുബായ്‌ മെട്രോ ഗ്രീന്‍ ലൈ...
പ്രവാസി മലയാളികള്‍ ഓണ ലഹര...
സൃഷ്ടാവിന്റെ മഹത്വം ബോദ്ധ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine