സമൂഹ വിവാഹം @ വടകര

December 24th, 2010

vatakara-nri-forum-mass-wedding-press-meet-epatrham

അബുദാബി : വടകര എന്‍. ആര്‍. ഐ. ഫോറം അബുദാബി  സംഘടിപ്പിക്കുന്ന ‘സമൂഹ വിവാഹം @ വടകര’ യുടെ മൂന്നാം ഘട്ടം ഡിസംബര്‍ 27 തിങ്കളാഴ്ച പയ്യോളി യില്‍ നടക്കും. ‘സ്ത്രീധനത്തിന് എതിരെ ഒരു മുന്നേറ്റം, വിവാഹ ധൂര്‍ത്തിന് എതിരെ ഒരു സന്ദേശം, ഒരുമ യിലൂടെ ഉയരുക’ എന്ന സന്ദേശവു മായാണ് ഈ വര്‍ഷം പയ്യോളി യില്‍ സമൂഹ വിവാഹം നടക്കുന്നത്.

വിവിധ മതങ്ങളിലെ 25 യുവതികളാണ് ഇക്കുറി സുമംഗലികളാവുന്നത്. പാണക്കാട് മുനവറലി ശിഹാബ് തങ്ങള്‍, സ്വാമി ചിന്മയാനന്ദ, ഫാദര്‍ ചാണ്ടി കുരിശുമ്മൂട്ടില്‍ എന്നിവരാണ് അതത് മതാചാര പ്രകാരമുള്ള ചടങ്ങുകള്‍ക്ക് കാര്‍മികത്വം വഹിക്കുക.
 
വിവാഹ ചടങ്ങുകളില്‍ മുഖ്യാതിഥി കളായി  ഉണ്ണികൃഷ്ണന്‍ നമ്പൂതിരി,  കൈതപ്രം ദാമോദരന്‍ നമ്പൂതിരി, മാമുക്കോയ, കോഴിക്കോട് ജില്ലാ കളക്ടര്‍ പി. ബി. സലിം,  എം. കെ. രാഘവന്‍( എം. പി. ),  പി.  വിശ്വന്‍( എം. എല്‍. എ.) , മുന്‍ മന്ത്രി എം. കെ.  മുനീര്‍, അബ്ദുസമദ് സമദാനി, തുഷാര്‍ വെള്ളാപ്പള്ളി, കെ. സുരേന്ദ്രന്‍, പി. സതീദേവി, ഗായിക റംലാ ബീഗം, തുടങ്ങിയ പ്രമുഖര്‍ സംബന്ധിക്കും. വി. ടി. മുരളിയും പട്ടുറുമാല്‍ ഫെയിം അജയ് ഗോപാലും  നയിക്കുന്ന ഗാനമേളയും ഉണ്ടാവും.

വധുവിന് അഞ്ചു പവന്‍ ആഭരണവും വരന് 5000 രൂപയും വധൂവരന്‍മാര്‍ക്ക് വിവാഹ വസ്ത്രങ്ങളും യാത്രാ ബത്തയും വടകര എന്‍. ആര്‍. ഐ. ഫോറം നല്‍കും. കൂടാതെ 8000 പേര്‍ക്കുള്ള വിവാഹ സദ്യയും ഒരുക്കുന്നുണ്ട്. 15,000 പേര്‍ക്ക് ഇരിക്കാ വുന്ന പന്തലാണ് പയ്യോളി ഹൈസ്‌കൂള്‍ ഗ്രൗണ്ടില്‍ സമൂഹ വിവാഹത്തിനായി  ഒരുങ്ങുന്നത്. 
 
സമൂഹ വിവാഹം @ വടകര എന്ന പരിപാടിയെ കുറിച്ചു വിശദീകരിക്കാന്‍ വിളിച്ചു ചേര്‍ത്ത വാര്‍ത്താ സമ്മേളന ത്തിലാണ് ഭാരവാഹികള്‍ ഇക്കാര്യം അറിയിച്ചത്‌. സംഘാടക സമിതി ചെയര്‍മാന്‍ ബാബു വടകര, രക്ഷാധികാരി എഞ്ചിനീയര്‍ അബ്ദുള്‍ റഹ്മാന്‍, ആക്ടിംഗ് പ്രസിഡന്‍റ് കെ. കുഞ്ഞി ക്കണ്ണന്‍, ജന. സെക്രട്ടറി ബഷീര്‍ ഇബ്രാഹിം, ജന. കണ്‍വീനര്‍ സെമീര്‍ ചെറുവണ്ണൂര്‍, ട്രഷറര്‍ പി. മനോജ്  എന്നിവര്‍ പങ്കെടുത്തു.

- കറസ്പോണ്ടന്റ്

വായിക്കുക: , , ,

അഭിപ്രായം എഴുതുക »

കെ. വി. ഷംസുദ്ധീന് പുരസ്കാരം

December 16th, 2010

best-nri-financial-advisor-kv-shams-epathram

അബുദാബി:  യു.  ടി.  ഐ. –  സി. എന്‍. ബി. സി.  ടി. വി 18 ചാനലിന്‍റെ ഈ വര്‍ഷ ത്തെ  ഏറ്റവും മികച്ച സാമ്പത്തിക ഉപദേഷ്ടാവ്‌ ( എന്‍. ആര്‍. ഐ.) എന്ന ബഹുമതി യു. എ. ഇ. കേന്ദ്രമായി പ്രവര്‍ത്തിക്കുന്ന ബര്‍ജീല്‍ ജിയോജിത് സെക്യൂരിറ്റീസ് കരസ്ഥമാക്കി.  കഴിഞ്ഞ ദിവസം മുംബൈ യില്‍ നടന്ന ചടങ്ങില്‍ കമ്പനി ഡയരക്ടര്‍ കെ. വി. ഷംസുദ്ദീന്‍, സി. ഇ. ഓ.  കൃഷ്ണന്‍ രാമചന്ദ്രന്‍ എന്നിവര്‍ ചേര്‍ന്ന്‍ പുരസ്കാരം സ്വീകരിച്ചു.
 
പ്രവാസി കളില്‍ സമ്പാദ്യ ശീലവും, നിക്ഷേപ സ്വഭാവ വും വളര്‍ത്തുവാന്‍ കഴിഞ്ഞ നാലു പതിറ്റാണ്ടു കളായി പ്രവര്‍ത്തിക്കുന്ന പ്രവാസി ബന്ധു വെല്‍ഫയര്‍ ട്രസ്റ്റ്‌ ചെയര്‍മാന്‍ കൂടിയായ കെ. വി. ഷംസുദ്ധീന്, തന്‍റെ സേവന ങ്ങള്‍ക്കുള്ള അംഗീകാരം  കൂടിയാണ് ഈ പുരസ്കാരം.
 
‘ഒരു നല്ല നാളേക്കു വേണ്ടി’  എന്ന പരിപാടി യുടെ 218 ക്ലാസ്സുകള്‍ അദ്ദേഹം പൂര്‍ത്തിയാക്കി ക്കഴിഞ്ഞു. മാത്രമല്ല 2001 മുതല്‍ ഏഷ്യാനെറ്റ്‌ റേഡിയോ യില്‍ ‘സാമ്പത്തിക ആസൂത്രണവും നിക്ഷേപ മാര്‍ഗ്ഗങ്ങളും’ എന്ന വിഷയം അവതരിപ്പിച്ചു കൊണ്ടിരിക്കുകയാണ്.

- കറസ്പോണ്ടന്റ്

വായിക്കുക: , ,

അഭിപ്രായം എഴുതുക »

പ്രവാസികള്‍ക്ക് വോട്ടവകാശം നല്‍കാനുള്ള തീരുമാനം സ്വാഗതാര്‍ഹം

December 2nd, 2010

ദുബായ്: പ്രവാസി ഇന്ത്യ ക്കാര്‍ക്ക് ജനവരി മുതല്‍ നടക്കുന്ന തിരഞ്ഞെടുപ്പു കളില്‍ വോട്ട വകാശം നല്‍കു മെന്ന് കേന്ദ്ര നിയമ മന്ത്രി വീരപ്പ മൊയ്‌ലി യുടെ പ്രസ്താവന സ്വാഗതാര്‍ഹ മാണെന്ന് ആലൂര്‍ നുസ്റത്തുല്‍ ഇസ്ലാം സംഘം യു. എ. ഇ. കേന്ദ്ര കമ്മിറ്റി ചെയര്‍മാന്‍  ആലൂര്‍ ടി. എ. മഹമൂദ്ഹാജി ദുബായില്‍ ഒരു പ്രസ്താവനയില്‍ പറഞ്ഞു.
 
പ്രവാസികള്‍ തിരഞ്ഞെടുപ്പ് സമയത്ത് നാട്ടില്‍ ഉണ്ടായാല്‍ പോലും അവരുടെ പേര് വോട്ടര്‍ പട്ടികയില്‍ ഇല്ലാത്തത്  കാരണം പ്രവാസി കള്‍ക്ക് ഇപ്പോള്‍  വോട്ട് ചെയ്യാന്‍ സാധിക്കുന്നില്ല. അതിനാല്‍ വോട്ടര്‍ പട്ടികയില്‍ പ്രവാസികളുടെ പേര് ചേര്‍ക്കാന്‍ നടപടി എടുക്കണം. പേര് ചേര്‍ക്കാനായി  പ്രവാസികള്‍ പാസ്പോര്‍ട്ടും  കൊണ്ട്  തിരഞ്ഞെടുപ്പ് കമ്മീഷന്‍റെ അടുത്ത് പോകണ മെന്നുള്ള  തീരുമാനം അപ്രായോഗിക മാണ്. പകരം കേരള പ്രവാസി വകുപ്പ് നല്‍കി വരുന്ന നോര്‍ക്ക തിരിച്ചറിയല്‍ കാര്‍ഡ്  ഇതിന് സ്വീകരിക്കാം.  ഓണ്‍ലൈന്‍ വഴി വോട്ടര്‍ പട്ടിക യില്‍ പേര് ഉള്‍പ്പെടുത്താന്‍  അവസരം  നല്‍കാനുള്ള തീരുമാനം   വിദേശി കള്‍ക്ക്  വളരെ പ്രയോജനപ്പെടും.  വോട്ടവകാശം സംബന്ധിച്ച് നിയമമന്ത്രി വീരപ്പമൊയ്‌ലി യെ നേരില്‍ കണ്ട് ചട്ടങ്ങള്‍ വേഗത്തി ലാക്കണമെന്ന് ആവശ്യപ്പെട്ട യു. ഡി. എഫ്. എം. പി. മാരെയും മഹമൂദ് ഹാജി അഭിനന്ദിച്ചു.

- കറസ്പോണ്ടന്റ്

വായിക്കുക: ,

അഭിപ്രായം എഴുതുക »

ആരോഗ്യ ബോധവല്‍ക്കരണം അത്യന്താപേക്ഷിതം

November 27th, 2010

health-plus-medical-camp-0-epathram

ദുബായ്‌ : പ്രമേഹ രോഗ ബോധവല്‍ക്കരണ ത്തിനായി ഇമ്പീരിയല്‍ കോളജ്‌ ലണ്ടന്‍ ഡയബിറ്റിസ് സെന്റര്‍ (Imperial College London Diabetes Centre – ICLDC) അബുദാബിയിലെ യാസ് മറീന എഫ്-1 സര്‍ക്യൂട്ടില്‍ സംഘടിപ്പിച്ച നാലാമത്  “വോക്ക് യു.എ.ഇ. 2010” (Walk UAE 2010) നടന്ന അതേ ദിവസം തന്നെ പ്രവാസികളില്‍ ഭൂരിഭാഗമായ മലയാളികളിലേക്കും ആരോഗ്യ സംരക്ഷണ ബോധവല്‍ക്കരണം എത്തിക്കുക എന്ന ഉദ്ദേശത്തില്‍ ദുബായില്‍ ഹെല്‍ത്ത്‌ പ്ലസ്‌ ക്ലിനിക്കിന്റെ ആഭിമുഖ്യത്തില്‍ സൌജന്യ ആരോഗ്യ പരിശോധനാ ക്യാമ്പ്‌ നടത്തി.

പാലക്കാട്‌ അസോസിയേഷന്‍ യു. എ. ഇ. നടത്തിയ പാലക്കാട്‌ ഷട്ടില്‍ ടൂര്‍ണമെന്റ് 2010 നോടനുബന്ധിച്ചാണ് ഹെല്‍ത്ത്‌ പ്ലസ്‌ ക്ലിനിക്‌ സൌജന്യ വൈദ്യ – ദന്ത പരിശോധനാ ക്യാമ്പ്‌ സംഘടിപ്പിച്ചത്. ആയിരത്തി ഇരുന്നൂറോളം അംഗങ്ങളുള്ള പാലക്കാട്‌ അസോസിയേഷന്‍ സംഘടിപ്പിച്ച ഷട്ടില്‍ ടൂര്‍ണമെന്റില്‍ പങ്കെടുത്ത കുടുംബങ്ങളാണ് വൈദ്യ പരിശോധനയില്‍ പങ്കെടുത്തത്.

ദുബായ്‌ കരാമയില്‍ ബര്‍ജുമാന്‍ സെന്ററിനു എതിര്‍ വശത്തുള്ള അവന്യു ബില്‍ഡിംഗില്‍ പ്രവര്‍ത്തിക്കുന്ന ഏറ്റവും ആധുനിക സൌകര്യങ്ങളോട് കൂടിയ ഹെല്‍ത്ത്‌ പ്ലസ്‌ ക്ലിനിക്കിലെ വിദഗ്ദ്ധ ഡോക്ടര്‍മാരുടെ മേല്‍നോട്ടത്തില്‍ സംഘടനാ അംഗങ്ങളുടെ രക്ത സമ്മര്‍ദ്ദം, പ്രമേഹം എന്നിവയ്ക്കുള്ള പരിശോധനകള്‍ക്ക് പുറമേ സമ്പൂര്‍ണ്ണമായ ആരോഗ്യ പരിശോധനകളും നടത്തി. കൂടുതല്‍ പരിചരണം വേണ്ടവര്‍ക്ക് അതിനുള്ള നിര്‍ദ്ദേശങ്ങളും ഉപദേശങ്ങളും നല്‍കിയത്‌ പരിശോധനകള്‍ക്ക്‌ വിധേയരായവര്‍ക്ക്‌ ഏറെ ഉപകാരപ്രദമായതായി പങ്കെടുത്തവര്‍ അറിയിച്ചു.

യു.എ.ഇ. യിലെ ആരോഗ്യ രംഗത്ത്‌ പതിറ്റാണ്ടുകളുടെ പരിചയ സമ്പത്തുള്ള കോഴിക്കോട്‌ സ്വദേശിയായ സുമ രവീന്ദ്രന്റെ നേതൃത്വത്തില്‍ ദുബായ്‌ കരാമയില്‍ പ്രവര്‍ത്തിക്കുന്ന ഹെല്‍ത്ത്‌ പ്ലസ്‌ ക്ലിനിക്ക്‌ ആരോഗ്യ പരിചരണ രംഗത്ത്‌ സ്തുത്യര്‍ഹമായ സേവനമാണ് കാഴ്ച വെക്കുന്നത്.

suma-ravindran-epathram

ഹെല്‍ത്ത്‌ പ്ലസ്‌ ഗ്രൂപ്പ്‌ ഡയറക്ടര്‍ സുമ രവീന്ദ്രന്‍

യു.എ.ഇ. യിലെ അഞ്ചില്‍ ഒരാള്‍ക്ക്‌ പ്രമേഹം ഉണ്ടെന്നാണ് കണ്ടെത്തിയിരിക്കുന്നത്. അതായത്‌ ജനസംഖ്യയില്‍ 20 ശതമാനം പേര്‍ക്ക്. പ്രമേഹ നിരക്കിന്റെ കാര്യത്തില്‍ ഇത് ലോകത്തിലെ രണ്ടാം സ്ഥാനമാണ് യു.എ.ഇ.ക്ക് നല്‍കുന്നത്. ഒന്നാം സ്ഥാനം ന്യൂസീലാന്‍ഡിന് അടുത്തുള്ള വളരെ കുറച്ചു മാത്രം ജനവാസമുള്ള നൌറു ദ്വീപിനാണ്. ആ നിലക്ക് പ്രമേഹ ബോധവല്‍ക്കരണം ഏറ്റവും അധികം ആവശ്യമുള്ള രാജ്യമാണ് യു.എ.ഇ. യു.എ.ഇ. യുടെ വാര്‍ഷിക ആരോഗ്യ ബഡ്ജറ്റിന്റെ 40 ശതമാനം ചിലവാകുന്നത് പ്രമേഹ രോഗ ചികിത്സയ്ക്കാണ്. സ്വദേശികളില്‍ 75 ശതമാനവും പ്രവാസികളില്‍ 31 ശതമാനവും പേര്‍ മരണമടയുന്നത് പ്രമേഹം മൂലമാണ്.

പത്ത് വയസ് പ്രായമുള്ള കുട്ടികളില്‍ പോലും ഇവിടെ പ്രമേഹം കാണപ്പെടുന്നു. അമിത വണ്ണം, തെറ്റായ ഭക്ഷണ രീതി, മതിയായ വ്യായാമത്തിന്റെ അഭാവം, മാനസിക പിരിമുറുക്കം എന്നിവയാണ് ഈ അവസ്ഥയ്ക്ക് കാരണം. വീട്ടില്‍ നിന്നും സ്ക്കൂള്‍ ബസ്‌ വരെയും, സ്ക്കൂള്‍ ബസില്‍ നിന്നും ഇറങ്ങി സ്ക്കൂള്‍ വരെയും നടക്കുന്ന ഏതാനും ചുവടുകള്‍ മാത്രമാണ് ഒരു ശരാശരി വിദ്യാര്‍ത്ഥിയുടെ ഒരു ദിവസത്തെ ശാരീരിക അദ്ധ്വാനം. ഇതിനു പുറമേ തിരക്കേറിയ ജീവിതം  നയിക്കുന്ന അച്ഛനമ്മമാരുടെ സൌകര്യാര്‍ത്ഥം കുട്ടികള്‍ക്ക്‌ നല്‍കുന്ന ഫാസ്റ്റ്‌ ഫുഡ്‌ ഭക്ഷണം കൂടിയാകുമ്പോള്‍ പ്രമേഹം ഉറപ്പാവുന്നു. ഇരുപത് വയസിനു താഴെയുള്ള 680,000 ത്തോളം കുട്ടികള്‍ക്കാണ് യു.എ.ഇ. യില്‍ പ്രമേഹം കണ്ടെത്തിയിട്ടുള്ളത്‌. ഇനിയും രോഗം കണ്ടെത്തപ്പെടാത്തവര്‍ എത്രയോ ഏറെ ഉണ്ടാവും.

ഈ സാഹചര്യത്തില്‍ പ്രവാസി മലയാളികളുടെ ഇടയില്‍ ആരോഗ്യ ബോധവല്‍ക്കരണം അത്യന്താപേക്ഷിതമാണ് എന്നതാണ് ഇത്തരമൊരു ക്യാമ്പ്‌ സംഘടിപ്പിക്കുവാന്‍ പ്രചോദനമായത് എന്ന് ക്യാമ്പിന് നേതൃത്വം നല്‍കിയ ഹെല്‍ത്ത്‌ പ്ലസ്‌ ഗ്രൂപ്പ്‌ ഡയറക്ടര്‍ സുമ രവീന്ദ്രന്‍ അറിയിച്ചു. ഇന്നലെ തങ്ങള്‍ നടത്തിയ സൌജന്യ ആരോഗ്യ പരിശോധനാ ക്യാമ്പില്‍ നിരവധി പേര്‍ക്ക് പ്രമേഹത്തിന്റെ ലക്ഷണങ്ങള്‍ കണ്ടെത്തുകയുണ്ടായി. കൂടുതല്‍ വിശദമായ പരിശോധനകള്‍ നടത്തി രോഗ നിര്‍ണ്ണയം നടത്താന്‍ ഇവരെ ഉപദേശിക്കുകയും ചെയ്തു. ശരിയായ ജീവിത രീതിയും ചികിത്സയും കൊണ്ട് പ്രമേഹത്തെ നിയന്ത്രിച്ച് ആരോഗ്യ പൂര്‍ണ്ണമായ ജീവിതം ആസ്വദിക്കാനാവും. ഈ ബോധവല്‍ക്കരണമാണ് തങ്ങളുടെ ലക്ഷ്യം.

health-plus-medical-camp-epathram

കൂടുതല്‍ ചിത്രങ്ങള്‍ക്ക് മുകളിലെ ചിത്രത്തില്‍ ക്ലിക്ക്‌ ചെയ്യുക

മിതമായ നിരക്കില്‍ ഏറ്റവും മികച്ച പരിചരണമാണ് ഹെല്‍ത്ത്‌ പ്ലസ്‌ ഗ്രൂപ്‌ നല്‍കുന്നത്. ഏറ്റവും ആധുനികമായ സജ്ജീകരണങ്ങള്‍ ഒരുക്കിയിട്ടുള്ള കരാമയിലെ ഹെല്‍ത്ത്‌ പ്ലസ്‌ ക്ലിനിക്കില്‍ മികച്ച ഡോക്ടര്‍മാരുടെ സേവനം ലഭ്യമാണ്. ബേസിക്‌ ഹെല്‍ത്ത്‌ പാക്കേജിന് പുറമെ, കുട്ടികള്‍ക്കും, സ്ത്രീകള്‍ക്കും, പ്രായമായവര്‍ക്കും, സ്ഥാപനങ്ങള്‍ക്കും പ്രത്യേകം തയ്യാറാക്കിയ ഹെല്‍ത്ത്‌ പാക്കേജുകളും ലഭ്യമാണ്.

വിദഗ്ദ്ധ ഡോക്ടര്‍മാരുടെ മേല്‍നോട്ടത്തില്‍ അള്‍സര്‍, ഗാസ്ട്രൈടിസ്, കിഡ്നി, മൂത്രാശയ രോഗങ്ങള്‍, ചര്‍മ്മ രോഗങ്ങള്‍, പ്രമേഹം, അലര്‍ജി എന്നിങ്ങനെ വിവിധ രോഗങ്ങള്‍ക്കുള്ള വിദഗ്ദ്ധ ചികില്‍സ ലഭ്യമാണ്. ഏറ്റവും മികച്ച ദന്ത ചികിത്സകരുടെ സേവനം ലഭ്യമാക്കുന്ന സുസജ്ജമായ ദന്ത ചികില്‍സാ വിഭാഗവും ഇവിടെ പ്രവര്‍ത്തിക്കുന്നു.

പ്രായമായരുടെ പരിചരണത്തിനായി അത്യാവശ്യ സന്ദര്‍ഭങ്ങളില്‍ ഡോക്ടര്‍ നിങ്ങളുടെ വീട് സന്ദര്‍ശിക്കുകയും വേണ്ട ചികില്‍സ ലഭ്യമാക്കുകയും ചെയ്യുന്ന “ഡോക്ടര്‍ ഓണ്‍ കോള്‍” സൌകര്യവും ഹെല്‍ത്ത്‌ പ്ലസിന്റെ പ്രത്യേകതയാണ്.

കൂടുതല്‍ വിവരങ്ങള്‍ക്ക് ഹെല്‍ത്ത്‌ പ്ലസ്‌ ക്ലിനിക്കില്‍ ഈ നമ്പരുകളില്‍ നേരിട്ട് ബന്ധപ്പെടാവുന്നതാണ് : 04 396 0034, 050 504 8788

- കറസ്പോണ്ടന്റ്

വായിക്കുക: , , ,

അഭിപ്രായം എഴുതുക »

ഹെല്‍ത്ത്‌ പ്ലസ്‌ ക്ലിനിക്ക്‌ സൌജന്യ മെഡിക്കല്‍ ക്യാമ്പ്‌ നടത്തുന്നു

November 25th, 2010

health-plus-clinic-dubai

ദുബായ്‌ : പാലക്കാട്‌ അസോസിയേഷന്‍ യു. എ. ഇ. സംഘടിപ്പിക്കുന്ന പാലക്കാട്‌ ഷട്ടില്‍ ടൂര്‍ണമെന്റ് 2010 നോടനുബന്ധിച്ച് ആരോഗ്യ രംഗത്തെ സജീവ സാന്നിധ്യമായ ഹെല്‍ത്ത്‌ പ്ലസ്‌ ക്ലിനിക്‌ സൌജന്യ വൈദ്യ – ദന്ത പരിശോധനാ ക്യാമ്പ്‌ നടത്തുന്നു. നവംബര്‍ 26 വെള്ളിയാഴ്ച ദുബായ്‌ റാഷിദിയയിലെ അല്‍ മാറെഫ സ്പോര്‍ട്ട്സ് ഹാളില്‍ നടക്കുന്ന ഷട്ടില്‍ ടൂര്‍ണമെന്റിനോട് അനുബന്ധിച്ചാണ് സൌജന്യ വൈദ്യ പരിശോധനാ ക്യാമ്പ്‌ സംഘടിപ്പിക്കുന്നത്.

ദുബായ്‌ കരാമയില്‍ ബര്‍ജുമാന്‍ സെന്ററിനു എതിര്‍ വശത്തുള്ള അവന്യു ബില്‍ഡിംഗില്‍ പ്രവര്‍ത്തിക്കുന്ന ഏറ്റവും ആധുനിക സൌകര്യങ്ങളോട് കൂടിയ ഹെല്‍ത്ത്‌ പ്ലസ്‌ ക്ലിനിക്കില്‍ വിദഗ്ദ്ധ ഡോക്ടര്‍മാരുടെ മേല്‍നോട്ടത്തില്‍ അള്‍സര്‍, ഗാസ്ട്രൈടിസ്, കിഡ്നി, മൂത്രാശയ രോഗങ്ങള്‍, ചര്‍മ്മ രോഗങ്ങള്‍, പ്രമേഹം, അലര്‍ജി എന്നിങ്ങനെ വിവിധ രോഗങ്ങള്‍ക്കുള്ള വിദഗ്ദ്ധ ചികില്‍സ ലഭ്യമാണ്. ഏറ്റവും മികച്ച ദന്ത ചികിത്സകരുടെ സേവനം ലഭ്യമാക്കി കൊണ്ട് പ്രവര്‍ത്തിക്കുന്ന സുസജ്ജമായ ദന്ത ചികില്‍സാ വിഭാഗം ഹെല്‍ത്ത്‌ പ്ലസിന്റെ മറ്റൊരു പ്രത്യേകതയാണ്.

കൂടുതല്‍ വിവരങ്ങള്‍ക്ക് ഹെല്‍ത്ത്‌ പ്ലസ്‌ ക്ലിനിക്കില്‍ ഈ നമ്പരുകളില്‍ നേരിട്ട് ബന്ധപ്പെടാവുന്നതാണ് : 04 396 0034, 050 504 8788

- കറസ്പോണ്ടന്റ്

വായിക്കുക: ,

അഭിപ്രായം എഴുതുക »

Page 1 of 712345...Last »

« Previous « ഇന്ത്യന്‍ ഇസ്ലാമിക്‌ സെന്‍റര്‍ കെട്ടിടം ഉദ്ഘാടനം ചെയ്തു
Next Page » സാംസ്‌കാരിക സെമിനാര്‍ »



ലോക മലയാളി സംഗമം കൌണ്‍സില...
സൈലന്റ് വാലി സമര വിജയ വാര...
തിരുവിതാംകൂര്‍ ചരിത്ര പഠന...
ചങ്ങമ്പുഴ അനുസ്മരണവും കവി...
സൈലന്റ് വാലി സമര വിജയം ആഘ...
കെ. വി. ഷംസുദ്ധീന് പുരസ്ക...
വോട്ടര്‍മാര്‍ക്ക്‌ പണം നല...
കേരള സംഗീത നാടക അക്കാദമി ...
സാധാരണക്കാരനില്‍ നിന്നും ...
സമാന്തര മാധ്യമ സാധ്യത അവഗ...
നൊസ്റ്റാള്‍ജിയ 2010 അബുദാ...
ആരോഗ്യ ബോധവല്‍ക്കരണം അത്യ...
എന്‍ഡോസള്‍ഫാന്‍ ഐക്യദാര്‍...
ജയ്സന്‍ ജോസഫ്‌ ഷാര്‍ജയില്...
മയില്‍പ്പീലി പുരസ്കാരം പ്...
വയലാര്‍ : സര്‍ഗ്ഗ ശക്തിയെ...
പകല്‍ കിനാവന്റെ ഫോട്ടോകളു...
സ്ത്രീകള്‍ ജോലി ചെയ്യുന്ന...
ക്രിമിനല്‍ കേസില്‍ കുടുക്...
“നിലവിളികള്‍ക്ക്‌ കാതോര്‍...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine