[singlepic id=13 w=400 float=center]

ദുബായ്‌ കെ.എം.സി.സി. നല്‍കിയ സ്വീകരണത്തില്‍ കേരള കോണ്ഗ്രസ് (ജേക്കബ്‌) ചെയര്‍മാനും മുന്‍ മന്ത്രിയുമായ ടി. എം. ജേക്കബ്‌ പ്രസംഗിക്കുന്നു.

ദുബായ്‌ : കേരളത്തില്‍ മന്ത്രി സഭാ സംവിധാനത്തെ സി. പി. എം. അട്ടിമറിച്ചതായി കേരള കോണ്ഗ്രസ് (ജേക്കബ്‌) ചെയര്‍മാന്‍ ടി. എം. ജേക്കബ്‌ പറഞ്ഞു. പ്രവാസി കേരള കോണ്ഗ്രസിന്റെ പ്രവര്‍ത്തക കണ്‍വെന്ഷനും കുടുംബ സംഗമവും ദുബായില്‍ ഉദ്ഘാടനം ചെയ്യുകയായിരുന്നു അദ്ദേഹം. സി. പി. എം. തീരുമാനിക്കുന്ന കാര്യങ്ങളെ ഇപ്പോള്‍ സര്‍ക്കാര്‍ നടപ്പിലാക്കുന്നുള്ളൂ. ക്യാബിനറ്റിനകത്ത് പോലും ഇപ്പോള്‍ സി. പി. എം. ഗ്രൂപ്പ്‌ ചര്‍ച്ചയാണ് നടക്കുന്നത്. ജനാധിപത്യ സംവിധാനത്തിന് ഭൂഷണമല്ലാത്ത രീതിയിലാണ്കേരളത്തില്‍ ക്യാബിനറ്റ്‌ സംവിധാനം അട്ടിമറി ക്കപ്പെട്ടി രിക്കുന്നതെന്നും അദ്ദേഹം പറഞ്ഞു. ഭരണ രംഗത്ത്‌ എല്‍. ഡി. എഫ്. സര്‍ക്കാര്‍ സമ്പൂര്‍ണ്ണ പരാജയമാണെന്നും ടി. എം. ജേക്കബ്‌ പറഞ്ഞു.

സ്പെഷ്യല്‍ ബ്രാഞ്ച് പോലീസ്‌ നിഷ്ക്രിയവും പരാജയവുമാണ്‌. ഇതേ തുടര്‍ന്നാണ് തീവ്രവാദം പോലുള്ളവയ്ക്ക് വേരോട്ടം ലഭിക്കുന്നത്.

ഫോട്ടോ : കെ.വി.എ. ഷുക്കൂര്‍

കരാമ വൈഡ്‌ റേഞ്ച് ഓഡിറ്റോറിയത്തില്‍ നടന്ന സമ്മേളനത്തില്‍ പ്രവാസി കേരളാ കോണ്ഗ്രസ് പ്രസിഡണ്ട് ബോവാസ്‌ ഈട്ടിക്കാലായില്‍, ജനറല്‍ സെക്രട്ടറി എബി ബേബി മംഗലശ്ശേരി, പാര്‍ട്ടി സെക്രട്ടറി ജോര്‍ജ്ജ് കുന്നപ്പുഴ, ലാലന്‍ ജേക്കബ്‌ കുവൈത്ത്‌ തുടങ്ങിയവര്‍ സംബന്ധിച്ചു.

ഷാര്‍ജ : പ്രവാസികള്‍ക്ക്‌ വോട്ടവകാശം നല്‍കാനുള്ള മന്‍മോഹന്‍ സിംഗ് സര്‍ക്കാരിന്റെ നടപടികള്‍ എന്തുകൊണ്ടും അഭിനന്ദനം അര്‍ഹിക്കുന്നതാണെന്ന് എം. മുരളി എം. എല്‍. എ. അഭിപ്രായപ്പെട്ടു. നോണ്‍ റെസിഡന്റ് മാവേലിക്കര അസോസിയേഷന്‍ (നോര്‍മ) യു.എ.ഇ. തനിക്കും മാവേലിക്കര ബിഷപ്‌ മൂര്‍ കോളേജ്‌ പ്രിന്‍സിപ്പലും പ്രമുഖ പരിസ്ഥിതി പ്രവര്‍ത്തകനുമായ ഡോ. മാത്യു കോശി പുന്നയ്ക്കാടിനും നല്‍കിയ സ്വീകരണത്തില്‍ മറുപടി പ്രസംഗം നടത്തുകയായിരുന്നു എം. മുരളി.

പ്രവാസികള്‍ക്ക്‌ വോട്ടവകാശം നല്‍കുക വഴി ഇന്ത്യന്‍ ജനാധിപത്യം കൂടുതല്‍ ശക്തിപ്പെടുമെന്നും എം. മുരളി അഭിപ്രായപ്പെട്ടു.

[singlepic id=4 w=400 h=300 float=center]

പ്രസിഡണ്ട് മേരി ദാസന്‍ തോമസിന്റെ അദ്ധ്യക്ഷതയില്‍ ഷാര്‍ജ ഇന്‍ഡ്യന്‍ അസോസിയേഷന്‍ പ്രസിഡണ്ട് കെ. ബാലകൃഷ്ണന്‍ സമ്മേളനം ഉല്‍ഘാടനം ചെയ്തു. ബിസിനസ് 24/7 എഡിറ്റര്‍ ഭാസ്കര്‍ രാജ്, ജി. മോഹന്‍ദാസ്‌, പോള്‍ ജോര്‍ജ്‌ പൂവത്തേരില്‍, വര്‍ഗീസ്‌ ജോര്‍ജ്‌, കെ. കെ. ഷാജി എന്നിവര്‍ പ്രസംഗിച്ചു.

രാധാകൃഷ്ണ പിള്ള, വേണു ജി. നായര്‍, സി. കെ. പി. കുറുപ്പ്, രാജേഷ്‌ ഉണ്ണിത്താന്‍, അജയ്‌ കുറുപ്പ്, ടി. കെ. ജോര്‍ജ്‌, രാജേന്ദ്ര നാഥന്‍, ജോര്‍ജ്‌ മുത്തേരി, കോശി ഇടിക്കുള എന്നിവര്‍ നേതൃത്വം നല്‍കി.

എം. മുരളി എം. എല്‍. എ. യ്ക്ക് ജി. മോഹന്‍ ദാസും, ഡോ. മാത്യു  കോശി പുന്നയ്ക്കാടിനെ പ്രശസ്ത സിനിമാ നിര്‍മ്മാതാവ്‌ കെ. വി. മധുസൂദനനും പൊന്നാട അണിയിച്ചു ആദരിച്ചു.

നോര്‍മ കുടുംബാംഗങ്ങളുടെ കുട്ടികളുടെ കലാ പരിപാടികളും ഉണ്ടായിരുന്നു.