അബുദാബി : അബുദാബി ശക്തി തിയേറ്റേഴ്സ് അവര്‍ ഇന്റര്‍നാഷനല്‍ അബുദാബിയുടെ സഹകരണത്തോട് കൂടി നടത്തുന്ന ചോദ്യോത്തര മല്‍സരം “എന്റെ കേരളം” ജൂലൈ 2 വെള്ളിയാഴ്ച കേരള സോഷ്യല്‍ സെന്ററില്‍ 4 മണി മുതല്‍ 9 മണി വരെ നടക്കും. ചരിത്രം, കല, പൈതൃകം, സാഹിത്യം, ഭൂമിശാസ്ത്രം, കേരള സംസ്കാരം എന്നീ വിഷയങ്ങളെ കേന്ദ്രീകരിച്ചായിരിക്കും ചോദ്യങ്ങള്‍ ചോദിക്കുക.
ജൂലൈ 1, 2010ന് 6 വയസു മുതല്‍ 15 വയസു വരെ പ്രായമുള്ള കുട്ടികള്‍ക്ക്‌ ഈ ചോദ്യോത്തര മല്‍സരത്തില്‍ പങ്കെടുക്കാം. അപേക്ഷാ ഫോറത്തോടൊപ്പം വയസു തെളിയിക്കാനായി പാസ്പോര്‍ട്ടിന്റെ കോപ്പിയും നല്‍കേണ്ടതാണ്.
കൂടുതല്‍ വിവരങ്ങള്‍ക്ക് rzechariah അറ്റ്‌ gmail ഡോട്ട് com എന്ന ഈമെയില്‍ വിലാസത്തില്‍ ബന്ധപ്പെടുക. അപേക്ഷാ ഫോറം ഇവിടെ ക്ലിക്ക്‌ ചെയ്തു ഡൌണ്‍ലോഡ് ചെയ്യാവുന്നതാണ്.
അബുദാബി : ഇടതു പക്ഷ സര്‍ക്കാര്‍ ചെയ്യുന്ന നല്ല കാര്യങ്ങള്‍ ഒന്നും കാണാതെ അപകീര്‍ത്തി പ്പെടുത്താനാണ് മാധ്യമ ങ്ങള്‍ ശ്രമിക്കുന്നത് എന്ന്‍ സഹകരണ വകുപ്പ് മന്ത്രി ജി. സുധാകരന്. അബുദാബി ശക്തി തിയേറ്റേഴ്സ് നല്കിയ സ്വീകരണത്തില്‍ സംസാരിക്കുക യായിരുന്നു അദ്ദേഹം. ഇടതുപക്ഷ സര്‍ക്കാറിന്‍റെ നാലു വര്‍ഷത്തെ പ്രവര്‍ത്തന ങ്ങളെ ക്കുറിച്ച് മന്ത്രി വിശദമാക്കി. ഓരോ വകുപ്പിലും ഉണ്ടായിട്ടുള്ള പുരോഗതി അദ്ദേഹം വിവരിച്ചു.
അബുദാബി : സഹകരണ മന്ത്രി ജി. സുധാകരന് അബുദാബി ശക്തി തിയറ്റഴ്സ് സ്വീകരണം നല്‍കുന്നു. അബുദാബി കേരള സോഷ്യല്‍ സെന്ററില്‍ ജൂണ്‍ 4 വെള്ളിയാഴ്ച വൈകീട്ട് 8:30 നാണ് സ്വീകരണം. എല്ലാവരെയും കുടുംബ സമേതം പരിപാടിയിലേക്ക് ക്ഷണിക്കുന്നതായി ശക്തി തിയറ്റഴ്സ് സാഹിത്യ വിഭാഗം സെക്രട്ടറി റഫീഖ്‌ സക്കറിയ അറിയിച്ചു.
അബുദാബി: അബുദാബി ശക്തി തിയ്യറ്റേഴ്‌സ് പ്രവര്‍ത്തനോദ്ഘാടനം, കവിയും ഗാന രചയി താവുമായ പി. കെ. ഗോപി നിര്‍വ്വഹിക്കും. മെയ്‌ 13 ന് വ്യാഴാഴ്ച വൈകിട്ട് 8 : 30ന് അബുദാബി കേരളാ സോഷ്യല്‍ സെന്ററില്‍ നടക്കുന്ന പരിപാടിയില്‍ എം. എ. ജോണ്‍സണ്‍ (സാമൂഹിക പ്രവര്‍ത്തകന്‍), ബാലചന്ദ്രന്‍ കൊട്ടോടി (മജീഷ്യന്‍) എന്നിവര്‍ ഉള്‍പ്പെടെ പ്രമുഖര്‍ പങ്കെടുക്കും.
