- ലിജി അരുണ്
വായിക്കുക: അഴിമതി, ഇന്ത്യ, ഇന്ത്യന് രാഷ്ട്രീയം, ഇന്ത്യന് രാഷ്ട്രീയ നേതാക്കള്, കോടതി, പ്രതിഷേധം
ന്യൂഡല്ഹി : 2010ലെ മംഗലാപുരം വിമാനാപകടത്തില് മരിച്ചവരുടെ ബന്ധുക്കള്ക്കുള്ള നഷ്ടപരിഹാരം സംബന്ധിച്ച കേസില് എയര് ഇന്ത്യയ്ക്കും കേന്ദ്ര സര്ക്കാരിനും സുപ്രീം കോടതി നോട്ടീസ് അയച്ചു. നഷ്ടപരിഹാര തുകയായി മരിച്ചവരുടെ കുടുംബങ്ങള്ക്ക് 75 ലക്ഷത്തില് അധികം രൂപ നല്കണം എന്ന ഹൈക്കോടതി സിംഗിള് ബെഞ്ച് വിധി അസാധുവാക്കിയ ഡിവിഷന് ബെഞ്ച് വിധിക്കെതിരെ മരിച്ച ഒരു യാത്രക്കാരന്റെ പിതാവ് നല്കിയ ഹരജിയിലാണ് കോടതി നോട്ടീസ് അയച്ചത്. തനിക്ക് കുറഞ്ഞത് 75 ലക്ഷം രൂപയെങ്കിലും നഷ്ടപരിഹാരമായി ലഭിക്കണം എന്നാണ് അപകടത്തില് മരിച്ച മുഹമ്മദ് റാഫി എന്നയാളുടെ പിതാവിന്റെ ആവശ്യം.
- ജെ.എസ്.
ന്യൂഡല്ഹി : അശ്ളീല ചിത്രങ്ങള് കൂടാതെ പ്രവാചകന് മുഹമ്മദിനെയും, ക്രിസ്തുവിനേയും മറ്റ് ഹൈന്ദവ ദൈവങ്ങളെയും മോശമായി ചിത്രീകരിക്കുന്ന ലേഖനങ്ങള് പ്രസിദ്ധീകരിച്ചതിന് ഫേസ്ബുക്, മൈക്രോസോഫ്ററ്, ഗൂഗിള്, യാഹൂ, യൂട്യൂബ് തുടങ്ങി 21 സോഷ്യല് നെറ്റ്വര്ക്ക് സൈറ്റുകള്ക്ക് കോടതി സമന്സ് അയച്ചു. മാധ്യമ പ്രവര്ത്തകനായ വിനയ്റായ് തെളിവുകള് സഹിതം നല്കിയ ഹരജിയിലാണ് ഡല്ഹി മെട്രോപൊളിറ്റന് മജിസ്ട്രേറ്റിന്റെ നടപടി. ഇത് സംബന്ധിച്ച് ജനുവരി 13 നകം റിപ്പോര്ട്ട് സമര്പ്പിക്കണമെന്ന് സൈററുകള്ക്ക് നിര്ദേശം നല്കിയിട്ടുണ്ട്.
-
വായിക്കുക: ഇന്റര്നെറ്റ്, കോടതി
ന്യൂഡല്ഹി : രാജ്യത്തെ ഇന്ധന വില നിര്ണ്ണയിക്കുന്നതില് നിന്നും സര്ക്കാര് പിന്വാങ്ങുകയും പൊതു മേഖലയിലെ എണ്ണ വിപണന കമ്പനികള്ക്ക് വില നിര്ണ്ണയിക്കാനുള്ള അധികാരം നല്കുകയും ചെയ്തതിന് എതിരെ ഓള് ഇന്ത്യ യൂത്ത് ഫെഡറേഷന് സുപ്രീം കോടതിയില് പൊതു താല്പര്യ ഹരജി ഫയല് ചെയ്തു. ഇത്തരം വില നിര്ണ്ണയ സംവിധാനം ശാസ്ത്രീയമല്ല എന്ന് ഹരജിയില് ചൂണ്ടിക്കാണിക്കുന്നു. ഇതിന്റെ ഗുണഭോക്താക്കള് ഈ എണ്ണ കമ്പനികള് മാത്രമാണെന്നും സാധാരണ ജനം കൊള്ളയടിക്കപ്പെടുകയാണ് എന്നും ഹരജിയില് പറയുന്നു. ലാഭവിഹിതം സര്ക്കാരുമായി പങ്കു വെയ്ക്കുന്ന ഈ കമ്പനികള് നഷ്ടത്തിലാണ് എന്ന വാദം അസത്യമാണ്. രാജ്യത്തെ മൊത്തം സമ്പദ് വ്യവസ്ഥയെ സ്വാധീനിക്കുന്ന ഇന്ധന വില നിര്ന്നയിക്കുവാന് ഇത്തരം കമ്പനികള്ക്കല്ല മറിച്ച് സര്ക്കാരിനാണ് അധികാരം. ഈ അധികാരം വിനിയോഗിച്ച് സര്ക്കാര് സാധാരണ ജനത്തിന്റെ മേലുള്ള അധികഭാരം ലഘൂകരിക്കണം.
പെട്രോള് വിലയിലെ വര്ദ്ധനവ് മൂലം ഡീസല് വാഹനങ്ങള് കൂടുതലായി ഉപയോഗത്തില് വരുന്നത് പരിസ്ഥിതിയെയും പ്രതികൂലമായി ബാധിക്കുന്നു എന്ന് പരാതിയില് ചൂണ്ടിക്കാട്ടി.
പെട്രോള് വില ലോകത്തില് ഏറ്റവും അധികം ഇന്ത്യയിലാണ് എന്ന് പരാതിക്കാര് പറഞ്ഞു. ഇന്ത്യയില് പെട്രോള് വില 67.71 രൂപയുള്ളപ്പോള് പാക്കിസ്ഥാനില് ഇത് 43.29, ചൈനയില് 47.50, അമേരിക്കയില് 43.70, റഷ്യയില് 41.96, മലേഷ്യയില് 26.78 എന്നിങ്ങനെയാണ് പെട്രോള് വില.
ഇന്ധന വിലയുടെ കാര്യത്തില് നിലനില്ക്കുന്ന അരാജകത്വം അവസാനിപ്പിക്കാന് പാര്ലമെന്റില് റെയില്വേ ബജറ്റ് പോലെ ഇന്ധന ബജറ്റും അവതരിപ്പിക്കണം എന്നും പരാതിക്കാര് ആവശ്യപ്പെട്ടു.
- ജെ.എസ്.
വായിക്കുക: കോടതി, പ്രതിഷേധം, സാമ്പത്തികം
നാഗ്പൂര് : പ്രതിദിനം ഒരു മൊബൈല് നമ്പരില് നിന്നും വെറും 100 എസ്. എം. എസ്. സന്ദേശങ്ങള് മാത്രമേ അയയ്ക്കാന് പാടുള്ളൂ എന്ന സര്ക്കാരിന്റെ നിയന്ത്രണത്തിനെതിരെ നല്കിയ പൊതു താല്പര്യ ഹരജിയിന്മേല് ബോംബെ ഹൈക്കോടതിയുടെ നാഗ്പൂര് ബെഞ്ച് കേന്ദ്ര സര്ക്കാരിനും, ടെലികോം റെഗുലേറ്ററി അതോറിറ്റിക്കും, പ്രമുഖ മൊബൈല് സേവന ദാതാക്കള്ക്കും നോട്ടീസ് അയച്ചു. ജില്ലാ ബാര് അസോസിയേഷന് പ്രസിഡണ്ട് സുദീപ് ജെയ്സ്വാള് ആണ് എസ്. എം. എസ്. സന്ദേശ പരിധിക്കെതിരെ ഹരജി നല്കിയത്. ഇത്തരം പരിധി കല്പ്പിക്കുന്നത് തന്റെ മൌലിക അവകാശത്തിന്റെ ധ്വംസനമാണ് എന്ന് ഹരജിക്കാരന് കോടതിയെ ബോധിപ്പിച്ചു. ആരെയും ശല്യപ്പെടുത്താതെ ഏറ്റവും ആരോഗ്യകരമായി മൊബൈല് ഫോണ് ഉപയോഗിച്ച് ആശയ വിനിമയം നടത്താനുള്ള ആദായകരമായ ഉപാധിയാണ് എസ്. എം. എസ്. സങ്കേതം എന്നും, പ്രതിദിനം 100 സന്ദേശങ്ങള് എന്ന പരിധി പ്രായോഗികമല്ല എന്നും ഹരജിയില് ചൂണ്ടിക്കാണിക്കുന്നുണ്ട്.
- ജെ.എസ്.
വായിക്കുക: കോടതി, നിയമം, പ്രതിഷേധം, മനുഷ്യാവകാശം, സാങ്കേതികം