പത്താം ക്ലാസ്സ് പരീക്ഷ റദ്ദ് ചെയ്തു – പന്ത്രണ്ടാം ക്ലാസ്സ് പരീക്ഷ മാറ്റി വെച്ചു 

April 14th, 2021

central-board-of-secondary-education-cbse-logo-ePathram
ന്യൂഡൽഹി : രാജ്യത്ത് കൊവിഡ് വൈറസ് വ്യാപനം അധികരിച്ചതിനാല്‍ സി. ബി. എസ്. ഇ. പത്താം ക്ലാസ്സ് പരീക്ഷ റദ്ദ് ചെയ്യുകയും പന്ത്രണ്ടാം ക്ലാസ്സ് പരീക്ഷ മാറ്റി വെക്കുകയും ചെയ്തു. 10, 12 ക്ലാസ്സു കളിലെ സി. ബി. എസ്. ഇ. ബോർഡ് പരീക്ഷ മേയ് 4 മുതൽ നടത്തു വാനാണ് തീരുമാനിച്ചിരുന്നത്.

പത്താം ക്ലാസ്സ് വിദ്യാര്‍ത്ഥികള്‍ക്ക് ഇതുവരെയുള്ള പഠന – പ്രകടന മികവിന്റെ അടിസ്ഥാന ത്തില്‍ മാർക്കു നൽകും.  ഇത് തൃപ്തികരമല്ല എങ്കില്‍ പിന്നീട് പരീക്ഷ എഴുതാം. കഴിഞ്ഞ വർഷവും സി. ബി. എസ്. ഇ. പത്താം ക്ലാസ്സുകാര്‍ക്ക്  ഇതേ രീതിയാണ് അവലംബിച്ചത്.

ജൂൺ ഒന്നു വരെയുള്ള കൊവിഡ് സാഹചര്യം വിലയിരുത്തി പന്ത്രണ്ടാം ക്ലാസ്സ് പരീക്ഷയുടെ കാര്യത്തില്‍ തീരുമാനം എടുക്കുകയുള്ളൂ.

- pma

വായിക്കുക: , , , , , , , ,

അഭിപ്രായം എഴുതുക »

മുതിര്‍ന്ന പൗരന്മാര്‍ക്കുള്ള കൊവിഡ് വാക്‌സിന്‍ വിതരണം ആരംഭിച്ചു

March 1st, 2021

covid-19-vaccine-available-india-on-july-2021-to-cover-25-crore-people-ePathram
ന്യൂഡല്‍ഹി : രാജ്യത്തെ മുതിര്‍ന്ന പൗരന്മാര്‍ ക്കുള്ള കൊവിഡ് വാക്‌സിന്‍ വിതരണം ആരംഭിച്ചു. ഡല്‍ഹി എയിംസില്‍ നിന്നും തിങ്കളാഴ്ച രാവിലെ പ്രധാന മന്ത്രി നരേന്ദ്ര മോഡി കൊവിഡ് വാക്‌സിന്‍ സ്വീകരിച്ചു. രണ്ടാം ഘട്ട കൊവിഡ് വാക്‌സിന്‍ കുത്തി വെപ്പ് തുടങ്ങി യതിന്റെ ഭാഗ മായിട്ടാണ് പ്രധാന മന്ത്രി വാക്‌സിന്‍ സ്വീകരിച്ചത്.

60 വയസ്സു കഴിഞ്ഞവര്‍ക്കും 45 നും 60 നും ഇടയില്‍ പ്രായമുള്ള രോഗ ബാധി തര്‍ക്കും ഇന്നു (മാര്‍ച്ച് ഒന്ന് – തിങ്കള്‍) മുതല്‍ വാക്‌സിന്‍ കൊടുക്കുന്നു. (45 വയസ്സു മുതല്‍ 59 വയസ്സു വരെ യുള്ളവര്‍ ഡോക്ടര്‍ സാക്ഷ്യ പ്പെടുത്തിയ സര്‍ട്ടിഫിക്കറ്റ് ഹാജരാക്കണം).

സര്‍ക്കാര്‍ ആശുപത്രികളില്‍ നിന്നും തെരഞ്ഞെടുത്ത സ്വകാര്യ ആശുപത്രി കളില്‍ നിന്നും കുത്തി വെപ്പ് എടുക്കാം. സര്‍ക്കാര്‍ ആശുപത്രികളില്‍ വാക്‌സിനേഷന്‍ സൗജന്യം ആയിരിക്കും.

കോ – വിന്‍ പോര്‍ട്ടല്‍ വഴിയും ആരോഗ്യ സേതു ആപ്പ് വഴിയും രജിസ്റ്റര്‍ ചെയ്യാം. വ്യക്തി യുടെ ഫോട്ടോ, തിരിച്ച റിയല്‍ കാര്‍ഡിലെ വിവര ങ്ങള്‍, മൊബൈല്‍ ഫോണ്‍ നമ്പര്‍ എന്നിവ രജിസ്ട്രേഷന്‍ സമയത്ത് നല്‍കണം. മൊബൈല്‍ നമ്പറില്‍ സ്ഥിരീകരണ എസ്. എം. എസ്. ലഭിക്കും.

ആദ്യ ഡോസ് ബുക്ക് ചെയ്യുമ്പോള്‍ ത്തന്നെ രണ്ടാം ഡോസി നുള്ള തീയ്യതിയും നമുക്ക് കിട്ടും. വാക്സിന്‍ എടുക്കാന്‍ എത്തുമ്പോള്‍ ആധാര്‍ കാര്‍ഡ്, അല്ലെങ്കില്‍ മറ്റ് അംഗീകൃത (ഫോട്ടോ പതിപ്പിച്ച) തിരിച്ചറിയല്‍ കാര്‍ഡ് കരുതണം.

- pma

വായിക്കുക: , , , , , ,

അഭിപ്രായം എഴുതുക »

കൊവിഡ് വാക്‌സിൻ : ഇന്ത്യയിലെ അടിയന്തര ഉപയോഗ ത്തിനുള്ള അപേക്ഷ ഫൈസര്‍ പിന്‍വലിച്ചു

February 5th, 2021

pfizer-covid-vaccine-in-india-storage-at-70-degrees-ePathram
ന്യൂഡല്‍ഹി : ഇന്ത്യയില്‍ കൊവിഡ് വാക്‌സിന്റെ അടിയന്തര ഉപയോഗ ത്തിന് അനുമതി തേടി ഫൈസര്‍ സമര്‍പ്പിച്ച അപേക്ഷ പിന്‍വലിച്ചു. ഡ്രഗ്സ് റഗുലേറ്ററു മായി നടത്തിയ കൂടിക്കാഴ്ചക്ക് ശേഷമാണ് അപേക്ഷ പിന്‍വലിക്കാൻ ഫൈസർ കമ്പനി തീരുമാനിച്ചത്.

കഴിഞ്ഞ വര്‍ഷം (2020) ഡിസംബറിൽ വാക്‌സിന്റെ ഉപയോഗത്തി നായി ഫൈസര്‍ അനുമതി തേടിയത്. ഡ്രഗ്‌സ് കണ്‍ട്രോളര്‍ ജനറല്‍ ഓഫ് ഇന്ത്യക്കു  ആദ്യം അപേക്ഷ നല്‍കിയ കമ്പനി ഫൈസർ ആയിരുന്നു.

ഇതിനു ശേഷം ഇന്ത്യയില്‍ അനുമതി തേടിയ കൊ വാക്‌സിന്‍, കൊവി ഷീല്‍ഡ് എന്നീ രണ്ട് കൊവിഡ് വാക്‌സിനുകള്‍ക്ക് ഇന്ത്യ അംഗീകാരം നല്‍കുകയും ചെയ്തിരുന്നു. മരുന്നിന്റ സുരക്ഷയെ ക്കുറിച്ച് അറിയുവാന്‍ പ്രാദേശിക തലത്തില്‍ വാക്‌സിന്‍ പരീക്ഷണം നടത്താതെ അടിയന്തര ഉപയോഗത്തിന് അനുമതി നല്‍കണം എന്നുള്ള  ഫൈസറിന്റെ അപേക്ഷ സെന്‍ട്രല്‍ ഡ്രഗ്‌സ് സ്റ്റാന്റേര്‍ഡ് കോണ്‍ ട്രോള്‍ ഓര്‍ഗൈനേഷന്‍ നിരസിച്ചു എന്നു റിപ്പോര്‍ട്ടുകള്‍ ഉണ്ട്.

- pma

വായിക്കുക: , , , , ,

അഭിപ്രായം എഴുതുക »

കൊവിഡ് പ്രതിരോധ കുത്തി വെപ്പ് തുടക്കമായി

January 16th, 2021

logo-ministry-of-health-government-of-india-ePathram
ന്യൂഡൽഹി : ഇന്ത്യയില്‍ കൊവിഡ് വാക്സിന്‍ കുത്തി വെപ്പ് തുടങ്ങി. ആദ്യ ദിനമായ ശനിയാഴ്ച 191,181 പേര്‍ കൊവിഡ് വാക്സിന്‍ സ്വീകരിച്ചു എന്ന് കേന്ദ്ര ആരോഗ്യ മന്ത്രാലയം അറിയിച്ചു. രജിസ്റ്റർ ചെയ്ത ആരോഗ്യ പ്രവർത്തകർക്കു കുത്തി വെക്കുന്നത് കൊവിഷീല്‍ഡ് വാക്‌സിന്‍.

ഡല്‍ഹി എയിംസിലെ ശുചിത്വ തൊഴിലാളിയായ മനീഷ് കുമാർ ആദ്യ വാക്‌സിൻ സ്വീകരിച്ചു. കേരളത്തിൽ 7, 206 പേര്‍ ആദ്യ ദിനം വാക്സിന്‍ എടുത്തു. ഏറ്റവും കൂടുതൽ പേര്‍ വാക്സിന്‍ എടുത്ത സംസ്ഥാനം ആന്ധ്രാ പ്രദേശ്.

കേരളത്തിൽ 133 കേന്ദ്രങ്ങളിലാണ് വാക്‌സിനേഷന്‍. എറണാകുളം ജില്ലയില്‍ 12 കേന്ദ്രങ്ങളും തിരുവനന്ത പുരം, കോഴിക്കോട് ജില്ലകളില്‍ 11 കേന്ദ്രങ്ങള്‍ വീതവും മറ്റു ജില്ലകളില്‍ ഒമ്പതു കേന്ദ്രങ്ങള്‍ വീതവുമാണ് ഒരുക്കി യിരിക്കുന്നത്. കേരളത്തിലും രജിസ്റ്റർ ചെയ്ത ആരോഗ്യ പ്രവർത്തകർക്കു മാത്രമാണ് ആദ്യ ഘട്ടത്തില്‍ കൊവിഡ് പ്രതിരോധ കുത്തി വെപ്പ് നല്‍കുന്നത്.

- pma

വായിക്കുക: , , , , ,

അഭിപ്രായം എഴുതുക »

കൊവിഡ് വാക്സിനുകള്‍ ജനുവരി 16 മുതല്‍

January 13th, 2021

covid-19-vaccine-available-india-on-july-2021-to-cover-25-crore-people-ePathram
ന്യൂഡല്‍ഹി : അടിയന്തര ഉപയോഗത്തിനായി കേന്ദ്ര സര്‍ക്കാര്‍ അനുമതി നല്‍കിയ കൊവിഡ് വാക്സിനുകള്‍ വിതരണത്തിനായി സംസ്ഥാനങ്ങളിലേക്ക് അയച്ചു തുടങ്ങി. ജനുവരി 16 മുതല്‍ കൊവിഡ് വാക്സിന്‍ നല്‍കി തുടങ്ങും. 28 ദിവസത്തെ ഇടവേള കളി ലായി വാക്‌സി ന്റെ 2 ഡോസു കള്‍ നല്‍കും. 14 ദിവസത്തിന് ശേഷം മാത്രമെ വാക്‌സി ന്റെ ഫലപ്രാപ്തി അറിയാന്‍ സാധിക്കൂ.

ഭാരത് ബയോടെക്കിന്റെ കൊവാക്‌സിന്‍, ഓക്സ് ഫോഡ് യൂണി വേഴ്സിറ്റി യുടെ കൊവി ഷീല്‍ഡ് എന്നീ രണ്ട് വാക്‌സിനുകളില്‍ നിന്ന് ഏത് എടുക്കണം എന്ന് സ്വീകര്‍ത്താവിന്ന് തല്‍ക്കാലം തീരുമാനിക്കുവാന്‍ കഴിയില്ല എന്നും കേന്ദ്ര ആരോഗ്യ വകുപ്പ് അധികൃതര്‍ വ്യക്തമാക്കി.

- pma

വായിക്കുക: , , , , , , , ,

അഭിപ്രായം എഴുതുക »

3 of 1323410»|

« Previous Page« Previous « കൊവിഡ് വാക്സിന്‍ : ഡ്രൈ – റണ്‍ തുടക്കമായി
Next »Next Page » കൊവിഡ് പ്രതിരോധ കുത്തി വെപ്പ് തുടക്കമായി »



  • ദുരിതാശ്വാസ നിധി യിലേക്ക് ഒരു കോടി രൂപ നല്‍കും : എം. കെ. സ്റ്റാലിന്‍
  • എയർ ഇന്ത്യ18,000 കോടി രൂപക്ക് ടാറ്റ സ്വന്തമാക്കി
  • കൊവിഡ് : വ്യാജ പ്രചാരണങ്ങളില്‍ ഇന്ത്യ മുന്നില്‍
  • അന്യ പുരുഷനോട് കൂടെ കഴിയുന്നത് നിയമ വിരുദ്ധം : ഹൈക്കോടതി
  • എ. ടി. എം. കാലി ആയാല്‍ ബാങ്കിന് പിഴ : റിസര്‍വ്വ് ബാങ്ക്
  • പ്ലാസ്റ്റിക് നിർമ്മിത ദേശീയ പതാക വേണ്ട : കേന്ദ്ര സര്‍ക്കാര്‍
  • കൊവിഡ് വാക്സിൻ മിക്സ് ചെയ്തത് മികച്ച ഫലം നൽകുന്നു : ഐ. സി. എം. ആര്‍
  • രജനി മക്കള്‍ മന്‍ട്രം പിരിച്ചു വിട്ടു : രജനി കാന്ത് രാഷ്ട്രീയ ത്തിലേക്ക് ഇല്ല
  • എം. ബി. ബി. എസ്. വിദ്യാര്‍ത്ഥികള്‍ ആയുഷ് ചികിത്സാ രീതി യില്‍ പരിശീലനം നേടണം
  • കേന്ദ്ര മന്ത്രി സഭ പുനഃ സംഘടിപ്പിച്ചു
  • കൊവിഡ് മരണം : കുടുംബ ത്തിന് ധന സഹായം നല്‍കണം
  • കോവോ വാക്സിന്‍ കുട്ടികളിലെ പരീക്ഷണം ജൂലായില്‍ : സിറം ഇന്‍സ്റ്റിറ്റ്യൂട്ട്  
  • കടൽക്കൊല : സുപ്രീം കോടതി കേസ് അവസാനിപ്പിച്ചു
  • വാക്സിന്‍ വീടുകളിലേക്ക് : കേരളം മാതൃക എന്ന് മുംബൈ ഹൈക്കോടതി
  • കൊവിഡ് വാക്സിന്‍ ഇനി മുതല്‍ സൗജന്യം  
  • മലയാളത്തിന് വിലക്ക് : പ്രതിഷേധം ഇരമ്പുന്നു
  • കൊവിഡ് B.1.617 വക ഭേദത്തെ പ്രതിരോധിക്കും – കുട്ടികളിലും ഉപയോഗിക്കാം : ഫൈസർ
  • കൊവിഡ് ‘ഇന്ത്യൻ വക ഭേദം’ എന്ന പ്രയോഗത്തിനു വിലക്ക്
  • സി. ബി. എസ്. ഇ. പത്താം ക്ലാസ്സ് പരീക്ഷ : മാര്‍ക്ക് നല്‍കുവാന്‍ മാര്‍ഗ്ഗരേഖ  
  • കേന്ദ്ര സർക്കാരിനെ വിമര്‍ശിക്കുന്ന ട്വീറ്റുകള്‍ നീക്കം ചെയ്യണം : ട്വിറ്ററിന് നോട്ടീസ്



  • പൗരത്വം ഇല്ലാതെ ആക്കുവാന്...
    ശിവാംഗി.. നാവികസേനയുടെ ആദ...
    എയര്‍ ഇന്ത്യയും ഭാരത് പെട...
    വായു മലിനീകരണം : ഡൽഹിയിൽ ...
    സ്വവര്‍ഗ്ഗ രതിയെ നിയമ വിധ...
    മോഡിയ്ക്കെതിരെ അമിക്കസ് ക...
    ചിദംബരം പ്രതിയായില്ല...
    ഐ.എസ്.ആര്‍.ഒ മുന്‍ ചെയര്‍...
    മായാവതിയുടെ പ്രതിമകള്‍ മൂ...
    മിസ്ഡ്‌ കോളുകളുടെ ഇന്ത്യ...
    സോഷ്യല്‍ നെറ്റുവര്‍ക്ക് ...
    ക്രിക്കറ്റ് സ്‌റ്റേഡിയം ക...
    മായാവതി ഉത്തര്‍പ്രദേശ്‌ വ...
    ന്യൂമോണിയ : ശിശു മരണങ്ങള്...
    ഡോ. ഭൂപെന്‍ ഹസാരിക അന്തരി...
    162 എം.പിമാര്‍ ക്രിമിനല്‍...
    ഇറോം ശര്‍മിളയുടെ നിരാഹാരം...
    ഭക്ഷ്യവില കുതിക്കുന്നു, ജ...
    പോഷകാഹാരക്കുറവ് മൂലം വന്‍...
    ടീം അണ്ണ ഒറ്റക്കെട്ട് : ‘...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine