ലെഷ്കര് എ തൊയ്ബയുടെ ദക്ഷിണേന്ത്യാ കമാന്ഡര് എന്ന് വിശേഷിപ്പി ക്കപ്പെടുന്ന തടിയന്റവിട നസീറിന്റെ വെളിപ്പെടു ത്തലുകള് പിണറായി വിജയന് അടക്കം മഅദനിയുമായി വേദി പങ്കിട്ട നേതാക്കള്ക്കെല്ലാം തിരിച്ചടിയായി. പി. ഡി. പി. നേതാവ് നാസര് മഅദനിയുമായി നസീറിനുള്ള ബന്ധത്തില് അവ്യക്തത യുണ്ടെങ്കിലും പോലീസിന് ശക്തമായ ചില സൂചനകള് ലഭിച്ചിട്ടുണ്ട്.
തെരഞ്ഞെടുപ്പ് വേളയില് വേദി പങ്കിട്ട മഅദനിയും പിണറായിയും
1993ല് നടന്ന കോയമ്പത്തൂര് സ്ഫോടന കേസില് കുറ്റമാരോ പിക്കപ്പെട്ട മദനിയുടെ തീവ്രവാദ ബന്ധം വീണ്ടും കേരള രാഷ്ട്രീയത്തില് സജീവമായി ചര്ച്ച ചെയ്യപ്പെട്ടു തുടങ്ങി. എറണാകുളത്ത് കളമശ്ശേരിയില് ബസ് കത്തിച്ച സംഭവത്തില് തന്റെ പങ്ക് നസീര് പോലീസിനു മുന്പില് സമ്മതിച്ചതോടെ ഈ കേസില് പത്താം പ്രതിയായി ചേര്ക്കപ്പെട്ട മഅദനിയുടെ ഭാര്യ സൂഫി മഅദനി അറസ്റ്റ് ചെയ്യപ്പെടാനുള്ള സാധ്യത ശക്തമായി. തീ വെയ്ക്കല്, പൊതു മുതല് നശിപ്പിക്കല്, ആയുധ നിയമം, ഗൂഢാലോചന, തട്ടി കൊണ്ടു പോകല്, രാജ്യ ദ്രോഹ പ്രവര്ത്തനം, ദേഹോപദ്രവം, ഭീഷണിപ്പെടുത്തല് എന്നിങ്ങനെയുള്ള കുറ്റങ്ങളാണ് സൂഫിയക്കെതിരെ ചാര്ത്തപ്പെട്ടിരിക്കുന്നത്. ഇപ്പോള് വെളിപ്പെട്ടിരിക്കുന്ന വസ്തുതകളുടെ അടിസ്ഥാനത്തില് സൂഫിയയെ അറസ്റ്റ് ചെയ്യേണ്ടി വരുമെന്നാണ് അധികൃതര് അറിയിക്കുന്നത്.
കാര്ട്ടൂണിസ്റ്റ് : സുധീര്നാഥ്
e പത്രത്തില് 22 മാര്ച്ച് 2009ന് പ്രസിദ്ധപ്പെടുത്തിയ കാര്ട്ടൂണ്
എന്നാല്, പി. ഡി. പി. യുമായി തെരഞ്ഞെടുപ്പ് സമയത്ത് സി. പി. എം. ഉണ്ടാക്കിയ ധാരണ തെറ്റായി പോയെന്ന് സി. പി. എം. കേന്ദ്ര നേതൃത്വം അറിയിച്ചു. ഭാവിയില് പി. ഡി. പി. യുമായി ബന്ധം ഉണ്ടാവില്ലെന്നും ഇതിനു വേണ്ട നടപടികള് തങ്ങള് സ്വീകരിച്ചു കഴിഞ്ഞു എന്നും പോളിറ്റ് ബ്യൂറോ അംഗം എം. കെ. പാന്ഥെയാണ് അറിയിച്ചത്.