സൗദി അറേബ്യയില്‍ പത്ത് വര്‍ഷം മുമ്പ് കാണാതായ മലയാളി യുവാവിനെക്കുറിച്ച് ബന്ധുക്കള്‍ക്ക് ഇനിയും വിവരം ലഭിച്ചില്ല. റിയാദിലെ ഒരു കമ്പനിയില്‍ സെക്യൂരിറ്റി ജീവനക്കാരനായിരുന്ന തിരൂരങ്ങാടി ചെറുമുക്ക് സ്വദേശി ബാലേരി ഹംസക്കോയെയാണ് 1999 ഓഗസ്റ്റ് മുതല്‍ കാണാതായത്.

ഹംസക്കോയയോടൊപ്പം സ്പോണ്‍സറായ ബദ്ധ അബ്ദുല്‍ അസീസിനേയും കാണാതായിട്ടുണ്ട്. പോലീസ് കണ്ടെത്തിയ അന്വേഷണത്തില്‍ ഇരുവരും താമസിച്ചിരുന്ന മുറിയില്‍ രക്തക്കറ കണ്ടെത്തിയിരുന്നു. എന്നാല്‍ ഇവരെ ക്കുറിച്ച് വിവരമൊന്നുമില്ലെന്ന് ബന്ധുക്കള്‍ അറിയിച്ചു. ഇദ്ദേഹത്തെക്കുറിച്ച് എന്തെങ്കിലും വിവരം ലഭിക്കുന്നവര്‍ 056 748 9931 എന്ന നമ്പറില്‍ വിളിക്കണം.

കാസര്‍ക്കോട് സ്വദേശിയെ അബുദാബിയില്‍ വച്ച് കാണാതായതായി പരാതി. കാസര്‍ക്കോട് ആദൂര്‍ ഇരിങ്ങളം മാഹിന്‍ കുഞ്ഞിയുടെ മകന്‍ മൂസയെയാണ് കാണാതായത്. 38 വയസുകാരനായ ഇദ്ദേഹത്തെ കഴിഞ്ഞ ജൂണ്‍ 25 മുതല്‍ കാണാനില്ലെന്ന് ബന്ധുക്കള്‍ പോലീസില്‍ പരാതി നല്‍കി. രാവിലെ ജോലിക്ക് താമസ സ്ഥലത്ത് നിന്ന് പോയ ഇദ്ദേഹം അവിടെ എത്തിയിട്ടില്ലെന്ന് സഹോദരന്‍ യൂസുഫ് പറഞ്ഞു. മൂസയെക്കുറിച്ച് എന്തെങ്കിലും വിവരം കിട്ടുന്നവര്‍ 055 3960 819 എന്ന നമ്പറില്‍ വിളിച്ചറിയിക്കണം.

ഖത്തറിലെ അല്‍ ഖോറിലുള്ള അലീസ റെഡി മിക്സ് കമ്പനിയില്‍ ജോലി ചെയ്യുന്ന ഇടുക്കി സ്വദേശിയായ രമേഷ് ബാബുവിനെ കാണാനില്ലെന്ന് പരാതി. ഈ മാസം ഒന്ന് മുതലാണ് ഇദ്ദേഹത്തെ കാണാതായതെന്ന് ബന്ധുക്കള്‍ ഇന്ത്യന്‍ എംബസിയില്‍ നല്‍കിയ പരാതിയില്‍ പറയുന്നു. ഇദ്ദേഹത്തെ കാണാനില്ലന്ന കാര്യം കമ്പനിയും സ്ഥിരീകരിച്ചിട്ടുണ്ട്. ഇദ്ദേഹത്തിന്‍റെ യാത്രാ രേഖകളും മറ്റും ബന്ധപ്പെട്ട അധികാരികളെ ഏല്‍പ്പിച്ചിട്ടുണ്ടെന്ന് കമ്പനി വക്താക്കള്‍ പറ‍ഞ്ഞു.