ശക്തിയുടെ ഓണസദ്യ മുസ്സഫയില്‍

October 14th, 2010

sakthi-theaters-logo-epathramഅബുദാബി: ശക്തി തിയ്യറ്റേഴ്സ് ഓണാഘോഷങ്ങളുടെ ഭാഗമായി മുസ്സഫയില്‍ ഒരുക്കുന്ന ഓണ സദ്യ, മുസ്സഫ ശാബിയ 10 ലെ എമിറേറ്റ്സ് ഫ്യൂച്ചര്‍ ഇന്റര്‍നാഷ്ണല്‍ അക്കാഡമി യില്‍  വെച്ചു (  ന്യൂ മെഡിക്കല്‍ സെന്‍റര്‍ നു പുറകില്‍) നടത്തുന്നു. ഒക്ടോബര്‍  15 വെള്ളിയാഴ്ച രാവിലെ 11 .30 മുതല്‍ ആരംഭിക്കുന്ന ഓണസദ്യ യില്‍ പങ്കെടുക്കാന്‍ താല്പര്യ മുള്ളവര്‍ ശക്തി ഭാരവാഹി കളുമായി ബന്ധപ്പെടുക.  വിവരങ്ങള്‍ക്ക് വിളിക്കുക : ഗോവിന്ദന്‍ നമ്പൂതിരി 050 580 49 54,  അജിത്‌ 055 736 11 88

-

വായിക്കുക:

അഭിപ്രായം എഴുതുക »

കാണികളെ ഇളക്കി മറിച്ച് പട്ടുറുമാല്‍ താരങ്ങള്‍

October 10th, 2010

patturumal-singers-in-abudhabi-epathram

അബുദാബി: നാഷണല്‍ തിയേറ്ററില്‍ തിങ്ങി നിറഞ്ഞ സംഗീത പ്രേമികളില്‍  ആവേശ ത്തിരയിളക്കി, സ്റ്റേജ് ഷോ യുടെ ചരിത്ര ത്തില്‍ പുതിയ ഒരു അദ്ധ്യായം എഴുതിച്ചേര്‍ത്തു  കൊണ്ട് പട്ടുറുമാല്‍ താരങ്ങള്‍ മിന്നി തിളങ്ങിയ സംഗീത സാന്ദ്രമായ ഒരു രാവ്.  അതായിരുന്നു   ‘സ്റ്റാര്‍സ് ഓഫ് പട്ടുറുമാല്‍’. 

patturumal-in-abudhabi-epathram

അബുദാബി ശക്തി തിയ്യറ്റേഴ്സ് ഒരുക്കിയ ഈ സംഗീത രാവില്‍ പ്രശസ്ത ഗായകരായ ഓ. യു. ബഷീര്‍, താജുദ്ധീന്‍ വടകര, ഷമീര്‍ ചാവക്കാട്‌, ആന്‍ഡ്രിയ, ദൃശ്യ, സീന രമേശ്‌, സജലാ സലിം, ഹസീനാ ബീഗം,   എന്നിവര്‍ അവതരിപ്പിച്ച ജനപ്രിയ ഗാനങ്ങളും, പട്ടുറുമാല്‍ നൃത്ത സംഘം അവതരിപ്പിച്ച  ആകര്‍ഷകമായ നൃത്ത ങ്ങളും സിനിമാറ്റിക് ഒപ്പനകളും മുന്‍നിര  മുതല്‍ ഗാലറി യിലുള്ളവരും അടക്കം എല്ലാതരം പ്രേക്ഷകരേയും കയ്യിലെടുത്തു.

-

വായിക്കുക: ,

അഭിപ്രായം എഴുതുക »

സ്റ്റാര്‍സ് ഓഫ് പട്ടുറുമാല്‍

October 8th, 2010

stars-of-patturumal-epathram

അബുദാബി: ശക്തി തിയ്യറ്റേഴ്സ് ഒരുക്കുന്ന  ‘സ്റ്റാര്‍സ് ഓഫ് പട്ടുറുമാല്‍’ ഒക്ടോബര്‍ 9 ന് അബുദാബി നാഷണല്‍ തിയേറ്ററില്‍ അരങ്ങേറും. ഗൃഹാതുരത്വം ഉണര്‍ത്തുന്ന പഴയകാല മാപ്പിളപ്പാട്ടുകളും പുതുതലമുറ യുടെ ആവേശമായി മാറിയിട്ടുള്ള ആല്‍ബം പാട്ടുകളും, ഹാസ്യ ഗാനങ്ങളും കോര്‍ത്തിണക്കിയ പട്ടുറുമാല്‍ എല്ലാ തരം പ്രേക്ഷകര്‍ക്കും രസിക്കും വിധമാണ് ഒരുക്കിയിരിക്കുന്നത്. കൈരളി ടി. വി. യിലെ ജനപ്രിയ പരിപാടിയായ പട്ടുറുമാല്‍ ഗായകര്‍ ഒത്തുചേരുന്ന സ്റ്റാര്‍ ഓഫ് പട്ടുറുമാലില്‍  രസകരമായ കോമഡി സ്കിറ്റുകളും, ഒപ്പനയുടെ താള നിബിഡമായ നൃത്തങ്ങളും സമന്വയിപ്പിച്ചിരിക്കുന്നു.  പട്ടുറുമാല്‍ പരിപാടിയിലെ വിജയികളും പ്രശസ്ത ഗായകരും, നര്‍ത്തകിമാരും, ഹാസ്യ പ്രതിഭകളും  അണി നിരക്കുന്നു. വൈകീട്ട് ഏഴു മണിക്ക് ആരംഭിക്കുന്ന പരിപാടിയിലേക്ക് പ്രവേശനം പാസ്സു മൂലം നിയന്ത്രിക്കുന്നു. വിവരങ്ങള്‍ക്ക് വിളിക്കുക:  050 53 122 62 – 02 631 44 55

-

വായിക്കുക: , ,

അഭിപ്രായം എഴുതുക »

പുരസ്കാരങ്ങള്‍ സര്‍ഗ്ഗാത്മക യാത്രയിലെ പാഥേയങ്ങള്‍ : പി. മണികണ്ഠന്‍

September 27th, 2010

p-manikantan-honoured-epathram

അബുദാബി : ഒരു എഴുത്തുകാരന് കിട്ടുന്ന പുരസ്കാരങ്ങളെല്ലാം അയാളുടെ സര്‍ഗ്ഗാത്മക യാത്രയിലെ പാഥേയങ്ങളാണ് എന്ന് ഈ വര്‍ഷത്തെ കേരള ഭാഷാ ഇന്‍സ്റ്റിട്ട്യൂട്ട് ഏര്‍പ്പെടുത്തിയ മികച്ച വൈജ്ഞാനിക ഗ്രന്ഥത്തിനുള്ള എന്‍. വി. കൃഷ്ണവാര്യര്‍ പുരസ്കാരം ലഭിച്ച പി. മണികണ്ഠന്‍ പറഞ്ഞു. ഈ വഴിച്ചോറിന്റെ ഊര്‍ജ്ജത്തില്‍ എഴുത്തുകാരില്‍ നിന്നും നൂതനമായ പല ആവിഷ്കാരങ്ങളും, ആഖ്യാനങ്ങളും സാക്ഷ്യപ്പെടുത്തലുകളും കണ്ടെത്തലുകളും ഒക്കെ വന്നു ചേരാറുണ്ട് എന്നുള്ളത് ഒരു യാഥാര്‍ത്ഥ്യമാണ്. അബുദാബി ശക്തി തിയേറ്റഴ്സിന്റെ ആഭിമുഖ്യത്തില്‍ അദ്ദേഹത്തെ ആദരിക്കുന്ന ചടങ്ങില്‍ സംസാരിക്കുകയായിരുന്നു പി. മണികണ്ഠന്‍.

p-manikantan-speaking-epathram

പി. മണികണ്ഠന്‍ സംസാരിക്കുന്നു. ഗോവിന്ദന്‍ നമ്പൂതിരി, സി. വി. സലാം, അഡ്വ. സലിം ചോലമുഖത്ത്, റഫീഖ്‌ സക്കറിയ എന്നിവര്‍ വേദിയില്‍.

“മലയാളിയുടെ സ്വത്വാന്വേഷണങ്ങള്‍” എന്ന തന്റെ പുസ്തകത്തിന്‌ പുരസ്കാരം ലഭിക്കുന്ന അവസരത്തില്‍ കേരളത്തില്‍ പല രംഗങ്ങളിലും സ്വത്വത്തെ കുറിച്ചുള്ള ചര്‍ച്ചകള്‍ നടന്നു കൊണ്ടിരുന്നു എന്നുള്ളത് ഈ പുസ്തകത്തിന്‌ കൂടുതല്‍ പ്രാധാന്യം കൊടുത്തിട്ടുണ്ട്‌. എന്നാല്‍ ഇന്ന് കേരളത്തില്‍ നടക്കുന്ന ചര്‍ച്ചകള്‍ തികച്ചും വിപരീത ഫലങ്ങളാണ് സൃഷ്ടിക്കുന്നത്. ഇതിനു പ്രധാന കാരണം, ഒരു സാമൂഹ്യ ശാസ്ത്രത്തിന്റെ അടിത്തറയില്‍ ഊന്നി സ്വത്വത്തെ കുറിച്ചുള്ള സംവാദങ്ങള്‍ കേരളത്തില്‍ ഉണ്ടാവുന്നില്ല എന്നതാണ്. കേരളത്തിലെ സ്വത്വ ചര്‍ച്ചകളെല്ലാം സ്വത്വത്തിന് വിപരീതമായിട്ടുള്ള നിലപാടുകളിലേക്ക് പോകുകയും സ്വത്വ ആവിഷ്കാരങ്ങളെ പൂര്‍ണ്ണമായി തമസ്കരിച്ചു കൊണ്ടിരിക്കുകയും ചെയ്യുന്നു.

എന്താണ് സ്വത്വം? പ്രാഥമികമായ തിരിച്ചറിവുകളില്‍ നിന്നും ഒരു വ്യക്തിക്ക് ഉണ്ടാവുന്ന ഗുണഗണങ്ങളാണ് സ്വത്വം. ഇത് സ്ഥായിയായിട്ടുള്ള ഒന്നല്ല. വൈവിധ്യവും വൈജാത്യവുമുള്ള ഒരു സംവര്‍ഗ്ഗമാണ് സ്വത്വം. Self is broadly defined as the essential qualities that make a person distinct from all others. എല്ലാവരില്‍ നിന്നും വ്യത്യസ്തമായ ഒരു ഗുണം ഒരു വ്യക്തിയില്‍ ഉണ്ടാവുമ്പോഴേ അയാള്‍ക്ക്‌ അയാളുടെതായ സ്വത്വം ഉണ്ടാവുന്നുള്ളൂ. ഇവിടെ ഒരു വൈരുദ്ധ്യമുണ്ട്. ഇങ്ങനെയുള്ള സ്വത്വത്തിന് എങ്ങനെ തന്മയീഭവിക്കാന്‍ ആവും എന്ന അന്വേഷണമാണ് നാം സ്വത്വാന്വേഷണത്തിലൂടെ നടത്തേണ്ടത്. സ്വത്വത്തെ കുറിച്ചുള്ള ചര്‍ച്ചകളെല്ലാം തന്നെ സ്വത്വ രാഷ്ട്രീയത്തെ കുറിച്ചുള്ള ചര്‍ച്ചയായി മാറുമ്പോള്‍, എന്തിനു വേണ്ടി ഈ സംവാദം തുടങ്ങി വെച്ചുവോ അതിന്റെ വിപരീത ഫലത്തിലേക്കാണ് പോയിക്കൊണ്ടിരിക്കുന്നത്. ഇതാണ് ഇന്ന് കേരളീയ സമൂഹം അനുഭവിക്കുന്ന ദുര്യോഗം എന്നും മണികണ്ഠന്‍ അഭിപ്രായപ്പെട്ടു.

ജ്ഞാനപീഠം പുരസ്കാരം ലഭിച്ച ഓ.എന്‍.വി. കുറുപ്പിന് ചടങ്ങില്‍ വെച്ച് ശക്തി തിയേറ്റഴ്സിന്റെ അനുമോദനവും ആശംസയും അറിയിച്ചു. ശക്തി എക്സിക്യൂട്ടിവ്‌ കമ്മിറ്റി അംഗം സി. വി. സലാം പി. മണികണ്ഠനെ സദസ്സിന് പരിചയപ്പെടുത്തി.

“സമകാലീനം” എന്ന കവിയരങ്ങില്‍ യു.എ.ഇ. യിലെ പ്രമുഖ കവികള്‍ക്ക് പുറമേ ഒട്ടേറെ നവാഗത പ്രതിഭകളും പങ്കെടുത്തു.

omar-sherif-epathram

ഒമര്‍ ഷെരീഫ്‌ കടമ്മനിട്ടയുടെ

ഒമര്‍ ഷെരീഫ്‌, മുളക്കുളം മുരളീധരന്‍, അസ്മോ പുത്തഞ്ചിറ, നസീര്‍ കടിക്കാട്‌, ടി. കെ. ജലീല്‍, റഷീദ്‌ പാലക്കല്‍, സ്റ്റാന്‍ലി, റഫീക്ക്‌ (ഉമ്പാച്ചി എന്ന ബ്ലോഗര്‍ – ഓവുപാലം, രണ്ടു കത്തികള്‍) എന്നിങ്ങനെ നിരവധി കവികള്‍ കവിതകള്‍ ചൊല്ലി.

-

വായിക്കുക: , , , , ,

അഭിപ്രായം എഴുതുക »

“എന്റെ കേരളം” മല്‍സര വിജയികള്‍

July 5th, 2010

ente-keralam-quiz-winners-epathramഅബുദാബി : അബുദാബി ശക്തി തിയേറ്റേഴ്സ് അവര്‍ ഇന്റര്‍നാഷനല്‍ അബുദാബിയുടെ സഹകരണത്തോട് കൂടി നടത്തിയ ചോദ്യോത്തര മല്‍സരം “എന്റെ കേരളം” കേരള സോഷ്യല്‍ സെന്ററില്‍ നടന്നു. കേരളത്തെ കുറിച്ചുള്ള സമഗ്രമായ വിവരങ്ങള്‍ അടങ്ങിയ മല്‍സരത്തിനു ശ്രീ. സി. ഒ. കെ., ശ്രി. സന്തോഷ് കുമാര്‍ എന്നിവര്‍ നേതൃത്വം നല്‍കി.

ക്വിസ് മത്സര വിജയികള്‍ :

12 – 15 വയസ്സ്:
ഒന്നാം സമ്മാനം :ഫാത്തിമ റഹ്‌മ
രണ്ടാം സമ്മനം :അശ്വതി രാജീവ്
മൂന്നാം സ്ഥാനം  :മൊഹമ്മദ് ഷമീം

9 – 12 വയസ്സ്:
ഒന്നാം സമ്മാനം :അനിരുദ്ധ്
രണ്ടാം സമ്മനം :ഗായത്രി ഇന്ദുകുമാര്‍
മൂന്നാം സ്ഥാനം  :അഭയ് രാജേന്ദ്രന്‍

6-9 വയസ്സ്:
ഒന്നാം സമ്മാനം :ആവന്തിക മുരളീധരന്‍
രണ്ടാം സമ്മനം :കീര്‍ത്തന രവികുമാര്‍
മൂന്നാം സ്ഥാനം  :അക്ഷര സുധീര്‍

Ente Keralam Quiz

മുകളിലെ ചിത്രത്തില്‍ ക്ലിക്ക്‌ ചെയ്‌താല്‍ കൂടുതല്‍ ചിത്രങ്ങള്‍ കാണാം

വിജയികള്‍ക്കുള്ള സമ്മാനങ്ങള്‍ അബുദാബി ശക്തി തിയേറ്റേഴ്സ് പ്രസിഡണ്ട് റഹീം കൊട്ടുകാട്, ആക്റ്റിങ് സെക്രട്ടറി ശ്രി. സലീം ചോലമുഖത്ത്‌, വനിതാ വിഭാഗം കണ്‍വീനര്‍ ശ്രിമതി പ്രിയാ ബാലചന്ദ്രന്‍ എന്നിവര്‍ വിതരണം ചെയ്തു.

-

വായിക്കുക: ,

അഭിപ്രായം എഴുതുക »

Page 2 of 3123

« Previous Page« Previous « ചങ്ങാതിക്കൂട്ടം 2010 ഷാര്‍ജയില്‍
Next »Next Page » സമാജം സമ്മര്‍ ക്യാമ്പ് »



ലോക മലയാളി സംഗമം കൌണ്‍സില...
സൈലന്റ് വാലി സമര വിജയ വാര...
തിരുവിതാംകൂര്‍ ചരിത്ര പഠന...
ചങ്ങമ്പുഴ അനുസ്മരണവും കവി...
സൈലന്റ് വാലി സമര വിജയം ആഘ...
കെ. വി. ഷംസുദ്ധീന് പുരസ്ക...
വോട്ടര്‍മാര്‍ക്ക്‌ പണം നല...
കേരള സംഗീത നാടക അക്കാദമി ...
സാധാരണക്കാരനില്‍ നിന്നും ...
സമാന്തര മാധ്യമ സാധ്യത അവഗ...
നൊസ്റ്റാള്‍ജിയ 2010 അബുദാ...
ആരോഗ്യ ബോധവല്‍ക്കരണം അത്യ...
എന്‍ഡോസള്‍ഫാന്‍ ഐക്യദാര്‍...
ജയ്സന്‍ ജോസഫ്‌ ഷാര്‍ജയില്...
മയില്‍പ്പീലി പുരസ്കാരം പ്...
വയലാര്‍ : സര്‍ഗ്ഗ ശക്തിയെ...
പകല്‍ കിനാവന്റെ ഫോട്ടോകളു...
സ്ത്രീകള്‍ ജോലി ചെയ്യുന്ന...
ക്രിമിനല്‍ കേസില്‍ കുടുക്...
“നിലവിളികള്‍ക്ക്‌ കാതോര്‍...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine