ന്യൂഡല്ഹി : ഉള്ളി പൂഴ്ത്തി വെച്ച വ്യാപാരികള്ക്കും കരിഞ്ചന്തക്കാര്ക്കും എതിരെ ആദായ നികുതി വകുപ്പ് പരിശോധന നടത്തി പിടി കൂടാന് ആരംഭിച്ചതോടെ രാജ്യത്ത് ഉള്ളി വിലയില് കുറവ് അനുഭവപ്പെട്ടു. അഞ്ചു രൂപ മുതല് പത്തു രൂപ വരെ കിലോയ്ക്ക് വില കുറഞ്ഞു കിലോ വില അറുപത് രൂപ വരെയായി. കഴിഞ്ഞ ദിവസം പാക്കിസ്ഥാന് ഇന്ത്യയിലേക്കുള്ള ഉള്ളി കയറ്റുമതി തടഞ്ഞതോടെ ഉള്ളിയുടെ വില വീണ്ടും ഉയരുമെന്ന ആശങ്ക ഇതോടെ നിയന്ത്രണ വിധേയമായതായി കണക്കാക്കപ്പെടുന്നു.
മഹാരാഷ്ട്രയിലും കര്ണ്ണാടകയിലും കാലം തെറ്റി പെയ്ത മഴ മൂലം ഉണ്ടായ വന് കൃഷി നാശത്തെ തുടര്ന്ന് കഴിഞ്ഞ മാസം രാജ്യത്ത് ഉള്ളി വില 85 രൂപ വരെ ഉയര്ന്നിരുന്നു.