 |
 |
 |
 |
 |
 |
 |
 |
 |
 |
 |
 |
 |
 |
സി. എസ്. എസ്. കളിക്കളം ഷാര്ജ സംഘടിപ്പിക്കുന്ന യു. എ. ഇ. ഓപ്പണ്‍ 2011 ബാഡ്മിന്റണ്‍ ടൂര്ണ്ണമെന്റ് ഇന്ന് ആരം ഭിക്കും. ഇന്ന് മുതല്‍ 25- ആം തിയതി വരെ കളിക്കളം ഇന്ഡോര്‍ ഓഡിറ്റോറി യത്തിലാണ് മത്സരങ്ങള്‍ നടക്കുക.
മെന്സ് സിംഗിള്സ്, ഡബിളസ്, വെറ്ററന്സ് സിംഗിള്സ്, ഡബിള്സ്, മിക്സഡ് ഡബിള്സ്, ബോയ്സ് എന്നീ വിഭാഗങ്ങളിലാണ് മത്സരം.
കൂടുതല്‍ വിവരങ്ങള്ക്ക് 050 638 32 13, 050 675 91 58 എന്നീ നമ്പറുകളില്‍ ബന്ധപ്പെടുക.
(അയച്ചു തന്നത് : കുഴൂര്‍ വില്‍സന്‍ )
- ജെ.എസ്.
കുവൈറ്റ്‌ : കേരളത്തിലെ എഞ്ചിനിയറിംഗ് കോളേജ്‌ പൂര്‍വ വിദ്യാര്‍ത്ഥികളുടെ കുവൈറ്റിലെ സംഘടനയായ കേരളൈറ്റ് എഞ്ചിനിയേഴ്സ് അസോസിയേഷന്‍ (Keralite Engineers Association – KEA) സംഘടിപ്പിച്ച രണ്ടാം വാര്‍ഷിക കെ. ഇ. എ. ഫ്രണ്ട്ഷിപ്പ് കപ്പ് ഫുട്ബോള്‍ ടൂര്‍ണമെന്റിന്റെ മൂന്നാമത്‌ മല്‍സരത്തില്‍ പാലക്കാട്‌ എന്‍. എസ്. എസ്. എഞ്ചിനിയറിംഗ് കോളേജ്‌ പൂര്‍വ വിദ്യാര്‍ത്ഥിയായ അരവിന്ദന്‍ ബാലകൃഷ്ണന്‍ മികച്ച കളിക്കാരനായി തെരഞ്ഞെടുക്കപ്പെട്ടു.
അരവിന്ദന്‍ “മാന്‍ ഓഫ് ദ മാച്ച്” പുരസ്കാരം ഏറ്റുവാങ്ങുന്നു
എന്‍. എസ്. എസ്. എഞ്ചിനിയറിംഗ് കോളേജും എ. ഇ. സി. കെ. (Alumni Association of Engineering Colleges in Kerala – AECK) യും തമ്മില്‍ നടന്ന വാശിയേറിയ മല്‍സരത്തില്‍ അരവിന്ദന്‍ അടിച്ച മറുപടിയില്ലാത്ത ഏക ഗോളാണ് പാലക്കാടിനെ വിജയികളാക്കിയത്‌. എന്നാല്‍ തന്റെ ഗോളിനേക്കാള്‍ വലയില്‍ ഒരു ഗോള്‍ പോലും വീഴാതെ കാത്ത ഗോള്‍ കീപ്പറായ ഹരീഷിന്റെ മികച്ച പ്രകടനമാണ് തങ്ങളുടെ വിജയത്തിന് കാരണമായത്‌ എന്ന് അരവിന്ദന്‍ അഭിപ്രായപ്പെട്ടു.
ഹരീഷ്
മാര്‍ച്ച് 4 വെള്ളിയാഴ്ച അബു ഹലീഫയിലെ അല്‍ സാഹേല്‍ സ്പോര്‍ട്ട്സ് ക്ലബില്‍ നടന്ന രണ്ടാം റൌണ്ട് ലീഗ് മല്‍സരങ്ങളില്‍ ആദ്യ മല്‍സരത്തില്‍ മേസ് (MACE) 3 – 1 ന് എന്‍. ഐ. ടി (NIT) യെ തോല്‍പ്പിച്ചു. കെ. ഇ. എ. ടീമും ടി. കെ. എം. ടീമും തമ്മില്‍ നടന്ന മല്‍സരം സമനിലയില്‍ കലാശിച്ചു. ടി. ഇ. സി. യും (TEC) കോളേജ്‌ ഓഫ് എഞ്ചിനിയറിംഗ് തിരുവനന്തപുരവും (CETA) തമ്മില്‍ നടന്ന മല്‍സരത്തില്‍ TEC എതിരില്ലാത്ത നാല് ഗോളുകള്‍ക്ക് CETA യെ തോല്‍പ്പിച്ചു.
രണ്ടാം റൌണ്ട് മത്സരങ്ങളുടെ അവസാനം 4 പോയന്റോടെ എന്‍. എസ്. എസ്. കോളജ്‌ ഓഫ് എഞ്ചിനിയറിംഗ് (NSSCE) ഒന്നാം സ്ഥാനത്തെത്തി. ലീഗ് മത്സരത്തിലെ മൂന്നും നാലും റൌണ്ട് മല്‍സരങ്ങള്‍ മാര്‍ച്ച് 11 വെള്ളിയാഴ്ച നടക്കും.
- pma
വായിക്കുക: കായികം, കുവൈറ്റ്‌, പൂര്‍വ വിദ്യാര്‍ത്ഥി
ദുബായ് : ഒളിമ്പ്യന്‍ സുരേഷ് ബാബുവിന്റെ നിര്യാണത്തില്‍ ദല അനുശോചനം രേഖപ്പെടുത്തി. അന്താരാഷ്‌ട്ര കായിക മേളകളില്‍ ഇന്ത്യയുടെ യശസ്സ് ഉയര്‍ത്തിയ സുരേഷ് ബാബുവിന്റെ ആകസ്മിക നിര്യാണം ഇന്ത്യയുടെ പ്രത്യേകിച്ച് കേരളത്തിന്റെ കായിക രംഗത്തിന് കനത്ത നഷ്ടമാണെന്ന് അനുശോചന സന്ദേശത്തില്‍ പറഞ്ഞു.
– സജീവന്‍ കെ. വി., ജന. സെക്രട്ടറി
- pma
ദുബായ് : പ്രവചനങ്ങള്‍ക്കും കണക്കു കൂട്ടലുകള്‍ക്കും അവകാശ വാദങ്ങള്‍ക്കും വിരാമം ഇട്ടു കൊണ്ട് കേര രണ്ടാം സീസണ്‍ ഫുട്ബോള്‍ മത്സരത്തിന്റെ ഫൈനലില്‍ കണ്ണൂര്‍ എഞ്ചിനിയറിംഗ് കോളേജിനെ എതിരില്ലാത്ത രണ്ടു ഗോളുകള്‍ക്ക് മറി കടന്ന് പാലക്കാട്‌ എന്‍. എസ്. എസ്. എഞ്ചിനിയറിംഗ് കോളേജിന്റെ എന്‍. എസ്. എസ്. സ്ട്രൈക്കേഴ്സ് ടീം കേര ഫുട്ബോള്‍ കിരീടം ചൂടി.
കൂടുതല്‍ ചിത്രങ്ങള്‍ക്ക് മുകളില്‍ ക്ലിക്ക്‌ ചെയ്യുക
സാങ്കേതികമായി മാത്രമുള്ള ഒരു കളി എന്നതിനപ്പുറം വീറും വാശിയും ദര്‍ശിച്ച ഒരു ഏറ്റുമുട്ടല്‍ തന്നെയായിരുന്നു ഇന്നലത്തെ ‘ലൂസേഴ്സ് ഫൈനല്‍’. പാലക്കാടന്‍ ഫുട്ബോള്‍ ശൈലിയുടെ സുന്ദര മുഹൂര്‍ത്തങ്ങള്‍ കളിയില്‍ ഉടനീളം പുറത്തെടുത്ത എന്‍. എസ്. എസ്. എഞ്ചിനിയറിംഗ് കോളേജിന്റെ രണ്ടാമത്തെ ടീമായ എന്‍. എസ്. എസ്. ബുള്‍സിന്, തങ്ങളെ സെമിയില്‍ വരെ എത്തിച്ച ഭാഗ്യത്തിന്റെ കടാക്ഷം കൂടി ഉണ്ടായിരുന്നു എങ്കില്‍ മൂന്നാം സ്ഥാനം സ്വന്തമാക്കാന്‍ കഴിയുമായിരുന്നുവെങ്കിലും നാലാം സ്ഥാന ക്കാരായി മാറാന്‍ ആയിരുന്നു നിയോഗം.
കേര ഫുട്ബോള്‍ ചരിത്രത്തില്‍ ആദ്യമായി ഒന്നാം സ്ഥാനവും നാലാം സ്ഥാനവും ഒരേ കോളേജിന്റെ ടീം തന്നെ കരസ്ഥമാക്കുക എന്ന അപൂര്‍വ ബഹുമതിയും ഇനി പാലക്കാട്‌ എന്‍. എസ്. എസ്. കോളേജിനു സ്വന്തം.
വെള്ളിയാഴ്ച ഉച്ചയ്ക്ക് സഫാ പാര്‍ക്ക്‌ ഫുട്ബോള്‍ കളിക്കളത്തില്‍ നടന്ന മത്സരത്തില്‍ ആദ്യ പകുതിയില്‍ പത്തൊന്‍പതാം മിനുട്ടില്‍ ദിനേശ്‌ കെ. ജി. നേടിയ അത്യുജ്ജ്വല ഗോളാണ് മത്സരത്തിന് വഴിത്തിരിവായത്‌. മിന്നല്‍ വേഗത്തില്‍ പാഞ്ഞു കയറി എതിരാളികളുടെ പേടി സ്വപ്നമായ ദിനുവിന്റെ നീക്കങ്ങള്‍ തികച്ചും പ്രവചനാതീതമായിരുന്നു.
കാപ്റ്റന്‍ അബ്ദു റഹിമാന്റെ നേതൃത്വ ത്തില്‍ ഒത്തൊരുമ യോടെ കളിച്ച തിനുള്ള പ്രതിഫലം ആയിരുന്നു കളിക്കളത്തിലെ പയ്യന്‍സ് പ്രശാന്ത്‌ അയ്യപ്പന്‍ രണ്ടാം പകുതിയുടെ മുപ്പത്തി ഒന്‍പതാം മിനുട്ടില്‍ നേടിയ ചരിത്ര മുഹൂര്‍ത്തമായ നിര്‍ണ്ണായക ഗോള്‍.
- pma
വായിക്കുക: കായികം, പൂര്‍വ വിദ്യാര്‍ത്ഥി
ദുബായ്: ഐ. സി. സി. ക്രിക്കറ്റ് ലോക കപ്പ് 2011 ന്റെ തത്സമയ പ്രക്ഷേപണ അവകാശം ചാനല്‍ 4 റേഡിയോ നെറ്റ് വര്ക്കിന്റെ മലയാളം റേഡിയോ സ്റ്റേഷനായ Gold 101.3 FM നു ലഭിച്ചു. മദ്ധ്യ പൂര്‍വേഷ്യ, ഉത്തരാഫ്രിക്ക മേഖലയിലെ പരിപൂര്ണ്ണ തത്സമയ പ്രക്ഷേപണ അവകാശമാണ് ഗോള്ഫ് എഫ് എമ്മിന് ലഭിച്ചത്.
യു. എ. ഇ. യില്‍ ഈ നേട്ടം കൈവരിക്കുന്ന ആദ്യത്തെ മലയാളം റേഡിയോ സ്റ്റേഷനാണ് ഗോള്‍ഡ്‌ എഫ്.എം. ലോക കപ്പിന്റെ പരിപൂര്ണ്ണ പ്രക്ഷേപണ അവകാശമുള്ള ചാനല്‍ 2, മദ്ധ്യ പൂര്‍വേഷ്യ, ഉത്തരാഫ്രിക്ക മേഖലകളിലെ തത്സമയ പ്രക്ഷേപണ അവകാശം ചാനല്‍ 4 റേഡിയോ നെറ്റ് വര്ക്കിനു നല്കുകയായിരുന്നു.
ഗോള്‍ഡ്‌ എഫ്.എം. വാര്‍ത്താ വിഭാഗം മേധാവി കുഴൂര്‍ വിത്സണ്‍ (ഒരു ഫയല്‍ ചിത്രം)
2015 വരെ ഇന്റര്നെറ്റ്, മൊബൈല്‍ ഉള്പ്പടെയുള്ള എല്ലാ മാധ്യമങ്ങളിലും ലോക കപ്പ് ഓഡിയോ സ്ട്രീം ലഭ്യമാക്കാനുള്ള അവകാശം ലഭിച്ചിരിക്കുന്നത് ചാനല്‍ 2 വിനാണ്. ഇംഗ്ലീഷിന് പുറമേ ഏഷ്യന്‍ ജനതയ്ക്കിടയിലും നല്ല സ്വാധിനമുള്ള ചാനല്‍ 4 നെ ക്രിക്കറ്റ് റേഡിയോ പങ്കാളിയായി ലഭിച്ചതില്‍ അഭിമാനമുണ്ടെന്ന് ചാനല്‍ 2 ഗ്രൂപ്പ് ചെയര്മാനും എം .ഡി. യുമായ അജയ് സേതി പറഞ്ഞു.
ക്രിക്കറ്റിന്റെ ജീവിക്കുന്ന ഇതിഹാസങ്ങളായ കപില്‍ ദേവ്, സുനില്‍ ഗവാസ്ക്കര്‍, ക്ലെവ് ലോയ്ഡ് തുടങ്ങിയവരുടെ സാന്നിധ്യം ക്രിക്കറ്റ് റേഡിയോ കമന്ററിയെ ഏറെ സമ്പന്നമാക്കുമെന്ന് ചാനല്‍ 4 റേഡിയോ നെറ്റ് വര്ക്ക് മാതൃ സ്ഥാപനമായ അല്‍ മുറാദ് ഗ്രൂപ്പിന്റെ ചെയര്മാന്‍ അബ്ദുള്ള മുഹമ്മദ് അല്‍ മുറാദ് പറഞ്ഞു.
ചാനല്‍ 4 റേഡിയോ നെറ്റ് വര്ക്കുമായും, ചാനല്‍ 2വുമായും സഹകരിക്കുന്നതില്‍ സന്തോഷമുണ്ടെന്ന് ഐ. സി. സി. വിപണന വിഭാഗം ജനറല്‍ മാനേജര്‍ കാംപെല്‍ ജമൈസണ പ്രതികരിച്ചു.
മത്സരങ്ങളുടെ ആവേശം ജനങ്ങളില്‍ എത്തിക്കുന്നതില്‍ റേഡിയോക്ക് വലിയ പങ്ക് വഹിക്കാനാകുമെന്ന് ഇന്ത്യയുടെ മുന്‍ ക്യാപ്റ്റന്‍ കപില്ദേവ് അഭിപ്രായപ്പെട്ടു.
ലോകകപ്പ് ക്രിക്കറ്റ് പരിപൂര്ണ്ണ തത്സമയ പ്രക്ഷേപണം നടത്തുന്ന ലോകത്തിലെ തന്നെ ആദ്യത്തെ മലയാളം റേഡിയോ സ്റ്റേഷനെന്ന ബഹുമതിയും ഇതോടെ ഗോള്‍ഡ്‌ എഫ്. എമ്മിന് ലഭിക്കും. www.gold1013fm.com എന്ന വെബ്സൈറ്റിലൂടെ ലോകത്തെവിടെ യുമുള്ളവര്ക്കും തത്സമയ പ്രക്ഷേപണം കേള്ക്കാവുന്നതാണ്.
- pma
വായിക്കുക: കായികം, മാധ്യമങ്ങള്‍
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
