ചെന്നൈ : തമിഴ്നാട് മുഖ്യമന്ത്രിയായി ശശികല സ്ഥാനമേല്‍ക്കുമെന്ന് സൂചന. നിലവിലെ മുഖ്യമന്ത്രി പനീര്‍ ശെല്‍വത്തെ മാറ്റിയാണ് എഐഎഡിഎംകെ ജനറല്‍ സെക്രട്ടറി ശശികല മുഖ്യമന്ത്രിയാകുന്നത്. കാര്യങ്ങള്‍ തീരുമാനിക്കുന്നതിനായി അണ്ണാ ഡിഎംകെയുടെ ചെന്നൈയിലെ ആസ്ഥാനത്ത് നാളെ രാവിലെ പത്തിന് എം എല്‍ എ മാരുടെ യോഗം വിളിച്ചിട്ടുണ്ട്.
നേരത്തെ തനിക്കെതിരായ കേസുകളുടെ വിധി വന്നതിനു ശേഷം മുഖ്യമന്ത്രിയായാല്‍ മതിയെന്നായിരുന്നു ശശികലയുടെ തീരുമാനം.എന്നാല്‍ ജല്ലിക്കെട്ട് സമരവിജയങ്ങളുടെ പശ്ചാത്തലത്തില്‍ പനീര്‍ ശെല്‍വത്തിന്റെ പ്രതിച്ഛായ വര്‍ദ്ധിച്ചതാണ് പെട്ടെന്നുള്ള തീരുമാനത്തിന് കാരണമെന്ന് കരുതുന്നു.പാര്‍ട്ടികകത്തും ശശികല വെള്ളിയാഴ്ച്ച ചില അഴിച്ചുപണികള്‍ നടത്തിയിരുന്നു.
ന്യൂഡല്‍ഹി: ഡോളറും ($), യൂറോയും (€) പോലെ ഇന്ത്യന്‍ രൂപയ്‌ക്കും ഇനി സ്വന്ത മായി ഒരു ചിഹ്നം. ദേവ നാഗരി ലിപി യിലെ ‘ര’ (र) എന്ന അക്ഷര വും ഇംഗ്ലീ ഷിലെ ‘R‘ എന്ന അക്ഷര വും ചേര്‍ത്താണ്‌ പുതിയ ചിഹ്നം ഉണ്ടാക്കിയത്‌.
